شبكة و منتديات العرب المسافرون

عندي كذا حاجة بقولها قبل ما أبدأ باليوم الثاني
كثير من الشباب نصحني اني أغير وجهتي أو تأجيل السفر إلى استقرار الأوضاع في مصر،الحقيقة اني كنت قلقان وكلامهم لخبطني زيادة خاصة انها المرة الأولى اللي أسافر فيها لمصر وأجهل كثير من الأشياء عنها،لكن بعد الاستخارة وبعد التفكير ومشورة خبراء مصر وبعد مشاورة زوجتي اتفقنا اننا نتوكل على الله ونروح واللي كاتبه رب العالمين بيصير
والحمدلله كانت رحلة من أروع مايمكن.
بالنسبة للصور..بعد الجزء الثاني ان شاءالله بحاول أحل مشكلتها،لكن أغلب الصور حفظتها من (سناب تشات) عشان كذا ممكن جودتها تكون مش ولابد خاصة اني ما اخذت معي كاميرا..كان تصويرنا من خلال جوالاتنا (آيفون5،آيفون6بلس)..برضه راح تلاحظون تعليقات بوسط الصورة..كانت فعلاً غلطة كبيرة اننا تركنا الكاميرا..

نبدأ باليوم الثاني
قمنا حوالي الساعة 10 الصباح نزلنا للبوفيه وكان حلو ومنوع..بعد الفطور طلعنا للغرفة عشان نخطط للطلعة.

على فكرة,,ما كان عندنا جدول معين نمشي عليه يوم بيوم..خليناها لظروفها وحسب الجو والمزاج ووقت الصحيان.
طلعنا من الفندق حوالي الساعة 12 وكانت وجهتنا لبرج القاهرة،طبعاً رحنا مشي لأن البرج خلف الفندق مباشرةً..يبعد حوالي 10 دقائق مشي،قصينا التذاكر وطلعنا وكان المنظر جداً جميل.
كان البرج مليان من السواح والمصريين،جلسنا بسطح البرج حوالي ساعة..بعدين نزلنا للمطعم الدوار تبع البرج..كان حلو،،بصراحة..أحلى مافيه اطلالته..الأكل عادي جداً.
المطعم على كلام العاملين فيه استضاف الرئيسين المصري عبدالفتاح السيسي والروسي بوتين..
بعد كذا رجعنا للفندق وبطريقنا مرينا على كشك جنب الفندق شرينا منه خفايف بعيدن رجعنا وصلينا العصر وارتحنا شوي...خلال جلستنا بالغرفة لاحطنا حديقة مطلة ع النيل وكان منظرها جميل..
المنظر اجبرنا على النزول للحديقة،وفعلاً نزلنا للحديقة وكانت حلوة..وشاهي رايح وشاهي جاي لحد المغرب..رجعنا وصلينا المغرب بالفندق.
بعد المغرب رحنا لمول العرب..
أنا من الناس اللي أكره المولات كره ماله حدود،اليوم اللي أكون فيه عارف اني رايح لمول..يكون يوم كئيب جداً..لكن مول العرب كان مول خرافي خرافي خرافي..
طبعاً المول فيه ساحة كبيرة فيها مطاعم وكافيهات ونافورة راقصة،وفيه صالات سينما كبيرة لكن الحقيقة ما اذكر كم عددها بالضبط..وفيه برضه بوسط المول كافيهات حلوة للي بيقعد يرتاح من زوجته..قصدي من المشي :(37):
تعشينا بالمول بمطعم اسمه (ليلى من لبنان)..مطعم حلو جداً والعاملين فيه لطيفين الى ابعد الحدود..
طلعنا من المول حوالي الساعة 12 الى (عصيرات وفواكه فرغلي)..ألذ عصير بالعالم :yolks00740:
بعد ما اخذنا العصير استغليت الوقت المتأخر والهدوء فقررت أتوجه لميدان التحرير..وفعلاً توجهنا للميدان وتصورنا فيه بعدها رجعنا للفندق بعد الساعة 1
بكذا انتهى يومنا الثاني وان شاءالله اليوم الثالث بحاول ارفق معه الصور حقت الـ3 ايام