|
اقتباس:
ما شاء الله 1000 مبروك تستاهلون والحمد لله ان امورك تيسرت بعيدا عن جشع المكاتب هذي بالفعل كلها طلبات جديدة من ادارة الهجرة و راح يكون لي شرح جديد مع بداية العام 2018 لتوضيح بعض النقاط رحلة سعيدة بس لاتنسانا من تقرير عن الرحلة مع صور حديثة لسنغافوره الرائعة |
بسم الله الرحمن الرحيم اشكر من قام بكتابة الموضوع وكل من شارك فيه ولله الحمد تم استلام الفيزا بتاريخ 6/1/2018 صالحة لمدة سنتين ودخول متعدد. 1- تم إنشاء الطلب في تاريخ 17/12/2017 لفيزتين. *(انا كنت محتار خلال تعبئة البيانات هل أضع مدة الزيارة أقل من 30 يوم أو اختار الخيار الثاني اكثر من 30 يوم لاني كنت حريص تكون الفيزا لمدة سنتين، واخترت أقل من 30 يوم احتياط للرفض) **(اخترت أن زيارتي بتكون في 15/1/2018 عشان هم ما يبدأون في الطلب إلا إذا كان باقي على زيارتك أقل من شهر، وزارتي إن شاء الله بتكون خلال فبراير ) ***(اخترت إضافة 15 دولار لأن ما عندي حجز لا طيران ولا فنادق) ****(يطلبون تشتري خدمة منهم مثل city tour أو airport pickup او اي خدمة أخرى من الي يقدمونها لكن الي ذكرتها أرخص شي وحاولت اختار Airport pickup عشان يكون كافي لفيزتين لكن كان يرفض ويقول الطلب غير مكتمل واضطريت اختار تذكرة واحدة لcity tour وقدرة اكمل الطلب وإرساله) 2- ارسلوا ايميل في تاريخ 18/12/2017 انه تم إنشاء الطلب لكن on hold لأنه ينقص تذكرة لcity tour ثانية لأن الطلب فيه فيزتين، حولت معهم اخليها airport pickup عشان تكون وحدة وارخص لكن رفضوا، ارسلوا لي فاتورة ب PayPal للفاتورة الثانية وسددتها ثم غيروا حالت الطلب إلى processed 3-في تاريخ 3/1/2018 تم الموافقة وارسلوا ايميل يطلبون فيه العنوان التوصيل عشان يصدرون فاتورة الشحن وعطيتهم المعلومات الي يحتاجونها وأرسل لي فاتورة على PayPal سددتها في نفس اليوم. 4- في تاريخ 4/1/2018 تم إرسال الطلب إلى DHL وأرسل لي رقم التتبع. 5- المبالغ المدفوعة: 95$ للفيزه الواحده =190$ 15$ رسوم عدم وجود حجوزات للطيران والفنادق. 44$ تذكرة city tour واحدة =88$ 70$ تكلفة شحن DHL *انا ما تأكدت إذا 15 دولار رسوم عدم وجود حجوزات تحسب للفيزه الواحده أو للطلب. **تكلفة CITY TOUR ممكن تفرق كم دولار. |
اقتباس:
1000 مبروك يا غالي و شكراً لطرح تجربتك مع ذكر كل التفاصيل نأمل من الجميع ذكر تجاربهم لأن هذا يفيد المتقدمين كثيراً رحلة سعيدة و لا تنسانا من تقرير مصور عن سنغافوره :e306::e306::e306: |
سلام عليكم :e032: من لايشكر الناس لايشكر الله من هذا المنطلق احب اشكر الموقع الجميل والعضو الفعّال اخر فرصه على موضوع الدعوه وأقول ان هاالموقع افضل طريقه بين الطرق ... أنا حاولت مع أشخاص سنغافوريين وراسلتهم اطلبهم الدعوه على بالي الامر سهل :24: ولكن لاجدوى ورفضو وحاولت في مكتب جشع وطلب أضعاف الي يطلبه الموقع الي في موضوعك .. واخر شي عبيت النموذج وقدمت طلب وتوكلت على الله وبعد فتره بسيطه ردو والامور كلها في السليم وماشيه احسن مايكون ... تمنيت انه اول شي اتجهت له ولاطلبت ولاراسلت:15: أحب انصح الي يبي يقدم طلب مايقول الوقت بدري لانه افضل.،،، انا ردو علي قبل شهر من سفرتي لاني قدمت طلب من بدري وهذا ريحني نفسياً وارتحت من هم الدعوه وأخيراً أتمني لي ولكم سفره ممتعه وسعيده في سنغافوره الجميله 🇸🇬 |
اقتباس:
1000 مبروك يا غالي بالفعل لازم الواحد يقدم بدري وهم يحتفظون بالطلب لين يجي الموعد المناسب هذا اسلم حل للحصول على فيزا سنغافوره بلا شك رحلة سعيدة بس لاتنسانا من تقرير مصور شكرا لذوقك |
ابوغسان طال عمرك يعني اللي فهمته الان اني اقدر استخرج الفيزا بدون حجوزان طيران وبدون حجوزان فندق بس ادفع 15دولار. هل هذا صحيح؟ |
وكم تكلف الفيزا الوحده كاملا بالريال السعودي مع الشحن طبعا |
ماهي المتلطبات المطلوبة مني لتجهيزها قبل التقديم للفيزا علما ان شخصين |
اقتباس:
هلا يا غالي نعم صحيح والتكلفة لو عبيت النموذج راح تطلع لك قبل ماتدفع لكنها الافضل والارخص حاليا من الطرق الاخرى والطلبات موجودة بالصفحة الاولى وفي تجارب الاعضاء |
أبوغسان او الاخوة الاعضاء لوسمحتم هل صورة الجواز المطلوبة هي الجهة اللي بها البيانات فقط؟ بالنسبة للتوقيع اوقع علي اي ورقة بيضاء وارفقها بالخانة المتعلقه بها هل هذا صحيح؟ومااسم الخانة المتعلقة بذلك؟ |
اقتباس:
نعم صفحة البيانات اما التوقيع صحيح والخانة ذكرتها برد سابق |
أشكرك كثيرا ابوغسان على تجاوبك الدائم. بالنسبة لحجوزات الطيران . اذا حجزت عن طريق وكيل خطوط طيران حجز مؤكد وليس عن طريق موقع الخطوط نفسها فهل يصح ارفاق هذا الحجز في الخانه المتعلقه بالحجوزات المؤكدة |
اقتباس:
هلا يا غالي نعم ارفقه لا مشكلة |
ابوغسان من خلال قراءتي للردود والمواضيع حول الفيزا والتشديد الاخير خصوصا على الحجوزات الفنادق والطيران انا عندي استفسار وياليت اجد الاجابه: انا سفرتي بشهر ابريل باذن الله **اناعندي حجز رحلة السيرلانكية( الرياض سنغافورة الرياض) الموافق 5-13 ابريل،، ورحلة خطوط اير اسيا (سنغافورة لنكاوي سنغافورة ) الموافق 10-13 ابريل. انا سؤالي اي حجوزات الطيران والفنادق ارفق بالموقع |
اقتباس:
ترفق ( الرياض سنغافورة الرياض) وتطلب تأشيرة متعددة الدخول |
لوسمحت ابوغسان الحمدلله تم استكمال البيانات والدفع وطلبوا عبر الايميل توقيع A14 وارسلتها لهم. وارسلوا لي رقم المرجع واحتاج الان رابط متابعة الحالة اذا ممكن وشاكر ومقدر لكم |
اقتباس:
ما شاء الله ممتاز خلاص خلال اسبوعين ان شاء الله تستلمها شوف الموضوع من البداية اذا ذكرنا رابط للمتابعة |
اهلا بوجه الخير ابوغسان فعلا موجود رابط لكن الموقع فيه خطأ. واللي تقصد يعني بعد اسبوعين اقدر اشوف الحالة ايا كان نوعها؟ وانه الان مااستطيع |
اقتباس:
|
تسلم ياابوغسان والله يكثر من امثالك ويرحم والديك دخلنا وحصلناها process والله ييسرها |
ابوغسان لوسمحت بالنسبة للشحن انا ابغا فيزتين بشحن واحد. ممكن تعطيني الكتابة بالانجليزي من شان اذا تمت الموافقه باذن الله وطلبوا العنوان اراسلهم به |
اقتباس:
بالتوفيق يا غالي بس ضروري تكتب لنا تقرير مصور عن الرحلة |
السلام عليكم ورحمة الله هل بالامكان طلب الفيزا قبل 5 شهور ...جزاكم الله خير |
اقتباس:
ممكن لكن ما راح يقدمون الاوراق للجوازات الا قبل الرحلة بشهر |
ابوغسان لوسمحت كملت معهم كل المطلوب عبر الايميل واخر شي ارسلوا لي Okay sir noted وبالنسبة للموقع اذا دخلت الرقم والايميل لتشييك الحاله يجيني Opss! Worng Infromation! Try again... علما انه قبل كان يجيني معلوماتي والحاله موضحه |
اقتباس:
الصبر حلو راح يرسلون لك ايميل ان الفيزا جاهزة ما له داع تقعد تتابع كل شوي |
غريبه كلمت السفاره السنغافوريه بالرياض قالوا لازم دعوه من شخص بسنغافوره ولا مكتب يقدر يسويها :16: |
اقتباس:
لا مش غريبة الكل عملها بالطريقة هذي :58: |
السلام عليكم ورحمة الله وبركاته كل عام وأنتم بخير استفساري بخصوص موعد السفر اذا عبيت خانة الوصول لسنغافورة 1 شوال مثلا ومن ثم دخلت 14 شوال هل فيها إشكال؟ واما بالنسبة للفيزا العائلية الوالد سيسافر معنا وسنستخرج له الفيزا في نفس الطلب هل إذا كنسل السفر الوالد هل سيسأل عنه في الجوازات السنغفورية؟والعكس اذا كنسلت أنا والتوقيع لازم يكون مطابق للتوقيع الحقيقي اما اجراء شكلي لابد منه(الخوف من استعمال موقع الفيزا التوقيع لأغراض أخرى) وشكرا لكم |
اقتباس:
وعليكم السلام لا اشكال لان الفيزا مدتها غالبا سنتين وتدخل وقت ما تحب ما راح يسالوا عن اللي يكنسل التوقيع عبارة عن صورة ما احد يقدر يستخدمه لاي غرض |
اقتباس:
شكرا لك اليوم بإذن الله سأبدأ في اجراءات الفيزا |
اقتباس:
بالتوفيق |
السلام عليكم ورحمة الله وبركاته لو تكرمت في خطوة اختيار بلدك من القائمه للمقيمين المولودين في السعوديه يختار بلده او السعوديه ؟!! وفي خانة العنوان في البلد الام ايش راح يكون ؟ وشكراً مقدما ع المجهود القيم . |
اقتباس:
وعليكم السلام يختار يلده يكتب عنوان مسكنه او عنوان قريب منه |
وعفوا سؤال ثاني بالنسبه لتذكرة الطيران المؤكده انا ممكن احجز فندق وارفق حجز الفندق بس الطيران بتكون رحلتنا ع ماليزيا ومنها اما نروح بر او جو ع سنغافوره كيف ارفق لهم تذكرة طيران وانا بحددها بعدين من ماليزيا ؟؟؟ |
اقتباس:
مسكنه بالسعوديه يكتب عنوانه بالسعوديه ؟؟؟ |
اقتباس:
الرجاء تحديد رقم الصورة اذا قصدك الصورة 4 العنوان في البلد الأم مثلا جنسيته يمني يكتب عنوانه في اليمن وهكذا ثم في الصورة 5 هل اقمت في بلد غير بلدك ؟ يكتب السعودية و باقي البيانات |
اقتباس:
المفروض ترفقوا حجز ماليزيا و وسيلة مواصلات مؤكدة من ماليزيا الى سنغافوره ممكن الموقع يقوم نيابة عنكم بهذا و اتوقع يأخذوا 15 دولار لأنهم غيروا قليلاً بالخيارات وما عندي وقت أحدثها اصبح ممكن هم يقوموا بالحجوزات نيابة عنكم بمقابل |
خلاص طفشت طبعا في البدايه دخلت احدى مواقع استخراج الفيزا وعبيت بياناتي وسددت الفلوس ثاني (( مع العلم انو مسار رحلتي من جده لسنغافورا خمس ايام وبعدين اطلع ع اندونيسيا وبعدين ارجع سنغافورا)) اليوم الثاني ارسلولي رساله على الايميل : يرجى التوقيع على الصفحة الأخيرة من النموذج 14a ، ومسحها ضوئيًا وإرسالها إلينا. يرجى تسمية الملف باسم الموقّع. شكرا لكم يرجى التأكد من أن تطابق الوصول مع تسجيل الوصول في الفندق وتطابق المغادرة مع الفندق. أرسل لنا العنوان الصحيح. طبعت النموذج ووقعته وحملته على موقعهم الي فيه استماره البيانات وسميت الملف باسم الموقع اوكي وارسلت لهم صور التذاكر مع حجوزات سنغافورا واندونيسيا وارسلت لهم عنواني في سنغافورا بالتحديد اليوم الي بعده ارسلولي : ثم الرجاء إرسال التذاكر والفنادق إلينا في سنغافورة التي تطابق كل التواريخ. إذا كنت مسافرًا إلى سنغافورة مرتين ، فأرسل لنا أول وصول وأول رحلة في سنغافورة والفندق الذي يغطي هذه التواريخ ، وما زلنا ننتظر لافتة نموذج 14a الخاص بك طبعا انا مخي قفل طيب انا البيانات الي ارسلها وين الغلط بالضبط 1* حجز الفنادق ارسلته صح وقالو غلط 2* حجز الطيران غير متطابق 3*العنوان غلط مع اني ارسلته لهم بالتفصيل 4* النموذج ارسلته على موقعهم وحملته بصيغه الي طلبوها ول هم يبغوها ايميل ايش الحل |
اقتباس:
دخلت احدى مواقع استخراج الفيزا اي موقع تقصد ؟؟؟ |
| الساعة الآن 01:22 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO