X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين149الاعجاب
إضافة رد
 
LinkBack أدوات الموضوع انواع عرض الموضوع
قديم 11-08-2018, 05:01 PM   #11

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,441



أوسـمـة: ابو عبدالله

كل الاوسمة:1 (more»)
افتراضي



بانتظارك وانتظار النمسا يابو عبدالله
صحيح الكل يقول هالسنه الصيف باوربا حار وجاف
الله المستعان
بنشوف جو النمسا اشلونه بعيونكم
حياك الله ام حسين ... اي والله السنه هذي مره الجو حررر ..بس كنه الان بدا يتحسن عن اول ..


منتظرينك اخوي
يعني اكنسل التخطيط لاوربا العام المقبل او استمر بالتخطيط



أرسلت بواسطة iPhone بإستخدام Tapatalk
هلا ابو حسن ... لا وش تكنسل .. خلك على تخطيطك ..بس على وين ناوي ؟


فعلا كلامك صحيح المناخ تغير وأوروبا صارت حاره جدا بالصيف
في الفترة الأخيرة الناس غيرت وجهتها بالصيف الى استراليا وجنوب افريقيا للاستمتاع بالاجواء الباردة
حياك الله .. فعلا كلامك صحيح بس يبدوا ان مشكلة الجو عامة لان سمعت ان جنوب افريقيا عندهم نفس المشكلة ومشكلة بالمياه بعد !


الصيف هايا السنة نار وخاصتا بالنمسا وصلت درجة
الحرارة الى 38
هلا احمد .. النمسا افضل من كثير اماكن مثل ايطاليا وبريطانيا وتظل حلوه حتى بدرجة الحراره هذي لان من حظهم ان المطر كل يوم ينزل عندهم تقريبا ..شكرا لك وخلك معنا


ناطرينك وبنتمشى في النمسا معاكم
هلا حياك الله ... يالله شوي وانزل اول جزء ...شكرا لك


هلا اخوي ابو عبدالله

الله يعطيك العافيه

حبيت أسال اخوي وش افضل شركة اتصالات بالنمسا خاصة من ناحية النت وكم اسعارها تقريبا

وهل تنصح اخذ مع السياره قارمن ولا خرايط قوقل افضل عن طريق الجوال ؟

مشكور
هلا حياك الله .. الجوال اعتذر مااقدر افتيك .. لان معي شريحه فودافون وفيها تجوال فما احتجت اشوف شريحه .. بس بالنسبة للقارمن والا الجوال اكيد الجوال وخرايط قوقل افضل واسهل ..لانك جوالك متعود عليه وتكون مخزن فيه الاماكن اللي انت تبي ..بس سوا حفظ للخريطة اوف لاين . القارمن بيزعجك وخصوصا لو ماتعرف له او نظامه غير اللي انت متعود عليه بيكون مره مزعج لك .. وعموما كثير من موديلات السيارات الان يجي معها قارمن في السيارة ..بالنسبة لي انا مااطلبه ويجي هو راكب اصلا في السيارة ومايقدرون يلغونه لك ..


بداية مشوقة يابو عبدالله
و اسلوب جميل لبداية تقرير نمساوي جديد
اعجبني العنوان



متابعين يا عسل
هلا ابو غسان ..العين ماتعلا على الحاجب ..انت عمدة كتابة التقارير السياحية ..اتمنى ينال شي من استحسانك ..منور ابوغسان



قل أي شيء علي بالك يخطر
ستظل اوربا هي اوربا بجمالها وحسن جوها
فجلودنا تعودت على لهيب الشموس

هلا بابن قوت ..حياك الله ...اي والله انك صادق تعودت وتلونت بعد ... شكرا لحضورك

 

توبليرون و الايمان معجبون بهذا.
ابو عبدالله غير متواجد حالياً   رد مع اقتباس
قديم 11-08-2018, 05:02 PM   #12

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,441



أوسـمـة: ابو عبدالله

كل الاوسمة:1 (more»)
افتراضي


السلام عليكم من جديد واعتذر عن التاخر بس حوسة الوقت ورفع الصور الخ ...
كان ترتيب الرحله قبل اربع شهور تقريبا ...وهو بعد رحلتي الى المانيا في الشتاء الماضي وكتبت عن الرحله هذي تقرير على الرابط هذا ....
https://www.arabtrvl.com/vb/t32578.html
طبعا جمال الاماكن بالشتاء خلاني افكر باعادة المكان بالصيف مع بعض التعديلات لاني مااحب اكرر نفس المكان ... وبنفس الوقت استفيد اماكن جديده ... لانهم يقولون اذا نزل ثلج كثير بالشتاء فالصيف يكون جميل مررره واكثر خضرة ..
بعد تحديد الاجازة والوجهة وهي،جنوب المانيا والنمسا وشمال ايطاليا و بعد لفة سريعه ( اسبوع يمكن) على مواقع الطيران لقيت ان مطار سالزبورج في النمسا خيار مناسب جدا ،،،طبعا اختيار المطار يكون معه ايجار سياره ان كانت السفره تحتاج وبالتالي لازم نجيب المسطره والفرجار والمساحة والبرايه ونكتب ونمسح ونقرب من الحجز ونهون ... وكل ادوات الهندسه تشارك في رسم الخطه وباخر الليل اقفل الصفحات بدون حفظ شي واروح انام !!!ومن بكره ابدا من جديد!!
بعد فتره حطيت ريشة على صفحة مطار سالزبورج ،عيني،عليه ،لاقي رحلة رخيصه،بس السيارة غالية! وغالبا مااستعجل بالحجز حتى لوكان رخيص الين اتأكد انه مناسب لي ... المهم فتحت قوقل ماب وجلست اشوف،مطار سالزبورج واقول وش اسوي الحين ،مابي سيارة صغيرة ،ابي شي مريح لان السيارة الصغيرة مره متعبه وتتعب المسافرين وتهد الحيل لو فيه،مشوار ...شفت قرية المانية قريبة من سالزبورج اسمهافرايلسين Freilaasing وفيها مكتب لسيكست ..بعد ماشيكت على السيارة اللي،ابي وهي،اودي A4 لقيت الفرق تقريبا اكثر من 1200 ريال ... المكتب يبعد عن المطار :
- ساعه مشي
-خمسين دقيقه مواصلات عامة ( تكلف بالحجز اون لاين اعتقد 20 يورور ذهاب وعوده )
- من عشر الى خمسطعش دقيقه بالتاكسي ( كلفني ذهاب وعوده 67) يورو. اقل من 300 ريال ..
خلصت حجز الطيران + موقف للسيارة بمطار ستانستد + حجز السيارة واخترت الدفع الان لانه كان ارخص بمبلغ حلو بعد بالاضافة الى انه قابل للالغاء حتى يوم قبل الوصول .

بما انه الخطه كانت زيارة النمسا وقارمش وجزء من شمال ايطاليا ومايمنع من اضافة بعض المشاوير البعيده لان النهار طويل والمخطط توقف اكثر من مرة بالمشوار الواحد .. فححدت على الخريطة دائرة البحث للسكن ولقيت سكن مناسب من ناحية الموقع والسعر والتقييم وكان بقرية نمساوية هاينزبرغ Hainzenberg بيجي الكلام عليها ان شاء الله .
الان كل شي جاهز الحمد لله وباقي ننتظر وقت السفر بعد كم شهر ..... الفترة هذي كانت مزحومه شوي لنا بالاضافة الى انها شهدت موجة حر جدا قوية لدرجة انه الامطار انقطعت في اجزاء من بريطانيا لمدة تجاوزت الشهرين ..( وجعلنا من الماء كل شيء حي ) سبحان الله توقف المطر وتغير كل شي ..الحدائق يبست .. الجو اصبح جدا حار ولايطاق وخلاص ماعاد فيه طلعه من البيت الا لمشوار مهم .. وقبل السفر بيومين تقريبا بدا الجو يتحسن ونزل شوي مطر الحمد لله ... وفي يوم الرحله توجهنا للمطار بدري مره ...تقريبا الساعه 4 الفجر ( المره الماضيه يوم المانيا يالله لحقنا ع الرحله ) ووقفنا سيارتنا بمواقف المطار وكانت بعيده شوي عن المطار لانها فئات وكل ماكان اقرب كان اغلى ..انا اخترت الارخص وكان تقريبا بـ 41 جنيه استرليني (200 ريال تقريبا) للفترة من 1-8 اغسطس والسعر شامل التوصيل من المواقف لصالة المطار والعكس ..وقفت السياره وكانت عند موقف الباص رقم 22



وماطول الباص ووصل ( يمر كل ربع ساعه ) وكان فاضي وماوصلنا المطار الا وهو زحمه من كثر الناس فيه



انتظرنا تقريبا ساعه في المطار اواكثر الى وقت فتح كاونترات تسجيل الدخول وكان المطار مليان بكل معنى الكلمه خصوصا انه كان فيه رحلات تأخر اقلاعها ... وفي هذا الوقت صلينا الفجر في غرفة الصلاة ( المطار فيه غرفتين صلاة وحده قبل تجاوز بوابات الامن والثانيه بعد السوق الحرة وفيها مكان للوضوء ) سجلنا دخول وشيكوا على فيزا الشنقن حقتنا ودخلنا مع البوابات وتعدينا التفتيش ووصلنا للسوق الحرة ... وقلنا نفطر بما ان فيه فرصه .. واخترنا بريت

وما كان فيه اماكن جلوس فجلسنا ع الارض



بعد الفطور اخذنا جولة في المكان







الى وقت تحديد البوابة والتوجه لصعود الطائرة



صعدنا الطائرة في الوقت المحدد وكانت رحلتنا على طيران رايان اير https://www.ryanair.com





وصلنا الحمد لله وكانت مدة الرحله ساعة ونصف تقريبا



ويبدوا انهم ينظمون زيارات للاطفال


المطار كان فاضي تقريبا وماكان وقتها الا رحلتنا واصلة ..فما طولنا في الجوازات وماسالونا عن حجز السكن ولا العودة ..
طلعنا من المطار على مواقف الباص وماكان فيه باص ..
اخذنا تاكسي من قدام المطار ووصلنا في ربع ساعه تقريبا لان الطريق الاسرع كان مقفل صيانه وكلفنا 37يورو... وكانت وجهتنا لمكتب شركة سيكست
https://www.google.com.sa/maps/place...41!4d12.971799

دخلنا المكتب وكانت سيارتنا جاهزة قدام الباب ... وقعنا عقدنا واستلمت السياره وكانت تكلفتها للفتره من 1-8 اغسطس 409.41 يورو شامل التأمين الشامل بنسبة تحمل (صفر) وسوو بلوك على مبلغ 500 يورو ( رجع المبلغ بعد اعادة السيارة باقل من 24 ساعه ) ... انا بعد الحجز ارسلت لهم ايميل كم المبلغ اللي بيحجزون عليه وردوا علي ثاني يوم بانه راح يتم حجز مبلغ 500 يورو .... طلعنا بالسياره وكان جنبهم محل (الدي) فدخلنا وقضينا بعض الاشياء ..سناكات ومويه وخلافه ...والمحل هذا منتشر باروربا وهو رخيص وممتاز جدا وممكن تاخذون منه وجبات جاهزة للعشاء مثلا ( احنا مانحب نجلس بعد المغرب برا فكان خيار مناسب ولذيذ بالنسبة لنا )


درجة الحرارة كانت 33 وشمس قويه ..الشي هذا خلانا نعيد ترتيب حسابات الرحله من جديد ... واول شي كنسلناه جولة سالزبورغ ..واتكنسل اماكن ثانيه ... يهمني اكون مرتاح على ان الشمس،تصقعني وانا اتمشى ... السنه هذي احس المدن لاتطاق ابدا على الاقل بالنسبة لي ... خصوصا ان الشمس والحر تستهلك الطاقة وتجيب الخمول والملل ... مكان شقتنا جنوب انسبروك في (وادي زيلرتال) قرية تطل على زيل ام زيلر اسمها هاينزبرغ ... كانت ثلاث غرف و دورتين مياه وصالة بمطبخ جانبي وبلكونه للصالة ووحدة من الغرف بمبلغ 725 يورو (3148 ريال ) لكل الفترة ... ماكانوا يقبلون البطاقة ولازم كاش ويلزمك تحول 125يورو بعد الحجز مباشرة لحساب صاحبة الشقة ..الشقة موقعها وصورها وتقييمها كان حلو
https://www.booking.com/hotel/at/lan...d009edb0db2f73

... وكنا معطين خبر لصاحبة الشقة ان وصولنا بيكون بين خمس وست مساء ..لان بنمر على اماكن بطريقنا ..
بعد الغاء سالزبورغ قررنا نمر المطعم البانورامي القريب من بيرتساو...حطيت الموقع بقوقل ماب وتوكلنا على الله

https://www.google.com.sa/maps/place...4!4d11.7884588



















































وقفنا بالمواقف القريبة من المطعم ولقينا الممشى هذا فقلنا نلقي نظرة



المشي حلو ... بس الجو حررر مره









رجعنا مع طريقنا للمطعم

















المطعم كبير وفيه جلسات داخليه وخارجيه



















الاسعار عاديه بس نسيت الان كم كانت ... طلعنا منه للكوخ المقلوب اللي كان ايضا قريب وعلى الطريق







متاجر سبار موجوده بكل اوروبا بس تعتبر غاليه مقارنة ب الدي او ليدل










وصلنا للبيت المقلوب
https://www.google.com.sa/maps/place...7!4d11.6740901

الجو كان مره حر وشمس ساطعه بس قلنا بندخله ...
التذكره اعتبرها غاليه نوعا ما 2 كبار و2 صغار بـ 48 يورو وتقدر تدخل بها للبيت وحديقة فراشات وطيور قريبه منها (يفصل بينهم شارع ) ومتوفر مواقف كثيرة للسيارات سواء عند البيت او فوق عند الحديقة ..







يذكرني فيلم BFG






انا في الحقيقه ماتستهويني الاماكن هذي .. وكنت اتجاهلها في اماكن ثانيه بس قلنا نجرب ونشوف ... الحقيقه اللي ماكنت اعرفها .. وماسبق قريت عنها هي ان احساسك داخل المكان يتغير كليا وتحس انك مقلوب ومستحيل اذا زرتوه تمشون باستقامه مثل مشيكم بالشارع او ببيوتكم ..بتشوفون الناس يمشون على جنب ... يمكن يجيكم شوي غثيان .. الوضوع ماراح يكون طبيعي ابدا وموب سيء ايضا .. في نظري التجربة تستحق ...









































طلعنا منها للحديقة وبعض الناس كانت تروح للحديقة بالسيارة من شدة الحر





يبيعون اكل للببغاوات اعتقد بواحد يورو وقالوا لنا اننا ما نحاول نجذب انتباه الببغاء الاحمر ولا نحاول نعطيه اي اكل لخطورته اللي ممكن توصل انه ممكن يقطع الاصبع ! وورونا مفتاح يقولون هو قاصه بمنقاره ! بس البقية عادي





شكله جالده الاحمر






مراحل نمو الفراشة















المكان لاباس به بس الجو كان استوائي والجو اللي داخلين منه حار فما طولنا هنا وطلعنا ..

البيت المقلوب من عند الحديقة



سبحان الله العظيم الفرق كبير قبل الدخول مع هذا النفق والخروج منه .. نفق وادي زيلرتال وبيجي له صور كثيرة ان شاء الله















اللي داخل المربع الاخضر مواقع سياحية





بداية الصعود للشقة





الطريق متعرج لانه في منتصف الجبل يمكن بس ماكان يشكل اي ازعاج



وصلنا للشقة اللي حطيت رابطها من بوكينق فوق وسعرها



استقبلتنا صاحبة الشقة وكانت جدا بشوشة .. انجليزيتها ركيكه شوي بس سهل التفاهم معها جدا















هذي الصالة





التفلزيون فيه قناة وحده اعتقد .. بس من يدور تلفزيون مع البلكونه اللي فيه ..وقنواتهم ماتنفهم بعد



المطبخ جانبي وفيه ثلاجه وغسالة صحون بس مافيه غسالة ملابس ..
الموية من الحنفيه لاتفوتكم يا جماعه ... حتى الانهار من الجبال شربنا منها شي ماسبق مر علي ..



مدخل الشقة









تقييمي للشقة 10/8 بس لو فيها غسالة ملابس . والنت ماكان يشبك دايم معنا بس اللي مو مهم له النت والغساله فهي 10/10 واحنا كان معنا نت مفتوح فما كان مسوي مشكلة ولا حتى الغسالة.
صاحبة الشقة جايبها زبالة اكرمكم الله في البلكونة وهي تجمعها كل ما امتلت وفي زبالة مستقله صغيره لباقي الاكل تجمعه بعد .. الحقيقه هي مهتمه مره بالمكان وبالناس وساكنه بنفس المكان لانه بيت كبير تسكن في جزء منه والباقي شقق تأجرها .

انتهى الجزء هذا والقاكم بالجزء القادم ...

 

ابو عبدالله غير متواجد حالياً   رد مع اقتباس
قديم 11-08-2018, 06:15 PM   #13

مشرف العرب المسافرون

الصورة الرمزية AL Tunaiji
 
تاريخ التسجيل :  Jul 2016
رقم العضوية : 10646
الدولة : الإمارات العربية المتحدة
الجنس : ذكر
المشاركات : 1,158



افتراضي


الحال واحد أبو عبدالله ، نفس الشي برنامجنا السنة لألمانيا

حر وشمس وتعديل للرنامج غير متوقع

الرحلة بشكل عام كانت للأطفال وبسبب الحر ما طبقنا البرنامج كامل

أوروبا أصبحت تقريبا أحر عن آسيا ، يمكن آسيا جوها يغيم بعض الأوقات في اليوم ويخفف عليك سطعة الشمس ، أما أوروبا كم يوم بدوم غيم

وبدون غيم وشوية أمطار خفيفة ما كأنك مسافر لأوروبا

طلعت من الجنوب للشمال وفي إعتقادي سيتحسن الجو في الشمال ولكن كان أسوأ

حسب علمي بعض المناطق المرتفعة في سويسرا كانت باردة ، أما المناطق المنخفضة وأوروبا بشكل عام حارة السنة

 

AL Tunaiji غير متواجد حالياً   رد مع اقتباس
قديم 11-08-2018, 10:29 PM   #14

مشرف سابق

 
 
تاريخ التسجيل :  Oct 2016
رقم العضوية : 12650
الدولة : السعودية/ مكة
الجنس : ذكر
المشاركات : 1,675



أوسـمـة: ابو حسن 9

كل الاوسمة:1 (more»)
افتراضي


ماشاء الله الشقة من الصور ممتازة ونظيفة

لسه نحن في مرحلة تجميع المعلومات ولازم من الحين نبدا التخطيط بس باذن الله المانيا والنمسا او المانيا وهولندا وممكن الاكتفاء بالمانيا وقراها




أرسلت بواسطة iPhone بإستخدام Tapatalk

 

ابو عبدالله و توبليرون معجبون بهذا.
ابو حسن 9 غير متواجد حالياً   رد مع اقتباس
قديم 11-08-2018, 11:57 PM   #15

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


حلووو استغليتو الوقت بزيارة البيت المقلوب والحديقه
وبعدها رحتو للشقه الجميله ماشاءالله اختيار موفق
الجوو الكل يعاني بس الحين لندن الجو تحسن مطر وغيوم
علشان جذيه انا دايما اسافر في شهر اغسطس الجو يبدا يحلى ويبرد
متابعين معاك الجمال النمساوي

 

ابو عبدالله و الايمان معجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 12-08-2018, 02:13 PM   #16

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي


الله والله الجو مخرب على اغلب المسافرين هالسنه من الحر
اشوه بعد ما كنسلتوا البيت المقلوب
هذا من الصور الواحد يدوخ ماالوم اللي يدخله ههههه

اول مره اسمع في هالطيران بوعبدالله شلونه ؟

ماشاءالله الشقه ممتازه بصراحه حلوه

 

ابو عبدالله و توبليرون معجبون بهذا.

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 13-08-2018, 03:07 PM   #17

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,441



أوسـمـة: ابو عبدالله

كل الاوسمة:1 (more»)
افتراضي



الحال واحد أبو عبدالله ، نفس الشي برنامجنا السنة لألمانيا

حر وشمس وتعديل للرنامج غير متوقع

الرحلة بشكل عام كانت للأطفال وبسبب الحر ما طبقنا البرنامج كامل

أوروبا أصبحت تقريبا أحر عن آسيا ، يمكن آسيا جوها يغيم بعض الأوقات في اليوم ويخفف عليك سطعة الشمس ، أما أوروبا كم يوم بدوم غيم

وبدون غيم وشوية أمطار خفيفة ما كأنك مسافر لأوروبا

طلعت من الجنوب للشمال وفي إعتقادي سيتحسن الجو في الشمال ولكن كان أسوأ

حسب علمي بعض المناطق المرتفعة في سويسرا كانت باردة ، أما المناطق المنخفضة وأوروبا بشكل عام حارة السنة
هلا وغلا .. هو مثل ماقلت حتى برامج الطقس ماصارت تساعد وتوقعاتها ملخبطة .. وسويسرا ماكانت احسن حظ ترا نفس الحال ... هو مناطق جبال الالب كانت افضل من غيرها لانها غالبا تمطر عليها كل يوم ويتحسن جوها بس يبقى الجو بدون غيم ( صعب مره ) عشان كذا اغطية الراس والملابس القطنية والموية ضرورية جدا جدا .. مااقول الا الله يعين اللي سفرته السنوية الان بتكون لايطاليا والاماكن الدافيه بزياده .. مور مشرفنا وشكرا لمشاركتك وان شاء الله سفراتك القادمة تكون الاجمل ...


ماشاء الله الشقة من الصور ممتازة ونظيفة

لسه نحن في مرحلة تجميع المعلومات ولازم من الحين نبدا التخطيط بس باذن الله المانيا والنمسا او المانيا وهولندا وممكن الاكتفاء بالمانيا وقراها

أرسلت بواسطة iPhone بإستخدام Tapatalk
هلا ابو حسن .. الشقه مره مرتبه وصاحبتها مهتمه مره بها وبضيوفها ..وخيارك جنوب المانيا والنمسا حلو عشان جبال الالب .. هولندا حلوه ايضا وسبق اني زرتها وكانت مررره جميله واماكن الزياره فيها كثيرة ... شكرا لك ابو حسن على مشاركتك..


حلووو استغليتو الوقت بزيارة البيت المقلوب والحديقه
وبعدها رحتو للشقه الجميله ماشاءالله اختيار موفق
الجوو الكل يعاني بس الحين لندن الجو تحسن مطر وغيوم
علشان جذيه انا دايما اسافر في شهر اغسطس الجو يبدا يحلى ويبرد
متابعين معاك الجمال النمساوي
هو كننا مخططين على اكثر من كذا ونيتنا نوصل الشقة على اخر النهار بس الجو ماكان يشجع ابدا .. تعرفين شمس ساطعه مره وبالنسبة لي صداع على طول وتعب للي معي خصوصا الاماكن مكشوفة ... والسنه هذي غير ..السنوات الماضية كان يجي موجة حر قوية لمدة 10 ايام مثلا بس المطر ماينقطع فكان فيه شي يلطف بس جو حار وبدون مطر والاماكن كلها مكشوفه يصير الوضع جدا متعب .. ومشاء الله عليك زابطتها صح والجو فعلا الان تحسن كثير وصار يميل للبروده ودرجة الحرارة تحت ال 20 وبالليل توصل قريب ال10 يعني برد ..
شكرا لك ام حسين


الله والله الجو مخرب على اغلب المسافرين هالسنه من الحر
اشوه بعد ما كنسلتوا البيت المقلوب
هذا من الصور الواحد يدوخ ماالوم اللي يدخله ههههه

اول مره اسمع في هالطيران بوعبدالله شلونه ؟

ماشاءالله الشقه ممتازه بصراحه حلوه
هلا اختي .. اي والله اشوى ما كنسلناه لانه والله يستاهل الزياره وكان عكس توقعي مررره ..
طيران ريان اير طيران اقتصادي فرنسي .. ومطار ستانستد واحد من مطارتها الرئيسية .. وتغطي مناطق كثير باوربا بس مو كل الوجهات ....وكل شي لازم تدفعين له حتى شنطة الكبينة .. مالك الا شنطة ظهر فقط .. طبعا الناس تجي بشنطة كبينة وانتي وحظك يدخلونها اذا فيه مكان او يشحنونها بدون مايدفعونك شي بس لو شريتي شنطة كبينة ب 5 باوند يصير لك اولوية لصعود الطائرة عشان ماتخلص اماكن الشناط عنك . بالنسبة لي جربتهم مرتين وكلها اشتري شنطتين وكانت تجربة حلوه ..طيارتهم مثل ايزي جت الصف 3 مقاعد ثم ممر ثم 3 مقاعد ..

حياك الله وشكرا لحضورك

 

توبليرونمعجبون بهذا.
ابو عبدالله غير متواجد حالياً   رد مع اقتباس
قديم 13-08-2018, 07:32 PM   #18

مشرف سابق

الصورة الرمزية الفارس
 
تاريخ التسجيل :  Feb 2015
رقم العضوية : 2092
الجنس : ذكر
المشاركات : 1,696



افتراضي


ما شاء الله ابو عبدالله تقرير مرتب وجميل
بمناسبة المطعم اللي تغديتوا فيه مريته منه صيف العام الماضي بس اخذنا ايسكريم والتقطتنا بعض الصور ومشينا. وقتها كنت ساكن في بيرتساو ورايح انسبروك ومريت على البيت المقلوب بعد. واخذنا كم صورة داخل البيت وارسلتها لاهلي وتعقدوا من الصورة كيف قدرت اصور كذا . انا ما علمتهم اني مصورها بالبيت المقلوب .

 

توبليرون و ابو عبدالله معجبون بهذا.

توقيع : الفارس

*** الفارس ***
أبو مشاري

الفارس غير متواجد حالياً   رد مع اقتباس
قديم 23-08-2018, 12:22 AM   #19

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


بالانتظار يابو عبدالله

 

ابو عبداللهمعجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 25-08-2018, 03:57 AM   #20

خبير سفر

 
 
تاريخ التسجيل :  Sep 2017
رقم العضوية : 16287
الجنس : ذكر
المشاركات : 1,738



افتراضي



السلام عليكم ..
موجة حر استثنائية هذه السنة ضربت ولا تزال تضرب في جوانب اوربا المختلفة ... تنتقل من مكان لاخر ... تشتد في بقعه دون اخرى ... الشتاء الاخير كان جدا مميزا في الدول الاوربيه وكان نزول الثلج كثيف على كثير من المدن الاوربية التي افتقدته ربما في الثلاث سنوات الاخيرة ... عودة الثلوج والشتاء القارس وكثافة الامطار كانت توحي بشكل او باخر بصيف ممتع وجميل .. لكن الذي حدث هو صيف حار وجاف جدا ... درجات حرارة مرتفعة تصل الى 38 درجة في بعض الاماكن ... توقف هطول الامطار لمدة بلغت اكثر من 60 يوم في بعض الاماكن مثل لندن وغيرها مما كان له كثير من الاثار السلبية مثل جفاف الحدائق العامة كالهايد بارك مثلا وتذمر كثير من السياح بسبب سوء الاحوال الجوية وارتفاع درجة الحرارة بل ووصفهم لندن بانها مدينة غير سياحية ابدا ( ولا الومهم ) ... الله سبحانه وتعالى وحده يعلم بالتغير المناخي الذي يجري حاليا وربما تحذيرات علماء المناخ الذين كانوا ولا زالوا يحذرون من اخطار كثيرة تعصف بالكوكب بسبب سوء استخدام البشر للموارد الطبيعية

وعليكم السلام ورحمة الله وبركاته


فعلا هذي السنه حاره وجافه ثلاث عوائل من أهلي ذهبو إلي اورباء منهم منة سافر في شهر 5 ومنهم من سافر في شهر 7 ومنهم سافر 8 وكلهم يشتكون من سطوع الشمس و الحراره حتا إن بعضهم صار يستعمل واقي الشمس



السنه هذي اورباء حار صيفا سطوع شمس محرق للبشره حسب بشرة الاشخاص




ماشاء الله تقرير متميز وجميل





واصل واحلا ليك

 

ابو عبدالله و توبليرون معجبون بهذا.
Rolls-Royce غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فيزا شنغن النمسا خطوة بخطوة 2018 آخـــرفـــرصـــة فيزا شنغن 285 08-07-2019 11:44 AM
وترجع الذكريات في ارض النشامى q8ya metnaqla بوابة الاردن 150 10-06-2019 12:29 AM
تم إرجاع الجواز بدون فيزا مع ورقة زرقاء. HAWAK2020 فيزا امريكا 9 04-12-2018 06:50 PM
رحلتي الي المانيا النمسا سويسرا 2018 أبو مشعل بوابة النمسا 8 30-04-2018 11:22 PM

الساعة الآن 05:18 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO