مولات كوالالمبور ما شاء الله تحتاج صفحة بالكامل بإذن الله خلال يومين أكملها وأنزلها بالمنتدى وبكذا نكون خلصنا من كوالالمبور :52:

ما شاء الله جميل جدا ما تقدمينه ام احمد
بالنسبة للمساجد اعتقد مسجد بوتراجايا من اهم المعالم ما اعرف اذا كانت بوتراجايا تابعة اداريا لكوالالامبور او لا
بإنتظار المولات والتسوق وشكرا

والله صدقت ابو غسان
بالفعل طن من الخيارات
ولكل أفراد العائلة

أخي حازم أسعدني وشرفني ردك وتفاعلك مع الموضوع
صحيح مسجد بوتراجايا من أجمل مساجد ماليزيا من حيث الفن المعماري وإطلالته على البحيرات الصناعية وهو تابع لولاية بوتراجايا التي تتبع كوالالمبور وتبعد 40 كلم عن كوالالمبور وكنت راح أتطرق له بس قلت بلاش وتكاسلت :32::32: لأنه يبعد 40 دقيقة عن العاصمة كوالالمبور
وأبشر بإذن الله سأضيفه والله يعين أخونا أبو غسان ههههههههههههههه تحملنا شوي مالنا غنات عنك في هالمنتدى الغالي

لم أرى أحد ذهب لماليزيا وقال لن أعود مرة أخرى وأجمل ما بها شعبها وإحتضانها للعديد من الجنسيات والجاليات من مختلف أنحاء العالم :e035::e035:

برهنتيان هذي جديدة يمكن اول مرة يتم التطرق لها
ام احمد لازم تعطينا معلومات عنها

قبل كم يوم كان فيه تقرير موسع عن نهضة ماليزيا بأحد القنوات
وركزوا كثير على بوتراجايا ومسجدها
والجميل هو المنطقة المحيطة بالمسجد وفعالياتها

هالجزيرة أكثر سياحها من الأستراليين والأوربيين تنفع للشباب والعرسان ( والعوائل الملتزمين ما تنفع ) واللي معاهم أطفال كذلك ما تنفع لهم وفعالياتها للبالغين فقط غوص وسباحة والدونات والبانانا والإسترخاء وهيا جزيرتين رئيسية الكبيرة برهنتيان بسار والصغيرة برهنتيان كتشيل والوصول لها عن طريق البر من كوالالمبور يستغرق 8 ساعات بالباصات وبالسيارة أقل ممكن 5 ساعات وبالطيارة من كوالالمبور إلى مطار السلطان عبدالحميد وبعدها أخذ تاكسي بحري وهو موجود كل ساعة والتوجه للجزيرة التي تريد أنا وصديقاتي رحنا للجزيرة الصغيرة لأن فعالياتها وفنادقها أكثر أخذنا فندق long beach بالقوة لقينا غرفة كانت ممتلئة وفيها وكذلك فيها أكواخ بالقرب من الشاطيء بس أخذنا فندق لأن مكانه مرتفع بعيد عن الإزعاج والضوضاء وفيها مطاعم ماليزية واندونيسية سمك ودجاج ولحم وباستا وسلطات وفطور وعصائر وشاهي وقهوة وفيها مطعم للبرجر ما أنصح في غالي والأكل كأنه لستك الله يديم النعمة وأنصح أخذ سناكات وإندومي وعصائر وماء وتوست ونوتيلا وجبن لأن كنا ننزل 7 الصباح لحد 5 العصر ونطلع نرتاح شوي وننزل نتعشا والساعة 9 بالكثير وإحنا في الغرفة فإذا جعنا نسوي لنا شي ناكله لأن الشاطيء بعدها أعوذ بالله يقلب شرب ورقص وإحنا رايحين ننبسط ونبتعد عن المشاكل والحمدلله كانت من أجمل الرحلات والله شاطئها لونه تركواز شفاف تشوف كل شي والطبيعة تسحر العقل وأنصح فيها للي زار ماليزيا أكثر من مره لكن اللي أول مره يزورها ما أنصح لأنها بعيد شوي
صورة تشويقية من إطلالة غرفتنا بس الطلوع له متعب لكن ما يهم بعيد عن الإزعاج والضوضاء وأمان بعد الله
https://mrkzgulfup.com/uploads/162333272274861.jpeg