السلام عليكم
فيزا شنغن اسبانيا 2023
المسافرون ان شاءالله 7 اشخاص
السؤال
بالموضوع المثبت 3 نماذج لاستخراج الفيزاء هل كل شخص ملزم يعبي الثلاثه او المتكفل بالسفر فقط

افيدونا بارك الله فيكم

وعليكم السلام

نموذج إستخراج التأشيرة 3 صفحات تعبئ لكل فرد على حده

انا كتبته بالقلم وقبلوه
ورق ابيض اسود. عادي

السلام عليكم ورحمة الله وبركاتة
موعدنا بعد بكره ان شاءالله بسفارة اسبانيا عشان الشنغن
السؤال
الافضل
كاش او بطاقة

وكذالك كم المبلغ اللي ياخذون على الفرد سوا كبير او طفل
وتحياتي لكم

----------------------------

البطاقة افضل ولا عليها رسوم (وتفتك من موضوع البحث عن صرف )
بالنسبة للاطفال اقل من 6 سنوات ماعليهم شي
واللي فوق ال6 الى 12 سنة رسوم الفيزا 160+رسوم المكتب 75+الرسالة النصيه 7المجموع 242
والبالغ رسوم الفيزا 319 + رسوم المكتب 75 +الرسالة النصية 7المجموع 401
الدفع بالريال السعودي .
وانصحك تروح للمكتب قبل الموعد بساعة او نص ساعة الوضع عندهم عندك موعد وبوقت بس مايتقيدون بالوقت يمشون بالرقم اللي راح يعطونك اياه اول ماتدخل
معلومة اخيره ترى من 5 اكتوبر انتقلوا من عرقه الى المربع

يعطيك العافيه اخوي

النيه اني اروح بكرة عرقه لاكن قلت خل أستقسر بالمنتدى
مشكور والله يجزاك خير والجميع
والعجيب تتصل ع السفاره تسالهم عن موقعهم انتم بعرقه ولا المربع يقولك ادخل قوقل وشف وين الموقع:16:

السلام عليكم ورحمة الله وبركاتة
تم الذهاب لموعد استخراج الفيزاء يوم الخميس والحمدالله كلش تمام ولا طولنأ ورحت امس الاحد استلمت الجوزات وعطونا سنتين

باقي عاد نجهز للسفر والله يسهل امورنا واموركم

السلام عليكم

ان شاءالله السفر بعد بكره الى اسبانيا والله يجعلها سفره سعيده وما نستغني عن دعواتكم

بالنسبه للنت وش الافضل
المده 10 ايام