|
رغم ما تعرضتم له في المطار بسبب جهلكم بوجوب الفحص وتفويت الرحلة والتوتر والغضب الذي أصابكم، إلا أن يومكم الأخير كان سعيدًا وجميلًا بزيارة الأهرامات والقرية الفرعونية ومطعم السمك وكافيه سرايا الجزيرة والنهاية مول سيتي ستارز. بصراحة أرى أنكم استغليتم وقت الرحلة بطريقة أكثر من رائعة وأرجو أن تعودوا مرة أخرى في رحلة أطول وراحة أكثر. بالنسبة للموقف مع السائق فقد دار في بالي أن ما حدث لكم في المطار والتوتر وخيبة الأمل هما سبب انزعاجكم من تصرف السائق في عدم العودة لكم أو الرد على اتصالاتكم. بصراحة التمست له العذر فمهمته قد انتهت وربما كان متفقًا مع مسافر آخر وصل في نفس الوقت. نعم لا أعذره في أنه وعدكم بالعودة ولم يرد عليكم، لكن ألتمس له العذر فهذي لقمة عيشه وموعد رحلكم الثانية كان قريبًا بحيث لا مجال لأي نشاط آخر أثناء انتظار موعد الرحلة. أشكرك كثيرًا على عرض تجربتك الأولى في مصر وأرجو أن تتقبلي وجهة نظري في الموقف. |
المواقف اللي تحصل في السفر طبيعية الاهم الهدوء والتصرف السليم والحمد لله ان مشكلتكم جت في اخر الرحلة ولا في اولها .. ختاماً اشكرك على التقرير الجميل والاماكن الحلوة اللي زرتوها .. ومع رحلات سعيدة ان شاء الله |
اقتباس:
بالنسبه للسواق فأكيد انا متقبله وجهة نظرك لأنك لم تتعايشي مع الموقف ولم تتعاملي مع هذا السائق.. في آخر يوم لنا ما وصّلنا الا المول والمطار فقط وكان المول على طريق المطار ومع كذا عطيناه أجرة يوم كامل من ٩ الصبح الى ١٢ الليل !.. ( ٥٠٠ جنيه) يعني اخذ اجرة يوم كامل ليوم سابنا فيه من الساعه ١٢ الظهر .. وكنا احيانا لما نطلع من مطعم او محل حلويات نعمل حسابه وناخذ له حاجه معانا.. واذا طلب شيء زوجي ماكان يقصر معاه ويعطيه.. لكن للأسف في المقابل كان يتأخر علينا لما ينزلنا في مكان ويرجع ياخذنا وما كان التأخير هيّن ولاحظنا هالشيء من اول يوم لما نزلنا المطعم لطعنا نص ساعه من بعدما اتصلنا عليه !! .. وآخرها لما سحب علينا بدون اي احساس او ضمير او ذرة انسانيه !!.. فما ترك مجال حتى نلتمس له العذر فيه ابدا.. كان فعلا ينطبق عليه مثل ( اذا اكرمت اللئيم تمردا ) .. وبالعكس كان فيه وقت نروح مطعم على الأقل نتغدى لأننا كنا ميتين جوع 😣.. من الساعه ٢ الظهر الى الساعه ٦ مساءا واحنا جالسين برا المطار مش عارفين نتحرك من الشنط اللي معانا ... العفو عزيزتي ذي اقل حاجه اقدمها لمنتدى قدم لنا الكثير واستفدنا من مواضيعه كثير شاكره ومقدره لمرورك وتعقيبك 🌹 |
اقتباس:
و على قولك في آخر الرحله ولا في اولها 😌👍 العفو اخي فهد .. اسعدتني مشاركتك اللطيفه 🌹 |
اقتباس:
أرجو لك التوفيق |
الحمد لله على سلامتكم اختنا استمتعنا بالتقرير الجميل رغم الوقت القصير لكن الجولات كانت جميلة خاصة حديقة الازهر والقرية الفرعونية ما كان عندكم علم بوجوب عمل ال pcr عند العودة ؟ طيب السائق سيد لم ينبهكم عليه ؟ شكرا للتقرير المميز |
ترتيبكم للرحلة جميل واستغليتوا كل الأيام استغلال مثالي كويس انكم ما تعاملتوا مع الحناطير عند الاهرامات ولا مع أصحابها لأنهم الأسوأ في استغلال السائح أشوف الاعتماد على اوبر في القاهرة هو الأفضل عشان تبعدوا عن استغلال أصحاب التكاسي تقرير خفيف لطيف نشكرك عليه رحلات سعيدة قادمة |
اقتباس:
ولو سمحت لنا الظروف بسفره اخرى سنختار بالتأكيد لتنقلاتنا أوبر او كريم 👍 |
اقتباس:
فعلا الجولات كانت جميله من الحديقه للقريه للمتاحف ولاتنسى المركب الجميل اللي استمتعنا فيه بأحلى جوله على النيل 😍 لا للأسف ماكان عندنا علم بضرورة عمل الفحص 😒.. والمشكله بعدما رجعنا بخمسة ايام تقريبا صدر قرار عدم ضرورة اجراء الفحص للعائدين للوطن 😡💔 العفو اخي الكريم 🙏 |
اقتباس:
لا ما تعاملنا مع الحناطير مع اني كان نفسي اجرب الجمل 🐪بس زوجي ماشجعني😒 فعلا اختيار اوبر للتنقل افضل من السواق الخاص عن تجربه مرورك اللطيف اخي آخر فرصه سعدت بمشاركتك 🌹 |
اقتباس:
|
الحمدلله على سلامة زوجك الحمدلله انكم توفقتوا بالدكتور رحلة سريعه وجميله جدا لام الدنيا الفندق ممتاز وطلة على النيل روعه الموقف اللي صار معاكم اخر يوم صعب جدا لكن الحمدلله عدا على خير ورجعتوا الى ارض الوطن شكرا على التقرير الرائع |
اقتباس:
|
اقتباس:
الله يسلمك ياقلبي 🙏 ايوه الحمدلله عدا على خير رغم صعوبته مرورك الأروع عزيزتي الايمان لك خالص الشكر والتقدير 💕 |
الحمد لله على السلامة وبالتوفيق في رحلات قادمة |
تقرير خفيف لطيف نشكرك عليه رحلات سعيدة قادمة |
تقرير جميل .. مع انه طول في الظهور للاضواء ههههههههه -السائق ( بن المال ) وليس صديق للمسافر .. الكلام عن ان الفلوس اخر اهتمامه ( هذا كلام للاستهلاك الاعلامي) وهو يعرف ان هالكلام يجيب الخليجيين :25: \ كنت انتظر ان تقولي ( وقدر زوجي يقنع الموظف وركبنا الطياره) ههههههههههههه انصدمت لما قلتي طارت الطيارة \ لحظاتكم على الرصيف مع :e323::e323: لحظات شاعريه :14: \ "النكبات والمشكلات الصغيره ( تحفز الاثاره ) وتثبت احداث السفره في الذاكره " حكمه ابولجين 2022 :32: :::: وللجميع تحياتي |
يعطيك الف عافية تقرير مميز ووافي بس في استفسارين 1/ بعد اجراء العملية لزوجك وبعد شهرين من اجراء العملية واش الاوضاع وهل اتنصحين بعد تجربه اني اروح اسوي عملية التصحيح النظر عند هذا الدكتور 2/ اسعار الاسواق حبيت اتسوق في ملابسهم كيف اسعارهم ولاهم كم كيلو لك في الحقائب شكرا لك |
اقتباس:
اللهم آمين وياك عزيزي 🌷 |
اقتباس:
المهم عندي الاستفاده مش مهم الاضواء عزيزي ابو لجين 😎👍 مانبغاه صديق بس على الاقل يكون عنده شوية مروّه وانسانيه بس للأسف طلع 👎 لا والله طارت الطياره وسابتنا قاعدين عالرصيف ياعيني زي الغلابا 🥲 وفعلا كانت لحظات شاعريه جدا خصوصا مع كيس الفول السوداني اللي كان في شنطتي اتسلينا عليه اوي حتى خلصناه من الجوع 🤣🤭.. ومن قهري كنت ارمي قشره في الارض لين ما امتلت المواقف قشر فول سوداني 🥜🤫😂 بس احسن يستاهلون👊 صح النكبات تبقى في الذاكره اكثر من الذكريات الحلوه بس عموما مافيش حلاوه بدون نار والنكبات برضو دروس تعلم الشخص لولاها مااتعلمنا وبقينا مكانك سر ! كل التقدير لمرورك وتعقيبك الجميل 🌷 |
اقتباس:
بالنسبه لسؤالك الاول.. النتيجه بعد كم شهر ممتازه الحمدلله ونعم انصح كل مريض عنده نفس حالة زوجي انه يعمل العمليه عند نفس الدكتور مع العلم ان التقنيه اللي عملها اسمها " سوبرا كورت ". بالنسبه لأسعار الملابس في الاسواق بصراحه انا ماجربت اشتري من اسواقهم بس عموما اسعارهم رخيصه ارخص من عندنا بكثير بسبب فرق العمله . وبخصوص الوزن المسموح للحقائب عالخطوط المصريه المفروض ماتزيد عن ٢٣كيلو و مسموح لك هاند باق بوزن ٨ كيلو .. اشكرك على مرورك اللطيف 🌷 |
الحمدالله على سلامة زوجك حبيت استفسر منك عن كذا نقطه حبيت اسالك هل الفندق ممتاز كل الخدمات قريبه منه لانه مخططه عليه ان شاء الله والخيار الثاني هيلتون الزمالك وهل صحيح انه ياخذو تامين 200 دولار وتترجع عند الخروج وكويس انك مجربه الخطوط المصريه لانه ناويه احجزها بس متردده ماشفت احد حجزها وانا مخططه اعتمد على اوبر افضل بس مشكله اذا الدخول من هالبوابه لاشرائح ولاصرف |
اقتباس:
الفندق ممتاز للي يحب الهدوء ويفضله على الهيصه والصخب لأنه حتى في الليل رايق وهاديء 😴.. وبالنسبه لقربه من الخدمات فيه مطاعم وكافيهات قريب منه وانا أؤيد اختيارك لأوبر جدا في السفر لمصر لأن السواق حيضيع وقتك ويخسرك عالفاضي اغلب مشاويرنا معاه واحنا متنكدين من تأخيره وكذبه علينا ☹ والبوابه صح مافيها كشكات لبيع شرائح جوال بس ممكن تاخذي تكسي من المطار او من برا الكل يبغى يوصل تروحي اقرب محل جوالات تشتري شريحه ومنها عالفندق وهناك فيه صرافات في الفندق وحتى في صالة المطار على فكره موجود صراف 👍 |
| الساعة الآن 11:55 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO