رد: اريد برنامج سياحي
 

ليش ماتخلي الرحلة كلها باسبانيا
تراها حلوووة


مو شرط تاخذ جولة اوروبيه كاملة

رد: اريد برنامج سياحي
 

حسب ما افدتني علي الخاص هذا ردي علية





يا مرحبا فيك يالغالي وحياك باي وقت يشرفني مساعدتك

طيب المدة 14 يوم غير كافيو لجولة اوربا مثل مانت مختار الدول 14 يوم قليلة مرة اقل شي 21 الي 22 يوم وحط في بالك الجولة راح تكون مكلفة وخصوصا سويسرا غالية شوي اذا انت ناوي تزيد المدة 20 يوم الترتيب كالتالي

مدريد يوم مجرد وصول اذا بتجلس فيها يوم براحتك دامك وصلت بس مدريد مافيها شي احضر مبارة وارجع ههههه تحجز طيران ثاني يوم علي باريس
1 يوم مدريد
3 ايام باريس كافية ولا تنسي تاخذ الباص السياحي يوفر عليك التجوال ويريحك للتنقل ايضا وسعرة 24 يويرو للشخص الباص البرتقالي ولا تنسي ديزيني لاند رح لها بالاندرجرواند ممتعة دزني خصص لها يوم كامل وكل ساعة 5 العصر تبدا عروضهم والساعة 12 بالليل العاب نارية

ثم من باريس تحجز قطار من الانترنت تذكرة لكم من باريس الي جنيف لان مافي الي من باريس الي جنيف او زيورخ و الافضل لك والاقرب تنزل في جنيف تمام بعدها تستاجر سيارة من جنيف طبعا علي حسب الشركة وانا ارشح لك سكست مرة ممتازة وحط في بالك راح ياخذون علية مبلغ تامين للسيارة يعني خذ معك مبلغ كويس وايضا لشروط الاستجار اصل وصورة من الجواز اخذ مع رخصتك المحلية حقت بلدكم وايضا تعمل من اي مكتب سياحي رخصة دولية قيمتها 150 ريال مع فيزا سارية المفعول وفيها مبلغ يغطي والطفل لاتزم تحجز لة كرسي طفل ويكون رابط الحزام انتبة غرامتهم مرة قوية ياتدفع يا سجن تمام تاخذ السيارة من جنيف وتجلس في جنيف 3 ايام تزور من خلالها جنيف والجانب الفرنسي كامل مثل انسي و زيمارت ومنترو وايفيان كلها حول جنيف ورح لمصنع نستلة للشكولاتة افضل تروح من جنيف افضل من انترلاكن الطريق يكون سهل واقرب من جنيف

ثم تذهب الي انترلاكن وتجلس فيها 4 ايام الي 5 ايام وتتمشي انترلاكن والشلالات وغيرها

ثم من انترلاكن الي النمسا زيلامسي الطريق تقريبا 6 ساعات ممتع الطريق ومتبعب بس توقف في المحطات وتقدر تاخذ غرف استراحة متوفرة وتمشي في القري الي تمر عليك وشوف اذا تبي تستمتع لازم تخرج بدري الصباح باكر يعني 7 انت بالسيارة محرك وتتمشي لاتصير مثل ربعنا مايجلس الا 10 الصباح لان هناك الدنيا تسكر 6 المغرب

توصل الي زيلامسي تجلس في زيلامسي 6 ايام لانها جميلة تتمشي في زيلامسي واقليم بيرتساو وسالزبورغ تقدر تحجز 3 ايام في زيلامسي و 3 ايام في اقليم بيرتساو يبعد عن زيلامسي 70 كيلو قريب مرة ومن اقليم بيرتساو تذهب الي سالزورغ وتتمشي فيها وتروح للبحيرات الي حولها هالشتات لا تفوقتها وولف قانق القطار البخاري ومن سالزبورغ الي ميونخ المانيا وتخلي عودك من مطار ميونخ من سالزبورغ الي ميونخ 150 كيلو واقل طريق هاي وياي ولا تحس فية وسالزبورغ هي الاقرب الي المانيا وملاحظ لا تنسي اذا استاجرت السيارة تحط استكر الطريق تشترية 10 يورو من اي محطة متوفر لان علية غرامة اكتب لانترنت عن الاستكر ويطلع لك شكلة

ميونخ اجلس فيها يومين كفاية للتسوق فقط ميونخ حلوة تسوق يوم ويوم اخر تتجول وكوفي شوب وثم ثالث يوم ترجع وتستفيد ايضا من ثالث يوم اذا رحلتك متاخر تتمشي ايضا في ميونخ

وسلامتك هذا افضل جدول لك نحسب الايام الان

1 مدريد

3 ايام باريس اليوم الرابع تحرك بالقطار ع جنيف اخذ رحلة 11 الظهر كويس تفطر وتمشي وانتة في باريس من النشاليين خصوصا بالاندر جرواند

3 ايام جنيف

5 ايام الي 4 ايام انترلاكن ولوسيرن جميلة جدااا جداا لاتفوتها

6 ايام زيلامسي مقسمة ع بيرتساو وزيلامسي وسابع يوم السفر الي ميونخ مر علي سالزبورغ ولفها

3 ايام ميونخ والعودة منها

هذا اقصر برنامج اذا تبي تلف وتستمتع بهالاماكن كلها والميزانية حط في بالك 60 الف تقريبا مع الايجار والسكن

شكرا لك وشرفتني يالغالي