|
حسافه على الحديقة اسعارها غاليه و ما شفتوا الا اللي ذكرتهم اما المطعم الايطالي ههههه |
تقرير خفيف دم الله يخلي الوالده والمدام ربع التسوق لازم اي شي يعجبك اشتريه قبل لا تندم وترجع ما تحصله عادي من اول يوم اتسوق هههه الطريج الجبلي يخرع بالليل الله حفظكم مع دعوات الوالده حسافه على حديقة الحيوان ما استانس سعود بانتظار الباقي والصور :7: |
اهلا و سهلا بالنسبة للاوت لت نعم الاسعار تفرق كثير.. على سبيل المثال.. جزمة اديداس اعزكم الله هناك بالسعودي تطلع ب 400 ريال هنا في الشرقية لقيت نفسها ب 750 ريال اما بخصوص السيارة.. تحجزها اون لاين و تعبي بياناتك فقط و الرخصة السعودية تكفي |
اعتذر عن تأخيري في تكلمة التقرير و ذلك لانشغالي و سفري الى الرياض برحلة عمل عموما الحلقة الخامسة في هذا اليوم قررنا نروح على لوس انجلوس و كان الجدول كالاتي فطور في البيت مسكنا خط لوس انجلوس و رحنا على الووك اوف فيم الشهير (نجوم المشاهير) وصلنا و وقفنا في مواقف عامه كان سعر المواقف 25 دولار لليوم كامل. نزلنا و تمشينا شوي بين النجوم و فجأه ولدي سعود يصرخ سباااايدرمااان سبااايدرماان.. شاف معشوقه سبايدرمان.. طبعا سبايدرمان ما صدق خبر جا على طول و معاه صاحبه ميكي الملقوف .. جاو عندنا يلا صوره صوره و نشب في حلقي و سعود يصارخ و يسويله حركة الخيوط و انا اقول نو ثانك يو المهم مع الازعاج و القروشة صورنا مع سبايدرمان و ميكي النصابين و اخذو مني 30 دولار و فاجئني بسؤاله بتدفع كاش ولا بطاقة.. سبايدرمان طلع معاه جهاز مدى هههههههههههههه الله يسامحك يا سعود خليتنا نصور مع سبايدرمان من جولي شيك. كملنا تمشي مرينا على المسرح الصيني و هو المسرح الشهير اللي تنعرض في الافلام اول بأول .. دخلنا كم محل سوفينير و بعدها قررنا نتجه للجميله سانتا مونيكا رحنا على سانتا مونيكا وقفنا السيارة في مواقف عامه و نفس السعر 25 دولار لليوم نزلنا و تمشينا في ال3رد ستريت.. شارع جدا جميل تكسوه المطاعم من الجهتين (حلوه تكسوه) و ناس تغني بالنص و بعدها كملنا تمشي لين شاطئ سانتا مونيكا الرائع.. جلسنا نستمتع بمنظر البحر لين جاتني هوملس من وراي خرعتني ما ادري وش قالت بس واضح انها تدعي علينا و جيسس و ذا لورد و هيل اللي هو الجحيم .. المهم مشينا من عندها و كملنا مشي اخذنا ايس كريم لسعود من كشكات الايسكريم اللي على البحر. بعدها رجعنا لل3رد ستريت و قررنا نتغدى في مطعم ما يبيع الا دجاج سواءا اصابع او ساندويشات.. كان ممتاز بصراحة.. بعدها رجعنا للسيارة و قررنا نرجع لارفاين عشان نروح صيدلية وولقرين الشهيره الطريق الى ارفاين كان جدا زحمه اخذ معاي الطريق ساعه و اربعين دقيقه وصلنا للصيدلية.. الحريم بدأو غزوتهم الثانيه في قسم المكياج و الكريمات و انا و سعود رحنا نتمشى و فجأه سعود يأشر على الخمر لونه احمر يقول (بابا ابغى جوس) قلت له يا ولدي هذا جوس يخليك تشوفني انا سبايدرمان ههههه. رحت شريت له جوس طبعا مو الخمر ههههه و بعدها حاسبنا و توجهنا لشقتنا الجميله. سعود نام بدري و قررنا نظبط لنا فلم و نتفرج و هذي نقطة حلوة ان الشركة المأجرة للشقة حاطه بالتلفزيون اشتراك في Hulu مجانا للعملاء و هو مثل نتفلكس. و هذا كان يومنا الخامس.. نرجع لكم برحلة ديزني لاند في الحلقة القادمه و اعذروني ما عرفت اظبط الصور |
حلوة تفاصيلك الواقعية ونقلك الصادق ليومياتك بعيدا عن بهارات الإبهار والتشويق وتصوير منطقة هوليود وسانتا مونيكا والثيرد ستريت وبيفرلي هيلز على أنها الحلم صعب المنال..ومن تحقق حلمه بالوصول لهم فهو في جنة الله في أرضه ... معاك حق هالمناطق مافيها إلا صرف فلوس على الفاضي ..صعوبة في إيجاد الباركنات وإذا لقيت لك باركنغ فأصحابه حرامية يأجروه باليوم ومن بيقعد طول اليوم في شارع؟ معروف بتتمشى فيه ساعة ساعتين وبتطلع ليش تدفع 25 دولار على ساعتين؟ حط لي سعر الساعة الأولى مثلا بكم والساعة الثانية بكم والنصف ساعة بكم ؟ وما زاد عن ذلك...الخ نفس الباركنات المحترمة في الدول الراقية.. وعندك موضوع هالملاقيف اللي يتنقزون ويزعجون الواحد إلا بنصور معاك وعقب ياخذون مبلغ وقدره ..نفس نيويورك والتايمز سكوير..نصب في نصب..:20: غير الزحمة ..شفت المشوار؟ ساعتين إلا ربع :12: والله ماتوصل إرفاين إلا ماتحس بأصابع رجولك ..وتخيل لو كل يومين نازل الشمال عشان معظم المطاعم بعيدة في الشمال أو المولات أو سيكس فلاقز وغيرها فتضطر تسوق ساعة ونص رايح ساعة ونص راجع ..وجربت في أكثر من وقت أروح الشمال .. الضحى زحمة الظهر زحمة العصر زحمة الليل زحمة لين 12 بالليل ..ما أدري هالأوادم ماينامون؟ مايشتغلون؟:9: عشان جذي أنا أرجح السكن بالجنوب ..والنزول مرة أو مرتين للشمال وخلاص لين يوم السفر لأن زحمتهم تطفر.. متابعين معاك نقلك الحي والجميل لرحلتك الممتعة.. |
ههههههههه سبايدر مان كشخه يخيرك كاش ولا كرت هذا دليل ان هذي مهنتهم لان جهاز السحب عليه رسوم شهرية وعلى كل عملية سحب عموله .. الله يحفظه سعود يبي جوس احمر 😃😃 هههههه السوق وراك وراك عليهم بالعافيه معاك إلى ديزني لاند |
جميل زرتوا جادة المشاهير وشفتوا المسرح الصيني ما شفتوا مايكل جاكسون جنب سبايدر مان هههههه لاعبينها صح جنب كل نجمة يضبطون الكاركتر وهات تصوير سانتا مونيكا شاطئ رائع لو شبيت بشعرها نار وخليتها تعرف هيل مضبوط هههههه |
مستمتعين بالسوالف وعليهم بالعافيه الحريم يستاهلون التشري وسعود طلباته اوامر المواقف صاجة قطريه وايد ب 25 دولار لو يحسبونها بالساعه افضل وبانتظار القادم |
الحلقة السادسة في هذا اليوم كانت وجهتنا الى ديزني لاند و طبعا حجزنا التذاكر اونلاين قبلها بيومين و اخترنا نضيف عليها الاكسبرس باس او الفاست تراك. صحينا الصباح و فطرنا في البيت و جهزنا و توجهنا لدزني لاند اللي تبعد ربع ساعه عن الشقه (الحمدلله اول مشوار قصير) توجهنا هناك و رحنا جهة المواقف, التنظيم للمواقف جدا رائع .. ناس واقفين ينظمون المواقف بحيث ان كل لاين يمتلي اول عشان يفتحون اللاين الثاني. وقفنا و توجهنا لجهة الباصات المقله الى البارك و بعد وصولنا توجهنا للحديفة الاولى اللي هي ديزني كاليفورنيا ادفانتشر لاند. بدينا نلعب سعود في و كان جدا مبسوط و اغلب الالعاب كانت له .. المكان ممتع الجو العام جميل و الاحلى التشورو حق دزني كان لذيذ. بعدها قررنا انا و المدام نلعب لعبة الاصنصير و كانت كما اذكرها رهييييبه و تخوف و تحس انك تطير. بعدها كملنا تمشي في البارك و سعود نشب الا يصبغ وجهه و صبغناه و فجأه شفنا الحب الاولي لسعود سبايدرمان طبعا الاصلي مهو مثل النصاب هذاك. اخذ سبايدرمان سعود بالاحضان و سعود بدأ يسولف معاه و يسوي له حركة الخيوط بيده.. ما تصدقون فرحة سعود لما شاف سبايدرمان ياخذ و يعطي معاه.. اخذنا كم صوره رائعه مع شيخ العناكب بعدها قررنا نتغدى في احد المطاعم اللي هناك. طبعا الاكل مش ولا بد بس مشي حالك. قررنا نروح للبارك الثاني.. و كانت اغلب الالعاب للاطفال و بدينا نلعب سعود لين تعب و نام. هنا الحريم بدأت غزوتهم الثالثه بمحلات ديزني و شراء ملابس للاحفاد و الصغار و انا ماسك عربية سعود و جالس استقبل مسجات البنك بالمبالغ المخصومه ههههههههههه بعدها توجهنا لميكي داون تاون و هو المكان اللي فيه بيوت ميكي و ميني و غيره من شخصيات ديزني الاساسية. سعود صحى و اخذته داخل بيت ميكي.. تمشينا داخل بيته الجميل و في اخر جزء قابلنا شيخ الفيران ميكي ماوس,, سلم عليه سعود و تصور معاه و طبعا سواله حركة سبايدرمان مع ان ماله دخل بس خلاص مسكت غلط. بعدها قررنا نطلع و نرجع للبيت لان صارت الساعه 6 و التعب حل علينا بعد يوم ممتع مليء بالاثاره طبعا مشوار الرجعه ما اخذ اكثر من عشرين دقيقه و رجعنا لشقتنا الجميله. راجع لكم باليوم الجديد و رحلة ضواحي ارفاين و حديقة الفراولة |
اللله ياديزني لاند..:e022::62: أجمل مدينة ترفيهية بالعالم مو بألعابها بل بشخصايتها وعروضها المتميزة.. حلو أنكم حجزتوا التذاكر قبلها بكم يوم وغريبة وجود تذاكر لديزني بخاصية الفاست تراك..على خبري لين العام ماكان في لديزني وتذاكرها هاخاصية وإن وجدت فهي لكم لعبة فقط وعلى الأبلكيشن تحجز دورك والتذاكر مالها دخل.. على العموم منتظرين منك توضيح لما استجد..:63: حبيبي ياسعود الحمد لله ربي عوضه بسبايدرمان الأصلي وتواصل معاه وفرح به.. ماشاء الله كيف كفاكم الوقت تمشي ولعب ومشتريات لحديقتين وخلصتوا الساعة 6:00؟ :e419: خسارة ماجلستوا للعرض الختامي والألعاب النارية ..قمة المتعة ..:e24c: متابعين معاك يومياتك الجميلة في لوس أنجلوس..:62: |
قريت من فترة بسيطة ان اسعار ديزني تضاعفت ووصلت لقريب 200 دولار ..فيمكن تغييرات الفاست تراك صارت في هذا الوقت.. الصراحة التقرير جميل .. وملاحظ في المنتدى كل تقرير يقول الزود عندي.. ماشاء الله تقارير مشوقة ومفيدة واحس كأني ازور هالاماكن . |
اقتباس:
حياك الله أخي باراشوت واسمح لي أن أجيبك بخصوص التذاكر وياريت الخبراء يصلحون لي لو كانت معلوماتي قديمة..:12: تذاكر ديزني تختلف حسب اليوم والشهر وعدد الأيام المرغوبة لزيارة هذه الحدائق.. فمثلا يمكنك زيارة كل حديقة في يوم منفصل وبتذكرة منفصلة وسعر هذا النوع مختلف عن سعر تذاكر زيارة الحديقتين في نفس اليوم كما فعل أخونا طارق ..وكل ذلك لا يشمل الفاست تراك ..فكما أسلفت هذه خاصية تتمتع بها حدائق يونيفيرسال ستوديو وليست ديزني لاند.. مثلا زيارة حديقة ديزني لاند في يوم لحالها لشخص بالغ قد تختلف باختلاف أيام الأسبوع فعندك يوم الأربعاء أحيانا تكون في أحدالشهور ب 114 دولار للشخص والخميس ب 124 دولار والجمعة ب 139 دولار والسبت 154 دولار ..في حين أن زيارة الحديقتين بنفس اليوم وتسمى الهيب هوب يكون سعر التذكرة للشخص البالغ يوم الأربعاء من أحد الشهور 169 دولار والخميس 179 دولار والجمعة 194 دولار والسبت 209 دولار ...وهكذا.. أتمنى اتضحت الصورة لك أخي الكريم بخصوص أسعار الدخول لحدائق ديزني.. وبالتوفيق..:e030: |
بالنسبة للتذاكر اسف اني ما وضحتها بشكل تفصيلي.. الفاست تراك لازم تختار اللعبة و الوقت بس ما كانو محددين كم لعبة اما بالنسبة للاسعار كلفتنا تقريبا 800 دولار لاربع اشخاص مع الفاست تراك اما سؤالك على كيف ختمتوا الالعاب..ديزني كانت لسعود لان ورانا يونيفرسال للكبار هههه و بالنسبة للعرض ما انتظرنا لان الوالده الله يعطيها طولة العمر كبيره بالسن ف حسيت انها بدت تتعب ف قررنا نروح |
اقتباس:
الله يعطيها الصحة والعافية وطولة العمر ..الوالدة من ربعي باصف جنبها..:32: :32:أنا عام 2018 كنت تعبانة جدا وطلعناما انتظرت العرض الختامي ..:32: ربي يرزقك برها يارب وتعيش وتسافر معاك كل مكان بالدنيا يارب :e305: |
دزني حلوه كبار وصغار الاصنصير وناسه لعبته بباريس ربي يحفظ سعود شكله وايد معجب بسبايدر مان الله يطول بعمر الوالده واحلى شي لنا الحريم التسوق للاحفاد |
مبدع اخ طارق في سرد الرحلة اتفق معك ان الاكل مش ممناز اما الرسائل فحكاية من الالم البطي لصاحب البطاقة |
طولت علينا أخ طارق..طمنا عليك..يارب تكونون جميعا بألف خير.. |
نتمنى ان تكون غيبة وانتو بخير وصحة وسلامة |
ديزني اتهبل و محلاتها عالم ثااني ما الوم الحريم في محلات ديزني خصوصا ان دول الغرب شاطرين في سحب العميل من الفاترينه و تنسيقهم اللي يجذب الزبون .. وينك يا اخ طارق |
السلام عليكم ادري طولت عليكم لكن الوضع شوي عندي تلخبط مع ازمة كورونا و العمل و امور اخرى ابعدتني عن المنتدى باذن الله راح اكمل لكم تفاصيل رحلتي قريبا اتمنى للجميع دوام الصحة و العافية |
اقتباس:
عليكم السلام.. عودا حميدا أخ طارق..والحمدلله على سلامة العودة للمنتدى.. سلامات إن شاء الله..وبانتظار تفاصيل رحلتك الجميلة بأسرع وقت..:18: يكفي إن مافي سفرة قريبة خلاص وإنلغت كل الخطط والترتيبات..:28: ما أمدانا نتنفس شوي ونقول يارب تخارجنا من كورونا وأزمتها ويضعف الفايروس شوي شوي إلا سمعنا بأحداث العنصرية ومقتل جورج فلويد والعنف والتخريب اللي انتشر في يوم ليلة في معظم الولايات كالنار في الهشيم.. وأصبحنا نتابع مظاهر تهاوي الذكريات الجميلة لنا في بلاد العم سام كما تهاوت معها كل خططنا في السفر لهذا العام.. ننتظر أن نعيش الحلم الجميل مع تقريرك بأسرع وقت أخي الكريم فلا تتأخر علينا .. |
الحمدلله على السلامة وعودة حميدة بانتظار التشويق |
ننتظر تقريرك بفارغ الصعب, عندي علامة استفهام كبيرة وهي مظاهر العنصرية الي تعاني منها امريكا مع انها تضم مختلف جنسيات واعراق متنوعة من دول العالم ف اشلون لا زالوا يعانون من العنصرية والتفرقه مع اني اشوف ان يصير بينهم زواج بين مختلف العرقيات هل العنصرية مختبئة في اعماق نفوسهم وتتنظر اللحظة المناسبة للظهور في حدث معين او هو نتيجة تفوق العرق الابيض بسبب موروث تاريخي متأصل في الهجرات الاوروبية الي توالت على قارة امريكا وفكرة الرجل الابيض، وسؤالي للاعضاء والعضوات هل في مره تعرضتوا لتنمر او سلوك عنصري اتجاهكم في امريكا؟ |
بسم الله و على بركة الله نبدأ يومنا السادس مدري السابع الله ياخذ كورونا خلاني انسى تفاصيل رحلتي.. قبل لا ابدأ بسرد اليوم السابع خلوني انوه على نقطة مهمة,, ان الوالدة الله يحفظها ما تنام الليل لو ما شرت للكل هدايا ف قررنا نخلي اليوم السابع يوم للتسوق في كيتادل اوت لت و مكانه بين ارفاين و لوس انجلوس. لكن في البداية قلنا لازم نعبي الكرشة ف قررنا نروح نفطر في ايرث كافيه الواقع على شواطئ لاقونا بيتش رحنا للمقهى و قفنا و انا احط قروش للمواقف مر هوملس و قالي ليه ما تعطيني القروش؟ قلت له و انت توقف مكان السيارة؟ طبعا سبني و مشى:e419: اكل المقهى جدا لذيذ و قهوتم في المخيخ الايسر من حلاوته (مدري في مخيخ ايسر ولا لا) بعدها مسكنا طريقنا الى الاوت لت, اخذ معانا تقريبا نص ساعه, الطريق هادي زحمه خفيفه الامور كلها تمام وصلنا و بدأنا مسلسل التسوق,, انا هنا قلت في نفسي لازم ادلع عمري و اشتريلي انا بعد لان الايام الماضية كان التركيز على الاهل و سعود تحديدا و انا ناسي نفسي. فقررت اسلم سعود لام سعود و الوالدة و اعطيهم بطاقة (اللهم استودعتها) هههه و انا اروح اشتري. وانا امشي لسه ما دخلت اي محل جاني مسج بسحب مبلغ قلت ماشاءالله عليهم سريع سريع هههههه المهم الحمدلله شريتلي اشياء كثيرة لكن الصراحة اوت لت كاليفورينا يختلف كثير عن باقي الولايات من ناحية السعر, يعني انا كنت عايش فترة في نورث كارولينا و ما كان السعر كذا كان ارخص بكثير. على العصر كلمتهم و قلت لهم يلا لازم ناكل, و قلت اذا فيكم حيل تصبرون.. نروح داون تاون ديزني في مطاعم و حركة حلوه,, وافقو و رحنا هناك سعود شاف العاب بيلي بيز و قام يحن.. طبعا اقنعته ناكل بعدها يلعب و فعلا تعشينا في تشيز كيك فاكتوري لان الوالدة طلبت و رحنا لعبنا سعود و بعدها رجعنا للشقة الجميلة اللي وحشتني :7: كان يوم جميل الحمدلله.. راح ارجع لكم باليوم اللي بعده بس اتذكر تفاصيله لان المخ ضارب كل ما ابي اتذكر شي وزارة الصحة تدخل في مخي ههههه |
ماشاء الله جزء جميل وخفيف.. فعلا أسعار أوت لت كاليفورنيا بشكل عام مومثل باقي الأوت لتات بأمريكا.. هي ولاية غالية بكل شي أصلا.. ننتظر تتذكر اليوم اللي انمسح من مخك..وقول أعوذ بالله من ابليس ومن الكورونا وبتتذكر إن شاء الله:29: متابعين |
عودا حميداا يا طارق والحمدلله على السلامة لا تكون الكرونا حاشتك لا حول ولا قوة الا بالله احلى جز. بالسفرة التسوق وتحرك الفلوس بالبطاقه ههه مستمتعين تابع |
نبدأ معكم قصة اليوم الثامن في هذا اليوم قررنا ان نخليه يوم مفتوح و نبلي طلبات اهلنا و اخواننا و نخلص منهم ف كانت الخطة كالاتي: 1- ندور جزمة اعزكم الله طالبها اخوي 2- كم طلب نسائي (ميك اب) 3- ادوية معينة للوالد شفاه الله 4- بعض الامور اللي ما لقيناها بالصيدلية من قبل ف كانت الرحلة بسيطة و خفيفه بديناها ب فطور في البيت, بعدها انطلقنا الى ساوث كوست بلازا.. صراحة مول قمة في الجمال لكن فعليا كله اسيويين بشكل مخيف جدا.. اخذنا كم لفه على كم محل و شرينا اغراض ما كانت بالخطة ههه عادي اهم شيئ الاستمتاع بعدها طلعنا على مطعم شيك فيليه الشهير اللذيذ.. اخذنا غدانا و رحنا اكلناه و احنا بالسيارة ك نوع من التغيير. خلصنا غدانا و اتجهنا لسي في اس الصيدلية الشهيرة و بدينا رحلة البحث عن المتطلبات.. طلعنا من سي في اس و اتجهنا ل وول قرين فرع ثاني.. و كملنا مشوارنا هناك.. بعد ما خلصنا قررنا نرحع الشقة و ننزل للحديقة الخاصة بالسكن نلعب انا و سعود كوره.. صراحه حديقة السكن جدا رائعه و عندهم كوفي شوب في الحديقة ف الوالدة و المدام جلسو هناك و انا و سعود رحنا عندنا مباراة مفصلية ههههه بعد ما خلصنا لعب رجعت الا الاقي المدام و امي جالسين سوالف مع عائلة سعودية ساكنين في نفس المكان و الموضوع صار قهوة عربية و يسألون عن افضل اماكن التسوق هههههه .. رجعنا بعدها الشقة و ريحنا و اكلنا حاجة خفيفة استعدادا للنوم لان ورانا خط سان دييجو اليوم الثاني |
اقتباس:
|
اقتباس:
|
اقتباس:
واللعب بالكرة لازم مدام في اولاد بالرحله حتى انا العب مع ولدي يوم كان صغير بالهايد بارك ههه طبعا الركض والاهداف كلها له اما العائلات اذا تجمعت بالسفر لازم اول الاسئله عن التسوق والاماكن الجميله |
| الساعة الآن 09:10 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO