|
اقتباس:
يامعلم هات الائوازيز كلها هههههه |
اقتباس:
من سفراء تركيا ، اشكرك على مرورك |
اقتباس:
|
حياك الله اخي العزيز عبدالرحمن ومرحبا بك في ديار اتاتورك بداية حماسية ومعك يالدحمي متابعين تم الإرسال من SM-N960F باستخدام Tapatalk |
ماشاء الله هالصيفيه مواضيع تركيا بدات تطلع وترجع مثل اول . اللي تخلي الواحد يخطط لرحلته بعد هالتجارب الجميلة .. معاك على الخط من الامارات إلى تركيا ... :25: |
ج1 بما ان الفيزا التركية اقدر اطلعها في مطار طرابزون ومباشره وانا واقف قلت ليش اسجل اون لاين ويمكن يتعلق مبلغ او ماتجيني رسالة ايميل خلني افضل اطلعها من المطار دام فيه امكانية استخراجها من المطار .. وش سويت ومن مطار دبي رحت لصيرفي حق العملات وصرفت دولارات وعليها احتياط 100 دولار بحكم ان العملة في ارتفاع وانخفاض مستمر اللي اقصده الليره التركية وصرفت لأربعة أشخاص كل واحد 60 دولار المجموع 240 وحطيتها في البوك ... وبحفظ الله ورعايته وصلنا مطار طرابزون وكان مطار متواضع جدا و بسيط ذو مدخل واحد ومخرج واحد لاترمنل واحد ولا اثنين ولا ثلاثه ولا عشره ولاهم يحزنون تلفه في ابو خمس دقايق هههه https://www.arabtrvl.com/up/uploads/...560873381.jpeg هذا هو صورة لمطار طرابزون اثناء الخروج منه والدخول لتركيا مطار بسيط بمعنى الكلمة ، سقى الله مطار دبي انتفخت رجلي وانا رايح امشي ادور مقهى ابا اتقهوى عمسان هههههههه قبل اطلع من المطار رحت لمكتب شركة Europcar لتأجير السيارات وأستأجرت سيارة نوع داسيا داستر صناعة فرنسية ( بنزين ) وليش بنزين عشان اقوى عزم والديزل اغلى ولو انه اقتصادي اكثر ولاكن مافيه فروق كبير او فارق يستاهل انك تاخذ ( ديزل ) .. السياره فيها نظام الاقتصاد اللي هي تدعس فرامل تطفي معك خصوصا في الاشارات ارفع رجلك عن الفرامل تشتغل وادعس ههههه https://www.arabtrvl.com/up/uploads/...672566721.jpeg استاجرتها بـ 17600 ليره تركي تعادل 3600 ريال وعليها كسور شوي والتأمين 2000 ليره تركي تعادل 400 ريال وعليها كسور شوي وكان من شروطهم فيزا ماستر كارد مع ان البطاقة البنكية العادية اذا في طرفها كلمة visa ماشيه من فضل الله دايم معي الماستر كارد قبل البطاقة اللي ارقامها بارزه والاسبوع اللي سبق السفر طلعت الاصدار الجديد اللي ارقامها داخل ولا هي بارزه وهي اصدار خاص يخص كاس العالم من بنك الراجحي ... https://www.arabtrvl.com/up/uploads/...949468791.jpeg ومن فضل الله دائما عندي قاعدة .. دائما اطلع فيزا واشحنها من رصيدي من حسابي الرئيسي ماهو بس استخدمها للسفر الا حتى مشترياتي من المواقع العالمية والبطاقة الجديده هذي ميزتها كل معلوماتها خلف :63: افضل من اللي قبل معلوماتها على الوجهين وانصح الجميع بضرورة استخراج فيزا ماستر كارد ماهي اللي فيها رصيد انتبهو طلعو العادية واشحنوها من رصيد حسابكم العادي بالتحويل لها من المباشر او اون لاين حسب البنك اللي انت تتعامل معه . ومن نفس المطار طلعنا انترنت من شركة ترك تيلكوم Turk Telekom اخذنا 100 قيقا لكل شخص تكفي لشهر ماهو بس 10 ايام بحدود 850 ليره تركي لكل شريحه تعادل 175 ريال لكل واحد منا وركبنا الشرايح في جولااتنا مباشره https://www.arabtrvl.com/up/uploads/...015635321.jpeg هذي هي كروت الشركة اللي في الشرايح وصراحه عال العال فيه احد الشباب نبهني في حاجه الله يجزاه خير يقول خذ 100 قيقا لاتاخذ غيرها عشان مايقطع بك الانترنت وانت شغال على قوقل ماب تروح بس على الاسئلة عشان تاصل للمكان اللي تبيه وحمل التطبيق ومنه اشتر وجدد بالفيزا في حال الضروره وكااحتياط يعني . بحط لكم التطبيق في اخر التقرير ان شاء الله المهم اخذت السياره وكانت صفر بنزين :16: وعبيتها بحدود 840 ليره تعادل 170 ريال سعودي وعليها شوي كسور وعلى طول اقرب فندق ماحاسبنا كم السعر من التعب هههههه اخذنا ليلة بحدود 310 ريال سعودي وكان المكان نظيف ومرتب داخل مدينة طرابزون بالقرب من ميدان طرابزون على احد الشوارع الرئيسية .. يتبع ... |
اقتباس:
عساني قد الهقوه |
اقتباس:
تشرفت بمتابعتك ومرورك على جميع مواضيعي اخوي ابراهيم |
ج2 تنويه استئجار السيارة بالرخصة الوطنية والجواز مع ان معي رخصة قيادة دولية وشرائح الانترنت بالجواز تنبيهات وارشادات في حال كنت السائق للسيارة بنفسك أحرص على الآتي : - افحص السياره قبل التحرك من عند المكتب وتأكد انها خالية من التهشمات في البودي او الاعطال وسجلها عن مراقب المكتب - ربط حزام الأمان لك وولمرافق بجانبك - انتبه للسرعات في الطريق * شوارع داخلية من 30 الى 50 كم في الساعة * طريق عام داخلي 50 الى 70 كم في الساعة * طريق عام و دولي 80 الى 100 كم في الساعة - حافظ على كتيب التفويض اللي حصلت عليه من مكتب التأجير واتركه داخل السياره في الدرج - اترك السياره في موقف مخصص للوقوف او ابحث موقف بالأجره بالقرب من اي مكان تريده ) ( حتى لايتم حجز السيارة او تلقى قدامك في المكتب غرامات او يروح عليك التأمين ) صراحة تعاملهم جداً ممتاز ورجعت السياره لهم مليانه طين الكفر وجوانبها تغبيره مطر هههههه والبنزين ناقص ربع ولا احد سأل مع اني كنت ناوي ارجعها مغسولة من خارج .. https://www.arabtrvl.com/up/uploads/...932952471.jpeg وهذا هي ورقة فحص السياره قبل امشي لايكون فيها صدمات ولا اعطال ووقعت عليها وصورتها بالجوال https://www.arabtrvl.com/up/uploads/...593295432.jpeg وهذا هو كتيب التفويض ونفسه رخصة لك بالقيادة https://www.arabtrvl.com/up/uploads/...005930781.jpeg سعاده متصور مع السياره اللي اخذها لايغركم ان حجم السياره اصغر منه تراه سيارتن جوفها واسع تشيل لاسته اشخاص بحجم اللي استاجرها ههههههههه صراحه كمجرب لسيارة DACID DUSTER هي سيارة من النوع الخفيف حمولة اربعة اشخاص بشنطة واسعه وهي سياره قوية و اقتصادية جدا في الوقود . يتبع ... |
ج 3 نصائح مهمه جداً عند الدخول لموقف بالأجرة خصوصاً عند استئجار سيارة خذ منهم ورقة الوقوف ورقم الموقف لاسمح الله يمكن يطلعونها لك ممخوشه مجرحه جوانبها من سيارات ثانيه انا وقفت بمواقف في ميدان طرابزون لقيت احد الابواب مجرح وحمد لله مع المسح بقوه بمنديل انتهى الوضع لذلك عشان تحمي نفسك في الحالة هذي صور السياره مكانها وخذ ورقة الموقف وخذ لها صوره وخذ الاصل ماتدري وش يحصل في المكتب وانت راجع يمكن توقف عند اخلاق واحد دوبه مداوم ، ولاكن الحمد سلمت السيارة حتى مافحصوها ... https://www.arabtrvl.com/up/uploads/...613809651.jpeg وهذا هي ورقة احد المواقف المدفوعة ايضا لاسمح الله حصل للسيارة شيء في اي مكان اخر وقف ولاتحرك صور السياره وصور كاملة وفديو واتصل بالمكتب لين يصلك المندوب .. *** اذا مااستاجرت سياره وحاجز سياره بسائق او استأجرت تاكسي دائما خذ صوره بالجوال للرمز التعريفي التابع للسياره او رقم اللوحة لوحة السياره . *** اما الفنادق انصحكم لاتستاجرون منه مباشره وانتبه لايقول لك مااقبل الا كاش روح اسحب وتعال هذا تراه اخذ السعر دبل *** اما الانترنت تأكد من كمية البيانات قبل تغادر المكان وكيف تأكد من رسالة التفعيل اللي تجيل مثلاً برقم فحص المتبقي من الرصيد ويعطيكيه صاحب المحل .. *** اما من ناحية المشتريات لاتسحب وتشتري وفر رسوم ومنها تجبر صاحب المحل مايزود عليك لأن مشترياتك مضافة عنده بفاتوره اجعل تعاملاتك كلها بفيزا ماستر كارد او بطاقتك البنكية العادية . يتبع ... |
| الساعة الآن 01:10 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO