X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين26الاعجاب
إضافة رد
 
LinkBack أدوات الموضوع انواع عرض الموضوع
قديم 27-09-2018, 01:55 PM   #1

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي تجربتي في إصدار الفيزا البريطانية من البحرين


صباح / مساء الخير

النية بإذن الله نقضي راس السنة ب لندن
يعني السفر على نهاية ديسمبر

صار لخبطة في اجازتي في الصيف ما قدرنا نروح مكان
ف أول ما انحلت المشكلة رتبت اجازتي ل ديسمبر من الحين و الحمدلله تم الموافقة عليها

اختكم بالله تحمست حبتين
و على طول رحت و سويت الابليكشن
و ما انتبهت ان باقي على تاريخ السفر 97 يوم
(مع شرط السفارات عادة التقديم يكون 90 يوم من السفر)
و كنت راح الغي موعدي و استرجع المبلغ و اقدم مرة ثانية
لكن بعد استشارتكم و سؤال اكثر من شخص توكلت على الله و قدمت

الابليكشن لما بديت اسويها انتبهت انها نوعاً ما مختلفة عن القديمة
آخر مرة قدمت كان في 2014
ف دخلت على المنتدى و موضوع اخونا آخر فرصة بالتحديد اتأكد من معلوماتي فيها

التقديم ل فيزا سياحية لمدة سنتين
بقيمة 466 دولار - ما يساوي 176 دينار بحريني تقريباً

و حجزت موعد الاربعاء 26/9/2018 الساعة 12.45 ظهراً

في الابليكشن الجديدة أول 7 صفحات تكون عبارة عن إقرار بصحة المعلومات
و قائمة بالمستندات المطلوبة ( فقط الجواز - ما نحتاج صورة شخصية )
و قائمة بالمستندات المساندة ( مستندات مالية - حجوزات - أخرى)

جهزت انا من نفسي ما يلي
الابليكشن
ورقة الموعد
الجواز
رسالة راتب و قسيمة راتب
كشف حساب شهرين (حسابي جديد في البنك - عادة وقت تقديم الفيزا اقدم كشف حساب 3 شهور)
كشف حساب ل زوجي ل 3 شهور ( في الابليكشن كتبت انه بيدفع عني تكاليف السفر)
ونسخة من كل ما سبق خليتها معاي احتياط

وقبل الموعد ب يومين تقريباً
لقينا عرض على طيران الخليج و حجزنا و عرض في بوكينغ على الفندق ف حجزنا
و أخذت الحجوزات معاي

في يوم الموعد وصلت تقريباً قبل الموعد ب 45 دقيقة
و لكن ضاع الوقت و أنا أدور موقف لسيارتي في بناية المواقف التابعة للمركز
(المركز في بناية الدبلومات للمكاتب في المنطقة الدبلوماسية - زحمة فضيعة في المنطقة و البناية نفسها) لحد ما بقى على الموعد ربع ساعة فقط
ف إضطريت أكلم حارس البناية و اقول له عن ظرفي
و جزاه الله خير فتح لي موقف خاص و قال لي على مسؤوليته و نزلت بسرعة

الدخول للطابق الاول من البناية و اخذ بطاقة ثانية تفتح المصعد
المركز في الطابق ال 18

كل هاللف في الحر وترني و وصلت قبل الموعد ب 10 دقايق
بعد التفتيش و طلب اني اخلي موبايلي على الصامت

موظفة الاستقبال سجلت اسمي و الايميل و رقم التلفون
وطلبت الجواز و الابليكشن اول 7 صفحات فقط
عطتني رقم للانتظار و عدد من الاوراق للامانة ما عديتهم

كل ورقة تعتبر فاصل للمستندات اللي عندي
يعني مثلا ورقة للمستندات الخاصة بالحالة المالية
و تحتها احط اوراقي
ورقة الحجوزات
و تحتها احط حجوزاتي
و هكذا

طبعاً المركز فاضي ما فيه إلا انا و عايلة ثانية

ف على طول نادتني موظفة هندية
قلت لها للحين ما فصلت الاوراق قالت عادي عطيني ارتبهم لج

اول شي خذت الابليكشن .. و وقعت عليها
خدت الجواز
تعريف الراتب و كشف حسابي و حساب زوجي فقط

سألتني عن موعد السفر قلت لها 23 ديسمبر قالت اوكي اقل من 90 يوم

سألتني تبين تقدمين شي بعد ؟
قلت لها عندي حجوزات طيران و فندق

خذتهم و قالت خلاص كفاية
قالت ترا ما ناخذ الاوراق راح اصورهم و ارجعهم لج

دفعت (دينار - 10 ريال) لخدمة الرسائل النصية
و إنتظرت

لما خلصت تصوير الاوراق رجعتهم لي و قالت دورج للبصمة بعد العايلة لان عندهم اطفال

لكن من زود فضاوة المركز ناداني موظف خدمة ال VIP
و دخلني عندهم
جلست قدام الكيمرا و اقول اسمي و تاريخ ميلادي
و صورني
بصمت
و سألني عن نوع الفيزا

و وقعني على رصيد
و عطاني نسخة منه و قال خلصنا

خلصت كل الاجراءات الساعة 1.20

الساعة 4.27 العصر
وصلتني رسالة

ان الجواز راح السفارة

و دعاوتكم




المختصر

الابليكشن سهل جداً فقط نتبع خطوات آخر فرصة الله يجزاه خير
للتقديم تحتاج
الجواز - كشف حساب و تعريف راتب اذا بتدفع لنفسك و كشف حساب الشخص اللي بيدفع عنك (مثل حالتي)
حتى التأمين الطبي غير مطلوب


الحضور في البحرين
قبل ب وقت كافي لصعوبة الحصول على الموقف


والله يسهل لنا و لكم

 

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
قديم 27-09-2018, 07:24 PM   #2

مميزة اوروبا (محصّنة)

 
 
تاريخ التسجيل :  Mar 2017
رقم العضوية : 14053
الجنس : انثى
المشاركات : 1,011



افتراضي


بالتوفيق

ان شاء الله تطلع الفيزا باقرب وقت

لسه يطلبون منكم مستندات كثيرة الحمدلله احنا اكتفوا بالجواز والصفحة الاولى من الابلكيشن

يعطيك العافية لذكر تجربتك ليستفيد منها الاخوة بالبحرين


 

عاشقة المطر غير متواجد حالياً   رد مع اقتباس
قديم 27-09-2018, 08:45 PM   #3

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي



بالتوفيق

ان شاء الله تطلع الفيزا باقرب وقت

لسه يطلبون منكم مستندات كثيرة الحمدلله احنا اكتفوا بالجواز والصفحة الاولى من الابلكيشن

يعطيك العافية لذكر تجربتك ليستفيد منها الاخوة بالبحرين




ما طلبت الا الجواز و الابليكشن و كشف الحساب .. الباقي قدمته من نفسي

الله يسهل لي ولج ان شاء الله


Sent from my iPhone using Tapatalk

 

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
قديم 28-09-2018, 01:24 AM   #4

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


الحمدلله تسهلت الامور يام ريمه
بس والله غاليه الفيزا لسنتين وايد وايد ليش جذيه ؟
ان شاءالله تصير الكترونيه نفسنا ب ١٥ £ بس
طبعا الدخول مره وحده
اذا طلعت وبدش مره ثانيه لازم اسويها مره ثانيه
قبل لما كانت من المكتب ما تزيد عن ٣٧ دينار
اهم شي نبيج ما تنسينا من التقرير حبيبتي

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 28-09-2018, 03:58 PM   #5

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي تجربتي في إصدار الفيزا البريطانية من البحرين



الحمدلله تسهلت الامور يام ريمه
بس والله غاليه الفيزا لسنتين وايد وايد ليش جذيه ؟
ان شاءالله تصير الكترونيه نفسنا ب £ بس
طبعا الدخول مره وحده
اذا طلعت وبدش مره ثانيه لازم اسويها مره ثانيه
قبل لما كانت من المكتب ما تزيد عن دينار
اهم شي نبيج ما تنسينا من التقرير حبيبتي


أي والله غالية يا ام حسين
حتى ال شهور تصير ب 60 او 70 دينار تخيلي !
عاد انا قدمت سنتين لان اخوي بيتخرج السنة الياية ف قلت مرة وحدة

الله يعين ماعتقد يسوون لنا الكترونية اوضاع البحرين تختلف

الله يسهل يارب و تتيسر الرحلة و ان شاء الله أغطي لكم


Sent from my iPhone using Tapatalk

 

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
قديم 29-09-2018, 07:29 AM   #6

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


تجربة جميلة
نشكرك على طرحها ام ريمة


الاجراءات سهلة جدا و اللي سهلها ترتيبك للاوراق من بدري
توقيت التقديم ممتاز لان ماعندهم زحمة ابد


وانا اقول لك من الان مبروك مقدما
وان شاء الله نشوف تقرير عن بريطانيا بعيون بحرينية


الله يسعدك

 

أم ريمه و توبليرون معجبون بهذا.

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 30-09-2018, 11:12 AM   #7

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي



تجربة جميلة
نشكرك على طرحها ام ريمة


الاجراءات سهلة جدا و اللي سهلها ترتيبك للاوراق من بدري
توقيت التقديم ممتاز لان ماعندهم زحمة ابد


وانا اقول لك من الان مبروك مقدما
وان شاء الله نشوف تقرير عن بريطانيا بعيون بحرينية


الله يسعدك

اي الحمدلله تسهلت الامور ب فضل من الله
ان شاء الله تطلع الفيزا و ان شاء الله تتسهل السفرة

اول مرة في حياتي كلها ارتب حجوزات كل شي قبل بوقت طويل

 

توبليرونمعجبون بهذا.

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
قديم 01-10-2018, 02:05 PM   #8

مسافر جديد

 
 
تاريخ التسجيل :  May 2017
رقم العضوية : 14696
الجنس : انثى
المشاركات : 17



افتراضي


سلام عليكم اختي

بغيت اسأل عن فيزا لندن

إن شاءالله بسافر في شهر 12 بعد بس تاريخ 24

وللحين ما سويت الفيزا

هل تعتقدين بسوون مشكله ؟ من بعد ماشفت موضوعج في المنتدى خفت صراحة

حاولت اتصل فيهم بس عطوني رقمهم في ابوظبي و طلع مسكر الحين وشكله بعد ما راح يجاوبون على اسئلة تخص الفيزا

ليش ما سويت الفيزا للحين لان الكشف الحساب توني حاطه فيه مبلغ يعني ماكان فيه الا مبلغ بسيط و قالو ان لازم يكون فيه مبلغ في البنك ولازم يكون المبلغ موجود مدة 28 يوم ؟ مادري صراحه اذا صج او لا

مع العلم ان اشتغل يعني واضح ان الراتب يكون موجود كل شهر كدليل فقلت ان بروح اقدم على نص عشرة عشان يكون شهرين من موعد السفر

المرة الاولى اللي رحت فيها لندن كان خمسة ايام بس وعطوني عادي ماتذكر قبل جم يوم قدمت على الفيزا بس الحين متخوفة مادري شسوي

 

توبليرون و أم ريمه معجبون بهذا.
nofaaa غير متواجد حالياً   رد مع اقتباس
قديم 02-10-2018, 12:40 AM   #9

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


ان شاءالله تروحين يام ريمه وتكون احلى سفرة
وتقرير مفصل نبيه هذه العشق لندن
وحتى بعد سفرة تخرج اخوج بنشوف تقرير ثاني وبالبركة مقدما تخرجه

 

أم ريمهمعجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 02-10-2018, 09:15 AM   #10

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي



سلام عليكم اختي

بغيت اسأل عن فيزا لندن

إن شاءالله بسافر في شهر 12 بعد بس تاريخ 24

وللحين ما سويت الفيزا

هل تعتقدين بسوون مشكله ؟ من بعد ماشفت موضوعج في المنتدى خفت صراحة

حاولت اتصل فيهم بس عطوني رقمهم في ابوظبي و طلع مسكر الحين وشكله بعد ما راح يجاوبون على اسئلة تخص الفيزا

ليش ما سويت الفيزا للحين لان الكشف الحساب توني حاطه فيه مبلغ يعني ماكان فيه الا مبلغ بسيط و قالو ان لازم يكون فيه مبلغ في البنك ولازم يكون المبلغ موجود مدة 28 يوم ؟ مادري صراحه اذا صج او لا

مع العلم ان اشتغل يعني واضح ان الراتب يكون موجود كل شهر كدليل فقلت ان بروح اقدم على نص عشرة عشان يكون شهرين من موعد السفر

المرة الاولى اللي رحت فيها لندن كان خمسة ايام بس وعطوني عادي ماتذكر قبل جم يوم قدمت على الفيزا بس الحين متخوفة مادري شسوي
اهلا

الفيزا تحتاج 15 يوم عمل عشان تجهز .. يعني 3 اسابيع

و تقدرين تقدمين اي وقت من بعد 90 يوم من السفر
يعني اذا سفرج تاريخ 25 ديسمبر
التقديم يكون من بعد 27 سبتمبر .. يعني حالياً تقدرين تقدمين

بالنسبة للمبلغ
صح انتي تشتعلين بس الراتب اذا ما كان يغطي تكاليف السفر كاملة ما يكفي
شوفي زوجج او ابوج او احد يكفلج
و هذي خطاب تكفل بالمصاريف
https://www.arabtrvl.com/vb/t381.html
تقدمينه مع اوراقج و كشف حساب 3 شهور لهالشخص

عموماً نص شهر اكتوبر بيكون عندج وقت
اهم شي جهزي المستندات و عبي الابليكشن عشان تحجزين موعد
و هذي طريقتها
https://www.arabtrvl.com/vb/t33934.html

و لا تتخوفين الموضوع سهل و اذا احتجتي اي مساعدة احنا حاضرين

 

Abu Muatazمعجبون بهذا.

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تجربتي مع الفيزا البريطانية .. HASSAN فيزا بريطانيا 14 02-12-2021 10:49 PM
تجربتي في إصدار الفيزا البريطانية بالتفصيل الممل A91 فيزا بريطانيا 15 21-10-2018 01:00 AM
تجربتي مع الفيزا البريطانية PrinceOfPersia فيزا بريطانيا 20 21-06-2017 11:33 PM
تجربتي لاستخراج الفيزا البريطانية في جدة Ghadah2 فيزا بريطانيا 13 28-12-2016 01:00 AM
تجربتي في إصدار الفيزا الأمريكيه (المقابلة) سلطان فيزا امريكا 24 01-04-2016 03:58 PM

الساعة الآن 12:11 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO