المشاركة الأصلية كتبت بواسطة AL Tunaiji (المشاركة 590100) أتفق معك بخصوص هذا الموضوع ، كما أتفق معك أن سفر بلا قيادة ناقص المتعه بعض الدول لا أفكر بزيارتها لأني لا أستطيع القيادة بها لصعوبتها مثل اليابان ولكن بعض الدول تستحق التجربه مثل نيوزيلاندا يمكن في البداية تجربة القيادة من اليمين في بعض الدول أو الجزر السهلة مثل موريشيوس أو لانكاوي هناك من الخليجيين من يقود بسهولة في بريطانيا وأستراليا هذا الموضوع محتاج تقرير منفصل

ما تحتاج تقرير مفصل
الفكرة أنك تتبع اللي قدامك وتسوي مثل ما يسوي
يعني دايم تخلي سيارة قدامك وتراقب كيف يتصرف

واذا ما فيه أحد قدامك
يعني الطريق فاضي تصرف مثل ما تحب

أول مرة سقت على اليمين
اخذت السيارة من مطار جوهانسبرغ الى منطقة ساندتون وسط المدينة
وكانت زحمة غير طبيعية واختبار قيادة لي
بس كان كل شغلي اتبع السيارات واشوف كيف يتصرفون
ثاني يوم تبرمجت اتوماتيك

بس تبقى المشكلة في التقاطعات والميدان
هذي لابد تركز فيها شوي
وسلامتك

المشاركة الأصلية كتبت بواسطة ام احمداني (المشاركة 590395) لما رحنا استراليا في 2017 زوجي استحمل اسبوعين بدون قياده وبعدها أجر له سياره يسوقها بس انا على اعصااااابي طول السفره لاني مو متعوده اقعد صوب اليسار والعام رحنا سكوتلندا ومن المطار استلمنا سياره ومن اول يوم دعمنا حصى كبيره وانبط التاير عاليسار لكن الله سلم كننا نمشي بطيء في شارع ضيق عالعموم انا ناطره تقارير عن نيوزيلاندا والمدن ومخطط الرحله منكم وامكان السكن

في نيوزلاندا الوضع يختلف
ما فيه زحمة أبداً
و راح تكونون مرتاحين جداً في القيادة