|
العنوه كلها لمحل غايا للشنط اتابعهم على الانستقرام تقريبا من سنتين لكن مشكلتي ما أحب أطلب اون لاين لازم أشوف الشي بنفسي https://www.arabtrvl.com/up/uploads/...0565470519.jpg أكيد تشريت و ما خليت في خاطري :18: و بعدها تمشينا شوي و انتقلنا لمجمع السيف https://www.arabtrvl.com/up/uploads/...6915110942.jpg كنا شبعانين و قلنا بنأخر الغدا بس بعدين العيال قالوا نبغي ناكل سويت قلنا يالله خل نحلي و نتقهوى و اخترنا مادو التركي https://www.arabtrvl.com/up/uploads/...9151129310.jpg طلبنا بقلاوة بالفستق https://www.arabtrvl.com/up/uploads/...9151112673.jpg بقلاوة بالآيسكريم https://www.arabtrvl.com/up/uploads/...9151114114.jpg كيكة الحليب التركية مشهوره عندهم بس نسيت اسمها https://www.arabtrvl.com/up/uploads/...9151122187.jpg و لازم تركش كوفي https://www.arabtrvl.com/up/uploads/...9151117455.jpg و كوفي بارد للشباب https://www.arabtrvl.com/up/uploads/...9151125028.jpg https://www.arabtrvl.com/up/uploads/...9151127819.jpg بعدها تمشينا و تشرينا و خذت ملابس لليهال لقيت تنزيلات ضخمه عندهم و صلينا الظهر و العصر في المجمع رجعنا لمجمع العالي لأن السيارة واقفه عند المجمع https://www.arabtrvl.com/up/uploads/...1511325211.jpg https://www.arabtrvl.com/up/uploads/...6915113412.jpg https://www.arabtrvl.com/up/uploads/...1511367213.jpg طلعنا و مريت مجمع اللولو قبل كان فيه محل اسمه الغريب للجلابيات و كنا لازم ناخذ منه في كل زيارة و جلابياتهم حلوه و بارده بس للأسف المحل سكر و المجمع صار كئيب رجعنا الفندق قلنا نريح و بعدها نطلع نتعشى صلينا المغرب و العشا و بعدها توجهنا لمطعم فيلا ماماز https://www.arabtrvl.com/up/uploads/...1511381914.jpg https://www.arabtrvl.com/up/uploads/...1511397415.jpg و هذا تكرمون مدخل الحمام https://www.arabtrvl.com/up/uploads/...1511412516.jpg الضيافة تمر و قهوة https://www.arabtrvl.com/up/uploads/...1511427217.jpg https://www.arabtrvl.com/up/uploads/...1511454318.jpg الليتات بالجدور المقلوبة https://www.arabtrvl.com/up/uploads/...1511469119.jpg المعابيج و الليمون https://www.arabtrvl.com/up/uploads/...9237636742.jpg |
طلباتنا سلطة جرجير بالرمان و كانت لذيذه https://www.arabtrvl.com/up/uploads/...9237640443.jpg فتوش بجبنة الفيتا لذيذه https://www.arabtrvl.com/up/uploads/...9237642024.jpg ورق عنب بالزعفران لذيذ جدا جدا https://www.arabtrvl.com/up/uploads/...9237643665.jpg طلبنا نوعين عيش باللحم https://www.arabtrvl.com/up/uploads/...9237645276.jpg https://www.arabtrvl.com/up/uploads/...9237646827.jpg و أنا طلبت عيش و دياي نسيت اسمه يمكن تهجين بس بعد لذيذ https://www.arabtrvl.com/up/uploads/...9237649548.jpg و الحلو طلبنا مهلبيه لذييييييييييذه جدا جدا لكن طلبنا البه كانت مره اعتقد السكر محروق زياده https://www.arabtrvl.com/up/uploads/...9237653529.jpg و الفاتوره https://www.arabtrvl.com/up/uploads/...2376551910.jpg بصراحه السعر وايد غالي هالمره تشاركنا في الدفع و هذي منتجات للبيع https://www.arabtrvl.com/up/uploads/...2376567611.jpg https://www.arabtrvl.com/up/uploads/...2376604212.jpg طلعنا و توجهنا لسوق الذهب و هالمره نزلت أنا و اختي و خليت ولد اختي ياخذ السياره لأنه خميس و زحمه ما لقينا مواقف و العيال رقدوا في السياره https://www.arabtrvl.com/up/uploads/...2376660314.jpg الحمدلله لقيت اللي أبغيه بس طلبت منهم خاتم للطقم و قال باجر يجهز طبعا طلعنا آخر ناس و سكروا علينا الليتات و الباب الخلفي طلعنا جدام من الباب الرئيسي و مشينا لين ورا السوق المسافة قصيرة و دخلنا كم محل على دربنا ما نيوز احنا الحريم تمشينا شوي في المنامة و شارع المعارض نسترجع الذكريات و بعدها رجعنا الفندق للنوم و انتهى يومنا و نشوفكم في اليوم الثالث دمتم بود :yhtrrt: |
بالعافيه الريوق في عمارة مواقف قريبه من باب البحرين بس الدخول بهالشارع ضيق العالي حلو وهادي السيف لابد منه بكل سفره نحبه اما فيلا ماماز شوقتيني ما اشبع منه السعر غالي لان كل منتجاتها طبيعيه وصحيه بالعافيه عليكم الاطباق اللذيذه وملبوس العافيه كل ما تشريتو مستمتعين معاكم |
اقتباس:
الله يعافيج هيه العماره شفتها بس خفت ادخل السياره كبيره و المواقف صغيره وايد مشكوره عل المتابعة |
يعطيك العافيه و الف شكر علي التقرير المفصل الي يلامس الحواس و يشجع للنقزه للبحرين ابدعتي و الف شكر |
اقتباس:
الله يعافيك الشكر موصول لك ما قصرت عل المتابعه |
ما شاء الله ابدعتي ام علي عليكم بالعافيه السفره الخفيفه الحلوه البحرين اتهبل على كثر زياراتي لها ما رحت سوق المنامه وباب البحرين ان شاء الله الزيارة اليايه اروح له .. تسلم الايادي ومتابعين معاكم |
اقتباس:
الله يعافيج و يسلمج لو كنتي مهتمه للذهب أكيد كنتي بتزورين باب البحرين و سوق المنامة فيه كل شي ثياب الكترونيات بهارات مواعين شامل كل شي اذا حابه تزورين السوق سيري في الشتاء أكيد بتستمتعين اكثر شكرا عل المتابعة |
صباح و مساء الخير على الجميع اليوم الثالث الجمعه 11 / 10 / 2019 صحينا و تجهزنا و من أمس فاتحين قوقل و ندور مطاعم أختي ما حبت ريوق أمس تقول ما تقدر على الفول و الخبز و الاكلات الشعبية من الصبح قلت أوكي اختاري المطعم و أنا جاهزه على راحتج و هاي سيارتنا نسيت أصورها لكم أول يوم https://www.arabtrvl.com/up/uploads/...2376694715.jpg اخترنا مطعم ليلو أعتقد فرنسي و كان ورا فندقنا بس لفينا كم لفه و حصلناه https://www.arabtrvl.com/up/uploads/...2376710616.jpg كابوتشينو للشباب https://www.arabtrvl.com/up/uploads/...2376754317.jpg حاولت أصور ديكورات المطعم بس ما قدرت من الزحمه و المكان صغير https://www.arabtrvl.com/up/uploads/...2376774218.jpg أنا و عيالي طلبنا شاي حليب https://www.arabtrvl.com/up/uploads/...2376793619.jpg العيال طلبوا فرينش توست بالكراميل بس ما خلصوا حتى نصه كان كبير وايد https://www.arabtrvl.com/up/uploads/...3845920961.jpg طلبي أومليت بالخضار و جبن الفيتا https://www.arabtrvl.com/up/uploads/...3845924192.jpg ولد أختي طلب أفوكادو توست بالبيض و اللبنه https://www.arabtrvl.com/up/uploads/...3845926053.jpg و أختي طلبت كرواسون بالبيض و المشروم https://www.arabtrvl.com/up/uploads/...3845929424.jpg الحمدلله شبعنا و الأكل كان لذيذ بس يبغيله مشاركة لأنه الكميه كبيره يبغيله ناس أكيله و يخلصون أطباقهم أو انهم يقللون الكمية و يسوون ميديم و لارج و الفاتوره حلوه و السعر مناسب https://www.arabtrvl.com/up/uploads/...3845930945.jpg و يوم طلعنا اكتشفت انه في طابق ثاني :20: https://www.arabtrvl.com/up/uploads/...3845932416.jpg طلعنا و ما ندري وين نسير السوق مسكر و اليوم الجمعه و بعد شوي الصلاة قلنا نسير سيتي سنتر نتمشى و نلعب اليهال و بالمره نتسوق https://www.arabtrvl.com/up/uploads/...3845936167.jpg خلصنا و طلعنا باتجاه المنامه و بالضبط القضيبيه و الحوره نسترجع الذكريات https://www.arabtrvl.com/up/uploads/...3845943188.jpg https://www.arabtrvl.com/up/uploads/...3845948369.jpg وصلنا سعد الدين كان من أشهر محلات الفطاير و الحلويات في المنطقة https://www.arabtrvl.com/up/uploads/...8459506510.jpg https://www.arabtrvl.com/up/uploads/...8459526611.jpg بس للأسف ما لقينا عنده شي يذكر كله بالطلب و حتى المكان صار كئيب سبحان الله دخلنا السكيك و كنت امشي بالحسره الشارع ضيق و أخبر ولد أختي كنا ساكنين هني و هناك بيت فلان و هذاك بيت فلان انصدم من اللي شافه قال معقوله كنتوا ساكنين هني و راويناه المدارس اللي درسوا فيهم اللي نعرفهم بس اللي يضحك يقول حسيت أني في مصر و شوي يقول لا احنا في البرازيل :32: قلناله بالعكس كانت من أحلى الايام و الذكريات و الحين انتقلوا لمناطق يديده و فلل كبيره و مساحات واسعه https://www.arabtrvl.com/up/uploads/...8459625213.jpg بعدها رجعنا الفندق العيال يدورون المسبح خليتهم ينزلون عن خاطرهم و تذكرت أصور الفطاير اللي خذناهم تصبيره لين الغدا لأنه شبعانين https://www.arabtrvl.com/up/uploads/...8459595812.jpg |
بالعافيه الريوق الحوره اذكر كنا نسكن فيها قبل فندق اعتقد اسمه البستان وكان فيه تحت العاب اطفال الكترونية الحين مادري وين صارت الحوره ههههه يعطيج العافيه ننتظر البقيه |
المسبح كان واحد و كبير ما عندهم مسبح للأطفال للأسف و ولدي الصغير خاف يدخل https://www.arabtrvl.com/up/uploads/...8459649514.jpg و هني على اليسار مواقف السيارات اللي من اليوم صارت مزدحمه https://www.arabtrvl.com/up/uploads/...8459681815.jpg و طلعنا قبل المغرب باتجاه المحرق لكن قبلها مرينا البسيتين أختي تبغي محل للأسف طلع مسكر https://www.arabtrvl.com/up/uploads/...3845970316.jpg https://www.arabtrvl.com/up/uploads/...8459721417.jpg https://www.arabtrvl.com/up/uploads/...8459752218.jpg و قعدنا نلف و ندور نلف و ندور أبغي سوق المحرق و دخلت السكيك و بالغصب طلعت أدخل و أطلع من سكة لسكة دار راسي و ما عرفت أوصل السوق و شغلت قوقل ما عطاني الموقع الصح تعبت و آخر شي قلت خلاص بنمر سوق الذهب لأنه كلموني و قالوا الطلب جاهز سرت السوق و نزلنا أنا و أختي لأنه يوم الجمعه مستحيل نحصل موقف و قلنا ما بنتأخر و حصلنا خياط و شفت فستان علم الامارات لليوم الوطني جاهز https://www.arabtrvl.com/up/uploads/...8384597719.jpg صورت سناب و كل شوي حد يقول ابغي هالمقاس و شوفيلي هالمقاس بس الحمدلله طلع لازم خياطه و الا ما فيني اقعد ادور قياسات و عقبها دخلنا مجمع الذهب بس للأسف المحل فيه زحمه و طلعنا تمشينا في كم محل و عجبنا شي ثاني قلنا بنرجعلك و رجعت خذت الطقم اللي أبغيه و اللي عجبني بموظفين المحل خبروني عن التاكس فري و قالولي اذا شفتي الستيكر الاخضر مكتوب عليه VAT اطلبي منهم الفاتوره و خبريهم انج زايره و تبغين ترجعين التاكس في المطار ب س للاسف تشرينا و خلصنا و محد خبرنا و المحل الثاني قال اذا بتدفعين بالبطاقة باخذ عمولة زايده الافضل كاش و قلت له عن التاكس فري قال ما عندنا بس اذا انتوا زوار ما بحسب لكم السعر مع الضريبه قلناله مشكور بس طلعت برع السوق أدور مكينة سحب و زحمه فضيعه حتى عند الصراف و خليت راعي المحل يمشي ويايه عشان اعطيه الفلوس و آخذ الطقم ما أبغي أرجع داخل السوق الحين وصل اليوع حده و أخترنا مطعم أوليفيتوا ايطالي و مشينا عل القارمن https://www.arabtrvl.com/up/uploads/...8459789320.jpg هذيل كانوا في نفس مكان المطعم وصلنا و الا طلع لازم حجز و زحمه و المكان لغير المدخنين محجوز بالكامل قال جربوا المكان الثاني اذا ما بتتأخرون بس للأسف ما قدرنا نتحمل الريحه أصلا المدخل من دخلناه كله ريحة سجاير و طلعنا ندور في نفس المنطقة و حصلنا هالمطعم https://www.arabtrvl.com/up/uploads/...2359968651.jpg دخلنا طلع صيني و طلعنا منه بعدين حصلنا هذا ماما مايا سألنا عندكم مكان قال تفضلوا https://www.arabtrvl.com/up/uploads/...2359985123.jpg شفنا المطعم فاضي قلنا شكلنا توهقنا بس يوم شفنا المنيو عجبونا الاصناف https://www.arabtrvl.com/up/uploads/...2359992184.jpg https://www.arabtrvl.com/up/uploads/...2359997345.jpg المطعم مكون من 3 أدوار الدور الارضي قعدنا فيه الأول قال مختلط و شيشه الدور الثاني عوايل قلنا نقعد في المكان الفاضي و شوي نشوف ناس داشه و ناس طالعه و بعدها نسمع أصوات موسيقى و طرب و تشجيع اخترنا هالطاولة في الزاويه https://www.arabtrvl.com/up/uploads/...2359976722.jpg وصلت أولى الطلبات ورق عنب https://www.arabtrvl.com/up/uploads/...2359999916.jpg فتوش https://www.arabtrvl.com/up/uploads/...2360004037.jpg ناجتس للصغير https://www.arabtrvl.com/up/uploads/...2360008978.jpg أصابع موزاريلا https://www.arabtrvl.com/up/uploads/...2360010579.jpg سلطة يونانية https://www.arabtrvl.com/up/uploads/...3600121210.jpg صحن مقبلات مشكلة https://www.arabtrvl.com/up/uploads/...2360013711.jpg ريزوتو بالمشروم لي أنا وايد احبه https://www.arabtrvl.com/up/uploads/...2360015312.jpg باستا ربيان لولد أختي https://www.arabtrvl.com/up/uploads/...3600201713.jpg جيكن بتر مع العيش لأختي و ولدي https://www.arabtrvl.com/up/uploads/...3600223114.jpg طبعا الطلب وايد لأن أختي تحب التبذير متعوده عليها دايما في المطاعم الحمدلله شبعنا و الأكل كان لذيذ و طبعا خذنا الزايد و عطيناه عمال الفندق و الأهم انه السعر كان وايد رخيص بصراحه ما توقعت هالمبلغ على كثر الطلب https://www.arabtrvl.com/up/uploads/...3600256615.jpg و بين ما كنا قاعدين ناكل و نسمع أصوات الغناء و الطرب سألت العامل عندكم مطرب فوق قال هيه و قمنا نطالع بعض و نقول وين احنا وين يايين المكان مشبوه :8: خلصنا و طلعنا برع و الشارع مزدحم و أشوف الناس يطالعون مستغربين و خاصة إني أنا بنقابي و أقول الحين بيشكون فينا و قعدنا نضحك و نسولف بس ما قدرنا نطلع من الشارع زحمة فضيعه كملنا يمكن نص ساعة و بعدنا ما مشينا كم خطوة https://www.arabtrvl.com/up/uploads/...3600276116.jpg و أكتشفنا انه هذا مثل ممشى الجي بي آر عندنا بس الصراحة قلة أدب البنات و الشباب يمشون وسط السيايير مع أنه في رصيف يقدرون يمشون عليه و جدام المطاعم في أماكن مسببين زحمة عل الفاضي و في الأخير طلع المكان ورا فندقنا و مرينا من جدام المطعم اللي تريقنا فيه الصبح بس خذنا تقريبا 45 دقيقة عشان نطلع من الزحمة و على طول رجعنا الفندق كانت الساعه تقريبا 11 بس قلتلهم آخر يوم خلونا نسهر شوي و عيالي رقدوا بس طلعتهم و قلت لازم أرجع سوق المحرق عشان أشوف المكان و نقدر نمر الصبح و نتشرى الحمدلله عرفت المكان و وصلت بالضبط وين كنت أبغي بس طبعا كل مكان مسكر و بعدين الأهل موصيني على التكة البحرينية فلازم أسوي الاوردر الحين و مريت تكة بو شنب في المحرق و اتفقت وياه يجهزه الصبح و يغلفه عدل و يحطه في الفريزر و خذنا صحنين ياكلون منه في السيارة https://www.arabtrvl.com/up/uploads/...3600294417.jpg أعتقد طلبت دينارين بس طبعا الكمية كبيره بالنسبة لباقي الدول و تذكرت اسكريم أميره كنا لازم ناخذه اذا يينا البحرين و نزل ولدي الدكان ( البقاله ) و الحمدلله حصلته و ما تم في خاطري و طعمه على ورد https://www.arabtrvl.com/up/uploads/...3600312218.jpg و رجعنا الفندق الساعة وحده تقريبا ورانا قومه الصبح و مشاوير مهمة مشيت لآخر الممر اكتشفت حوض السباحه في الدور الأول https://www.arabtrvl.com/up/uploads/...9236003820.jpg و خلص يومنا اللي ضاع نصه في الشارع و في اللفلفه في المحرق و نشوفكم في اليوم الأخير يوم السفر و العودة للوطن دمتم بود :bdzf: |
الله يعطيج العافيه وعليكم بالعافيه الزحمه تملل الواحد و يضيع اليوم على مشوارين حسافه حلوه تسترجعين الذكريات الواحد يشتاق لها ما الومج يا ام علي .. هههههه مطعم الطرب عجيب :) |
اقتباس:
الله يعافيج الحوره ساكنين فيها أهل زوجي عشان چي حافظين المنطقة و كنا نقعد شهر و اكثر بعدها موجوده حطي في قوقل ارض المعارض أو القضيبية بتطلع لج ان شاء الله اخلص التقرير اليوم مشكوره عل المتابعة |
اقتباس:
الله يعافيج صح الزحمة تضيع اليوم كله و الله الذكريات ما تقدرين تمحينها سواء حزينة و الا سعيده تبقى ذكريات أما المطعم حكاية :73::73::73: |
علمتينا على ايسكريم الاميرة لازم اجربه باقرب زياره ذكريني لي رحت الحمدلله اخذتي طقم الذهب ملبوس العافية لو قايله لي عن طريج سوق المحرق چان دليتج عدل اشوه انكم لقيتوه والتكة البحرينيه الكل يمدحها بس تكة ابرار لذيذه بعد لازم تيينا وتجربينها مطعم المطرب باين الاكل لذيذ وحلو ورخيص لانكم ما قعدتوا بصالة المطرب هههه اشوه ويي بيخلص التقرير ننطر اخر جزء |
اقتباس:
ان شاء الله اذكرج بالاسكريم اذا ما نسيت الله يعافيج أنا ادل المحرق و من زمان كنت أسوق لأنه قبل ما كانوا يسمحون للمنقبات بالسواقه بس أول ما سمحولنا ما صدقت على طول قمت أطلع مشاوير ويا الحريم بس تخربطت لأني أمشي على قوقل ماب و خربطني وايد و الا قبل ما كان شي قوقل ماب |
صباح و مساء الخير على الجميع اليوم السبت 12 / 10 / 2019 يوم العوده للوطن أول شي قمت و صورت المسبح في النهار https://www.arabtrvl.com/up/uploads/...2451987011.jpg https://www.arabtrvl.com/up/uploads/...2451997353.jpg و هذا الشارع جدام الفندق اللي لازم نطلع منه كل يوم https://www.arabtrvl.com/up/uploads/...2451991572.jpg طلعنا الساعة 9 عشان نلحق نتريق و نتسوق قبل ما نسير المطار وجهتنا كانت الافنيوز و بالتحديد مطعم بزه https://www.arabtrvl.com/up/uploads/...2452003254.jpg https://www.arabtrvl.com/up/uploads/...2452006095.jpg وصلنا طبعا المول شبه فاضي و بعدها المحلات ما فتحت https://www.arabtrvl.com/up/uploads/...2452014167.jpg بس المطعم ما شاء الله مزدحم و ما قدرت أصور الديكورات بس هي نفسها اللي في الكويت بالضبط https://www.arabtrvl.com/up/uploads/...2452018688.jpg https://www.arabtrvl.com/up/uploads/...2452020689.jpg طلبنا الريوق اللي دايما نطلبه في الكويت أعتقد البيت العود https://www.arabtrvl.com/up/uploads/...4520236310.jpg https://www.arabtrvl.com/up/uploads/...4520270211.jpg و هذا طلب أختي و نسوا اييبونه الا بعد ما خلصنا الأكل و ما كان حلو طلبت بيض بجبن قلاص بس هو فهم انها تبغي جبن قلاص و كان حاط ويا الطلب https://www.arabtrvl.com/up/uploads/...4520309812.jpg نسيت أصور الفاتوره و نسيت أخبركم انه ولدي من أمس تعبان و حرارته مرتفعه و للأسف ما كنت ماخذه ميزان الحرارة و لا حتى خافض للحراره و نسيت أمر الصيدليه في الليل و الفندق فيه محل عندهم أدويه و أسبرين و بندول بس ما عندهم للأطفال طلعنا من المطعم على طول للصيدليه و خذت أدول و ما عندهم حتى ميزان لقياس الحراره بس أنا كنت أعرف انها فوق 38 و شربته بالغصب الحمدلله بدت شوي تخف حرارته و طلعنا على طول باتجاه سوق المحرق https://www.arabtrvl.com/up/uploads/...4520375514.jpg و هذا لوز للأسف قلناله بنرجع ناخذ من عندك و نسينا لأنه دخلنا حلويات شويطر و قعدنا يمكن ساعة نشتري حلوى و ماي النعناع ضروري للشاي المغربي أحب أحط وياه و خذنا بسكوت و بهارات و متاي من محل ثاني و بعدها دخلنا محل جلابيات و خذنا المقسوم و خلصنا و اتصلت في راعي التكة و قال الطلب جاهز مري خذيه طبعا الجو حار و الشمس صقعت روسنا بس عيالي خليتهم في السياره ويا ولد أختي و ما لقينا مواقف للسياره رجعنا الفندق و قلتلهم كم نقدر نقعد لأني أمس كلمتهم قالوا لين الساعة ثنتين بس بعدنا ما خلصنا اغراضنا و أعتقد الساعة كانت وحده و نص قالت بعد الساعه ثنتين تدفعين دينارين لكل ساعة قلت مب مشكله بنطلع الساعة ثلاث قالت ادفي أربع دنانير للغرفتين و دفعت و على طول رجعنا نرتب الاغراض و خذنا كرتون من محل تايلوس في المحرق و كنت ماخذه هدايا حق الروضه عشان يستانس ولدي و يهدي ربعه اللي وياه في الصف و بسرعه خذنا شور عالسريع طبعا بالدور و طلعنا الساعة 3 بالضبط و على المطار وصلت صالة المغادرين و اتصلت على مكتب الايجار و خليتهم يستلمون السياره و يدفعون الدينار اللي دفعته حق المواقف و قلتله مره ثانيه ما بنأجر من عندكم دخلنا و الحمدلله الاجراءات سريعه و الوزن بالضبط قد اللي عندنا 120 كيلو بس شوي زحمه و مرينا السوق الحره https://www.arabtrvl.com/up/uploads/...4520478217.jpg https://www.arabtrvl.com/up/uploads/...4520423815.jpg توجهت لمكتب التاكس فري و بيكون مكانه عدال ماكدونالدز عقب السوق الحره https://www.arabtrvl.com/up/uploads/...4520453616.jpg سألت الموظفه من متى عندكم التاكس فري قالت من شهر 3 يعني بعدهم ما كملوا سنه و طبعا قلنا بنتغدى ما عندهم غير ماكدونالذز و جسميز و أكيد خذنا جسميز ما يستوي نوصل البحرين و ما ناكل من عنده https://www.arabtrvl.com/up/uploads/...2452056119.jpg و هذا الكراش من أمس أختي ماخذتنه و في الثلاجه اليوم شربته https://www.arabtrvl.com/up/uploads/...4520502318.jpg |
خلصنا الغدا و رجعت أختي السوق الحره حتى آخر رمق و أنا أخاف نتاخر و تمشي عنا الطياره و سمعتهم يقولون النداء الأخير عطيت أختي جوازها عشان تدفع في السوق و مشيت لين البوابه ويا عيالي و أشوفها تأخرت هاي طيارتنا https://www.arabtrvl.com/up/uploads/...2475925431.jpg و أشوف ولد أختي من بعيد قلتله تعال خلصت الختم و بعدني واقفه عند مدخل الخرطوم https://www.arabtrvl.com/up/uploads/...2475931762.jpg قلت خلها جوازها عندها احنا بندخل الطياره بس ما قدرت وقفت اتريا الحمدلله بينت قلتلها ليش تأخرتي تقول دخلت تكرمون الحمام و زحمه فضيعه لأن المطار وايد صغير دخلنا الطيارة و قعدنا ربع ساعة تقريبا و الساعة 5 و 50 دقيقه بالضبط تحركت الطياره على الوقت https://www.arabtrvl.com/up/uploads/...2475937763.jpg https://www.arabtrvl.com/up/uploads/...2475940544.jpg https://www.arabtrvl.com/up/uploads/...2475942995.jpg أحب أشوف حركة الطيارة و المسارات ما تابعت و لا فيلم يابولنا وجبة خفيفه كيكة زنجبيل و سندويش جبن و عصير و نسيت أصور و ما شاء الله الرحلة كانت خفيفة و ما حسينا بالوقت وصلنا بالتوقيت اللي حاطينه بالضبط https://www.arabtrvl.com/up/uploads/...2475951877.jpg يا حلو العودة للوطن سبحان الله نحب نسافر بس نحن لبلادنا و نفرح يوم نرجع https://www.arabtrvl.com/up/uploads/...2475956849.jpg الاجراءات كانت سريعه و سويت الخدمة الالكترونيه عشان ما أوقف في السير طلعنا بسرعة و استلمنا الشنط و قلت بمر السوق الحره و ندمت لأني ما سمعت كلام أختي و زوجي يوم قالوا السوق الحرة في الرجعه صغير و ما فيه شي بس زوجي طلب مني عطر و خذته بس ان شاء الله أعوض السوق في السفرة القادمة قريبا باذن الله و هاي حصيلة سوق المحرق https://www.arabtrvl.com/up/uploads/...4759590910.jpg الحمدلله كانت رحلة سريعه و مريحة لكن الأكيد ما شبعنا و بعد ما رجعت تذكرت أني ما سرت جزر أمواج :2: و قلت الزياره الثانيه ان شاء الله اتمنى اني افدتكم و لو بالقليل و امتعتكم بالتقرير الخفيف و انتظروني في تقارير جديده باذن الله دمتم بود :jmfyg: |
ياسلام على الحلوى والمتاي ما شريتي ماي لقاح ومرقدوش هذيل احنا ضروري نشتريهم كافيه بزه تصدقين ما شفته يمكن بالجهة اللي ما رحت صوبها وسلامات حق الحلوو ما يشوف شر التاكس فري اذا انا بطلع من البحرين بالسياره هل الاقي مكتب لهم على الجسر ؟ يلا يبيلنا روحه البحرين انا وانتي والسفيرات نتمشى فيها وبلادكم حلوه بس الوطن ماله مثيل هذه الاغنيه اللي لازم تطري علي بالرده للديرة كفيتي ووفيتي شكراا لج |
ما شاء الله اليوم الاخير عيله و زحمه فيه عليكم بالعافية الريوق و التسوق هههههه اختج ما شاء الله عليها تذكرني في بنات عمي لي اخر رمق يبون يتسوقون انا اصعد الطيارة واهما على سعه برود اعصاب الله يهنيهم .. سلامات الحلو ما يشوف شر تسلم الايادي ام علي ما قصرتي على هالتقرير الحلو |
سفره جميله وسريعه حسافه بعض المحلات سكرت مع انها كانت ناجحه بالسابق عليج بالعافيه مشتريات الذهب وشي جميل انهم يرجعون التاكس الحمدلله بالكويت للحين ماحطوا علينا التاكس استمتعنا معاج يا ام علي بالتقرير:e306: |
اقتباس:
المرقدوش عندنا منه وايد لانه الأهل سايرين و رادين و لازم علبة الماي المشكل يكون من ضمن الصوغه كافيه بزه على ايدج اليمين اول ما تدخلين المول الله يسلمج و الشر ما اييج التاكس فري ما اعتقد بيكون عل الخط مستحيل يا سلاااااااااام رحلة السفيرات بتكون متعه حقيقيه بس منو اللي بيخلينا الأغنية لازم تطري على بالنا يوم نرجع من السفر هذا اقل شي نقدر نقدمه للمنتدى و شكرا على متابعتكم الشيقة |
اقتباس:
لازم اليوم الأخير نكون مستعيلين و على أعصابنا مشكله البرود و اللامبالاه الله يعافيج و يسلمج الحمدلله انه عجبكم و مشكورين عل المتابعة |
اقتباس:
الله يعافيج و يسلمج الله يهنيكم و لا يغير عليكم وايد ناس و تجار تبهدلوا بسبة التاكس شكرا على المتابعة |
سفره سعيد عليكم |
اقتباس:
شكرا لك |
رحلة جميلة لبلد جميل وشعب طيب بالنسبة للسيارة في كذا محل لتاجير السيارات مش لازم ترتبطون بمحل معين وفي الطرف على اليسار في محل معزول بنفسه دايما اخذ سيارة من عنده سياراته نظيفه ناسي اسمه اذا الواحد طالع من قاعة المطار يصير على اليسار عكس باقي المحلات بالنسبة للتسوق بدون زحمة في الرفاع حجيات ومجمع الانماء او مول الانماء راقي وهادي شارع البوكواره الرفاع للحريم |
شي جميل |
يا سلام تقرير حلو 😍👍🏼 |
تقرير جميل عن مملكه غاليه |
| الساعة الآن 05:52 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO