|
اليوم التالت فرانكفورت أمستردام بالقطار طبعا حجزنا قطار بعد حجز تذاكر الطيران بساعه من الموقع الرسمي للخطوط الألمانية bahn.de واللي عن تجربه اكتر من مره بيكون فيه رحلات غير مدرجه بالمواقع الأخرى وبأسعار أقل. بما اننا بطولنا وخفاف وشنطة سفرنا على ضهرنا فمفيش أي مشكله في أن الرحلة تكون تبديل بين 4 قطارات وتحديا أن الوقت بينهم مش كبير والسعر للفرد 34 يورو ومدتها كامله 6 ساعات تقريبا طبعاً أنصح بأن الرحلة تكون بشكل مباشر فى حالة العائلات https://www.arabtrvl.com/up/uploads/...1141156241.jpg ميزة ان الفندق على باب محطة القطار الرئيسية أنك بتطلع من السرير على القطار وتحديدا لو موعده 6 ونص الصبح ومن المحطة تشتري سناكس ومخبوزات وقهوه للفطار. https://www.arabtrvl.com/up/uploads/...1184335431.jpg طبعا القطار بيتحرك بالثانية ونخلى بالنا لو حاجزين بدري ممكن يحصل تغير في المواعيد ويوصلك تنبيه على الإيميل بالتعديل اللي ممكن يكون كام دقيقه بس، الكلام ده شفناه في ألمانيا لكن الهولنديين كانو براحتهم شويه ومش مستعجلين. جمال وروعة الطريق https://www.arabtrvl.com/up/uploads/...1184355572.jpg وأول ما وصلنا محطة Amsterdam Central اشترينا كارت مواصلات المدينة GVB لمدة 3 أيام مع إن مدة بقائنا في المدينة 4 أيام وده لأن الفندق كان بعيد شويه عن سينتر المدينة ومينفعش نوصل له مشي. https://www.arabtrvl.com/up/uploads/...1468091541.jpg والسبب في بعد الفندق شويه أننا تفاجئنا أن الفترة اللي هنقضيها هيكون فيها عيد الملك واللي بيصادف 27 إبريل وده الفنادق بتكون أسعارها نار وأحنا سفرنا يوم 28 إبريل خلاف الأيام اللي قبله بيكون أسعارها مرتفعه. حجزنا الأقامة 3 أيام في فندق The Delphi و اللى كان بتبع وقتها مجموعة Best Westren و بسعر الغرفة في الليلة تقريبا 225 دولار غير شامل الإفطار رابط الفندق على بوكنج رابط الفندق على خرائط جوجل طبعا كان سعر مرتفع في الفترة دي (تقريبا اكتر من الضعف) بس ده كان أحسن خيار متاح لينا وبصراحه كان فندق مريح في موقع جميل وهادئ وبعيد عن دوشة سنتر المدينة وبجواره محطة ترام يوصلك للسنتر بشكل مباشر وكمان دانكن دونتس للفطار واكتر من ماركت لتسوق البقالة وطبعا معانا كارت المواصلات بالإضافة أن غرفة الفندق واسعه ومريحه وفيها بلكونه جميله. صورة الغرفة و البلكونه https://www.arabtrvl.com/up/uploads/...1425686581.jpg https://www.arabtrvl.com/up/uploads/...1425700322.jpg أما بخصوص اليوم الرابع اللي هو الحجوزات نار في كل الفنادق، ده لو لقيت حجز أصلاً، كان ملازي أن عندي ليلة فري في موقع هوتلز دوت كوم بسعر مرتفع 516 دولار وعليه حجزت الليله الأخيره في فندق Grand Hotel Amrâth Amsterdam فئة خمس نجوم في غرفة دبل لفردين شامل الإفطار ودفعنا قيمة الضرائب فقط اللى هو 300 ريال تقريبا فقط. ومن ضمن المفارقات اللي كانت جميله اننا لما وصلنا للفندق كان متأخر كان كل الغرف اتشغلت وعملولنا upgrade لسويت تنفيذي (اه والله زي مابقولك كده) وأضافو سرير في غرفة المكتب وعيشنا ولا الملوك الليلة دي. طبعا الفندق مش محتاج اى مواصلات لأنه في سنتر المدينة وجوار محطة القطارات الرئيسية رابط الفندق على هوتلز رابط الفندق على خرائط جوجل صورة للفندق من الخارج وكان بيتم تجديده وقتها من الخارج https://www.arabtrvl.com/up/uploads/...0144395781.jpg ومن هنا بدأت مرحلة التعرف على المدينة الجميلة واللي اتظلمت بسبب حي واحد وترخيص الحشيش واللى خلت معظم الناس والعوائل تخاف تزورها، واللي بسببهم أي حد يعرف أنك سافرت أمستردام يسألك عن رأيك في الحشيش حتى لو كان يعرف أنك غير مدخن أساساً. ... |
اقتباس:
فعلاً كانت ليليه جميله واللى زادها جمالا قلة عدد الناس |
اقتباس:
متشكر جدا لك على الترحيب فعلا سعره كان ممتاز عيبه الوحيد بالنسبه لي كان أن السرير صغير شويه |
اهلا وسهلا اخ احمد وعودة حميدة وشكراعلى التقرير الجميل الجسر والقفال حكاية لاتنتهي في كل البلدان حلو جدا الفندق في وسط المدينة يغنيك عن السيارة ويساعد على المشي والاجمل عندما يرقونك تحس بفرحة عارمة امستردام يعيبها المخدرات والسكارا بكثرة شكرا على التقرير |
السلام عليكم و رحمة الله و بركاته ... حياك الله أخي أحمد و عوداً حميداً للمنتدى و الكتابة به من جديد بالفعل أمستردام مدينة مظلومة من البعض بسبب ما أخذ من فكرة عنها على الرغم من أنها تعتتبر سياحياً متميزة و فيها معالم كثيرة ... سبق لي زيارة أمستردام كثيراً فقد كانت لي رحلات عمل كثيرة إلى هولندا و بحكم الطيران المتيسر من دبي فقد كنت أجعل أمستردام نقطة توقف في رحلتي القدوم و المغادرة .. متابعين معك و مستمتعين بالتقرير " واصل .." |
اليوم الثالث - الجزء الثاني أعتمدت الحكومة الهولندية استراتيجية تم تطويرها من أجل "إظهار ما لدى هولندا لتقدمه إلى العالم بشكل أوضح" في صوره منها لتغيير صورتها النمطية في العالم، فبدءاً من عام 2020 يمكن التعرف على هولندا ومملكة هولندا دولياً من خلال شعار جديد يظهر فيه رمز "NL" إشارةً إلى كلمة "نذرلاند"، إضافةً إلى شعار لنبتة خزامى برتقالية اللون، وفقاً لما كُتب في الموقع الرسمي لحكومة هولندا. المصدر ومن الأخبار الجميلة أعلنت عمدة مدينة أمستردام الهولندية عن خطة لإعادة تنظيم حي الأضواء الحمر، المعروف بتجارة الجنس، تتضمن إغلاق بيوت الدعارة الواقعة في وسط المدينة، وتتضمن إنهاء وقوف بائعات الهوى في واجهات المحلات الزجاجية، وإغلاق بيوت الدعارة في وسط المدينة وتحويلها إلى مكان آخر، أو تقليص عدد بيوت الدعارة في وسط المدينة، وفرض تراخيص على وقوف بائعات الهوى في واجهات المحلات. المصدر بعدما وصلنا الفندق واستريحنا شويه قررنا ننزل نشوف سنتر المدينة، استخدمنا الترام ووصلنا للدام سكوير وبدأنا نتفقد المكان https://www.arabtrvl.com/up/uploads/...9715588141.jpg https://www.arabtrvl.com/up/uploads/...9786410051.jpg وطبعا مفيش أكتر من القنوات المائية في المدينة واللى هتقدر تكتشفها من أول تركب الترام أو التاكسي أو حتى تتمشى، مع ملاحظه أنك تنسى محاولة ركوب دراجات في أمستردام، أهلها محترفين ومش هتعرف تتحرك بيها مهما كنت محترف. https://www.arabtrvl.com/up/uploads/...9814040431.jpg https://www.arabtrvl.com/up/uploads/...9814066522.jpg https://www.arabtrvl.com/up/uploads/...9831826651.jpg https://www.arabtrvl.com/up/uploads/...9848688611.jpg وصلنا للدام سكوير وبيطل عليها القصر الملكي و النصب التذكاري وهنا كل حاجه قريبه وسهله، وطول ما انت بعيد عن الحي الخاص بالدعارة واللي يعتبر في سنتر المدينة فأنت أكيد هتستمع بالمكان والشوارع والمباني والقنوات المائية والحياة. طبعاً الموضوع قابل أنك ممكن تصادف منظر مش مريح لك وتحديداً لو معاك عائلتك بس أقدر أقولك ان اللي ممكن تقابله في معظم مدن أوربا هتشوفه في أمستردام مفيش زيادة غير حي الدعارة والذي لا أنصح حتى بالأقتراب منه. الموقع على خرائط جوجل https://www.arabtrvl.com/up/uploads/...9937542381.jpg https://www.arabtrvl.com/up/uploads/...9957828261.jpg معلش النصب التذكاري صوره من الخلف، مصور محترف :32::32: https://www.arabtrvl.com/up/uploads/...9908715681.jpg https://www.arabtrvl.com/up/uploads/...9908733732.jpg https://www.arabtrvl.com/up/uploads/...9908752113.jpg ملحوظة: محلات الهدايا التذكاريه منتشره جدا هناك بالأضافة الى إن أسعارها مرتفعه هتلاقي فيها حاجات غير مناسبه وممكن تسبب لك إحراج لو معاك عائلتك https://www.arabtrvl.com/up/uploads/...0002200621.jpg بالإضافة أنك ممكن تاخد جوله فى المدينه بواسطة القوارب https://www.arabtrvl.com/up/uploads/...0061176781.jpg https://www.arabtrvl.com/up/uploads/...0061193982.jpg وطبعا المعروف عن أمستردام إن ممكن أي اتنين يشتركو مع بعض ويفتحو متحف خاص بيهم، المدينة مليانة بالمتاحف طبعا فيها اللي يستاهل واللي ممكن يكون محل وصاحبه محوله لمتحف، وعليه كنا محددين أننا هندخل متحفين فقط وهم متحف مدام تسو (الشمع) وزنزانة أمستردام. مكان المتحفين قريب من بعض واخدنا تكت مجمعه ليهم بحود 26 يورو للفرد و التصوير متاح في متحف مدام تسو وغير ممنوع في زنزانه أمستردام متحف الشمع مناسب للعائلات هتلاقى تماثيل شمعيه لمعظم مشاهير العالم وومكن تتصور معاهم سلفي، طبعا اول ما تدخل المتحف هتلاقيهم بياخدو صور ليك باوضاع مختلفه على كروما خضرا ولما تطلع هيعرضو عليك تشوف صورك بعد ما ركبوها على معالم هولندا، طبعا فوتوشوب رخيص جدا، الموضوع كله بيفكرني بمصورين الأفراح عندنا في مصر https://www.arabtrvl.com/up/uploads/...0123569041.jpg https://www.arabtrvl.com/up/uploads/...0123594612.jpg الأطلالة الشهيرة من داخل المتحف https://www.arabtrvl.com/up/uploads/...0139934791.jpg بخصوص زنزانة أمستردام فهي كانت ممتعه لي جدا من جو التشويق والرعب (مستوى الرعب من خفيف الى متوسط) واللي فيها فكرتها انك بتنتقل على مراحل بين غرف مع مجموعه من الزائرين البالغين ، الغرف دى بتوضح أشكال وطرق التعذيب اللي كانت موجوده في العصور الوسطى مع جول تمثيلي، طبعا الضلمه والأضواء الخافته هي المسيطرة على الجو لرفع مستوى الأدرنالين. بعد ما خلصنا لفينا شوية وأكتملت الليلة الجميلة بالمطر، وهنا ظهر عيب تاني وهو فوحان رائحة الخمور واللي لاحظتها بعد نزول الأمطار أكتر من مره في سنتر المدينة تحديدا. https://www.arabtrvl.com/up/uploads/...0061210683.jpg https://www.arabtrvl.com/up/uploads/...1008068721.jpg https://www.arabtrvl.com/up/uploads/...0080706072.jpg وطبعاً لما تجوع كل بطاطس https://www.arabtrvl.com/up/uploads/...0080725783.jpg https://www.arabtrvl.com/up/uploads/...0080733774.jpg بعدها تحركنا للفندق بالترام مره تانيه للنوم والأستعداد لليوم التالي. .... |
اقتباس:
متشكر جدا لحضرتك فعلا شعور أنك تترقى مجانا كان طاغي عليا يومها وللأسف الحلو مبيكملش بخصوص المخدرات والسكارى |
اقتباس:
متشكر جدا وأسعدني تشجيعك |
اقتباس:
وهالتقرير بداية خير باذن الله |
ماشاءالله الصور روعه والفندق ممتاز خاصه لما يرقونك وفندق خمس نجوم جولات جميله حلو ان شالو الاماكن والمحلات الغير لائقة وابعدوهم الدراجات موجوده من زمان بكثره بهولندا مخصوص وانتشرت بكل الدول بعدها حلوو للرياضه مستمتعين ومتابعين |
| الساعة الآن 10:41 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO