|
آآه بس ذكرتني يوم سرقوني قي باريس :28: مع اني ماخذ حرصي وعارف ان الحراميه متربصين بي بكل مكان .. لكن قدر الله وما شاء فعل .. كنت راجع بالقطار من الاوتلت الى باريس .. المشتريات كلها كنا حاطينها في حقيبة وسط .. من طلعنا من الاوتلت وانا مو مرتاح .. لكن قلت بصير حريص بزيادة . قبل ما ندخل القطار كان فيه زحمة عند بوابة القطار و انا احمل الحقيبة لحقتي بنت بتركب وراي .. انا انتبهت لها .. دخلت بسرعة والحقيبة قدامي .. هي ركبت وراي ويوم شافتني دخلت بسرعة وانتبهت لها .. نزلت من القطار .. جلست على الكراسي اتنهد توقعت اني بأمان .. شوي جالس جنبي راكب يكلمني عربي يقول لي شفيك تتنهد وين تبي تنزل .. انا مع الجو المتوتر قلت له اي كنت مستعجل وبنزل عند المحطة الفلانية :27: .. هو بعد محطتين نزل .. وقبل ما ينزل التفت علي وقال لي ترى نزولك بعد محطتين انتبه .. شكرته على حرصه .. أثاري فخ و أنا ما أدري :28: .. يوم نزلت بمحطتي توني طالع من القطار .. فيه بوابات لازم تعبرها علشان تطلع من المحطة .. وكان الممر زحمة و انا معاي الحقيبة حاولت ارفع الحقيبة فوق البوابة .. ومع الزحمة وثقل الحقيبة جاء رجل من خلفي ورفع معاي الحقيبة يساعدني .. اول ما عدينا البوابة اختفى .. شكيت .. شيكت على مخباتي .. طااارت المحفظة :27: كلمت الشرطة مافي فايدة الحمد لله المحفظة كان فيها كم بملغ بسيط كاش و كانت بطاقة البنك بمخباتي الثاني . صدمة نفسية لمدة ثلاث ايام بعدها الحمد لله استوعبت اني سليم وهذا اهم شي :61: |
اقتباس:
|
الموضوع جميل جدا وكل واحد له تجاربه صار لي حدث في بالي عام 2012 خلني اقول انهم يمكن سحر يمكن قمروني ما ادري كيف توصل الى جيبي العلوي وسحب المبلغ المخصص لذلك اليوم حول الالف ريال مجموعه من البزران معاهم نبته وكانو حولي ويحاولون يوصلون النبته لوجهي بعدها بدقيقه اختفو لا تسالني كيف ومن بعدها صرت احرص على لبس الجاكيت اللي بداخله جيوب فيها سحاب في اثيبوبيا اخوي صار له مثل ما صار معك لمس واحد كتفه والذيب ما يدري وش صار كانه تبنج وسحب جواله واخفتى لو تلاحظون بالسوشل ميديا خصوصا بريطانيا وايطالي فيه مواطنين يلاحقون النشالين ويصورونهم ويحذرون الناس منهم ( منهم وحده ايطاليه عجوز مالها سالفه الا هالحراميه ناشبه لهم بالاسواق والمحطات ) المسافر الواعي لابد بان يكون حريص في كل مكان |
في الصين حدث معانا موقفين الموقف الاول رجعنا للفندق وكنا ثلاثة ولقينا السيفتي بوكس مفتوح وكنا مأخذين معانا 30 الف دولار كاش ماهي العادة ابدا نتركها مفتوحه بحكم فيها الفلوس والجوازات ربطتين 20 الف دولار كامله وموجوده وما ناقص منها شي وربطه 10 الالف دولار اللي كنا نشتري فيها باقي فيها 5الاف وحولها كلم خوينا الامن وجابو اللي تنظف عجوز كبيره بالسن وبعدها طلبنا منهم ان ينتظرون حتى نتأكد من مصروفاتنا والمبلغ المتبقي جردنا جميع مشترياتنا ومصروفاتنا وتوصلنا الى ان المفقود حوالي 500 دولار طلبنا الله عوض ولحكم كبر سن العجوز الغينا الشكوى وطحنا في مشكلة ثانيه اللي هي لابد من حمل الفلوس والجوازات معنا والكلام هذا تقريبا 2008 الموقف الثاني في نفس الرحلة كان كل التكاسي هناك اذا وصلك مشوار يعطيك فاتوره بالسعر ويكون فيها جميع بيانات السائق وكان ولد عمي يجمع هالفواتير واذا جى نهاية اليوم اشغلنا بفواتيره. كنا يعني من باب المرح وبالاخص انا نتطنز عليه بجمع الفواتير نظام الشيبان اللي يجمع فواتيره بالجيب العلوي الين ما يمتلي ويصير الجيب له بطن وفي احد الايام طحت في شر اعمالي. اول مره ولد عمي ما ياخذ فاتوره من تكسي اعطاه السايق التكسي ورفض ولد عمي وحنا شغالين مزح عليه طاح جوالي بالتكسي من دون ما ادري فانقلب السحر ع الساحر وصرت انا عنوان الضحك لباقي الايام الين ما رجعنا وبعد ما رجعنا والى يومكم يسولف فيها ويضرب فيني مثل. |
اقتباس:
|
اقتباس:
مساء النور الملام المسروق والدولة التي تكاسلت عن إتخاذ إجراءات حازمة لحماية مواطنيها وضيوفها لماذا نسافر لدول نعرف مقدما أن السرقات تكثر بها أو سوء المعاملة أليست هناك وجهات أخرى أكثر أمانا أو أنه التقليد في كل شي لو إبتعدنا عن زيارة هذه الدول سيقل السارقين بحكم قلة الضحايا وقد تضطر هذه الدول لإتخاذ إجراءات لإستعادة السياح والتصدي للسارقين هذه دعوة للتفكير في زيارة دول أخرى أكثر أمانا وألطف شعوبا |
اقتباس:
|
كلامك صحيح يا ابو غسان الفترة الاخيرة السرقات صارت في اوروبا شي خيال حتى لو ماكنا كاشخين ولابسين ماركات الحراميه يعرفون الخليجيين ويسرقونهم اخر مرة رحنا الى لندن اسرقوا موبايل زوجي بخفه يد ماحس بايد الحرامي ولما رحنا الشرطة نشتكي ماكانوا متعاونين نهائيا معنا |
اقتباس:
كل شخص مسموع له يحمل معاه حد اقصى 10 الاف دولار او ما يعادلها واذا اكثر لازم يفصح عنها المبلغ كان عربون لطلبات من كذا شركه هناك والوقت هذاك ما كان فيه طريقة الا تجيب معك كاش |
نصيحة للمسافرين بالقطار يفضل شراء اقفال مثل اقفال الدراجات من امازون تكون معكم وقت السفر بالقطارات و ربطها باحد الاعمدة المخصصة للحقائب بهذه الطريقة صاحب الحقائب الوحيد القادر على فك الاقفال و السارق ما راح يستطيع سرقتها كما يمكن شراء احزمة للحقائب باقفال لربطها سويا . |
| الساعة الآن 02:47 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO