|
الاقتباس غير متاح حاليا الله يعطيك العافيه كومو انا بمر عليها فقط مو ساكن سيرموني بجلس فيها 3 ايام اليوم الثالث طالع سفرتي ب اكتوبر اعتقد الجو مناسب مو حر وبخصوص السياره صراحه خوفتني قليلاً بموضوع فيزا مسبقة الدفع وولامانه انا مو فاهم اي شي عن مستر كارد عشان كذا مستصغبها ونفس الوقت سفراتي قليله جداً عشان كذا برضو مستصعب اطلع مستر كارد لاني احس يبي لها شخص يحتاجها بامور غير السفر ياليت احد يفيدني الان انا حسابي ببنك الجزيره دخلت موقعهم انواع البطاقات لم اعد اعرف اي الافضل والمقبوله واقل مصاريف لاني بستخدمها بسفرتي وعند العوده ابي الغيها لاني لا احتاجها ابداً لايكون بعد في عقود اني ما الغي البطاقه بنكي بنك الجزيره اي بطاقه اللي اطلعها منهم اللي تقصدونها ياليت ارشادي الى رابط البطاقه او اسمها ببنك الجزيره لان البطاقات كثيره. |
عزيزي .. بطاقتي تيتانيوم ماستركارد من بنك الرياض بدون رسوم سنة اولى وبدون تحويل راتب فقط افتح حساب، بنك الجزيرة ما اعرف عنه الا ان الكريدت كاردز عنده رسومها مرتفعه .. وبخصوص الالغاء بامكانك الالغاء باي وقت فقط سدد المبالغ المستحق اذا استخدمتها وبامكانك تلغي مباشرة والتعامل مع البطاقة سهل جدا |
الفيزا اللي معي هاذي وساباقً استخدمتها في النمسا ومشت معي مكتوب بالموقع انها مقبوله عالمياً https://www.sabb.com/ar/everyday-ban...d-credit-card/ ياليت تاخذون نظره عليها ممكن تطلع مقبوله طيب دخلت الان موقع avis ورحت على السياره اللي احتاجها وضغط تفاصيل بطاقة دفع - بطاقة إتمانية تحتاج إلى إبراز بطاقتك الإتمانية لإستجار هذه المركبة. تقبل آيفس بطاقة فيزا/ ماستركارد/أمريكان أكسبريس. سيتم حجز مبلغ الإجار عند إنهائكم إجراءت إستلام المركبة. مكتوب انه يقبل بطاقة فيزا هل يقصد بطاقة فيزا مسبقت الدفع ؟ |
السلام عليكم و رحمة الله و بركاته .. أخوي الغالي بدر ... لا تدخل نفسك في دوامة القلق و التعب ..الموضوع و ما فيه أن بعض شركات التأجير تقبل الدفع من البطاقات مسبقة الدفع لقيمة الأيجار و التأمين و لكنها في نفس الوقت لا تقبل نفس البطاقة في حالة حجز مبلغ الوديعة الذي يعاد للمستأجر بعد أعادة السيارة لذا لتفادي الدخول في متاهات و متاعب مع شركات التأجير و خصوصاً في أيطاليا متعبين جداً و تعاملهم سيئ يفضل تطلع بطاقة أئتمانية Credit Card و تستخدمها في حجز الوديعة و هي أسلم حل كي تستمتع بسفرة مريحة ... أمس كنت أحجز سيارة في أيطاليا .. عن طريق موقع رينتال كار و قبل أنهاء أجراءات الحجز ظهرت لي بعض التعليمات تفيدبأن شركة سيكست لا تقبل بطاقات مسبقة الدفع .. "كما هو موضح في الصورة المرفقة" https://www.arabtrvl.com/up/uploads/...8785481471.jpg |
أخوي بدر ... نرجع لموضوع بطاقة فيزا Credit Card إذا بتطلبها من بنك الجزيرة أطلب الكلاسيك رسوم إصدار البطاقة السنوية 150 ريال سعودي |
ابومعتز ما قصر اعطاك زبدة الكلام مشكورا. وانا عن تجربة اقولك ان فروع مطار ميلانو معقدين على الاقل فترة الصيف والموضوع سهل جدا انت دفعت مبالغ على التاشيرات والتذاكر ليش مستخسر الكريدت كارد خصوصا اذا عليها عرض بدون رسوم، في كل سفراتي اتصيد لعروض الكريدت كاردز اللي بدون رسوم واسافر بها كمبلغ طوارئ مو بس للايجار واذا رجعت الغيتها مباشرة. |
الله يعطيكم العافيه ماقصترو وان شاء الله بمشي بنصايحكم وفقكم الله |
الاقتباس غير متاح حاليا جزاك الله خير تم رفع طلب بطاقة الجزيره الكلاسيكية مثل ما تفضلت الان استفسار طال عمرك احجز السياره عن طريق الموقع بدون وسيط سياره تماتيك كرسي طفل تأمين شامل صفر يفضل التامين بالموقع او عند المكتب هناك ؟ او نفس الشي مايفرق والدفع بالفيزا حقتي المسبقة الدفع ، واذا وصلت هناك وطلبو فيزا للوديعه اعطيهم فيزت الجزيره الكلاسيكية عشان الوديعه فقط ام اخلي الحجز كامل عن طريق بطاقة فيزا الكلاسيكية ؟ لان ان شاء الله اول ما ارجع ابلغي الكلاسيكية لاني لا احتاجها عندي بطاقة مسبقة الدفع ومكفيتني للمشترايات واغلب الحجوزات وشكراً لك ولصبرك. جزاك الله خير ورحم الله والديك :e032: |
يسعد مساك أخوي بدر ... خطوة ممتازة طلبك الحصول على بطاقة Credit Card و أن شاء الله بتكون معاك و تستفيد منها طريقة الحجز أنك نحجز من الموقع أونلاين مباشرة و يكون حجزك بالبطاقة مسبقة الدفع عادي و هم أصلاً بشكل عام ما راح يسحبون المبلغ الآن فقط سيتم سحبه عند الوصول و أستلام السيارة و تقدر تضيف التأمين أثناء الحجز أو من المكتب و بصراحة أنا أفضل من المكتب لعدة أسباب منها للأستفسار و التأكد بشكل أوضح عن نطاق التغطية و أهم شئ تضيف زيادة على التأمين الشامل حماية الزجاج حق السيارة + الأطارات ضد التلف هذا و بالإضافة إلى المساعدة على الطريق لو لا سمح الله تعطلت السيارة بسبب البطارية أو فقدت المفتاح و أحتجت للمساعدة سيكون كل ذلك مجاني لو أضفته ولو لم تضيفه ستتحمل التكلفة لأنه غير مغطى في التأمين الشامل ... فيزا الكلاسيك مثل ما تفضلت استخدمها لدفع الوديعة .... بالتوفيق |
الله يجزاك خير وباخذ نصايحك بكل جديه وبعتمدها ان شاء الله وراح احجز في مسبقة الدفع وعند الوصول راح اقولهم الدفع الحجز بالفيزا والوديعه بفيزا ثانيه عشان مايكررون عملية السحب من البطاقتين وابلش في محادثتهم بالخلل ،، وراح اعتمد كلامك بخصوص التامين بجميع ماذكرت جزاك الله خير ورحم الله والديك فعلاً شخص رائع وصبور واخلاق عاليه |
| الساعة الآن 02:11 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO