|
نفس الشي بالنسبه للعمله صار في مطار تونس بس كانت العكس لازم ما اطلع من تونس ومعاي عملتهم واشوه اني كنت حافظه الايصال |
اقتباس:
اهلا ضفهد .. تيسرت ابشرك والصبح ومحدثك جاي مشوت باتجاه الحفر ويدعي على ساهر :14: |
اقتباس:
غريبه هالانظمه بصراحه .. وتونس طلعت اغرب من ربعي ذولي يعني وش باستفيد من عملتهم اذا طلعت بها من تونس ؟!! مافيه مبرر منطقي ..حتى للحمايه من التزوير ماهو مبرر .. عموما الفكره في هالبلدان ان اي ايصال احفظه بالشنطه معك لين تغادر يمكن باي لحظه يطلبونه .. من انظمه اوزباكستان كلما طلعت من فندق ( يعطيك وصل ) به باركود سكن لدينا من ...... الى ....... احيانا يطلبونه بالجوازات ولو كان مامعك للفتره كلها يبهذولنك !!! \ عش وتشوف تحياتي لك |
صباح الخير فهدوف ..... كيف كذا ؟ انهيت التقرير من دون تفاصيل وأنت تقول أبي ابلشكم بالتفاصيل؟ حتى ما ندري أكلت لحم حصان أو لأ ؟ كنت أبي أسألك على الخاص عن طعم ومفعول لحم الحصان إن كان أكلته ، لكن قلت فهدوف رجل على الفطره ما تفرق معه خاص أو عام وفي النهاية بيجلع عن مقفاي هنا قدام الخلق :10:... علشان كذا يابن آخي سألتك هنا بموضوعك . |
اقتباس:
اهلا وسهلا ... والله ياااخي سالم اني اكتب بكثره هنا وانا اقول لنفسي ( اني كثرت التفاصيل عليكم ) ... اما لحم الحصان فما انتبهت لسوالك والله والحقيقه اني مااكلته مع انه يباع في البازار ومنتشر عندهم لكن سبحان الله ممكن تقبل اي اكله ( غريبه شوي ) في الدول التي تزورها ان كانت خضار او معجنات وحول كذا .. لكن اللحوم ماااااش .. عجزت .. لذلك قلبتها هناك ( بلوف) مع لحم غنم (البلوف اكله شهيره لديهم تشبه الكبسه عندنا بالضبط ) |
عموما الحمد لله على سلامتك وننتظر منك صور متى ما فضيت . |
الحمد لله على السلامة والتياسير ابو لجين .. الغريب ان ما معك نسخة من التطعيمات . والاغرب ان قوقل ماب ما اشتغل اوف لاين .. وانا دائما بكل سفراتي استخدمه .. تسلم حبيبنا على هالمعلومات الجميلة عن اوزبكستان .. و عندي سؤال لو تكرمت يابولجين .. ما هو افضل شي حصلته عندهم .. و هل تعتقد انك راح تسافر لها مرة اخرى .. |
و كيف امان مواقف السيارات في الكويت .. وهل هي مضلله .. يعني لو سيارتك غاليه توقفها فيه .. لانه بيني وبينك لو بغيت اضرب هالمشوار للكويت لازم اروح بسيارة مريحه .. |
اقتباس:
معي طال عمرك صوره من الجواز الصحي عند المغادره ويوم شفت ما احد طلبه ووصلت طشقند واشقق الاوراق ( الجواز الصحي والبي سي ار وحجز الفندق وتذكره الكويت دبي ) :1: اما الاوفلاين فيمكن لحقته القراده .. انا داخل بواسطته اول .. ويوم فتحته امس واذا به يطلب ( تحديث) .. حاله هههههه - افضل ماحصلته ( التاريخ) للامانه .. المتاحف والمباني هذه الصفه الغالبه للبلد.. ثم الامان التام.. ثم رخص الاسعار ..تشعر انك تمشيت بوجهة مدهشه وجديده بميزانيه معقوله جدا . - والحقيقه لا اعتقد انني سازور البلد مره اخرى لانها تفتقد الى جمال الطبيعه اللي يجعلك تزور البلد مرات متعدده كاندونيسيا مثلا او ارياف اوربا . وشي اخر حاجز اللغه الرهيب بيننا ..واخيرا هناك وجهات اسميها وجهات يتيمه ( وشلون ؟! ) ؟! وهي البلاد التي يكفيك في حياتك الاطلاع عليها دون ان تجذبك لزيارتها مره اخرى لان بنفس الميزانيه التي تستفر لها يمكنك الذهاب لوجهة اخرى ومتعه جديده .. ومن هالبلدان اذربيجان مثلا واوزبكستان ورومانيا ومصر عربيا :1: وفي الاخير هي وجهات نظر قد نختلف حولها |
مواقف الكويت مضلله وامنة ( داخل المطار ) ولما تقول داخل المطار فهو آمن مكان بالعالم :24: / اليوم بدينارين 25 ريال سعودي \ حسب موقعك بالسعوديه يتحدد من وين بتسافر انا اخترت الكويت لان وقت رحلتي مافيه رحلات لطشقند من الرياض الا بترانزيت ساعات طويله الى عشرين ساعه واكثر ( شي مزعج ) لذلك كان الاختيار للكويت ::: رحلتي كلها ثمان ايام فتخيل اروح عبر دبي يوم رايح و28 ساعه راجع حكااااااايه:24: |
| الساعة الآن 02:48 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO