ماتقدر تطلع بالباص من مطار الشارقة رأسا على ابو ظبي .. لازم تدخل الشارقة ومن احد محطاتها الموضحه بجدول الرحلات اللي نزلته الاخت ساره تنطلق الى ابو ظبي ب 33 درهم للشخص .. ومن محطة ابو ظبي تركب تاكسي على المنتجع ..

الخيار الثاني انك تستأجر من شركة بدجت لتأجير السيارات سيارة لمدة يوم وتنطلق فيها الى ابو ظبي .. وتروح المنتجع وتنام وترتاح واليوم الثاني وقت تسليم السيارة تروح لمطار ابو ظبي وتسلمها هناك بس بياخذون رسوم الاتجاه الواحد 189 درهم اضافة الى قيمة السيارة بحدود 170ردرهم سيارة صغيرة وقيمة حجز مبلغ على الفيزا علشان المخالفات او الاضافات او سالك وماالى ذلك .. المبلغ مسترد في حال مشت الامور بسلام .. ونفس الفيلم تسويه وانت راجع الشارقة ..

الخيار الثالث تدخل الشارقة وتروح لمكاتب تأجير السيارات اللي في شارع الاستقلال مثلا او اي مكاتب تأجير لهم فرع في ابو ظبي ومن هنا تتفاوض معاهم وتستأجر سيارة وتسلمها في ابو ظبي ..

الخيار الرابع تركب اوبر من الشارقة الى ابو ظبي ب 450 درهم ومثلها وانت راجع

الخيار الخامس تستأجر سيارة من مطار الشارقة لمدة 5 أيام ب 526 ريال لمدة 5 أيام من شركة دولار مثلا لتأجير السيارات .. وتخليها واقفه بالمنتجع يمكن تحتاجها ولا انت خسران شيء .. وتعتبر نفسك طلعت ب 263 ريال لابو ظبي ورجعت ب 263 ريال الى الشارقة مع الخصوصية والراحة وتوفر وسيلة النقل تحت رجلك بأي وقت ..


لو انا مكانك كان اخترت الخيار الخامس ..


لو ماعندك مشكلة تركب تاكسي 4 مرات في رحلتك وتركب الباص مرتين في رحلتك وضامن انك بتكون في المنتجع مابتطلع منه ولا تحتاج صيدلية او شيء خلك على الخيار الاول .. بس احسبها صح واضرب عدد الركاب في 33 درهم ضرب 2 والتاكسي اضربه في 4 وشوف كم تطلع الحسبة وقارنها بإستئجار سيارة لمدة 5 ايام وشوف كم الفرق هل يسوى التعب او لا

ياهلا ام حسين .. يالله حيها :e032:


انا مااتحمل حاجتين الاولى اني اطلع من الشارقة الى ابو ظبي بدون مااجلس في دبي او على الاقل اتمشى فيها ساعات واكمل طريقي ..

الشيء الثاني مااعتقد اني بجلس 5 أيام كاملة في منتجع ومكان واحد .. اكيد بمل .. فوجود السيارة مجرد وجودها يعطيني راحة بال وخيارات كثيرة ..

الخيار الخامس تستأجر سيارة من مطار الشارقة لمدة 5 أيام ب 526 ريال لمدة 5 أيام من شركة دولار مثلا لتأجير السيارات .. وتخليها واقفه بالمنتجع يمكن تحتاجها ولا انت خسران شيء .. وتعتبر نفسك طلعت ب 263 ريال لابو ظبي ورجعت ب 263 ريال الى الشارقة مع الخصوصية والراحة وتوفر وسيلة النقل تحت رجلك بأي وقت ..


لو انا مكانك كان اخترت الخيار الخامس ..

:72:

الله يسعدك ويجزاك كل خير يارب
فعلاً الخيار الخامس هوا اللي راح اسويه
فيه توفير وفيه راحه وفيه السياره معاك طوال مدة الرحلة وبالاخير انا راح اوفر.
حصلتها من دولار بـ 450﷼ مدة 5 أيام.