شبكة و منتديات العرب المسافرون - استفسار عن دولة جنوب أفريقيا لشهر العسل

- بوابة جنوب افريقيا (https://www.arabtrvl.com/vb/f183.html)

ألف مبروك والله يتمم لكم على خير.

طبعا 10 أيام شوية على جنوب افريقيا :13:
خاصة إن شهر اكتوبر بيكون الجو وايد حلو.
ممكن تحصل معلومات كثيرة عنها في تقاريري المثبتة في البوابة
وإن شاء الله تستفيد منها.

أعتقد جنوب افريقيا تعتبر أرخص من موريشيوس من ناحية السكن والمصاريف،
وفيها وايد أماكن حلوة وفعاليات ممكن تغنيكم عن موريشيوس،
وبتوفّرون بعد في تذاكر الطيران.
طبعا هذا اقتراح والأمر راجع لكم.

بس بالنسبة لوضع السفر اللي بعده مب معروف كيف بيكون بعد كم شهر،
فأنا اقترح تكون حجوزاتكم كلها قابله للإلغاء المجاني.
ولا تنسون الاستخارة قبل كل شي،، والله ييسر أموركم ويحفظكم.

اقتباس:

المشاركة الأصلية كتبت بواسطة أم نووووف (المشاركة 524560)

الله يجزاج خير يا أم نوف و كلامج كله بالحسبان و شفت كل تقاريرج و تقارير الأعضاء بالتفصيل تقريباً و جداً استفدت و الموضوع يبي له ورقة و قلم و أكتب وراكم كل شي

عسى الله يعطيج العافية

ما تقصر ام نوف يعطيها العافية
وبارك الله في جهودها

في معلومة شفتها باحد المواضيع تتكلم ان اثناء السفر من كيب تاون الى القاردن روت والعكس احرص انك دائما على طريق اسمه N2
طبقت هالشي في سفريتي عام 2017

اما بسفريتي الثانيه 2020 للاسف نسيت هالمعلومة واعتمدت على قوقل ومشاني من طريق N1 وكان كريه بشكل وجدا مزعج , كلها جبال ومنحنيات خطيرة استمرت اكثر من ساعتين لين دخلني بعدها على N2

فحبيت ااكد عليك هالشي اذا بتسوقون من القاردن روت الى نايزنا والعكس الزموا طريق N2 فقط وتاكدو من قوقل قبل تتحركون انه متجه فقط من هالطريق عبر تفحص المسار بشكل سريع

النقطه الثانيه السرعه مختلفه على الطريق من منطقة لاخرى , وقفوني في الروحة بسببها واعطوني قسيمة بخلاف الرصد الالي فلازم الواحد ينتبه حق لوح تحديد السرعه

بالاضافة لايقافي بالرجعه لتجاوزي من اليسار وهالشي ممنوع علما انه ما كان فيه شرطة وجتني بعد مخالفتي بمسافة طويلة بس يبدولي الشايب اللي تجاوزته بلغ عني لان شكله تنرفز كثر ما نفرزني

القيادة ممتعة هناك ومافي زحمة كثير بس الالتزام بالانظمة افضل ويجنبك الكثير

اقتباس:

المشاركة الأصلية كتبت بواسطة HMA (المشاركة 525591)

شكراً جداً جداً من القلب على هالإفادة إي والله