|
الحمدلله على سلامة يوسف والشوبنق صراحة جزء اساسي من اي سفرة :1::1: حبيت الصور متابعين |
اقتباس:
اكيد الشوبنق ضروري واسواق ميلان تهبل شكراا لذوقج |
اليوم السابع الاحد 17 / 8 / 2025 :ds: اليوم مافي صور وايد ليش ؟ لان محدثتكم اقعدت الصبح مريضة ونفس اعراض يوسف فيروس قوي حاشنا انا وغنيمه اليوم اخذت من يوسف حبة مضاد صارفها من الصيدليه لفيروس المسافرين اخذتها الحمدلله ريحتنا شوي بس الدوخة والسخونه والترجيع شغال https://www.arabtrvl.com/up/uploads/...449630771.jpeg اتصلوا على الاسعاف ويت المسعفين واحد ومعاه بنتين يحليهم بشوشين ومريحين الوجه واخذنا جوازاتنا معانا لازم ودونا ونزلونا دخلونا لحد الاستقبال ووقفوا معانا لحد ما استكملوا اجراءات الدخول وراحوا وقعدونا بالانتظار وجدامنا وايد ينطروون دورهم وقعدنا من الساعه 12 الظهر الى الساعه 4 يالله دخلونا وبرد طلبنا منهم اكياس للترجيع وكنابل نتغطى استبردنا وننام شوي ونقعد لما دخلنا قابلتنا الدكتوره وسألتنا اسئله وعن الأعراض وسوو لنا تحليل دم ثلاث تحاليل لكل وحده https://www.arabtrvl.com/up/uploads/...344963867.jpeg https://www.arabtrvl.com/up/uploads/...449632662.jpeg وننتظر بره حطوا لنا دريبن خلصوا وقلت له يالله شيلهم قال ننتظر بعد التحليل الأخير وانتظرنا وحط لنا دريب ثالث وبعدين رخصونا وشافوا التأمين وقالو مع السلامه اثناء الانتظار ادش على سنابات ربعنا ونشوف وين راحوو هذا بمبنى شقتنا تكون من 6 بنايات وهالممر بينهم وفيه هالمطاعم والكافيهات https://www.arabtrvl.com/up/uploads/...449633963.jpeg وهذا محل حلوو https://www.arabtrvl.com/up/uploads/...449635184.jpeg https://www.arabtrvl.com/up/uploads/...449636345.jpeg https://www.arabtrvl.com/up/uploads/...449637446.jpeg هذا الكافيه اللي تحت شقتنا وراعيته وحده محترمه https://www.arabtrvl.com/up/uploads/...344963988.jpeg https://www.arabtrvl.com/up/uploads/...449642110.jpeg وهذا بالدومو يمرون عليه https://www.arabtrvl.com/up/uploads/...449640969.jpeg احنا طلعنا من المستشفى وندور تكسي مافيه ونحاول نحجز من التطبيقات ماكو سيرفس واذا حصلنا مافي سيارة سألنا الاستقبال مال المستشفى عن التكاسي قالو كلموا بالتطبيقات قالت غنيمه خليج هني بروح اشوف المطعم الوحيد بالشارع وراحت والا واحد هومليس اييني من بعيد وخفت منه ورحت حق غنيمه والا يلحقني والا يروح جهة المطعم وغنيمه هناك قلت لها ديري بالج الحمدلله في ناس بالمطعم وقاعدين بره المهم بعد ما حصلنا تكسي ما يساعدون الايطاليين ونرجع عند باب المستشفى ونحاول مع سواح بريطانيين والحمدلله لقط مع غنومه وايي لنا تكسي ونوصل لشقتنا على الساعه 7 خلال هذا ربعنا قالو شنو تبون تتعشون قلت لهم اذا في الجمعيه عيش سوو لنا بس عيش ابيض وروب في بالثلاجة عاد اهم شارين ومجهزينه لنا وخلاص بس نبي ننام واكلنا العيش الابيض والروب ونمنا وهني بالليل طلعوا يوسف وزوجته حق مباراة ميلان https://www.arabtrvl.com/up/uploads/...496432611.jpeg ونشوفكم باليوم الثامن ان شاءالله :ds: |
هالفيروس ما خلى احد .. الحمد لله صار بسرعة دشيتوا المستشفى تعبانه وهالهوملس يايج :10: جعله آخر المنغصات |
سلامات أم حسين ما تشوفون شر وقدامكم العافية |
اقتباس:
دشينا بسرعه بس الانتظار طوييل والعلاج طوييل طلبنا منهم اكياس ترجيع وكنابل ونغط ونقعد ضيعنا الوقت اي والله الحمدلله راح عقب ان شاءالله |
اقتباس:
|
اليوم الثامن 18/ 8 / 2025 الأثنين :ds: حمدلله اليوم صحينا طيبين علاجهم ممتاز قعدنا تريقنا خفيف توست وجبن وطلعوا البنات قبلنا والا نسمع صراخ عيوزه تحت اثاريها تصارخ على البنات واشوه البنات ما عطوها وجه وطلعوا المدام مو عاجبها ان احنا نستخدم الاصنصير تقول انتو بالطابق الاول وانتو خربتو الاصنصير https://www.arabtrvl.com/up/uploads/...548645815.jpeg لما نزلنا انا ويوسف والا اهي مع واحد يقول اهو مسئول على البنايه يعني حارس ونبي نكلمه ونفهمه والا يقعد يصارخ وينابح وما يخلينا نتكلم عطيناه ظهرنا وطلعنا خليه ينابح كيفه :20::20::20: طلعنا الى الدومو وشفت بنات يبيعون سوفينرات وقعدت انا ويوسف ننقي ونتشرى منهم واخذت من اكواب حق اخواني واحنا نطلب منهم طاحوا على الارض منها اهي وقلت لها غلفي اكوابي بالبلاستيك اخاف يتكسرون واثاريها حاطة المكسورين لي تقريبا نص الكميه حسبي الله عليها وما انتبهت عليهم الا بالكويت المهم كملنا طريجنا ورحنا حق البنات في كيكو يطبعون اساميهم وهدايا على الحمر https://www.arabtrvl.com/up/uploads/...496444612.jpeg https://www.arabtrvl.com/up/uploads/...496456413.jpeg https://www.arabtrvl.com/up/uploads/...496470914.jpeg https://www.arabtrvl.com/up/uploads/...496484915.jpeg شفت الطابور ورجعنا دخلنا محل ميلان وشرينا فانيله وكرة حق حمادة https://www.arabtrvl.com/up/uploads/...496956314.jpeg https://www.arabtrvl.com/up/uploads/...969574815.jpeg قعدنا يم اللي يرقص فيديو https://youtube.com/shorts/UorBcqdMX5Y?feature=shared https://www.arabtrvl.com/up/uploads/...969632120.jpeg https://www.arabtrvl.com/up/uploads/...496499216.jpeg خلصوا البنات وبعدين رحنا نتغدى في مطعم اخذنا تاكسيين لمنطقة Brera دخلنا دواعيس مطاعم ومحلات وصلنا مطعمنا وهذا المطعم وزحمة وطابور https://www.arabtrvl.com/up/uploads/...496513217.jpeg https://www.arabtrvl.com/up/uploads/...496526818.jpeg تقريبا ربع ساعه ودخلنا في قعدات بره وداخل وفوق https://www.arabtrvl.com/up/uploads/...496540619.jpeg مشهورين ان يسوون شغلهم جدام الناس https://www.arabtrvl.com/up/uploads/...554847521.jpeg وهذه مؤسسة المطعم https://www.arabtrvl.com/up/uploads/...496553920.jpeg طلباتنا https://www.arabtrvl.com/up/uploads/...554849092.jpeg اكواب الماء https://www.arabtrvl.com/up/uploads/...496938041.jpeg والتيراميسو اللذيذ https://www.arabtrvl.com/up/uploads/...496939492.jpeg فيديو https://youtube.com/shorts/gI8s_7Ni1gY?feature=shared بعد الغدا تمشينا بالمنطقة وبمحلاتها وتشروا البنات https://www.arabtrvl.com/up/uploads/...969586616.jpeg يطبعون الاسم على المشط https://www.arabtrvl.com/up/uploads/...355485154.jpeg وهذا محل عطور ترند بس ما عجبتنا روايحهم https://www.arabtrvl.com/up/uploads/...554852595.jpeg https://www.arabtrvl.com/up/uploads/...554850253.jpeg يتبع :ds: |
وبس صجة ولجة وصراخ .. هههههه شالشعب المنفس :12: |
| الساعة الآن 10:01 AM |
Powered by vBulletin® Copyright ©2000 - 2026, Jelsoft Enterprises Ltd.
Search Engine Friendly URLs by vBSEO