|
اقتباس:
صراحه مثل ماتفضل ابو ضي موعد سفرتك في رمضان والعيد ووجهة نظري اذا في مجال تغير موعد السفره الى الاجازه الصيفيه وتزيد عدد الايام يكون افضل لعدة اسباب منها : 1- راح اتكلم عن التوقيت ماليزيا دوله مسلمه وتحتفل بالعيد يعني اول ايام العيد بتكون اغلبب الاماكن مغلقه وايضا في بداية السفره عادة نحط المدينه المائيه صنواي لكن بما انه صيام فما ادري اذا بتكون فاتحه وعادة تكون اول ايام العيد زحمه جدا جدا 2- بينانج تحتاج وقت حتى تستعيد صحتها السياحيه فكثير من الفعاليات فيها مافتحت حسب ماوصلني من احد الطلاب هناك انها تحتاج وقت حتى ترجع مثل اول ممكن من الان الى العيد يتغير الوضع وتفتح اكثر 3- عدد ايامك 11ليله 12 يوم شيل يومين السفر لان معك اطفال وارهاق خصوصا مع رضيع يعني تصفى على 9 ايام تقريبا ما يمديك تروح مدن كثيره تاريخ الذهاب بيكون في 27 ابريل الساعة 21:40 م من الدمام معناها وصولك بيكون تاريخ 28 ابريل الصباح تقريبا والعودة بتاريخ 08 مايو الساعة 13:50 م معناها هذا اليوم غير محسوب لان من الساعه 9 لازم تكون مغادر الفندق للمطار يعني بتكتفي بكوالامبور وجزيرة لانكاوي لانهي هي المستعده سياحيا وتوزيع الايام مع العيد بيكون صعب شوي افضل جدول اما الدخول 28 ابريل كوالامبور 4 ليالي من 28 الى 2 مايو طيران الى لانكاوي 2 الى 6 مايو طيران الى كوالمبور والسكن في سيلانجور او مرتفعات جنتينج من 6 الى 8 ملاحظه سيلانجور اقرب للمطار من مرتفعات جنتينج مرتفعات جنتينج تبعد عن المطار ساعتين او الدخول 28 ابريل سيلانجور (اذا كانت الالعاب المائية مفتوحه ) ليلتين ثم 4 ليالي لانكاوي ثم باقي المده كولالمبور منها يوم تطلع مرتفعات جنتينج او ممكن تستبدل لانكاوي ببينانج تكتفي بوحده فقط لان مدتك قصيره ولو بالايام العاديه رشحت بينانج افضل للعوايل مع اطفل من حيث السعر والفعاليات واشوف المده قصيره ومتعبه جدا عليكم |
اتفق مع اخوي ابو ضي واختي عشق السفر والبقيه ماقصروا |
ابو فاطمه تحيه طيبه لك إذا تقدر تزود الايام يكون ممتاز أو تكنسل الرحله إلى الاجازه الصيفيه لو الفلوس ترجعلك حتى لو اخذو منك مبلغ مقابل الالغاء .. بالنسبه لي من المعارضين جداً في السفر برمضان كوالالمبور العاصمة (تحتاج اقامة طويله فيها اكثر من ١٠ مولات كبيره + الذهاب الى جنتق (مع تحديث العابها ومنطقة التسوق الجديدة انا اشوف اقامة يومين تكون تغطيتها) والاماكن السياحيه بكوالا كثيرة مثل زيارة البرجين بجانبها حديقة klcc وبرج منارة وعندك المناطق المشهور مثل شارع العرب وساحة ميرديكا والحدائق مثل حديقة الطيور و الحيوانات titwangsa وحديقة بيردانا وسلانغور فيها العاب مائيه صن واي لاجون ومدينة بوتراجيا تبعد عن كوالا نص ساعة تسمى العاصمة الاداريه انظف واهدى من كوالا وفيها فنادق و حديقة كبيرة وفيه جوالات سياحيه على البحيرة والاجواء في المساء جميله مع اضاءة الجسر . عندك مدينة بورت ديكسون مشهوره بمنتجع ليكزس المبني على البحر مثل جزر المالديف عندك مدينة ملاكا (مدينة تاريخيه فيها مباني من الاستعمار الهولندي وفيها متاحف وفيها شارع ليلي مشهور اسمه jonker street night market وفيه كمان منارة ملاكا تقدر تشوف المدينة من الاعلى وفيه فنادق مطله على البحر تقدر تستكشفها ليلة والأفضل المبيت فيها تبعد عن كوالا ساعتين وربع بالسياره وعندك مدينة جوهور باهرو من على الحدود مع سنغافوره تقدر تجمعها مع بعض (يلزم تأشيره للسعوديين) تكون اضافة جميلة لكن تحتاج ايام اكثر . تبعد عن كوالا بالطائره ساعه وبالسياره حدود ٣ ساعات ونصف الشق الاخر ولاية صباح تبعد بالطائرة ساعتين ونص فيها جبل كينابالو على ارتفاع ٤٠٩٥ متر وفيها جزر جميلة تستحق الزيارة يعني جمعت شيئين بوقت اعلى جبل واجمل جزر اما جزيرة لكناوي من اجمل الجزر (جزيرة سياحية بأمتثال )وفيها طبيعه جميلة وفيها هدوء ثلاث ايام إلى ٤ مناسبه و كافيه لها اما جزيرة بينانج (تعتبر مدينة وجزيره في نفس الوقت ) شعور خليط بين اجواء المدينة والجزيرة (يعني فيها الصخب الليلي ) وفيها الفعاليات الكثيرة ٤ ايام إلى ٥ ايام كافيه بالنسبه لي تعجبني ولو اجلس فيها ١٠ ايام مامل يعني لو سائح اول مره تزور ماليزيا اشوف تكتفي كوالالمبور (سيلانجور ثلث ساعه من كوالا + جنتق هايلاند ساعه بالسياره من كوالا ) لنكاوي بينانغ اذا كانت المده +14 يوم لو زيارة ثانية استكشف الولايات الاخرى ،ملاكا ، كلانتان ،جوهور ، ولاية صباح ١٠ ايام كوالا و لنكاوي وجينتق تكفي لوجود رضيع معاك |
هلا اخوي ورحلة موفقة بإذن الله انا عامي 2017 و2018 سافرت ل ماليزيا. سياحة نهاية رمضان والعيد هناك تقريبا نفس تواريخك:e030: لكن للامانة كانت الزيارة ال ثالثة تقريبا وكان جدولي مرتاح ب حكم ان اغلب الاماكن زرتها خصوصا ايام رمضان كان شوبينق سريع العصر بعدها فطور في الحلبي خصوصا اللي تحت الماريوت فطوره كان متنوع مفتوح والفرع نظيف ماادري عن مستواه الآن وطربوش طبعا وفي مطعم صمد العراقي قرب البرجين الاغلب حجز عن طريق الاتصال قبلها الله يسهل امرك اخوي استخير وان شاء الله تكتب لنا بعد رجوعك أفخم تقرير لماليزيا بعد كورونا |
يا مرحلا اخي العزيز ابو ضي كلامك عين الصواب |
كفيتو ووفيتوا الله يسعدكم ويحفظكم يا رب يا ليتني اقدر اني اطول في السفر اكثر من هذه المدة الظروف هي الي تحكم اشكركم جميعا من القلب دمتم بود |
طيب طالما عزمت الأمر وبتتوكل على الله اسأل الله لك الخيرة والتوفيق بإذن الله . زي ماتفضلت اختي عشقي السفر نستبعد بينانج لسفرة مستقبلاً تزيد فيها عدد الايام وتنظم جدولك بشكل افضل أما الان فمن المناسب يكون جدولك كالتالي: الوصول سيلانجور يومين من 28 / 4 إلى 30 /4 وتسكن في فندق صن واي لاقون أو فندق صنواي بيراميد بحكم إن مدينة الالعاب المائية موجودة فيها. بعد كذا التوجه إلى لنكاوي لمدة ثلاثة أيام أو أربعة من تاريخ 30 / 4 حسب اختيارك منتجع بلانغي بيتش . اللي تبقى من رحلتك تقضيه في كوالالمبور في فندق بالقرب من شارع العرب عندك فيه شقق أو غرف فندقية فندق ومساكن بولمان سيتي سنتر وميزته انه مقابل مول البافليون اللي على شارع العرب وأيضاً تزور جنتنق. هذا اقتراح متواضع بخصوص توزيع الجدول وإن شاء الله الاخوه والاخوات يدّلون بدّلوهم و أما بخصوص الاماكن السياحية راح أزودك بها بإذن الله. |
اسعد الله اوقاتكم اخوي مهم تتطلع على هذا الموضوع الخاص بمتطلبات السفر لماليزيا https://www.arabtrvl.com/vb/t49249.html#post565389 |
الأحبة روّاد ماليزيا ،، ماشاء الله تبارك الله ،، عطاء لا ينضب استمتعت واستفدت كثيييييراً مما تم طرحه للأخ أبو فاطمة ،، وأشدِّد على الحبيب أبو فاطمة ،، أن يأخذ جولة على تقارير البوابة ثق بأنك ستعرف ماليزيا قبل أن تطأ أرضها ،،، موفق ،، |
| الساعة الآن 07:04 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO