|
رد: تقرير رحلتي لمدينة الضباب - سبتمبر 2014 ماشاء الله اختي عجبني التقرير وايد لمدينه الضباب وشرحج واضح والكلام مختصر والصور مختصره لكن تعبر عن يومكم كامل ابدعتي والله وزرتو اماكن كثيره وحلوه احيييييج على هذا التقرير واصلي ومتابعين لج تحياتي |
رد: تقرير رحلتي لمدينة الضباب - سبتمبر 2014 يعطيك العافيه اختي على التقرير المميز والجميل والشرح الرائع نبي تقييمك لفندق ليونارد الموقع مايحتاج 10 على 10 لكن نبي وسع الغرف والخدمة كيف كانت شركة الفا للتوصيل من المطار من افضل الشركات وادقهم بالمواعيد وكلامي هذا عن تجربة اكثر من 4 سنوات وفي كل مره يعجبوني اكثر بخدمتهم وسائقينهم على مستوى عالي من الانضباط والأدب شاكر لك اختي الكريمة مشاركتنا رحلتكم الجميلة ومتابعين معاك |
رد: تقرير رحلتي لمدينة الضباب - سبتمبر 2014 روووعه ما شاءالله تقرير لندني حلووو [emoji122][emoji122][emoji122] موقع الفندق حلووو ما يبيله بس وين مكانه بالضبط عن فندق كمبر لاند او سينما اودين رحلاتكم حلووه والصور احلى الله يخلي لك اخوج واختج ويخليج لهم سفره شبابيه حلووه عليكم بالعافيه كل ما اكلتوا متابعين لج للآخر [emoji106][emoji106] Umhusoon ارسلت بواسطة Tapatalk |
رد: تقرير رحلتي لمدينة الضباب - سبتمبر 2014 تقرير رائع وجميل وصوره ولا اروع مع ان حجمها كبير :yolks00220: زياره لمعالم سياحيه مهمه وكثيره وتعتبر الاهم فنفس الوقت في لندن يسلمو :(125): |
رد: تقرير رحلتي لمدينة الضباب - سبتمبر 2014 ما شاء الله تقرير مرتب و فيه تفصيل حلو أعجبني تقييمك للمطاعم التصوير رائع على فكرة الله يسعدك |
رد: تقرير رحلتي لمدينة الضباب - سبتمبر 2014 اليوم السادس كان يوم العيد - عيد الأضحى , جلسنا من النوم مبكر عشان نحس بشعور العيد واتصلنا على والدينا واهلنا واحبابنا وباركنا لهم بالعيد وكان يوم العيد بلندن جدا جميل لانه كان يوم ممطر وبما انه عيد فجاء لنا الحنين للوطن والاهل فتوجهنا للمكان اللي بنشوف فيه عرب وخليج وهو هارودز ومثل ماقلت لكم بما انه يوم العيد لقينا ناس سعودين ولابسين الزي السعودي طبعا هارودز مره كبير والاقسام اللي فيه كثيرة بس اكثر شي اخذنا فيه وقت االلي هو قسم هدايا هارودز وقسم الفود اخذ منا 4 ساعات داخل هارودز بدون مانحس على نفسنا وهذي مشترياتنا من هارودز في اول زيارة بس طلعنا من هارودز وتوجهنا على مطعم المسكوف العراقي المطعم غالي بالنسبة للمطاعم اللي كنا ناكل فيها يوميا بس بصراحة مطعم راقي من داخل وكل الناس اللي هناك خليجين وبما انه كان يوم العيد كان زحمة وجلسنا ننتظر الدور بالمطر حوالي تقريبا ساعه ونص ولاكن يستحق الانتظار ماصورت الاكل لان من الجوع اول ماجاء الاكل قمنا ناكل بدون شعور طلباتنا كانت : 2 غوزي لحم , 1 كباب , 1 كبة موصلية , 4 بيبسي , 1 تبوله , شاي مخدر وكان الحساب : 750 ريال تقيمي للمطعم 10/10 |
رد: تقرير رحلتي لمدينة الضباب - سبتمبر 2014 اليوم السابع اليوم السابع من الرحلة كان يوم الاحد ومثل ماذكرت لكم انه يوم الاحد تكون كل الأماكن السياحية مزدحمة فأفضل شي انه الشخص يروح الهايد بارك لانها تكون ممتعة جدا بيوم الاحد جلسنا الصباح وفطرنا أشياء خفيفة من سنسبيري وتجهزنا وتوجهنا من محطة ماربل ارش الى هايد بارك كورنر توجهنا الى البحيرة عشان نركب القوارب بعدها رحنا المطعم القريب من البحيرة عشان نتغدا وطبعا الحلى كان من الكشك القريب من البحيرة اخذنا حلانا وجلسنا بالكراسي اللي قريبة من البحيرة وجلسنا سوالف وتمشية بالهايد بارك لين قرب المغرب لما صار المغرب قلنا خل نرجع هارودز نشتري بعض الأشياء اللي ماخذناها امس وبعد أشياء توصينا عليها من الاهل والاحباب لاكن للأسف وصلنا عند هارودز على الساعه 6:30 وطلع انه هارودز يسكر يوم الاحد الساعه 6 فرحنا وجلسنا في جباتي وكرك وحنا طالعين من جباتي وكرك التقينا بالأعلامي المشهور محمد الموسى كان بنفس هالفترة هو موجود بلندن صورناه وسلمنا عليه ولد محترم وخلوق جدا بعدها رجعنا الفندق واخر الليل اكلنا من ماكدونالدز القريب من الفندق |
رد: تقرير رحلتي لمدينة الضباب - سبتمبر 2014 اليوم الثامن أخر يوم لنا بمدينة الضباب الجميله مشاعر الحزن بصراحة ماشبعنا منها ولاكن لابد من العودة قضينا اخر يوم بالأسواق نحاول نشتري كل النواقص فمرينا على هارودز عشان ناخذ اللي نبغاه وبالمره ناخذ التاكس فري لمشترياتنا قضينا اليوم الأخير مثل ماقلت لكم مابين البراي مارك وهارودز وسلفرجز عشان ناخذ التاكس فري وعشان ناخذ الأشياء اللي ناقصتنا وختمنا يومنا باخر مطعم نجربه في شارع العرب وهو مطعم ست الشام مطعم لذيذ جدا جدا جدا تحسفنا انه احنا طحنا عليه اخر يوم ولاكن باذن الله لما نكرر سفرتنا للندن راح نزوره اكيد رجعنا مبكر عشان نرتب الشناط ونجهز عمرنا للسفر بكره وطبعا حجزنا سياره تجي تاخذنا من الفندق الى المطار عن طريق شركة الفا اللي ذكرتها لكم ببداية التقرير اليوم التاسع والأخير رحلتنا راح تكون الساعة 2 الظهر لاكن قررنا نروح للمطار من بكر عشان نرجع التاكس فري لان مانعرف ايش الظروف اللي راح تصادفنا هناك فطرنا بالمطار من نيرو توجهنا للمكان اللي نرجع منه التاكس فري وكان غير مزدحم ابدن وبخلال 10 دقايق فقط رجعنا التاكس فري الحمدالله كان حظنا حلو كثير وبكذا ودعنا مدينة الضباب بكل مشاعر السعادة وبهذا أكون أكملت تقريري لهذه السفرة الجميله متمنية لكم الاستفادة من التقرير وسامحوني على قل الصور |
رد: تقرير رحلتي لمدينة الضباب - سبتمبر 2014 الجلسة رائعة بالهايد بارك في الويكند و الكرك صار من معالم لندن متابعين الابداع |
رد: تقرير رحلتي لمدينة الضباب - سبتمبر 2014 تقرير رائع من البداية للنهاية و على الرغم من قلة الصور الا أن فيه اضافات جميلة و سلسلة رائعة من المطاعم اللي جربتوها آخر مطعم ست الشام مبين اكله لذيذ بالعافية عليكم ربي يسعدك على هذا التقرير الرائع |
| الساعة الآن 09:53 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO