|
ج14 هل هناك اماكن تخص محبي التنزه " الكشته " ؟ صراحه لقيت في الارض حدود قمة السلطان مراد اثار لشبة نار في الارض لاكن مع ذلك اشوف الشيء هذا والله مايصلح عبث في الطبيعة .. مع ان فيه محلات مثلاً تبيع منقل " جزّه " لشبة النار واقرب تركي يدلك على اقرب محل ( انا لقيت محل يبيعها في قرية السلطان مراد اللي بالقمه ) ... لذلط انصح بشراء منقل ... الاماكن كثيره والاماكن المطله كثيره خصوصا في القرى والارياف والله انصح بعزبه كامله قهوه وشاهي وطبخ صراحه ندمت ان ما معي عزبه اي والله .. بعض المطلات تطل على مدن مثل طرابزون صراحه ياكثرها فيه احد المطلات اللي ماانساها وهي صراحه قمة لو معي عزبه خصصت لها يوم وهي حول طرابزون تطل على طرابزون وطريق الساحل والبحر الاسود ياسلالالالالالالالالالالالام وكان الجو فوق الخيال . صوره للمطل https://www.arabtrvl.com/up/uploads/...785347361.jpeg وانت وحسب اختيارك للموقع احيانا والله تلقى مواقع خيال وسط قرى جبليه داخل البيوت وسط حاره ههههههه ماودك تتعدى على طول توقف هل فيه برد ودرجات حراره منخفضة ؟ نعم - خصوصاً في القمم مثل خضر نبي و السلطان مراد ماذا عن الامطار ؟ الامطار احيانا غزيره خصوصا فتره المساء ونصيحة المضلات شيء مهم وأخذ الحيطة والحذر خصوصا في صعود الجبال . هل فيه مواقع تخييم ؟ صراحه لم ابحث لاكن ابحث في قوقل هناك عن كلمة محدده اللي هي CAMP وتطلع لك اكيد فيه على حسب ماقرأنا ان لابد من وجود مخيمات او تأجيرها أو كابينات تعتبر مكان لتخييم واللي يحبون الشوي . وعلى حسب بحثي كنت ناوي اروح لاكن غيرت الوجهه لقيت موقع على قوقل ماب موقع تخييم يقولون انه بالقرب من بحيره السمك ويوفر اطلاله عليها وهي تابعه لمنطقة اوزنجول ----- المخيم اسمه Yedigöl Camping موقعه على قوقل ماب https://goo.gl/maps/ryn8n3fLVcSXU5Vf6 ----- وعلى حسب ماسمعت انه افضل موقع بالقرب من اوزنجول لمحبي الكشتات والتخييم والشوي والطبخ على الجمر .. يتبع ... |
اقتباس:
حاجي كالي بعد منطقة دوزكوي اكتب بقوقل ماب بحيرة حاجي كالي بابا يفضل تخصص الصباح لمغارة شال ثم باقي النهار تكشت في منطقة حاجي كالي يفضل تكون طرابزون نقطة انطلاقتك سواء لهامسكوي أو دوزكوي أو حاجي كالي |
ج15 تطبيقات مهمه أستخدمها في تركيا لااعلم لماذا يتم حظر تطبيقات الحجز مثل بوكينق واوبر تتوقف هذه التطبيقات اذا كان الموقع مشغل بجوالك في تركيا صراحه انا توقف معي تطبيق بوكينق ابحث ولايطلع شيء ابد اما اوبر بعد سمعت عليه انه يفك مواقع معينه بس لاكن هذي تطبيقات تفيدك اولها Airbnb رفيق الدرب https://www.arabtrvl.com/up/uploads/...5289429491.png - تطبيق Airbnb لحجز بيوت العطلات والشقق والكثير تلقاه بالموقع يوجهك الى مركز التحميل على حسب جوالك رابط الموقع https://ar.airbnb.com/ *** https://www.arabtrvl.com/up/uploads/...5289431532.png - تطبيق otelz.com لحجز الفنادق والشقق في تركيا رابط الموقع www.otelz.com *** https://www.arabtrvl.com/up/uploads/...5399924131.png - تطبيق bitaksi لحجز سيارات التاكسي في تركيا صراحه ما جربته لأن ولله الحمد مستأجر سياره لاكن بحثت لكم عنه وقريت حوله وكان هو الافضل رابط الموقع www.bitaksi.com *** اما عن تطبيقات الطلبات من البقالة والمطاعم لاانصحكم فيها اغلب التعليقات حولها سيئه من ناحية الخدمة والجودة . ( خذ مقاضيك وطعامك بنفسك ) *** https://www.arabtrvl.com/up/uploads/...5289432933.png - تطبيق ترك تليكوم Türk Telekom لشراء افضل باقات الانترنت عن طريق بطاقة الفيزا قبل تستخدم التطبيق هذا اشتر شريحة من اقرب مكتب لنفس الشركة وفعل عندهم ومن هالتطبيق تقدر تجدد في حال انتهاء الباقة يختصر عليك الوقت والجهد وانصح به للي أقامتهم طويلة في تركيا رابط الموقع www.turktelekom.com ------------------- أماكن للتصوير لتصوير صوره او فديو للذكريات لاتفوتها . https://www.arabtrvl.com/up/uploads/...948207441.jpeg اطراف بحيره اوزنجول يمكن انها تغنيك عن كل الاماكن هذه العلامه تلقوها خلف البحيره مقابل المسجد من الجهه الاخرى البحيره بينها وبين المسجد بالزبط وياكثر اللي يتصورون بهالمكان وصلني السرا بعد نص ساعه ههههههه https://www.arabtrvl.com/up/uploads/...494821272.jpeg واحلى الصور اذا امطرت .. شوف الجو كيف https://www.arabtrvl.com/up/uploads/...948217463.jpeg ولاتنسى المروج الخضراء بقمة السلطان مراد صراحه اللي بيفوتها فوت افضل منطقه https://www.arabtrvl.com/up/uploads/...494822184.jpeg وىتفوت المطلات خصوصا قبل وصول اي قمه بحدود كيلو والى هنا انتهي من تقريري حول الشمال التركي اتمنى انني وفقت لكتابته وبالله التوفيق https://www.arabtrvl.com/up/uploads/...995761981.jpeg لن انسى هذه القريه قلب كبير لها .. وانصحكم فيها **** الى عنده سؤال يتفضل ! يسأل ويلقى الجواب ان شاء الله والى اللقاء في تقرير جديد لوجهه جديده تقبلوا تحياتي اخوكم عبدالرحمن الصلال *** |
شكراً عبدالرحمن على التقرير التفصيلي أمتعتنا و أمتعت المتابعين بسرد سلس للمعلومات الغزيرة و التى ستكون بأذن الله مرجع مفيد لمن يرغب في زيارة الشمال التركي |
ما قصرت على التقرير روحك الحلوة كانت طاغية وأضافت جَمَال فوق جَمَال التقرير بالنسبة لبوكينق يشتغل يحتاج تستخدم تطبيق VPN دائماً إذا احتجته اشغل هذا التطبيق يفضل إذا انتهيت من حاجتك تقفل التطبيق لأنه قد يؤدي إلى حدوث مشاكل وثغرات في جوالك مرة أخرى نشكرك على التقرير ذكرت في البداية أنه سيكون مختلف وبالفعل حققت كلامك وكان تقرير مميز جداً |
اقتباس:
شكرا لك من القلب اخوي نواف |
اقتباس:
على اطرائك الكبير .. وان شاء الله اجيب تقرير وحنا من الحيين السالمين وانت والاخوان وجميع مسافر عربي عشان نفيد ونستفيد |
اقتباس:
والفي بي ان هذا ماانتبهت له والله ولا بحثت كيف اني اشغل بوكينق اكتفيت بـ Airbnb وحمد لله افادني كثير شكرا اخوي نواف على الفائده اللي زادت فائده شكرا من القلب |
احيك اخ عبدالرحمن على هذا التقرير الممتع المفيد ملى بالفائدة والسهل المريح والاجاز كل ماتطرقت له ينم عن خلفية لمسافر ياخذ احتياجة من السفر صدقت والله لو العزبة معك مع هذي المناظر الخلابة كل الاماكن التي زرتها فضلتها عندي في السفرة القادمة لي ان شاء الله شكرا شكرا شكرا لك الشمال التركي بعيون الدحمي تحياتي لك |
اقتباس:
انا اول مره رحت الى اوزنجول 2008 مافي غير مطعمين تقريبا وبعد البحيره مطعم لكن مافي غير كفته وسمك و الخبز المتين الي مانعرف كيف ياكلونه وانسى شي اسمه رز في الشمال التركي كله ان شاء الله نزوره بإذن الله |
| الساعة الآن 03:10 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO