|
اقتباس:
ما فيه أحسن من يوم الونيت يأخذ مطب جامد وأنت بالحوض تطيرين فوق وخايفة أنه يروح وتطيحين على الأرض اللي ما جربها فاته نص عمره خخخخخخخخ |
المشكله في الاكل هي الشبهه وليس اللذه انا لم اسافر لاوروبا او امريكا من قبل ولو حصل وسافرت فأكيد ان هاجس الاكل الحلال بيكون من الاولويات لي ولعيالي بالنسبه لكم انتوا يالنخبه ، اكيد انكم تعرفون الاماكن الموجود فيها الاكل الحلال والتفريق بين المطاعم المشبوهة وغير المشبوهة . من الجميل تذوق اكلات بلدان العالم المتنوعة فهذا جزء من متعة السفر:e10d: |
اقتباس:
أجل أخوهم جنت خان "سواق الوايت حق الموية !! :29::29::29: أي و الله أنا أشهد أنه ما فيه أحلى من أكل أهل الديرة اللى أنت رايح لها يجيك فريش و لا تحوس أنت و قدورك و تجلس تطامر في السوبرماركت تدور دجاج مذكى حلال !! و خذ لك عاد وش يثبت أن اللى ذبح الدجاجة وجهها للقبلة و لا أحلى من أنك تفتح برنامج Foursquare أو Yalp و تبحث عن المطاعم حسب التصنيف و تقرأ التعليقات و التقييم لكل مطعم و تعرف كم يبعد عندك و أوقات الدوام و هل يحتاج حجز "يا أخي متعة .. " |
اقتباس:
لو تسوي دراسة لشهادة الدكتوراة بتعتمد و بتألف مجلد بعد التخرج .. :32::32: |
اقتباس:
أخوي أبو عبدالله ... خذ الأمور سهالات و لا تأزم روحك ... و التفريق بين الأكل الحلال و الحرام واضح .. و ما يحتاج أني أبين لك لأن الواحد فيها عارف أن كل لحوم الخنزير و مشتقاتها "محرمة شرعاً" و أذا سافرت أوروبا أو أمريكا تقدر تأكل في المطاعم التى تقدم الأكل الكوشر Kosher اللى هو أكل اليهود مثلاً فهو حلال لأنه مثل المسلمين و تعاليم التوراة والتلمود خاصة تبين مايجب على اليهود أجتنابه والطريقة المناسبة لذبح الحيوانات وأنواع الأكل التي لا يمكن أكلها في نفس الوقت. اللحوم المحرمة على اليهود هي لحم الخنزير والجمل والأرنب البري والوبريات كوبر الشجر أو وبر الصخور. و أما الكوشر فهو حلال و أحل الله للمسلمين الأكل من طعام أهل الكتاب. والدليل على ذلك هو قول الله تعالى في سورة المائدة الآية (5) "الْيَوْمَ أُحِلَّ لَكُمُ الطَّيِّبَاتُ ۖ وَطَعَامُ الَّذِينَ أُوتُوا الْكِتَابَ حِلٌّ لَّكُمْ وَطَعَامُكُمْ حِلٌّ لَّهُمْ ۖ" و للمعلومية ... في أي مطعم تدخله أذا جيت تطلب أخبر العاملين بأنك لا تأكل أي من لحوم الخنزير أو الوجبات التى تدخل فيها مشتقات الخنزير أو تطبخ بالكحول .. و أثناء الطلب هو بينبهم على طلباتك و هذي طريقتنا في الطلب بالمطاعم أثناء السفر .. "سافر أستمتع .. و خل رزك و قدور الضغط حقتك بالبيت بالشرقية" :29::18::29: |
مسائكم جميل كجمال روحكم الجميله وأسعد الله أوقاتكم بكل خير اشوف موضوع الاكل شيق وممتع في كل حالاتة وكل شخص له طقوسه في نوعية الاكل في السفر سواء خارجيا او داخلي بل أصبح ثقافة مجتمعية متوارثة اذكر سكنت في فندق سان فرانسيسكو وكان ريحت الدور الي ساكن فيه طبخ هندي البهارات تعم الغرف في الاخير طلعو هنود ماخذين كم غرفة بجنب بعض ومافيه إلى طبخ ونفخ واذكر كنت مسافر لتركيا من مطار الرياض واشوف شنط السنيدي كثيرة وفيها أكياس رز وقدور استغربة الوضع. تحدثت مع واحد منهم وقلت حرام عليك رايح إلى تركيا احسن مكان فيه طعام عموم الشام وتركيا. من اهم سياحة عندهم هي الاكل قالي والله حن مانحب ناكل في المطاعم وووووو كلام كثير وعرفت انها تقافة اجتماعية من وجهة نظري الخاصة انها تعتمد على الدوله الي تزورها شرق آسيا. هناك صعوبة في تقبل اكلهم حتى كنتاكي وهارديز في طعم اكلهم الصوص من الافظل ان تبحث عن اكلنا هناك او تحضرة معك بقية الدول تقدر تاكل من اكلهم وتنوعه مسألة الحرام من الحلال فا اغلب الدول تعرف ذلك وتوضح ذاك في المطاعم والحمد لله قوقل صديقنا في كل شي تبحث عن ماتريد ويعطيك تم الإرسال من SM-N960F باستخدام Tapatalk |
فيه مطاعم يابو نواف في اندونيسيا تأكل صوابعك وراها وهي اندونيسية 100% برضه في تايلند الاكل البحري شي خيال في مانيلا مطعم (سي فود ماركت) من افضل المطاعم البحرية اللي جربتها الخيارات كثيرة لكن انك تأخذ عزبة وتطبخ وتنفخ هذي صعبة ممكن هنا لا مشكلة لكن هناك لا وقتك لازم تقضيه في الاكتشاف ومشاهدة كل جديد |
والله يابو غسان الاكل في السفر من الأولويات عندي ديرة مافيها عيشة ماتصلح اتفق معك ان فيه بعض المطاعم ممتازة انا في عيب ما اتقبل الأكلات بسرعة نفسي تعافة واعاني في بعض الدول من ذلك في تايلند ما احب الصوص حقهم تم الإرسال من SM-N960F باستخدام Tapatalk |
يسعد مساك أخوي أبو نواف ... على طاري عزبة السنيدي .. قبل فترة كنت مسافر من مطار الرياض على الأماراتية .. و كانت رحلتي إلى دبي من دبي إلى شنغهاي .. قبل ما أشحن شنطتي جاني واحد قالي ممكن تشحن لنا معاك أحد شنط العزبة حقتنا ؟؟ "أنا طارت عيوني :10::4:" قلت له معليش آسف .. أنا وجهتي غير وجهتكم !! قال مو أنت رايح دبي قلت نعم .. يعني معانا على نفس الطائرة !! المهم اللى عرفته عقب أنهم رايحين جاكرتا .. و طلع معهم وزن زائد حق شنط العزبة حوالي 1500 ريال :16: عاد سمعت واحد منهم يقول الأغراض اللى في الشنط ما توصل 500 ريال :32::32::32: و تبونا ندفع شحن 1500 ريال .. بالأخير عرفت أنهم أعطوها العمال بالمطار ... |
اقتباس:
|
اقتباس:
لا وتلقاهم أصلاً ما يعرفون يطبخون بس مع الخيل يا شقراء مرة قابلت واحد أعرفه بجاكرتا قال بس ضبط الجو ضبط أغراضك واطلع معنا الجبل نأخذ فيلا و ذاك التيس نشويه ومعها كبسة يحبها قلبك قلت له ياخوي شبعانين من التيوس بجده ودنا نغير جو :32::32: |
مهما تم ومهما صار لا تشحن شنطة لأي أحد و لا تأخذ حتى قارورة ماء من أي أحد خلك حريص المطار ما هو مكان للفزعات متأكد أنكم عارفين بس تذكير لأن الطيبة قد توديك في 60 داهية |
اقتباس:
احسنت وهذا الصح |
صباح الخير طيب اللي معدتها تضرب من اكل المطاعم :23: ما اقدر اكل فترة طويلة من المطاعم ومو اي اكل اقدر اكله عكسكم احب اطبخ بالسفر يوم او يومين خاصة بالارياف من باب التغيير بالمدن الكبيرة وفيها مطاعم متنوعة مايحتاج طبخ واللي عنده اطفال ومايأكلوا اي شيء كل واحد بالسفر ومزاجه وقناعته بس الوسط بكل شيء الافضل |
اقتباس:
:72::72::72: |
اقتباس:
الاطفال حالة خاصة التوازن حلو بالنسبة للعائلات اتفق مغاك |
السلام عليكم و رحمة الله و بركاته .. أسعد الله صباحكم بالخير و المسرات https://encrypted-tbn0.gstatic.com/i...NgzdQ&usqp=CAU |
اقتباس:
هذا الأكيد أنهم ما هم حول الطبخ و لا يدبرونه بس مع الخيل يا شقراء و أصلاً مأخذ التفاصيل و الخطة من قبل لا يسافر .. من واحد مثله ذكرنتي .. العام الماضي بالصيف كنت في أوروبا أنا و عيالي و سكنت بالنمسا في منطقة قريب زيلامسي .. المهم بعد ما رجعت كنت أسولف لواحد من الزملاء و إلا يقول لي: عساك رحت مزرعة الغزلان؟؟ قلت رحت و أنبسطوا العيال و شفنا الحيوانات على الطبية مو الغزلان بس هو أستغرب شوي و سألني ذقت لحم الغزلان؟ قلت لا بعدين عرفت أنه يقصد مزرعة في النمسا ما يبقى خليجي ما يوصي عليها و بالأخير قال لي: "فاتك نص عمرك :17:" بحثت قلت خليني أقرا عنها لقيت أنه لازم تحجز قبل تروح و قيمة الأكل غالية بعد حوالي 300 يورو يعني قريب الـ 1300 ريال سعودي !!! الله يعين بعض الناس على أنفسهم ... في السفر :6: |
اقتباس:
بالتأكيد .. و هي أهم وصية ننصح فيها كل أحد "لا تفزع لأي مخلوق بالمطار .... " و صدقت : "لا تأخذ حتى قارورة ماء من أي أحد" |
اقتباس:
أكيد أختي أم باسل ... المتعود على نظام غذائي أو طريقة طبخ معينة بيكون الأكل في السفر متعب بالنسبه له ... و الأطفال أتفق معاك حالات خاصة .. خصوصاً إذا راح الواحد مطعم ما يكون فيه وجبات مخصصة أو تناسب الأطفال ... و الطبخ في الأرياف .. ممتع بالتأكيد بس عاد الأشياء الخفيفة و أعتقد أنه أنسب شئ المكرونات بأنواعها لأنها مكوناتها متوفرة + مشبعة + مغذية + سريعة التحضير |
صحيح يابو معتز مزرعة الغزلان الكل يوصي عليها بالنمسا وهي غالية جداً اعتقد الموضوع هياط لا اقل ولا اكثر لابد من تغيير العادات بالسفر هذي هي الفكرة أنك تكسر الروتين وتسوي شي مختلف جمعة مباركة :e303: |
ابو معتز طبخت ببريطانيا ملوخية ناشفة منزلتها بتقريري :17: كان علشان خاطر اختي المغتربة نطبخ لها اللي تبغى مزرعة الغزلان زرتها بجرب لحم الغزال انصدمنا انه الغزلان والخرفان تنشوي وهي غير مدكاة وربعنا يأكلون عادي صح يجوز اكل لحم اكل الكتاب ادا ماتعرف طريقة الدبح مو مخنوقة قدامك |
اقتباس:
الأشكال هذي اللى يهايطون ينصح أنهم يأخذون حبة من https://pm1.narvii.com/6884/65ec4bde...-951v2_uhq.jpg |
اقتباس:
أم باسل .. بالله عليك مأخذه ملوخية ناشفة بريطانيا و أما طريقة الذبح في مزرعة الغزلان .. كتب عنها واحد و أرفق فيديو بأن العاملين بالمزرعة يقومون برمي الغزال ببندق الصيد و يجيبونه و يصلخ و يشوى .. و قد يكون الغزال مات قبل التذكيه "المهم المهايطي يأكل مستأنس .." |
اي والله يابو معتز اختي زوجها مبتعث هناك وهي مريضة وطلبت نجيب معانا ملوخية ناشفة نفسها فيها منزلة تقرير عن رحلتي لبريطانيا ويوم سويت الملوخية ههههههههه ان شاء الله النفسية تزين ونكمل تقرير الرياض وانزل تقرير بريطانيا اللي من 2018 |
اقتباس:
بعض من المسافرين ينقصهم ثقافة السفر مو الكل يهايط البعض يقلد بس واسم انه راح المكان ابو باسل كان في نقاش مع قريب لنا وانه ناوين نزور كوريا الجنوبية قاله وش تبي بكوريا اللي يأكلون كلاب تكرمون ولا تبي تروح علشان خايف بنتك تهرب زي اللي البنات هربوا كوريا روحوا تركيا ارخص لكم والناس كلها تروح لها وهو من ربع المغرمين بتركيا |
اقتباس:
الله يرجعهم بالسلامة ... و يشافي أختك و يرفع عنها و يمتعها بالصحة و العافية .. |
اللهم امين يااااااااااااااارب :e030: |
اقتباس:
كيف أوضاع أختك ؟ طمنينا عنها الله يمتعها بالصحة والعافية |
|
هلا ابو مغتز صباح النور االيوم ناموسية كحلي :58: |
هلا أبو غسان ... و الله اليوم سحبنا شوي في النومة .. بسبب السهرة البارح لوقت متأخر |
حتى انا زيك قمت 7:30 و رجعت نمت مرة ثانية في زمن الكورونا الواحد ما يشبع من النوم تتذكرون رواية الحب في زمن الكوليرا للرائع جبريل جارسيا هل ممكن نشوف رواية مشابهه الحب في زمن الكورونا :e032: |
اقتباس:
صاحب الفكره اولى بتنفيذها :72: |
ليش لا يا أبو غسان ممكن تلاقي مع الأيام رواية بأسم " العشق الكاروني .. " |
هذا تخصص عربوووه هم اهل الشطحات خيالاتهم خصبة :57: |
أصحاب الخيالات الخصبة صاروا مليارديرات يابو عبدالله أحدثهم ايلون ماسك حق سيارة تسلا في 2008 أفلس وطلق زوجته وفي 2020 ثروته تقدر بـ 50 مليون دولار السعادة عبارة عن خيال خصب |
اقتباس:
شكله افلس بسبب زوجته ياعمده خيالها المادي هو اللي طلع خصب واعطبت الرجال :14: |
اقتباس:
|
اقتباس:
|
| الساعة الآن 03:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO