|
رد: مشورتكم في باريس هههههههههههههههههه الله يعكيكم الف الف عافيه على طاري الشباب وما ادراك ما الشباب يا فاندا قبل عامين كنت في اندونسيا وفي جزيرة بالي وزرت الرايفتنقق ( التجديف ) كان ممتع وجميل ولكن يوم وصلنا اخر محطه وخلصنا قال يالله اطلعوا هالدرج الجبلي سيارتنا تنتظرنا فوق يالله اي شباب واي نشاط تتتكلم عنه والله نص الدرج يالله يالله ارفع نفسي خطوتين واهبد بدون مبالغة كان زاوية الدرج شبة قائمة ومتعبة جدا جدا ------------------------------------------------ قطري يالله ان تبيض وجه عز الله انك كفيت ووفيت ومابقيت شي نقولة راعي واجب وراعي الاولة يا الغالي تم حفظ الصور وكل كلمة تفضلت وذكرتها يالغالي ------------ فيصل الله يعطيك الف عافيه والله وانا اخوك شي اسمة تاريخ هذا شي مقدس عندي لدرجة ممكن اوقف امام المسلة المصرية يومين عادي اتأملها ولكن مع خويي ولابد الواحد يوفق بين ما يحب وبين ما يحب رفيقه بالسفر والوسطية طيبة في كل شي متحف اللوفر وفرساي واي شي تاريخي له علاقة بالماضية بحاول يكون لي وقت ازورها ان شاء الله ----------------- طوق الياسمين وانا اخوك فكرت في هالموضوع لكن بشاور رفيق الدرب مع انه مصر ع دزني لاند وماراح نتخلف ان شاء الله ----------- فيصل حياك الله ورعاك ابشرك وقتي ممتاز الوصول الثلاثاء والمغادرة الجمعه الصباح ان شاء الله بيض الله وجيهكم وما قصرتوا تذكرت شغله مهمه وهي الانترنت وش افضل طريقة للانترنت في اوربا خاصة اني بزور فرنسا والماني وسويسرا والنمسا ------- بالنسبة للدراهم اخذها كلها يورو ؟ والا كل دولة بعملتها ؟ لاهنتو وما لنا غنى عنكم يالربع |
رد: مشورتكم في باريس الله يعافيك اخوي ريلاكس حاضرين لك الجماعه كلهم ماراح يقصرون معاكم ماعليك زود يا غالي والله يعطيكم الصحه والعافيه ان شاء الله هههههههه ساحه الكونكورد ( المسله المصريه ) جميله جدا وخاصه اذا الجو مغيم روعه وترا قصر الاليزيه قريب منها على يسار الساحه والحديقه قريب من متحف اللوفر بخصوص العملات : فرنسا - المانيا - النمسا ( صرف عمله اليورو ) سويسرا ( صرف عمله الفرنك السويسري ) واقتراح الاخت طوق ممتاز جزاها الله خير ممكن تاخذون برايها ايضا لكن البعض يقول بما ان وصلنا باريس لازم نشوف دزني بخصوص الانتر نت انا دايما اؤيد ان اي دوله تروح لها اخذ كرت البلد نفسها للأنترنت ماراح يكون مكلف لاتستخدم كرت الدوله الاخرى افضل وطبعا الرأي لكم بالتوفيق |
رد: مشورتكم في باريس .. ما قصروا معك الاخوان الله يعطيهم اللف عافيه . اي استفسار احنا حاضرين |
رد: مشورتكم في باريس بيض الله وجيهكم كفيتو ووفيتو يشهد الله واستفدت كثير منكم وخاصة القطري ولا يهون باقي الاعضاء لك شكر خاص بكذا اموري ان شاء الله تمام فقط باقي السيارة و القطار من باريس الي بادن بادن السيارة متردد ما بين سكست و بين يورب كار امس كنت في مكتب سكست ولقيت سيارة mbw 500 بسعر 6013 لمدة 11 يوم ولقيت bens c كلاس بسعر 4159 والي الحين متردد |
رد: مشورتكم في باريس اهم شي التأمين ، شوف اللي بيعطيك تأمين شامل (نسبة تحمل صفر) القطارات تعتمد على شركة القطار و التاريخ والوقت وعدد محطات التوقف من باريس الى بادن بادن لابد من محطة توقف واحدة (ستراسبورغ - مانهايم - كارلسروة) التذاكر درجة ثانية بحدود 200 - 250 يورو للشخصين والمدة تقريبا 4 ساعات شوف موقع قطارات اوروبا وحدد خياراتك http://www.raileurope.com/index.html |
رد: مشورتكم في باريس اقتباس:
ووجهك ابيض اخوي ريلاكس العفووو اخوي ماسوينا شي هذا واجب والاخوان كلهم ماقصرو ولا بقصرون معاك بأي شي بالنسبه للسياره فلهاااااا واكشخ هههههههه السيارتين حلوين والشركتين حلوين في تعاملهم بس سكست يأخذون تأمين مرتجع عالي اشوي السنه الي راحت مستأجر BMW X5 طلعت علي في 12 يوم 17 الف ريال التأمين الي خذوه تقريبا 2600 يورو بس اول مارجعت السياره بعدها بكم يوم رجعو المبلغ في حسابي اما التعامل كان جدا ممتاز وراقي ومحترم شوف شنو يناسبك وتوكل على الله ويفضل بنقلك استفسارك هذا الى المختصين بتأجير السيارات والقارمن وغيره ماشاء الله عليهم مبدعين وراح يفيدونك كثير تأجير السيارات ، القارمن و مستلزمات السفر - شبكة و منتديات العرب المسافرون اما بخصوص القطار ماقصر اخوي ابومهاب جزاه الله خير وبالتوفيق ان شاء الله |
رد: مشورتكم في باريس بيض الله وجيهكم ما قصرتوا صراحة بالنسبة للسيارة ابشرك خلصت اليوم و حجزت سيارة اودي اي ٤ سعرها ممتاز والتامين زيروا و اتوتوماتيك وديزل بسعر ٣٧٠٠ تقديبا لمده ١١ يوم وبكذا مابقي الا استفسار وش الفرق بين تذكرة القطار درجة اولي وبين درجة ثانية لاني لقيت حجز مثل ما تفضلت يا قطري الساعه ١١ واشوفها مناسبة جدا تختصر الوقت بمدة الرحلة بالنسبة للكاش هل اخذ نصها كاش ونصها فيزا ؟ |
رد: مشورتكم في باريس .. الفرق اتوقع بالسيت يكون افضل من الدرجه الثانيه والخدمه وواي فاي مجاني وفرق السعر مو عالي ابد والافضل تاخذ اقل من النص كاش وتجنب تكون فئه 500 يورو .. والباقي في الفيزا اغلب تعاملهم هناك اذا مو كل شيء بالفيزا .. والكاش خله للاشياء اللي بتشتريها مثلا من البياعين المتجولين او كوشتات الاكل والعصيرات |
رد: مشورتكم في باريس مشرفتنا المميزه الله يسعدك ويوفقك كفيتي ووفيتي بيض الله وجهك والله يقدرنا على رد جميلكم في هالمنتدي الرائع |
رد: مشورتكم في باريس الاولي فيها وجبات ايضا وكراسي وسيعه شويه لكن اذا السعر يفرق كثير والرحله قصيره خليك علي الثانيه افضل دائما تقلل من الكاش بما ان الحجز تم والقطار تم والسكن خلي مشتريات ومطاعم وبقاله من البطاقه |
| الساعة الآن 09:02 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO