شبكة و منتديات العرب المسافرون - البوسنه التي رأيت ، هنا كل ماتحتاجه ..

- بوابة البوسنة (https://www.arabtrvl.com/vb/f159.html)

- - البوسنه التي رأيت ، هنا كل ماتحتاجه .. (https://www.arabtrvl.com/vb/t52558.html)

الشكر لك انت وللاخوان اخي ابو معتز ..
شرف لي خدمة الاخوان ..

اقتباس:

المشاركة الأصلية كتبت بواسطة ابو عبدالله الكويتي (المشاركة 594269)

يامرحبا باخوي ابو عيد ..
اولا الله يستر عليك ويسهل عليك دربك
حاول تزيد مدة الاقامه هناك لانك دافع سعر كثير للتذاكر والمعروف وللاسف ان اسعار تذاكر البوسنه غاليه كثير ولذلك احب انك تمدد فترة الاقامه هناك ..

اذا كانت رخصة القياده معك مكتوب فيها اسمك بالانجليزي عادي تمشي امورك واذا بالعربي لازم تستخرج رخصه اجنبيه وللعلم القياده هناك جدا ممتعه واوفر لك ..

خط سير الرحله المشكله ان وقتك بسيط
لذلك اخذ اول 5 ايام في ربوع الطبيعه فلاسيتش ومن سكنك في فلاسيتش تقدر تزور يايتسا وبيهاتش للتمتع في بحيرة بليفا وكذلك شلالات شترباشكي بوك ومارتن برود في بيهاتش ..
على ان تعود باقي المده في سراييفو ومن سراييفو يكون باستطاعاتك زيارة موستار وكونيتس صد رد بنفس اليوم..

لاتحتاج قارمن ،، قوقل ماب يكفي ويوفي ..

الميزانيه هذا السؤال اللي ما اقدر اجاوب عليه ..
انت وحدك من يحدد نوع وشكل الصرف ، البلد مش غاليه وايضا ماهي بذاك الرخص..
يعني فيه مطاعم ب 100 ريال وفيه مطاعم ب300 ريال ويبقى سوق الخيار عندك انت ..

حسبه اوليه احسب حساب السياره باليوم 300 ريال تقريبا
والسكن بين 250 الى 300 تقريبا بالحسابه هذي ممكن تزيد وممكن تنقص
واحسب معها المطاعم وغيره ..
اعتقد انك بحاجة 850 الى 1000 لصرفك اليومي شامل كل شي سكن وسياره واكل
وانصحك انك توفر وان يكون لكم اقل شي وجبه واحده فالببت ..

وفقك الله اخوي ابو عيد

ماشاء الله تبارك الرحمن كفيت ووفيت يا ابو عبدالله الكويتي
بالنسبة للأيام والله حاولت ازيد عدد الأيام واللي اقدر عليه تقريباً حول 13 يوم كحد اقصى بحكم اجازتي
ان شاء الله ارتبها صح من ناحية الميزانية وخاصة اني رايح ابي استمتع بالاجواء والمناظر هناك.
بالنسبة للسكن الاغلب نصحني بما فيهم انت بالسكن في البيوت ارخص بالسعر وجودة ونظافة وبرضوا تعامل اهل البلد طيبين وامينين .. بـ اتعمق اكثر ان شاء الله في بعض الاماكن السياحية المشهورة هناك عشان ارسم خط سير واضح واعرف وين اروح ووين اجي من اول ما اطب البلد وخاصة اني ناوي في شهر 9 لابد اتحرك و اضبط اموري من بدري.
نقطة مهمة اعجبتني جداً منك الا وهي تقسيم المصروف بين المسافرين اعتقد انها مهمة جداً
استفسار بسيط ولو اني كثرت عليك ولكن منكم نستفيد وان شاء الله نفيد من بعدكم
- هل احتاج للفيزا هناك ام كاش او الاثنين سوا ..؟
انشهد انك ماقصرت ويعطيك العافية على الإفادة ابيض وجه لاهنت

اقتباس:

المشاركة الأصلية كتبت بواسطة بوعيد (المشاركة 594500)

تحت أمرك يابو عيد ولا تردد باي طلب ..
وانا اؤكد لك ان خيار السكن في البيوت افضل واشرح واوفر لك ..
واذا قررت على خير وسلامه علمني وانا ازودك ببعض المعلومات عن البيوت هناك..
،،
الكاش غالبا مطلوب هناك..
ايضا هناك اماكن كثيره تستقبل البطاقات البنكيه بانواعها
ولكن تذكر دائما ان يكون لدى بنكك علم بأنك مسافر
فواجب البنوك اذا تابع عمليات سحب خارج البلاد سيقوم بوقف البطاقه فوراً..

ماشاء الله تبارك الرحمن تقرير جميل ولطيف

اقتباس:

المشاركة الأصلية كتبت بواسطة ابو عبدالله الكويتي (المشاركة 594564)

يامرحبا يا ابو عبدالله الكويتي
انشهد انك وافي .. ماشاء الله تبارك الرحمن على روحك الطيبة وتعاونك اللي ماهو مستغرب منك ولا من الجميع
ان شاء الله اني مقرر على خير بإذن الله على شهر 9 ميلادي .. اي بعد 3 شهور
الرحلة راح تكون لشخصين فقط وبعد استفسارات وكم مشوره قررت على 12 يوم وبرضوا على اجازتي
راح اتواصل معك على السكن في الايام القريبة ان شاء الله
طبعاً قررت اسوي الفيز من بدري لكن الربع ما انصحوا الان لان مدتها 3 شهور ولا راح استفيد بحكم السفره في شهر 9.
بالنسبة للتذاكر ولو انك تنبه كثير عنها والله بحثت كثير والاسعار متفواته ولايوجد دايركت من مطار الدمام
الى ان اغلبها ترانزيت اما للرياض او ابو ظبي او تركيا والى الان اشوف الارخص والاقصر انتظار في الترانزيت لان وجدت الارخص الا وهو طيران ويز ولكن الانتظار يكون طويل جداً.
وان شاء الله ماطول في الحجز خلال هالايام بمشيئة الله

ارجع استفسر اكثر بما ان الاستفسارات تجر بعضها وتنبه على شغالات ممتازه

- هل الصرف او تحويل العملة يكون من البلد اللي انا فيه او من البوسنة .. وش الافضل ..؟
- هل اصرف يورو او عملتهم اللي يتعاملون فيها هناك لان اخذت لي فره في مواضيعك عن البوسنة قريت ان فيه تعامل با الـ يورو !

وان شاء الله اذا فيه اي استفسار ثاني راح ارجع لك .. منت مقصر جعل عمرك طويل والله استفدت كثير
تحياتي

ما هي مقترحاتكم بالسكن في بيهاتش

اقتباس:

المشاركة الأصلية كتبت بواسطة بوعيد (المشاركة 594706)

تحت امرك الشيخ ..
فالك التوفيق وشوف الافضل بالنسبه للطيران واحجز عليه ..
النصيحه حتى لو زدت المبلغ لكن عليك باقل واقصر فترة انتظار للترانزيت
السفره لازم تكون ايجابيه من بدايتها وحتى نهايتها..

بما ان العدد سيصبح شخصين
فالخطه بالتأكيد ستتغير والميزانيه اكيد تتغير
باذن الله ساحصي لك كامل المبلغ اللي بيكفيك واعلمك ..

بالنسبه للعمله
عليك بصرف اليورو في المملكه
واخذ اليورو معك وتحويله الى عملتهم مارك بوسني
عملتهم غير متوفره بالخليج

وفقك الله

اقتباس:

المشاركة الأصلية كتبت بواسطة ابراهيم 43 (المشاركة 594715)

ما هي مقترحاتكم بالسكن في بيهاتش

حياك الله اخوي ..
ماهو نوع السكن اللي تبي
شقق فنادق بيوت ؟
والاهم كم شخص ؟

يعطيك العافيه
سفرة ممتعه امتعتنا بالمشاركة فيها
ونصايح مميزه نستفيد منها
شكراا لك

اقتباس:

المشاركة الأصلية كتبت بواسطة ابو عبدالله الكويتي (المشاركة 594742)

صحيح وهذا اللي انا ابحث عنه الان الاقصر وقت في الترانزيت
بإذن الله تكون السفره ايجابية .. للأمانه متشوق للسفره من بعد ما اخذت فره على بعض مواضيع البوسنة
الله يكتب اجرك ويجزاك خير في انتظار ترتيبك
بالنسبة للتحويل ان شاء الله قبل السفر بكم يوم احول لليورو
يعطيك الف عافية