ألبانيا ليست منها للاسف، وفيه تكلفة للاستخدام هناك.

هنا قائمة الدول اللي تشتغل فيها شريحة Three البريطانية مسبقة الدفع بدون تكالييف اضافية:

https://www.three.co.uk/support/roam...g-destinations

على حد علمي Three هي الشركة البريطانية الوحيدة اللي تقدم هذي الخدمة في دول الاتحاد الاوروبي. بقية الشركات البريطانية كانت خدمتها بدون رسوم اضافية في هذي الدول لكن بعد خروج بريطانيا من الاتحاد الاوروبي كلها صارت برسوم ما عدا Three.

واحسن شي في الشريحة هذي والرقم اللي معاها ما يفصلوا حتى لو مرت سنة كاملة على عدم الاستخدام. فهذا انا في امريكا واعبيها رصيد اونلاين قبل ما اسافر اوروبا وتشتغل هناك على طول.

ما اعرف كيف خدمة Three مقارنة بالشركات الثانية لكنها خدمتني كويس في بريطانيا وايرلندا والدنمارك والسويد والنمسا لحد الحين. يمكن تفرق الشبكة حسب المدينة، بس انا مستثمر فيها لانها تنفعني في دول ثانية مو بس بريطانيا.