|
رد: رحلتي الجميله لطوكيو 2015 أواديبا من أجمل الأماكن في طوكيو البحر يعطي طاقة إيجابية عجيبة أحس كأني بمنتجع أو شاليه مع جو عجيب مكان الواحد ما وده يتركه بالنسبة للفيديو ما قدرت أشغله أختــي إنتي حاطته خاص وشلون طافني محل الآيس كريم :yolks00350: لازم أروح مرة ثانية وأجربه يعطيج العافية على الجزء الجميل |
رد: رحلتي الجميله لطوكيو 2015 نتابع اليوم السابع استعدينا وانطلقنا الى دزني عرفنا انه اللي يبا يسير مدن الالعاب عندهم أنواع من التذاكر ، مثلا نحن بنسير ع الساعه 7 هاي تذكرتها تكون أرخص بس نحن ماكنا عارفين يوم حجزنا انه مابنسير فسرنا عند كاونتر قص التذاكر عند دزني وكان فاضي وخبرناهم انه عندنا تذاكر مال يوم كامل ونحن الحين بندخل جان يغيرون التذاكر ويردون الفرق يوم وصلنا دزني كان المطر صبيب وهذا لعوزنا ومن غير كنا ماخذين معانا شنطة ترولي فيها مظلات وحاجتنا الضروريه لكن للاسف رفضوا دخول الشنطه وحاولت وياهم وقلتلهم انه امس في دزني سي وافقوا ودخلوها بس بعد مارضوا وعقب سار الموظف ويابوعيسى وحطوا الشنطه في صندوق الامانات وتأخر بوعيسى ولين رجع تأخرنا في الدخول أول مادخلنا خبرنا البنات نحن في أي قسم أول مادخلنا كان فيه ممر مسقف وع الجانبين محلات كثيره هذا فندق داخل دزني بس نسيت أي فندق ، يمكن أسمه فندق دزني ريزورت ممتأكده دخلت ويابوعيسى هالمكان وأظن كان فيه عرض تلفزيوني ، نسيت بالضبط بس اذكر انه عجبنا عقب رجعنا أنا وبوعيسى وتقابلت ويا البنات الصراحه المطر خرب علينا ، والدنيا مظلمه وماتشجعنا ندخل العاب ثانيه وبعد الوقت تأخر وبدت الناس تتجمع في الساحه الوسطانيه عشان العرض الكبير والالعاب الناريه دخلنا المحلات وأغلب الاشياء للاطفال بس تصدقون اللي اشتريته اغلبه حقي من شخصيات ميني ماوس وميكي وغيره تعيبني سوالف اليهال لازلت في داخلي طفله وعقب يلسنا في الكوفي وكلينا وافل ع صورة ميكي ماوس الحين بعطيكم بعض الصور اللي صوروها بناتي وهاي بعض تجارب بناتي في دزني نكمل هاليوم الناس بدت تتجمع حوالين البحيره حول قصر ساندريلا ماشاءالله زحمه غير طبيعيه ومطر والحاله حاله بس نحن صامدون وقلنا بنتفرج وافترقنا كل احد في صوب بسبب الزحمه وانا رازه ويهي جدام عشان اصور بدا العرض وكان روعه حسب ماخبروني بناتي انه العرض عباره عن قصص دزني مدموجه في قصه ووحده من أحلى العروض اللي شفتها وكلها بالاضاءه لكن بسبب زحمة الناس واني يالسه أصور ماركزت في القصص المعروضه مجرد مبهوره بالتقنيه والاضواء والصور اللي تطلع وفي النهايه كانت الالعاب الناريه المشكله انه نحن مرتبطين بموعد باص ومانقدر نتأخر واضطرينا نطلع من العرض ومانكمله وخذينا وقت لين نجمع بعض وبوعيسى خذا وقت لين سار ياب الشنطه من الامانات وركضنا لين موقف الباصات في المطر وقلوبنا عند العروض وفي الاخير لقينا الباص سار عنا لأنه كنا متأخرين دقايق طبعا في هاي الحاله نحن مضطرين نرجع بالقطار والقطار اللي مب حلو فيه انه نبدل كم مره ولما نوصل محطتنا اللي في منطقتنا لازم نركب باص يوصلنا لين الفندق السالفه طويله ومتعبه شوي عشان جيه أفضل ماتفوتون الباص عشان راحتكم واختصار الوقت وهذا موقف الباصات هذا محل كبير لدزني ستور وموجود خارج المدينه في اتجاهكم لمحطة القطار فممكن تتشرون منه وانتوا مروحين انطباعي وانطباع البنات عن مدن الالعاب الصراحه عجبتنا دزني لاند أكثر بوايد من دزني سي من كل النواحي وواشرح بوايد من دزني سي واجمل وتمنيت اني ييتها من الصبح ان شاءالله المره اليايه اذا سرت اليابن بس بنسير دزني لاند وبكون من الصبح لين فليل وبهالجزء نكون خلصنا اليوم الثامن ونلتقي وياكم في الردود وفي اليوم التاسع واحداثه |
رد: رحلتي الجميله لطوكيو 2015 هل تستحق ديزني طوكيو زيارتها؟ وكم تقريبا سعر التذكرة بالدرهم؟ |
رد: رحلتي الجميله لطوكيو 2015 شكرا اخت هداوه رةوعه في السرد والتصوير والتفتصيل مرجع كبير لاي شخص يسافر طوكيو اليابان الجو رائع جدا وجميل يا اخت هداوه شفت لج مداخله مع الاخت ليمونه حزينه انك من عشاق تايلند وخاصه بانكوك ولا لقيت اي تقرير لج عن تايلند وخاصه بانكوك وانا من عشاق تايلند وخاصه بانكوك ارجو انج تتحفينا بتقارير عن بانكوك تايلند اختي والله انا منتظر اي تقرير تكتبينه سردج رائع والتفاصيل رائعه ان شاء الله تتحتفينا عن قريب بتقرير وافي عن بانكوك تايلند وشكرا |
رد: رحلتي الجميله لطوكيو 2015 شكرا لك علي الجزء صرتم بين خيار الالتحاق بالباص ومشاهدة العرض وانتهي المطاف بالقطار هل ترني ان ديزني تستحق يومين للكبار |
رد: رحلتي الجميله لطوكيو 2015 اقتباس:
ممتذكره بالضبط بس أكثر من 5000 درهم اقتباس:
العفو وياهلا وسهلا من زمان نزلت في المنتدى القديم وهنيه نزلت عن جزيرة كوساموي وأغلب سفراتي لبانكوك تكون للتسوق والعلاج لكن بحاول في المستقبل اذا قدرت أسوي تقرير عنها بشوف لأنه اذا عندي وقت أبا أنزل عن بلدان ثانيه من زمان ودي انزل عنها ان شاءالله أقدر واكتب عنها وأشكرك أخويي ع متابعتك واهتمامك بتقاريري وانا سعيده انكم حبيتوها والاهم مستفيدين منها ادخل ملفي الشخصي وشوف كل التقارير اللي نزلتها في المنتدى وشوف شو اللي ماقريته بس لاتنسى تخبرني رآيك اقتباس:
العفو أخويي ههههههههههههههههههههههههههه شفت عاد لاتمتعنا بالعرض ولا سرنا في الباص وارتحنا اعتتقد يوم واحد تكفيها من الصبح لين بالليل والصراحه بكررها لو زرت اليابان |
رد: رحلتي الجميله لطوكيو 2015 مساكم عسل ياناس ياعسل اذا موجودين قريب أنتظروني عقب نص ساعه بنزللكم جزء يديد طويل وجميل خليكم قريبين مني لاتروحون بعيد |
رد: رحلتي الجميله لطوكيو 2015 اليوم الثامن رحله لجبل فوجي معلومات جمعتها قبل السفر جبل فوجي Fuji Mountain يعرفه اليابانيون باسم "فوجي سان. تحيط به 5 بحيرات و من ضمنها كاواغوتشي . وتشتهر المدينه بينابيعها الحاره او كما يطلق عليه اليابانين اونسون) Onson من طوكيو الى هاكونه وهي منطقه جبليه رائعه مشهوره بالينابيع الساخنه وتوجد حديقة ورد جميلة جدا قريبه من جبل فوجي ان كنتم تريدون الاستمتاع برؤية جبل فوجي بكل وضوح ، فاختاروا يوم مشمس و صحو ممكن الذهاب بالباص ويوصلنا للمستوى الخامس من الجبل وفيه هناك محلات ومطاعم ولكن فوجي من بعيد أحلى وخصوصا لما ينعكس على البحيرة وقت الشروق أو الغروب بالنسبة للانشطة السياحية في بحيرة من البحيرات الخمس هي المشهورة اسمها kawaguchi lake هذا الرابط فيه جدول ليوم حول البحيرة والأماكن اللي عدالها ورحلة البحيره ممكن نزورها بالقطار طريقة الذهاب لها بالقطار تبعد منطقة كاواجوتشيكو حوالي ساعتين من طوكيو من محطة شينجوكو من المنصه 10 نأخذ القطار الى محطة أوتسكي Otsuki وبعدين نبدل القطار الى خط Fuji Kyuko لما نوصل هالمحطه ممكن نقوم برحلات سياحيه بالباص او التاكسي والافضل التاكسي عشان نكسب الوقت في المحطة قمنا باستبدال الفوتشر الذي حصلنا عليه من مكتب جي ار مقابل تذكرة باص كاواجوتشيكو السياحي ، الذي ينقلك بين الوجهات السياحية في المنطقة. ومن هناك نختار الاماكن اللي نبا نزورها جدول مواعيد الباص و المحطات أول وجهة في كواجوتشيكو تلفريك كاجي كاجي في جبل تينوجي محطة رقم 10 من محطات الباص Kachi Kachi Ropeway التذاكر: التلفريك ( ذهاب و عودة) الكبار: 700 ين اي 25 درهم الأطفال: 350 ين اي 12 درهم و يوجد ايضا نوع اخر من التذاكر يشمل جولة بالقارب في البحيرة الكبار: 1200 ين اي 42 درهم الأطفال: 600 ين اي 21 درهم يعني الرحله الثانيه ممكن جوله بالقارب ، وبعدها في المحطة 16 غابة الموسيقى Museum of the UKAI music box Ukai orgel no Mori BijutsukanForest اوقات العمل: 9:00 إلى 17:30 الكبار: 46 درهم الاطفال: 28 درهم المكان يستحق الزياره والأحلى نتغدى في المطعم المطل ع جبل فوجي تفاصيل رحلتنا لجبل فوجي لما قررنا نسير جبل فوجي ، سايا عطتنا اقتراحين واحد نسيرله بالقطار والثاني بالباص وبعد مشاورات شفنا انه بالباص أنسب نسيرله اتفقنا وياسايا انه نلتقي وياها في محطة شيبويا الساعه 7 ونص وتخيلوا اضطرينا نقوم من النوم الساعه 5 الفجر لأنه بنحتاج نبدل كم محطه لين نوصل عند سايا ولين نشينا وتكشخنا انطلقنا قبل بالقطار المعلق أظن يسمونه مونوريل وعقب سرنا المحطه الرئيسيه صبروا بعطيكم خط السير من سايا من فندقنا لين محطة اوديبا Hotel Nikko Tokyo： ホテル日航東京 (Daiba Station： 台場駅) ناخذ خط شينباشي ↓ , ①Daiba Station(台場駅) to Shinbashi Station(新橋駅) عقب - Yurikamome Line bound for Shinbashi(ゆりかもめ線新橋行き) ②Shinbashi Station(新橋駅) to Shibuya Station(渋谷駅) عقب - Ginza Line bound for Shibuya (東京メトロ銀座線渋谷行き) وبعد مانوصل شيبويا نمشي 3 دقايق لين لاند مارك سيتي ونصعد في الدور الخامس وهناك محطة الباص Shibuya Station： 渋谷駅 ↓ 3 minutes walk Shibuya Land Mark City 5th floor：渋谷ランドマークシティ５階 وبعدين بالباص ننطلق مدة ساعتين ونص الى محطة بحيرة Kawaguchi ↓ , Tokyu Bus bound for Kawaguchi Lake, Mt. Fuji 東急バス河口湖行き) Kawaguchi Lake Station：河口湖駅 وهذا اللي صار مشينا ع الخط اللي عطتنا ياه وبعد كنا نسأل في كل مره كيف نوصل محطة شيبويا لأنه نخاف نخربط ويضيع الوقت وماشي وقت نضيعه ، اذا تأخرنا بيروح الباص عنا والحمدالله وصلنا في الوقت المناسب وشفنا سايا تتريانا وكانت شارتلنا ألذ وافل كلته في حياتي واسم المحل مال الوافل MR.Waffle للاسف نسيت أشتري منه مره ثانيه وما أعرف وين فروعه وفتحت موقعهم بس طلع بالياباني نكمل تفاصيل رحلتنا من خلال الصور لما وصلنا محطة الباص كانت الدنيا ممطره والجو روعه بس للأسف هالج ممكن يحرمنا نشوف جبل فوجي كان باصنا موجود وكان عددنا قليل شبه خالي وهذا أحلى شي وع طول سرنا محطة وصلنا المحطه ولقينا فيها كوفي ومكتب معلومات هذا القطار ما أدري شو سالفته نزلنا وكلينا في الكوفي وعقب سرنا مكتب المعلومات نسأل عن النظام فخبرونا انه فيه الباص السياحي واللي ينقلنا لعدة أماكن سياحيه وانتوا تختارون المكان اللي حابين تنزلون فيه وبعد ماتخلصون ترجعون توقفون في المحطه وتكملون للمحطات الباقيه وجيه في البدايه فكرت أجر سياره ويتم ويانا كم ساعه يلف ويانا ع راحتنا بدال الباص والانتظار ولكن طلع غالي وكنسلنا الفكره رجعنا وركبنا الباص وأول مكان فكرنا نزوره هو تلفريك كاجي كاجي في جبل تينوجي محطة رقم 10 من محطات الباص Kachi Kachi Ropeway http://i1050.photobucket.com/albums/...psqxlx8hvx.jpg http://i1050.photobucket.com/albums/...psfmublbeg.jpg ركبنا التلفريك نزلنا ويلسنا نتفرج وكان الفيو جميل ، وتصورنا واستمتعنا وعقب نزلنا نزلنا وسرنا صوب البحيره حبينا ناخذ جوله بالقارب ونشوف جبل فوجي ن واللي ماقدرنا نوفه أبدا بسبب الغيوم ولاعرفنا حتى أي واحد هو من الجبال شوفوا اشياء كثيره نسيتها لأني ماكتبتها للاسف ، فنسيت الاسعار ونسيت وبعض التفاصيل في رحلة فوجي ومنها هاي الرحله البحيره ، كيف سرنالها اذا بالابص ولا مشي وبكم سعر التذكره كله نسيته والمشكله لما أسأل بناتي وبوعيسى كلهم يقولون مانذكر يعني العايله كلها زهايمر عافنا الله هههههههههه اذكر دخلنا محل حلويات قبل لانسير الجوله البحريه بس ممتأكده اذا المحل كان عدال التلفريك أو عدال البحيره الكوكيز ع شكل جبل فوجي اللي ماشفناه ههههههههههههههههههه بعد ما سألناهم عن الانواع اللي نقدر نشتريها وخاليه من الكحول ومنتجات الخنزير طلعوا بس 3 أنواع أشترينا منهم لنا وصوغه بعد ماخلصنا هالجولتين السياحيتين ( التلفريك والجوله البحريه ) قررنا نسير نتغدى لما كنا بالباص شفنا مطعم هندي مكتوب عليه حلال ، قلنا برنجع ناكل عنده المنيو انطباعي عن المطعم مستواه مقبول ماعجبني أكله وايد بس مافيه اختيارات بالنسبه للاكل الحلال يعني يمشي الحال يتبع ... |
رد: رحلتي الجميله لطوكيو 2015 السالفه اللي خشيتها عن البنات وانكشفت قبل لا أسير رحلة جبل فوجي كنت عارفه انه من ضمن الانشطه السياحيه فيه مدينة العاب وأغلب العابها خطره وايد وقلت مابخبرهم عشان مايحنون عليه لأني ما اباهم يركبون هاي الالعاب أخاف عليهم ، والسبب الثاني نبا نشوف باقي الانشطه الموجوده وهم سبق ساروا مدن الالعاب ولكن انكشفت وعرفوا عنها ، وتخيلوا كيف عرفوا ؟ لما وصلنا المنطقه وقبل لايوقف الباص صوب المحطه وقف قبل عدال فندق نسيت أسمه وعداله كانت مدينة الالعاب وتخيلوا شافوها جدام عينهم وهات صراريخ وشهقات :(158): :(158): :(158): قلتلهم لاتفكرون :(123): لكن تموا يحنون ع راسي عقب ماتغدينا في المطعم الهندي وماقدرت عليهم وابوهم تارك القرار عندي وافقت وخليت سايا تسير وياهم وانا وبو عيسى قررنا نتمشى ونشوف اللي نقدر عليه من الاماكن السياحيه واتفقنا انه نحن أنيهم عند الفندق ونركب في الباص من هناك لأنه بيمر والباص طبعا له وقت محدد وافترقنا نحن في صوب وهم في صوب وانا ماحبيت أسير وياهم لأني مابقدر أتحمل أشوفهم وهم يركبون هاي الالعاب ممكن يرتفع ضغطي من الخوف عليهم والسبب الثاني نحن ما بنركب وياهم شوفوا الصور واحكموا بنفسكم :yolks00780: أسم المدينه وعنوانها
صور أكثر من جوجل أما جولتنا أنا وبوعيسى فكانت بدون هدف قلنا بنركب الباص وبننزل في المكان اللي يلفت نظرنا ونزلنا وركبنا كم مره نسيت شو داخله ماشفت خليجين في رحلة فوجي وعموما في رحلة اليابان كان الخليجين اللي شفناهم عددهم قليل يتبع ... |
رد: رحلتي الجميله لطوكيو 2015 نكمل جولتنا http://i1050.photobucket.com/albums/...psnjbuznmn.jpg http://i1050.photobucket.com/albums/...psxkaoaoht.jpg http://i1050.photobucket.com/albums/...psdlroq3f9.jpg دخلنا محل حلويات يابانيه ، كانت حلوياته غريبه http://i1050.photobucket.com/albums/...ps1zidozar.jpg http://i1050.photobucket.com/albums/...psvqenzryh.jpg http://i1050.photobucket.com/albums/...psntd2cyso.jpg مابغينا نغامر ونشتري ويطلع مب حلو بس فيه نوع جربناه وقبل لانطعمه عطيناه الكارت الي فيه نحن ناكل أشياء بدون كحول ومنتجات الخنزير ولما تذوقت هالنوع حبيته كان لذيذ وغريب يطلع منه دخان كنت بشتريه ، ولكن رجعت وسألته : فيه كحول ؟ قاللي يس ههههههههههههههههههههه يالمهروم الحين تقول عقب ماكلت منه ونحن سآلينك قبل :(123): بس كان لذيذ :(7): http://i1050.photobucket.com/albums/...pszcrv3hlb.jpg شفت انه عندهم عرض للقرود وانا أموت عليهم بس ماقدرنا نحضر كنا بنتأخر http://i1050.photobucket.com/albums/...pslndniivr.jpg خلصت جولتنا أنا وبوعيسى والمكان جميل ومايكفيه يوم وفيه وايد أشياء ومناظر جميله بس ما استانست وايد بدون البنات لأنه بوعيسى غصص عليه كل شوي يقوللي خلينا نروح عن نتأخر ويسير عنا الباص متعقد مسكين من يوم دزني هههههههههه بس صدق كان فيه وقت بس هو خرب عليه الوناسه :(46): المهم رجعنا ولكن الباص وايد تأخر لين وصلنا لين المحطه ، كل شوي يوقف في محطه ونحن متوترين انه نتأخر ولازم ننزل في المحطه وناخذ باص ثاني اللي ياخذ خط ثاني يودي صوب الفندق لما وصلنا المحطه شفنا اذا أنتظرنا الباص وسرنا فيه أكيد بنتأخر ومابنلحق عليهم فركبنا تكسي وودانا عندهم وكانت أجرته معقوله ولما وصلنا لقيناهم في محل عدال الموقف ياكلون أيس كريم يلسنا وكلنا وياهم ويخبروني كيف تحسفوا انه مادخلوا المدينه من وصلوا وانه الالعاب تجنن وطبعا انا مب عايبتني الرمسه :(41): ويانا الباص وركبنا فيها ونحن تعبانين وأنا بموت أبا أرقد http://i1050.photobucket.com/albums/...psc4tfcsep.jpg وبدأت الامطار تنهمر والجو ربيعي http://i1050.photobucket.com/albums/...pskohd4px3.jpg http://i1050.photobucket.com/albums/...pssvzayhiz.jpg ولأنه الباص شبه فاضي في الرده ، فخذيت كرسيين وطحت عليهم عشان أرقد وانا في حلات نومتي كل شويه أقفز ، والسبب ضحكات البنات الله يحفظهم :(123): في البدايه طنشت وعقب كل شوي أعصب عليهم حتى سايا ياها من الحب جانب ههههههههههههه أقولكم هالبنيه خربوها بناتي اول مره أشوف يابانيه تتكعكع جيه ، مسخسخه ع الآخر وياهم عقب قربنا من شيبويا ويطلع جدامنا ع الشاشه http://i1050.photobucket.com/albums/...pshmzbyjoa.jpg http://i1050.photobucket.com/albums/...ps8zsgguuy.jpg عقب ماوصلنا شيبويا ودعنا سايا وهي سارت المحطه تركب قطارها ن ونحن قررنا نتمشى في شيبويا ودخلنا الكوفيه نتعشى http://i1050.photobucket.com/albums/...pslduwnkvx.jpg وحصلنا طاوله مجابله تقاطع شيبويا طلبنا المنيو وكانت حلوياتهم مغريه بس قالت كلها فيها كحول وطلبنا اللي مسموح ناكل منه http://i1050.photobucket.com/albums/...psu5hfbtdg.jpg http://i1050.photobucket.com/albums/...pstjmxxamu.jpg لذيذ السلمون http://i1050.photobucket.com/albums/...psdih7vziz.jpg http://i1050.photobucket.com/albums/...psnevxkhw6.jpg حبيت هالسله اللي حطيناها حق الشنط http://i1050.photobucket.com/albums/...psxywigv9y.jpg عقب ماخلصنا قررنا نرجع فندقنا http://i1050.photobucket.com/albums/...psltq6epua.jpg http://i1050.photobucket.com/albums/...ps5lu5gdb6.jpg http://i1050.photobucket.com/albums/...pszrcokige.jpg http://i1050.photobucket.com/albums/...psrdrhm19e.jpg http://i1050.photobucket.com/albums/...psmphog0wb.jpg تابعوني في اليوم قبل الأخير لاتحرموني من ردودكم اللي تونسني :(60): |
رد: رحلتي الجميله لطوكيو 2015 شكرا |
رد: رحلتي الجميله لطوكيو 2015 روعة هذا الجزء. الابناء لما يحنوا على شئ صعب الواحد يوقفهم خصوصا لما يجتمعون... المطعم الهندي ليش يمشي الحال. ايش ناقص في الاكل؟ وايش يفرق عن المطاعم الهندية الي في عندنا في الخليج؟ اممم ما رحتوا قمة جبل فوجي؟ وهل توجد رحلات الى هناك ام انه فقط للمغامرين؟ |
رد: رحلتي الجميله لطوكيو 2015 الرحلة من أودايبا إلى فوجي أكيد بتكون شاقة كان من الأسهل الذهاب إلى فوجي قبل الانتقال إلى أودايبا والسالمون في الكافيه شكله حلو لازم أجربه وبالعافية عليكم وبالنسبة بحيرة كاواغوتشيكو كنت أروح لها مشي لأنها قريبة وأيضا في باصات فالاحتمالين واردين بالنسبة لكم بما انكم ما تتذكرون وغابة الموسيقى شنو فيها ؟ وشكراً أختـي |
رد: رحلتي الجميله لطوكيو 2015 ماشالله اشووفك راااضية عن هالرحلة بشكل كبير ونا صراحه استمعت في المتابعه من اول الموضوع الى اللحضة هذي |
رد: رحلتي الجميله لطوكيو 2015 اقتباس:
حبيبتي وحشتيني واتحملي ع عمرج واستانسي فعلا غريب كان يطلع منه دخان هههههههههههههههههههه كلنا في الهوا سواء ، الحمدالله مب في نيتنا نجربه مره حضرت معاهم لعبه وحده خطره وهم يلعبونها وكنا في المانيا وكانت تجلبهم قسم بالله لو حد صورني جان قلبه عوره عليه بغيت أموت وأنا أشوفهم طلعت روحي وبعد ماخلصت اللعبه وتطمنت انهم بخير ركضت بعيد وقلت مابشوفهم ومره في جنوب أفريقيا كانوا يتسلقون بين الجبال وخليت عبادي ويا المدرب يتسلق وهم بروحهم يالله ما اتمنى حد مكاني ، عبادي ماخليته يكمل باقي المراحل وتم يصيح وقلتله لو الشو ماخليتك أما هم ماقدرت عليهم هالتسلق أخطر من اي لعبه في مدن الالعاب أغراض الميكي والميني ماوس اتشريت منهم حقي من شنط صغيره ونوت وسوالف ياختي بعدني أحس في داخلي طفله :(141): وانتي اللي روعه يالغاليه ، رغم وجودج في السفر بس مامنعج انج تتابعيني وتشاركين ويايي فديت قلبج :(149): اقتباس:
ياهلا ومرحبا الصراحه أنا شديده في بعض المواقف ولكن أوقات أحن وأضعف ويغلبوني لأنه أكله مب لذيذ لدرجة السمبوسه كانت من داخل مثلجه مب كل المطاعم واحد وهذا أقل جوده في رحلات صوب جبل فوجي واظن ممكن تتسلقون لين فوق ومثل هاي الرحلات ماتناسبنا ومن خلال بحثي شفت انه صوب هالبحيره هو أفضل مكان للسياحه لكثرة الانشطه السياحيه اقتباس:
ياهلا والله بمشرفنا كنت مضطره وقتنا ضيق والبرامج مزحوم وخليت الاماكن اللي في سنتر طوكيو نطلعلها من هاك الفندق الله يعافيك لازم تجربه وأنا أحب السلمون الني بهاي الطريقه وهو كان عباره عن خبزه باجيت وعليه كريمة الجبن والسلمون طلبنا صحنين من لذته مازرت غابة الموسيقى اختي فراشه زارتها ومن تقريرها حسيتها حلوه بس ماحبيت ازورها بدون بناتي العفو أخويي اقتباس:
الا راضيه كل الرضى بلد جميله وحبيتها وايد وأبا أزورها مره ثانيه وثالثه ونفسي أشوف وايد أماكن فيها شكرا ويسعدني انكم حبيتوها من خلالي |
رد: رحلتي الجميله لطوكيو 2015 جولاتنا في اليوم التاسع ( قبل اليوم الأخير ) في هاليوم وحسب مخططنا انه نسير يوكوهاما ولكن بعد مايينا وسكنا في أودايبا غيرنا رآينا وشفنا مافي داعي نسير بعيد ونترك القريب اللي عدالنا واللي بعدنا ماشفناه وتصدقون رغم هذا بعد ما استكشفنا المكان كله وفيه أشياء كثيره ماشفناها يعني يبالنا زياره ثانيه بالاضافه انه كنا منهكين من الرحلات ونبا نريح شوي مرشدتنا سايا سايا كانت مسويه حجوزات حق رحلة يوكوهاما وأعتقد في شي كنسلته وشي اتغرمناه واتفقنا وياها انه اتينا في هاليوم الساعه 12 ، بس قبلها تمر محطة طوكيو وتسأل محل الحلويات اللي نسيت عندهم علبنا ع الفكره نحن ممحتاجين سايا في هاليوم بس انا عزمتها ع الغدا ووعدتها اني بغديها من ايدي وبعد بغينا نقضي وياه آخر يوم ، يعني الوداعيه تفاصيل هاليوم http://i1050.photobucket.com/albums/...pshcxmtyyp.jpg في هاليوم رقدنا ونشينا عدل لين يتنا سايا وكانت المفاجأه انها يابت العلب اللي نسيناهم مع انه مر اسبوع تقريبا ع هالموضوع بس صدق عندهم أمانه وصدق في التعامل لما وصلت سايا خليتها تطلع ويالبنات يستكشفون المكان وخبرتهم يسيرون بعض الاماكن اللي أنا وابوهم سرناها أمس وأنا تميت أطبخ الغداء وبوعيسى تم ويايي يريح ، وعقب ماطبخت وجهزت كل شي لبسنا وطلعنا عند البنات الجو اليوم يخبل يجنن يشرح القلب بروده حلوه وغيوم ورذاذ خفيف http://i1050.photobucket.com/albums/...psqcdnarhv.jpg ونحن طالعين شفنا هالعروس ، ياكثر العرسان في هالمنطقه http://i1050.photobucket.com/albums/...psvxaxb0sq.jpg وأول ماطلعنا من فندقنا في اتجاه المول شفت انه المنطقه فيها مهرجان والمكان صاير روعه وقلنا الحمدالله انه ماسرنا بعيد والظاهر في كل ويك اند يسوون أنشطه http://i1050.photobucket.com/albums/...psie4ic0em.jpg http://i1050.photobucket.com/albums/...psyyzlzp2o.jpg http://i1050.photobucket.com/albums/...ps9s4m3qp2.jpg http://i1050.photobucket.com/albums/...psxvbktgpj.jpg صورت وياهاي الاموره ، وسوينا انا وهي نفس الحركه http://i1050.photobucket.com/albums/...pseezbwczr.jpg http://i1050.photobucket.com/albums/...psjw2pqxg5.jpg http://i1050.photobucket.com/albums/...psb1vfbfnp.jpg وشفت هالدونر التركي وحلال ووقتها ماكنت يوعانه للاسف وقررت ننتعشى منه ولكن للاسف لما يينا ندوره فليل كان مسكرين وراحوا وشلوا كل عرباناتهم وأغراضهم http://i1050.photobucket.com/albums/...psnjwhfqkx.jpg http://i1050.photobucket.com/albums/...pszofzukmk.jpg http://i1050.photobucket.com/albums/...psxliywbmh.jpg دخلت المول واتشريت من جوديفا ، عندهم حلويات يابانيه مغريه ، وكوكيز لذيذ http://i1050.photobucket.com/albums/...ps4rwdgdsx.jpg http://i1050.photobucket.com/albums/...pswfqoyy25.jpg http://i1050.photobucket.com/albums/...ps2ldatz6c.jpg تشريت منه أنواع لي وصوغه http://i1050.photobucket.com/albums/...psomtzktdm.jpg طبعا أسألوا عن الانواع اللي مافيها كحول http://i1050.photobucket.com/albums/...psupw1xryw.jpg وعقب اتلاقينا ويالبنات وسرنا متحف كرات الاخطبوط وهو ممتحف انما مخصصين له في المول مكان يبيعون منتجاتهم بالاضافه الى مطاعم تقدم هاي الاكله http://i1050.photobucket.com/albums/...pspzluc05p.jpg http://i1050.photobucket.com/albums/...psryoq6ecw.jpg http://i1050.photobucket.com/albums/...psr1uefgii.jpg http://i1050.photobucket.com/albums/...psaryt3lwn.jpg http://i1050.photobucket.com/albums/...psdkbguqxr.jpg http://i1050.photobucket.com/albums/...pspig9rbs3.jpg http://i1050.photobucket.com/albums/...psujl9bb3b.jpg http://i1050.photobucket.com/albums/...psol5qrne0.jpg http://i1050.photobucket.com/albums/...ps0rtlfpq5.jpg http://i1050.photobucket.com/albums/...psyiwio5d2.jpg http://i1050.photobucket.com/albums/...ps6re9rfl1.jpg http://i1050.photobucket.com/albums/...ps0cp2xxah.jpg وفيه منه نكهات مختلفه http://i1050.photobucket.com/albums/...pszrg64ads.jpg وقلنا بنجرب منه ولهم طريقه في الطلب نسيتها بصراحه http://i1050.photobucket.com/albums/...pslxjcv7os.jpg وهذا طلبنا وكان أفضل من اللي كلناه في الاوت ليت http://i1050.photobucket.com/albums/...psrrdxtxdg.jpg عقب طلعنا منه وكان قريب منه بيت الرعب http://i1050.photobucket.com/albums/...psmggczyyv.jpg بغيت ندخل كلنا بس بوعيسى مارضى وسايا بعد مابغت وانا يلست أفكر وعقب كنسلت لما شفت الورقه اللي اللي نوقع عليها بس نسيت شو القوانين اللي فيها ، بس بصراحه يخوف قبل لاندخل محد الا البنات أصروا يدخلون ، حجزنا التذاكر ودخلوا البنات وتمت سايا تنتظرهم وانا وبوعيسى رجعنا الفندق عشان نجهز الغدا كنا يوعانين والوقت أصلا صار العصر قلنا بناكل وعقب بنطلع بعد مدة بسيطه الا أشوف البنات رادين وهم يخبروني أنه وايد يخوف وانه هم ماقدروا يكملون ودخلوا مرحله وحده وعقب طلبوا يطلعون قلت الحمدالله مادخلت :(155): غدينا ضيفتنا اللي وايد وايد عجبها ، وعاد وحليلها مسويتلها برياني تونه http://i1050.photobucket.com/albums/...pshvf6xbng.jpg http://i1050.photobucket.com/albums/...psthyvyjxe.jpg http://i1050.photobucket.com/albums/...ps2cnb0n78.jpg هاي الفراوله من عند سايا وحليلها يايبتلنا كرتون فراوله http://i1050.photobucket.com/albums/...pssw3yrw5d.jpg تغدينا وبعد الغدا طلعوا البنات ، ونحن عقبهم وانا سرت ويابوعيسى عند محل المساج وسويت مساج لريولي نص ساعه وكان مساجهم رهيب ومن كثر ماعجبني حجزت حق باجر مدة ساعه وطلبت مساج لريولي وظهري بس وعقب تمشينا والاجواء الليليه رهيبه http://i1050.photobucket.com/albums/...psizh92ves.jpg http://i1050.photobucket.com/albums/...pszrfgbajp.jpg http://i1050.photobucket.com/albums/...psjjpk08ks.jpg http://i1050.photobucket.com/albums/...ps8tr99wq8.jpg http://i1050.photobucket.com/albums/...psxtbvoawr.jpg http://i1050.photobucket.com/albums/...ps6xgrze4a.jpg http://i1050.photobucket.com/albums/...psocmjoiuc.jpg الله يسعدهم وعقبال اللي ماتزوجوا:(149): http://i1050.photobucket.com/albums/...psnsakrtnk.jpg وبعد ماخلصنا تمشي كنا لازم نرجع غرفنا ونرتب شنطنا ، وهنيه كان الوداع وقفنا في الممر نحضن سايا ونبوسها ونصيح وهي مسكينه صاحت بحرقه لدرجة فاجاتني حسيتها حزينه أكثر ع فراقنا ، صدق فراق الناس اللي تحبهم ويحبونك صعب وتخيلوا رفضت تاخذ عن فلوس عن هاليوم وقالتلي أنا اليوم معاكم كصديقه حبيبتي ياسايا ما أجمل أخلاقج بس أنا أصريت اني أعطيها ، وبعد هي كانت كريمه وقدمتلي هديه ماقصرت http://i1050.photobucket.com/albums/...pssz29drdl.jpg هديتها عباره عن برواز للصوره ، وقررنا انه هالبرواز بنحط فيها صورتنا وياها وبنحطها في البيت http://i1050.photobucket.com/albums/...pssnbte6ep.jpg وراحت سايا واتفقت أتي بعد مانسافر بتركلها الاغراض اللي باقيه عندنا ومن بينهم الجدر الكهربائي قلتلها خذيه حقج واذا يينا اليابان هاتيه نطبخ فيه في المده اللي بنكون فيها كان وداع صعب بس كان لابد منه عاشر من تعاشر فلابد من الفراق تابعوني في اليوم الأخير وأخيرا |
رد: رحلتي الجميله لطوكيو 2015 يعني ممكن نروح لفوجي بسهوله والتذاكر مو غاليه الالعاب مو خطره مره بس شكلك ما تحبينها الا القرود يا أنا أكرهها كره الكحول مشكله أنهم مندمجين معاهم ما أعتقد اليابات فيها غزو خليجي توها عودتوها تأكل معكم وهي جالسه علي الأرض ليش ما يعجبها طباخك ما شاء الله عليك |
رد: رحلتي الجميله لطوكيو 2015 اهلييين معليش طولت الغيبه.. بس كنت اتابع التقرير من بعيد لبعيد.. ولاقدرت ارد كثير حبيت صور دزني وماشاء الله عليك ماقصرتي باي معلومه وكل شي موضح بالصور:(153): الله يعطيك العافيه على هالاطباق السنعه:essen: وحزنت على فراق سايا:(88):ودخلت جو معكم |
رد: رحلتي الجميله لطوكيو 2015 اقتباس:
بكل سهوله وتذاكرها عاديه لاتحاتون لا والله الالعاب خطره وهذا كلام بناتي ليش تكرهم وايد حلوين وسبحان الله تصرفاتهم مثل البني آدمين ونحن بعد اندمجنا في دمجهم ههههههههههههههههه بعدها بكر توا الاستطلاعات تبدأ من الخليجيين وأكثرهم اماراتيين ع فكره ، اصبروا بنضبطلكم المكان وعقب تعالوا ههههه هي وحليلها أظن عورتها ركبتها ، بس تمت ساعه وهي تأكل صحنها نحن خلصنا صحونا وغرفنا مره ثانيه وغسلناه وهي بعدها تتلقم الأكل وعقب قمت أنظف المكان وهي تأكل عيزتني وانا أترياها هههههههههههه يسلموووو والله من ذوقك اقتباس:
لا منو قال معليش مب ع كيفج تطولين الغيبات :(150): ياختي انتوا وجودكم فرض واجب عليكم ، كيف تخلون هداوه بروحها وجودكم يعني دعم وتشجيع وبعدين أحس انه نحن مع بعض في بيت الواحد آخر مره تتأخرين ولا ترا :(7): هيه والله حتى نحن زعلنا ع فراقها ، وبين فتره وفتره أرمسها ع الواتس بالفويز نوت وتستانس يوم تسمع صوتي الله يعافيج حبيبتي وفرحت بشوفتج :(149): |
رد: رحلتي الجميله لطوكيو 2015 اليوم الأخير تاريخ 13 / 4 / 2015 لأنه طيارتنا بتكون بالليل ، حبينا نستغل الوقت ونستكشف المنطقه اكثر وبالنسبه للغرف سلمنا غرفه وحده الساعه 12 وهي غرفة البنات ويابوا شنطهم عندنا واحسبوا علينا غرفتنا يوم أضافي ، كنا مضطرين عشان مانظل طول الوقت برع نحتاج نرتاح شوي ونضبط امورنا قبل لانسير المطار تفاصيل هاليوم انا وبنتي توتو صحينا بدري وطلعنا بوعيسى قرر مايطلع وبنتي الثانيه قالت خلوني نايمه الصراحه غلطانين ينامون :sly: اليوم هو اليوم الأخير لاحقين بنرجع البلاد وبنرتاح فليش نضيع الوقت بالنوم ونحرم نفسنا المتعه الحمدالله انه بنتي الصغيره كانت معايي وياهو سوينا فلم هندي وبتيكم السوالف :(56): اول شي قرننا أنا وبنتي ندلع نفسنا ونسير نتريق في البدايه فكرنا نجرب بوفيه الفندق بس لما شفناه ماعجبنا وطلعنا سرنا المول كانت بنتي شايفه مطعم وخاطرها نجربه والحمدالله ماكلينا في الفندق ونحن سايرين المطعم شوفوا الجو كيف يجنن وصلنا المطعم وهذا أسمه طلباتنا عقب ماتريقنا ريوقنا اللذيذ ن تمشينا في المول ونحن طالعين من المخرج الثاني وشفنا محل اسمه كوكاكولا ، وكل منتجاته بهالاسم لو نلبس شي من منتجاتهم في البلاد بيتحسبونه دعايه من الشركه يعني محصلينه مجاني هههههههههههه وبربري عندهم غير بعد ماتريقنا قررنا نسير مول ماسبق زرناه ، وكنت أقول لبنتي اسمه ديسكفري من وين يبت الأسم ن ما أدري هههههههههههههههههه:(56): أنا شفت أسمه من بعيد وقريته في مخي ديسكفري وهو ماله علاقه بهالاسم ويوم عرفت بنتي شو سوت فيني :(7): تفاصيل مغامراتنا ويالمول اليديد طلعنا من المول وسرنا محطة المونوريل ( القطار المعلق ) اللي عدال فندقنا المحطه فيها قطارات تمشي في اتجاهين متعاكسين وانته تختار القطار المناسب لوجهتك أول ماصعدنا في المحطه شفت قطار واقف والباب مفتوح ع طول ركبنا قبل ما أعرف وين اتجاهنا الصحيح بنتي سألتني ماما انتي تعرفين أي اتجاه نباه :(38): قلتلها لأ :yolks00780: قالت كيف تركبين القطار قبل مانتأكد من وجهتنا :(7): ضحكت وقلتلها ما أدري شفته وركبت هههههههههههههه الحين نحن نرمس ونتناقش والقطار يمشي ووقف المحطه الاولى ومانزلنا وبعدنا متنحين مب عارفين المول في أي اتجاه هنيه سالنا واحد عن المول بدون ما أذكر أسمه ، مجرد قلتله شوبنج مول فقال انتوا في الاتجاه الغلط انزلوا وخذوا الاتجاه الثاني وعند المحطه رقم 16 انزلوا القطار مشى مسافه طويله لين وقف مره ثانيه ، نزلنا وغيرنا الاتجاه ومشينا لو كنت مآخذه ويايي خريطة المنطقه جان ماتلعوزنا بهالصوره :(101): كل مالقطار يمشي اشوف نبتعد عن المولات ، والمول أشوفه من بعيد واحس انه نحن غلط لما وصلنا المحطه رقم 13 قررنا ننزل ونغير المحطه وسالنا وحده كانت ويانا وقالت في الاتجاه الثاني عند المحطه رقم 9 وصلنا المحطه رقم 9 ونزلنا وشفنا المكان غلط وحسينا انه المحطه رقم 8 هي الصح رجعنا وركبنا القطار وسرنا في نفس الاتجاه ونزلنا المحطه رقم 8 وكانت المفاجأه :(38): طلعت هاي المحطه هي نفسها المحطه اللي عدال فندقنا واللي ركبنا فيها من أول مره :(7): هههههههههههههههههههههههههههههههه:yolks00250: ضحكنا ع عمارنا يمكن طافت ساعه ونحن سايرين ورادين في هالقطار والمفاجأه الأكبر هاي المره أحس انتوا بتكفخوني :yolks00250: طلع المول عدال فندقنا :shutup: بس نعبر مشي ع الجسر من خلف المحطه وندخل المول :(7): عاد يوم شفنا المول قالت بنتي : ماما هذا شو أسمه :(123): من وين يبتي أسم ديسكفري :(7): :yolks00250: :yolks00250: :yolks00250: ضحكت ومالي ويه أقول شي وهي معصبه عليه :(111): ولاتنسونه اني لفتيها بالقطار لين لف راسها ههههههه هذا اسم المول :200: بالنسبه لجولتنا في القطار للاسف ماصورت وايد كنا مشغولين ندور المول وهاي الصورتين بس صورتهم شفنا هاي الحديقه لما وقف في محطه من المحطات بعد مانزلنا من القطار عند محطتنا ، طلعنا من الصوب الثاني وعبرنا الجسر دخلنا المول وتفرقنا أنا وبنتي كل وحده منا سارت تتمشى في صوب تتفرج ع المحلات شفت هالمحل وهو معروف في اليابان وله فروع وبعد عندهم فرع في بانكوك أذكر لما دخلته في بانكوك ماتتصورون كيف عجيب ، لبسه وايد حلو وعملي وبناطليهم روعه وماخليت لون ماشريت من عندهم لما كنت في بانكوك ، وبعد عندهم تي شيرتات وبديهات اشكال وانواع وأحجام ، هالمحل لاتفوتونه وايد اشياء فيه محل الكابات عجيب شوفوا يمكن السوق حلو بس أنا مالي مزاج اتسوق فلا تحكمون من ذوقي شوفوا الذوق منتشره عندهم هالثلاجات وايد تذكرت سايا والجرين تي مالها وقلت بشتري وبجربه ع فكره وهي تتغدى برياني تونه كانت تشربه كأنه مرضعتها دوم في شنطتها من جيه هي سلق ماتمتن بس نحن لو نشرب درام منه كل يوم ماسوا شي ويا الأكل اللي ناكله هههههههههههههه اشتريته وجربته وكان مقبول وهو بارد من فتر ماعيبني ، تعرفون مايعيبنا الملغ يعني اللي طعمه مب حلو محلااااات هالكوفي كيوووووت كوفي هالو كيتي حلو للام وعيالها الكتاكيت الصراحه مادخلته كنت مسطله وأبا أرقد الفندق بعدها نشت بنتي كوكي واتصلت فينا ويتنا بعد ماشبعت نوم يتنا بدون ماتتعذب في القطار مثل ماتعذبنا يتنا ع البراد طلعت من الفندق ووصلتنا في دقايق :(37): خليت البنات في المول وقررت أرجع عند بوعيسى خصوصا انه ماعجبتني بضاعتهم بس القهر اني نسيت انه من المخرج الثاني في مجسم كبير ومكان سياحي الواحد ممكن يتفرج فيه ويتمشى رجعت بروحي وهم ماطولوا رجعوا ورايي خصوصا الجو تغير ونزلت أمطار وهواء والجو صار بارد ريحت شوي وعقب طلعت بروحي عندي موعد في محل المساج ولازال بوعيسى مريح ومايبا يظهر :sly: المول االلي في محل المساج بتحصلون فيه متحف مدام توسو ومحل الالعاب ليجو لاند بعد ماخلصت جلسة المساج الرهيبه شفت انه فيه وقت شوي فقررت أدخل متحف TOKYO TRICK ART MUSEUM وهو عباره عن رسومات بشكل 3D والرسومات متقنه بصوره عجيبه وكل صوره توقفون عدالها فيها حركه معينه تسوونها وعقب تطلع صورتكم اللي صورتوها كأنها هاي الحركه فعليه بشرحلكم من خلال الصور مثلا هاي الساحره لو حطيتوا كتفكم عند ايده وتمثلون كأنها ماسكتنكم من ورا لما تتصورون تطلع فعل كأنها ماسكتنكم عاد بعطيكم الصور وتخيلوا نفسكم كيف بتتصورون معاهم ، بس عموما في توضيح عند كل صوره كيف تتصورون معاهم الصور كثيره واخترت بعضها لكم لما ييت بقطع التذكره شافوني بروحي فساعدوني في كل شي ودخلت ويايي وحده تعلمني في كل صوره كيف لازم أتصور وتصورني ، وانا مخبرتنها اني بسير المطار ولازم بسرعه أخلص فكنا أنا وهي نتحرك بسرعه عند كل صوره وبعض الصوره أقولها ما أبا أتصور معاها وخلصت ورجعت بسرعه الفندق ، والصراحه ماكان ودي أرجع البلاد بعدني ماشبعت من اليابان :yolks00640: بالنسبه للتوصيل للمطار الفندق يوفر توصيل مجاني بالباص بس لازم تحجزونه من قبل وممكن يكون بسياره خاصه وهاي تسألون الفندق عن السعر ويحجزونها لكم بالنسبه لنا كان عندنا خيارين من المواصلات الأول سيارة خاصه من طيران الامارات والثاني سيارة السفاره واخترنا من السفار لانه سيارتهم كبيره وارتحنا فيها ، وكنسلنا سيارة طيران الامارات وصلنا المطار ويبعد المطار عن فندقنا 20 دقيقه وصلنا بدري 9 وكان بدري حتى الكاونتر مافتح ( ع فكره كاتبه اليوم الخير في النوته ولاماكنتوا عرفتوا التفاصيل هاي كانت راحت في الذاكره المنتهيه صلاحيتها ههههههههههههه) انتظرنا لين مافتح الكاونتر ، وخلصنا اجراءاتنا بكل سهوله وخلصنا التاكس فري تذكرون كيف كنا ناخذ التاكس فري من المحلات لازم يكون معاكم الجواز الاصلي ولازم يدبسون الفاتوره فيه نظامهم غير عن أوروبا بعد مانختم الجوازات ونسوي شيك ان وبعد ماتمرون من بوابة المراقبه بتحصلون مكتب مجابلنكم وللاسف ماصورته تسيرون وتختمون الاوراق واظن يعطونكم الفلوس وخلاص عقب تمشينا في السوق الحره وعقبها رجعنا أرض الوطن بعد ماعشنا أيام جميله في طوكيو الجميله معلومات اضافيه وملاحظات بسيطه وانا في اليابان لاحظت بعض الامور اللي لفتت نظري وحبيت انقلها لكم مثلا ... كنت اللاحظ لما كنا نركب القطار بعض من الناس تكون نايمه والغريبه انهم ينشون عند محطتهم الصراحه هاي الظاهره اثارت في نفسي تساؤلات خذيتلكم بعض الصور http://i1050.photobucket.com/albums/...psnhop2ahb.jpg http://i1050.photobucket.com/albums/...psoysiyo7t.jpg http://i1050.photobucket.com/albums/...psraigarcd.jpg http://i1050.photobucket.com/albums/...pssjgyshu7.jpg الصور الثانيه لاحظت انه عند المولات وبعض المحلات قبل لاندخل نشوف جدامنا هذا الجهاز وهو خاص للمظلات يعني قبل لاندخل المول ندخل مظلتنا في الفتحه وهي اوتوماتيك تتلبس بكيس بلاستيك http://i1050.photobucket.com/albums/...psxcyb9enz.jpg الصوره الثالثه تكلم عنها احمد الشقيري في خواطر ومنه عرفتها وهي الخطوط الصفراء للعميان وهاي بتشوفونها في كل مكان تمشون فيه http://i1050.photobucket.com/albums/...pskylu8n2l.jpg الصوره الرابعه كرسي الاطفال في الحمام عزكم الله هاي الفكره وايد عجبتني لاحظت كثير من الحمامات العامه مثبتين كرسي أطفال قريب من المرحاض عشان الام تحط طفلها ويكون جدامها وماتحاتيه ، ياسلام ع تفكيرهم http://i1050.photobucket.com/albums/...psiekgtg81.jpg والتعليمات موجوده http://i1050.photobucket.com/albums/...ps1kjibag5.jpg الصوره الخامسه ... لاحظت اغلب مراحيظهم اذا مب كلهم تكون الكترونيه http://i1050.photobucket.com/albums/...psrga5nxbx.jpg http://i1050.photobucket.com/albums/...pspxhyfnai.jpg الصوره السادسه ... لاحظت انه المحلات اللي تبيع خضار وفواكه قليله ، وهذا شي استغربته ماكنت أحصلهم بسهوله وهذا الوحيد اللي في شيبويا وحصلت عنده فواكهه وخضار وهو مقابل المحطه ياي ع زاويه http://i1050.photobucket.com/albums/...psupbnj6yh.jpg اليوم الحمدالله كملت الجزء الأخير واتمنى يعجبكم وقريبا بسويلكم الفهرس عشان يسهل عليكم في البحث واتمنى التقي معاكم في الردود وفي تقارير يديده ان شاءالله والسموحه اني طولت وايد في التقرير وشكرا لكم |
رد: رحلتي الجميله لطوكيو 2015 يدبسون الفواتير داخل الجواز؟ هل هذا مسموح اصلا؟ |
رد: رحلتي الجميله لطوكيو 2015 كل هالحوسه ومقابلكم شكلك مستعجله ذاك اليوم الأخير وما ركزتي زين صادقه أخر يوم ودك تتمشي ما تخليها نومه ما قصرتي بالتقرير ام عيسي |
رد: رحلتي الجميله لطوكيو 2015 يعطيج العافية أختـي على التقرير الجميل استمتعت بالقراءة من البداية إلى النهاية وإن شاء الله يكون لكم زيارة قادمة لليابان ويبيلكم تزورون أوساكا والمدن القريبة منها وبالنسبة للمتحف اسمه TOKYO TRICK ART MUSEUM وشكراً مرة أخرى على التقرير |
رد: رحلتي الجميله لطوكيو 2015 آخر مره تتأخرين ولا ترا :(7): :(57)::(57): لا خلاص اتوب ما اعيدها:yolks0010: اما سالفه القطار:(37)::(37):يالله اعتبروها تمشيه.. بس تلقين بنتك ذالتك على هالموقف هههههههههه الله يعطيك العافيه.. ومشكوره على هالمجهود اللي تبذلينه دمتي بحفظ الرحمن:(125): |
رد: رحلتي الجميله لطوكيو 2015 ماشاء الله عليك ( أم عيسى ) مدرسة في فن كتابة التقارير المفصلة .. بصراحة من بعد تقريرك .. لا أظن أن اليابان صعب التخطيط لها ... ديزني .. عشق لايضاهيه عشق للكبار والصغار .. لكن ضروري الحضور مبكرا لها .. سالفة القطار والضياع والروحة والردة .. عادي تصير في أحسن العائلات :) .. ياما أكلتها في سفراتي .. والله .. كلمات الشكر تتقزم أمام صنيعك لأحبتك في المنتدى .. قدمتي تقريراً يابانياً مميزاً .. لن ننسَ فضلك بعد الله .. إن وطئت أقدامنا أرض اليابان .. |
مسالورد شقايل نسيت أرد عليكم :(158): السموحه حبايبي :(125): اقتباس:
اقتباس:
ماكنت مستعيله بس صدق مادريت انه جدامنا عقب المحطه عفانا الله الكبر شين هههههههه فعلا عيل انا برد البلاد وما أدري متى برجع ازورها أقوم أضيع وقتي في النوم لاحقين ع النوم العفو وباقي شي صغيرون بخلصه وبسوي الفهرس اقتباس:
تسلم مشرفنا ع التشجيع والمتابعه وان شاءالله نزورها مره ثانيه وثالثه والعنوان بنضيفه ان شاءالله في التقرير اقتباس:
يلا جهزي عمرج في تقرير بييكم في الطريج أدري تأخرت أنزله بس ان شاءالله عقب العيد بفتره ببدأ فيه الا ذالتني بس الا فضحتني أما العايله الكريمه :(7): الله يعافيج قلبووو اقتباس:
ياهلا وسهلا فيك أخويي كتكات بعدني تلميذه :(60): هذا اللي أتمناه انه نسهل عليكم سفراتكم شكرا ع كلامك الجميل ولاتنساني من دعائك |
موضوع جدا رائع يعطيك الف عافيه🌹 |
تقرير ممتاز بارك الله بكم جميعا |
السلام عليكم ورحمة الله وبركاته جزاك الله كل خير على هذه المعلومات المفيدة |
شكرا على التقرير الاكثر من رائع والله يعطيك العافية |
ماشاءالله تبارك الله تقرير اقل مايقال عنه اسطوري. تسلم اياديش على هذا الجهد الجبار وبيض الله ويهش كفيتي وفيتي. الله يحفظكم يارب. طلب بسيط لاهنتي تسوين لنا موجز مختصر مثل ماتفضلتي ليسهل علينا البحث. شكرا.... |
تقرير رائع ومميز ووفير بالمعلومات المهمه والمفيده جدا جزاك الله كل خير وفي ميزان حسناتك ان شاء الله يعطيكي الف عافيه |
كل يوم ادخل التقرير واشوف كم صفحه واحط لايكات وصلت الصفحه 19 وان شاءالله بكمل ابداعاتج اليابانية |
قريت التقرير كله صفحه صفحه وايد حلوه رحلتكم لليابان حسافه ماشفتوا جبل فوجي بسبب الجو وعليهم بالعافية البنات استانسوا بالالعاب زعلت وايد عليكم وانتو تودعون سايا ان شاءالله تلتقون فيها مرة ثانية تقرير في قمة الروعه شكرا يا ام عيسى |
مبدعه كالعاده انا سافرت كوريا من كم شهر واعجبتني مع تحفظي على بعض الحاجات لكن تبقى جميله والان افكر بزياره اليابان وتقريرك مره حمسني وبرجع اقرآه بروقان :) بس الشي اللي مافهمته كيف اقدر اوفر الانترنت لاني مقدر اعيش بدونه للاسف:26: والمواصلات العامه شكلها صعبه شوي .. تنصحيني اخذ بطاقه واشحنها كل فتره ولا اخذ التذكره اليوميه؟ اعذريني على كثرة الاسئله الله يعطيك العافيه |
اقتباس:
في اليابان انا استأجرت واي فاي بسعر 400 ريال لمده 14 يوم اذا جيتي تطلبين اختاري الجهاز الي اسمه Premium Wifi 75 Mbps Model ونتهم مفتوح وسريع جدا وعن تجربه ولاعندهم سياسه استخدام عادل Unlimited internet access: No additional fees for data access هذا الموقع Rental a Pocket Wifi in Japan, the best Pocket Wifi rental Service in Jpan: Global Advanced Communications طبعا يفضل تطلبين قبل موعد وصولك ب اسبوعين على الأقل وان حصل قبل مده طويله يكون افضل لان بعض الأحيان تكون اكثر الأجهزه أجرت مكتبهم موجود بالمطار وتستلمينه من عندهم اما طريقه ترجيع الجهاز تخنلف لكن بسيطه راح يعطونك ظرف اول ماتستلمين الجهاز لاترمينه انتبهي كل الي عليك اخر يوم انك تحطين الشنطه حقت الواي فاي وفيها الأغراض داخل الظرف وترمينه ب اقرب صندوق بريد بالشارع ( لونه احمر ) وعنوان التسليم كاتبينه على الظرف ماعليك بالتوفيق |
ممتاز |
اختي ممكن اعرف مطعم الشاورما وين موقعه بالضبط؟ دورت عليه ما حصلت 😅 |
| الساعة الآن 03:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO