|
اقتباس:
أول شئ كل عام و أنت بخير يا صديقي أبو عبدالله .. و معليش ما أقدم هدايا من الذهب الخاص (Black Coffee) لغير عشاقها ممن يثبت ولائهم لدينا !!! |
اقتباس:
كل عام وأنت بخير يا حازم منور المركاز عندي لك سؤال يا باشا الاتراك بعد الوجبة في المطعم ايش يقدم لك مجاناً ؟؟؟ (شاي ) لأن الكرتون بقيمة كوب قهوة :) :) :) :e045: |
اقتباس:
الاتراك يقدمون الشاي لضيوفهم لان الشاي وسيلة لإكرام الضيف عندهم وتلاقيه يعطيك الفنجان ويقول إكرام إكرام لكن القهوة مالها كرت عندهم ولا يهتمون فيها:e113: |
السلام عليكم و رحمة الله و بركاته .. :e110:صباح السعادة .. صباح الأبتسامة:e110: https://i.pinimg.com/originals/b9/5e...0b633cbc44.jpg |
اقتباس:
يا ابو عبدالله .... القهوة اللى تقول ما لها كرت من شهرتها في أي مكان في العالم كله لازم تلاقيها .. لدرحة سميت أماكن شربها "كافيه .. Cafe" تقدير و تعظيم لدورها في تحسين مزاج الذواقة ... و بعدين جيب لي محل يقدم شاهي بس يمحل أسم مشتق من الشاهي؟ "كم أنتي عظيمة أيتها القهوة السمراء ..." |
اقتباس:
ماهو اكرام يابو عبدالله هذا الزام كوب مويه ملونة تحدّر فيه مبلغ الفاتورة عشان ما تغص وأنت تقرأها :) :) :) اذا كانت اكرام امش ولاتدفع الفاتورة وقولهم المرة هذي عليكم أنا ضيف |
|
كل عام وانتم بخير شلونكم :e030: |
صباح النور أبو معتز كل عام وأنت بخير ايمان كلش تمام السنة هذي ما فيه عيديات |
يا هلا .. كل عام و أنتي بخير أيمان ... لا جديد ... معيدين في بيوتنا ..و الحمد لله |
اقتباس:
بعيد الفطر كان الحظر كلي ماطلعنا من البيت نهائيا والحين الحظر جزئي بس مريت عيدت على الوالد والوالدة من بعيد:23: |
2020 قلبت علينا الموازيين رأساً على عقب لأول مره من ما يزيد عن 10 سنوات أكون في شهر أغسطس في الديرة غالباً كانت سفراتي يتم جدولتها ما بين بداية جولاي .. إلى نهاية أغسطس الحمد لله على كل حال .. "بس و الله ذبحنا الحر" |
|
اقتباس:
مشتاقين للسفر الشنطة جاهزة ودنا بديرة باردة |
اقتباس:
|
نصيحة للجميع لاتشيل معك الا شنطة مقاس 55 سم اللي تطلع معاك بكبينة الطائرة راح توفر الكثير من الوقت وتقلل فرص ضياعها عادةً تشيل 3 بناطيل + 3 تي شيرت مع باقي مستلزماتك مثل الشواحن + العطور + الادوية + ملابس نوم و داخلية + منشفة دايم اشتري شي جديد من برا تي شيرتات زيادة + جكيت مطر لو احتجت + جزمة رياضية الشامبو + معجون الاسنان + الفرشاة + الصابون + كريمات في حال كانت عائلة كل واحد يكون معاه شنطة خاصة فيها نفس المقاس 55 وبكذا ترتاح من هم الشحن وانتظار الشنط و راح تكون متعة شراء الأشياء من البلد اللي رايح لها عن تجربة حتى شنطتك راح تكون فخمة وما تتعرض للتكسير أثناء الشحن |
أتفق معاك يا أبو غسان 1000,000% بس من يسمع ؟؟ و الله نتعب و نحن نقول هالكلام !!! خصوصاً الحريم و الله تشيل الدولاب كله و ترجع بمثل الملابس اللى شالتها معاها و أكثر ... و اللى يقهر أن بعضهم تشتري الملابس و تجيبها جديدة معاها للديرة و لا تلبسها في السفر !! طيب ليه؟ أذكر فيه زميل يقول .. أذا جيت أسافر غير ملابس العمل أشيل معاي اللى تحتاج تغيير و هناك ألبسها و أرميها و في الغالب أشتري ملابس مثل تيشيرتات أو شورتات و أجيبها ... " شخصياً جريتها و صارت الفكرة :72:" |
برافو يابو معتز لاحظت بعض الزملاء لما يسافر يلبس نفس ملابس العمل أو ملابسه في جده وهذا خطأ بنظري اشيل معي ملابس جديدة مجهزها للسفرة غالباً اشتريها وقت التخفيضات بس تكون ماركة ولما أروح مثلاً امريكا اشتري من هناك الهدف أنك تتماشى مع متوسط الذوق في البلد وهذا يكون واضح من معروضات الماركات المشهورة وبرضه اللوك الجديد والملابس الجديدة تعطيك احساس مختلف شخصياً الزمتهم بهذا المبدأ وكل واحد مسؤول عن شنطته وأشيائه ماهو شغلي أقعد اراقب الشنط و أدفها وأقنعتهم بمبدأ التسوق عند الوصول للبلد ما تلتزم ما تسافر بكل بساطة |
مساكم الله بالخير جميعاً كيف حالكم يا اهل المركـاز |
صباح الخير للجميع |
|
اسعد الله جميع اوقاتكم بكل خير :e04d: فكرة شنطة 55 ممتازه وعمليه وشخصيه ولكن ما اعتقد ان اصحاب العوائل الكبيره يحبذون الفكره !! عائله من 7 او 8 اشخاص يمشون في المطار ويسحبون 7 او 8 شنط صعبه شوي وحتى صعبه في تحميلها في سيارات الاجره او التنقل بها ! لابد من شنطه عائلية وخصوصاً لمن لديهم اطفال تحت البلوغ :e324: |
اقتباس:
صحيح .. و الله كنا نصادف البعض الله و الملابس تتكرر معاه في كل سفرة على الرغم مثل ما تفضلت فيه ملابس ذوق و خصوصاً المتعود على لبس التي شيرتات و الجينز في السفر فرصة يشتري من التخفيضات شخصياً .. في السفر للسياحة جينز واحد أو أثنين بالكثير (حسب المدة) و الباقي شورتات و تي شيرتات و دائماً في رحلة الذهاب و العودة اللبس يكون ترنق رياضي مريح للحركة .. و فكرة كل واحد مسئول عن شنطتة بالنسبة للعائلة و الله من طبقتها أرتحت جداً "المهم دائمةً أحرصهم بأن الوزن ما يتجاوز 23 كجم" و للأحتياط يكون معنا شنطة من النوع المرن توضع في قاع الشنطة لوضع الأشياء الزائدة أو الأشياء اللى تحتاج حرص ... (مثل هالنوع) https://www.jarir.com/cdn-cgi/image/...2/422439.jpg?1 |
اقتباس:
يا هلا أبو سيف ... الله يسعد كل أوقاتك بالخير و المسرات ... أهل المركاز بخير ,,, و الحمد لله |
اقتباس:
صباح الخيرات و المسرات أبو يزن |
اقتباس:
يا هلا بالغالي أبو عبدالله ... و الله فكرة الشنط الفردية لكل شخص فكرة ممتازة و جربها بتشوف الفرق و خلي كل واحد مسئول عن شنطته من الخروج من البيت و أنتظارها على سير العفش (إذا كانت مشحونة) و موضوع سيارات الأجرة .. في الأصل كثير من المواقع تحدد لك عدد و الركاب و الشنط إذا جيت تحجز و أن زاد عدد الحقائب السسيتم يقترح عليك سيارة أكبر ... عاد موضوع الأطفال و شنطهم هذي تختلف من عائلة إلى عائلة .. مره شفت عائلة (أب + أم + 3 أطفال) مسافرين معاكم شنطة وحده لحالها يبي لها ونش و سيارة تشيلها :24: |
صباح الخير شلونكم فكرة الجنطة 55 سم تصلح للرجال ملابسكم شورتات وتي شيرتات اما احنا الحريم ملابسنا وايد :32: |
اقتباس:
ما هي صعبة بس تحتاج تعود |
اقتباس:
هلا ايمان لازم تتغيرون تشيلون الدولاب كله مش معقول !!! بلاش من السفر :32: |
اقتباس:
:72: |
اقتباس:
ههههههه اذا سفره قريبه وقصيره ممكن بس اذا طويله وبعيده لازم اكبر Sent from my iPhone using Tapatalk |
|
صباح الخير جميعا وكل عام وانتم بالف خير السياحة الداخلية وحقيبة السفر (محاور النقاش في الفترة الماضية) السياحة الداخلية عليها ملاحظات كثيرة أهمها السعر المبالغ مقابل الخدمات والجودة النظافة قد تكون مقبولة الى حد ما في الفنادق لكن الشقق المفروشة مافيها اهتمام الا ما ندر أيضا كثير من الزوار (منطقة الجنوب وأبها تحديدا) فترة العيد اشتكوا من الغاء الحجوزات بدون أسباب منطقية أما حقيبة السفر عني شخصيا 3 جينزات (وصراحة هي نفس ما ألبسه في يومياتي العادية المهم يكون نظيف وبحالة جيدة ) قميصين والباقي تيشيرتات واذا احتجت شي اشتري من هناك |
اقتباس:
اتوقع فيها متعة خصوصا شخصين او ثلاثة ويختاروا هوستل نظيف وكدة تشخروا براحتكم والتنقل بين المدن عن طريق الجروبات او السيارات الخاصة الجماعية او الباصات |
صباح الخير على الجميع أبو مهاب صناعة السياحة عندنا لا زالت في بداياتها الغاء الحجوزات حصل لي حتى بالرياض اللي يدير الاستقبال عادةً عمالة غير مدربة والمفروض الزام جميع من يأجر بشكل تجاري أن يوظف خريج سياحة وفندقة لنضمن خدمة لائقة للعميل |
في الأصل ما زال نسبة كبيرة من المواطنين ما يعترف بالحجز قبل السفر!! ما زال فيه ناس تواصل و تروح تدور على سكن !!! فالبتأكيد ما يتفعل نظام الحجز المسبق ما لم يكن ألزامي بيجي البعض و يقول .. أيش يضمن لي نظافة المكان أو أني ما ألاقي مكان أفضل منه و سعره أقل .. !! هنا يأتي دور الفرق الرقابية لهيئة السياحة في تصنيف الوحدات السكنية الفندقية و التأكد من ألتزامهم بالأسعار ... و لكن في ظل الفضوى اللى نشوفها سوف نستمر ندور حول الصفر |
مركاز العرب المسافرون 7 قبل فترة كنت أتكلم مع شخص معرفة عن السفر و الترتيبات ومن ضمن الحديث تطرقنا لموضوع الحجز و دفع المبلغ قبل السفر في بعض الأمكان (طبعاً كان التحديث تحديداً عن موقع Airbnb) و كنت أقول بأن الدفع و سحب المبلغ يتم قبل السعر بشهر أحياناً و بعض الملاك يضع شرط بأن لو تم الحجز و ألغيت قبل 60 يوم من الوصول يطالب بـ 50% من قيمة الأيجار ... قال: أنه مستحيل يقبل بمثل هالشروط و أنه ما يدفع مقدماً و مستمر على فكرة أحجز يومين في البلد اللى مسافر له و بعدين يبحث على راحته!! و ما زال مقتنع بانه يحصل أسعار أفضل منا في كل سفراته الموضوع قناعات |
فعلاً يابو معتز البعض لازال غير مقتنع بشئ اسمه حجز مسبق سواء فندق او طيران او حتى موعد دكتور والحل اننا نرفع سعر walk in للي يجي بدون حجز وبالتالي الكل يقتنع وعندنا جرير كمثال اذا اشتريت من الموقع ارخص وتحصل على هدايا و ذلك في خطوة منهم لتفعيل الشراء اونلاين وقد نجحوا في ذلك |
تدري لو يتم تفعيل هذي الخطوة .. ان اللى يجي ما عنده حجز يدفع السعر الأعلى بدون خصومات و الله ان تلاقي الشعب كله يسب و يتذمر و يسخط و ينتقد .... كثير من الشعب عندنا ضد التغيير !!! فيه قروب واتساب حق سيارات .. انا مشترك فيه قبل كم يوم دخل علينا واحد يشتم و يسب في خدمة الصيانة حقت الوكيل ...و يقوم ما فيه مواعيد و .. و .. يوم سألوه البعض اكتشفنا انه كان عنده موعد صيانة و لا راح يودي السيارة .. المهم رجع كلم الوكالة يبي موعد جديد قالوا له ما فيه مواعيد كلها فل الى بعد العيد !! هنا الأخ زعل و قال انا بسافر بالعيد و الوكيل رافض يسوي لي موعد و خدمات الوكيل مثل الزفت طيب وش ذنب الوكيل في أهمالك ؟؟ Sent from my iPhone using Tapatalk |
للأسف نفتقد للتخطيط قليل ناس يخططون لما سيقومون به العيد عندنا موعده ثابت ولازال فيه ناس تصر على تفصيل ثيابها آخر رمضان الظروف الطارئة لها استثناء لكن ان تكون حياتك كلها ظروف طارئة فيه مشكلة لابد من حلها |
| الساعة الآن 02:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO