اليوم العاشر:
اليوم التقرير بسيط بس بقولكم السالفة اللي كانت بتودينا في ستين داهية :yolks0080::yolks0080: قمت متأخر ومريت ستار بكس كالعادة ومشيت الى ارفاين مريت قريبي من المعهد على الساعة 2 وتوجهنا الى ساندييقو الطريق خذ تقريبا ساعة ونصف وصلنا تقريبا على الساعة ٤ وتوجهنا مباشرة الى uss متحف السفينة الحربية وقفنا في المواقف وتفاجأنا بأن العداد حق المواقف ما يقبل الا عملة معدنية :yolks00480: ودورنا عن أحد يصرف لنا وسألنا واحد وقال في المطعم الموجود في نهاية المواقف على البحر فيه واحد يصرف لكم بعدها توجهنا للسفينة وتفاجأنا انها تقفل الساعة ٤ وأنا قريت أنه تقفل على الساعة 5 بس للي صار أن آخر دخول للسفينة يكون الساعة 4 والسفينة تقفل على الساعة 5 صورناها من برا وبعدها جلسنا نتشاور وش نتغدا وكان فيه رأي أننا نتغدا من المطعم اللي صرفنا منه العملات بس كان بحري وأنا ما أشتهي الاكل البحري فكان فيه اقتراح أننا نتغدا فايف قايز وكانت الموافقة مباشرة مني لاني ما قد جربته وكان من ضمن المطاعم اللي بأزورها عاد شغلنا قوقل ماب ونشوف وش الفروع اللي حولنا وكان فيه فرع على البحر واختاره خويي عشان بعد الغدا نتمشى على البحر وكان أسوأ إختيار مر علي في التاريخ واللي كان بيودينا في ستين داهية :(7):
هذا ما سنعرفه في الحلقة القادمة:202:











دعابة نكمل معكم :(6): وجهنا للفرع والجهاز شغال اذهب يمينا اذهب شمالا وحنا سمعاً وطاعة ما درينا الا حنا واقفين في طابور سيارات وكان في الاخير عسكري من الجيش يوقف أي سيارة تمر ::(158)::(158):

يا ولد وش السالفة وين دخلنا :(7): قالي خويي نرجع قلت لا وين والله يذبحوننا بالرشاش قلت خلنا واثقين ومع الناس وأول ما وصلنا للعسكري قال عطوني اثباتاتكم :(46): أنا كان معي الجواز وخويي معه رخصة القيادة بعدها عطانا نظرات الشك وقال وقف لا تتحرك وراح نادى عسكري ثاني :(7): طبعا ويوم كان العسكري رايح كل واحد منت يتخيل نفسه في السجن :200: وبتطلع قضية له زي حميدان التركي فك الله أسره :(88):
المهم العسكري الاول راح فتح خط جديد عشان ينظم سير السيارات والعسكري الثاني جا عندنا وحط الحاجز قدام السيارة وقالي وقف السيارة وحط المفتاح على الطبلون :(88): هنا قلت عز الله رحنا فيها وبدا الرجال يحقق معنا وش جايبكم هنا ؟ قلنا نبي فايف قايز :essen: قال وش دراكم عنه معكم كمبيوتر ولا جهاز يوجهكم ؟ قلنا إيه قال وروني أشوفه :(158): عقبها قال فيه أكثر من فرع في ساندييقو ليش جيتوا هذا الفرع بالذات :(7): قلنا والله نبي نتمشى عقب الغدا على البحر قال ما تدرون أن هذي قاعدة أمريكية :(123)::(123): وحنا نقول والله ما درينا سامحنا ياللحية الغانمة :(88): بعدها قال اصبروا شوي وقال لخويي لازم جوازك يصير معك اذا طلعت برا المقاطعة اللي طلعت منها مع العلم أننا كنا في كاليفورنيا بس مدري وش عنده والحمد لله أن خويي معه صور للفيزا والجواز في اللاب توب وطبعا شافوها وصوروها وأرسلوها لمركزهم وبعد مدة جت سيارة شرطة ورى سيارتنا هنا عاد من جد قاعد اتخيل نفسي في السجن مع المجرمين :(88): وجانا العسكري اللي نزل من السيارة وقال السالفة انكم جايين تاكلون من فايف قايز ما ندري أنتم صادقين ولا لا بس الان قاعدين نستفسر عنكم من جهة الانتربول السعودي والانتربول الامريكي
ولو كان عليكم ملاحظة بتحتفلون معنا :202: وبعدها جانا العسكري قال هالمرة بنمشيكم لا عاد نشوفكم مرة ثانية :202: ووطلعنا من عندهم وفكنا الله منهم طبعا سألونا اسئلة واجد لا يسع المقام طرحها لكن الزبدة في السالفة أنتبهوا من هذي القاعدة كم واحد من الاصدقاء دخلها بالغلط لأنها ما كانت واضحة وطبعا بعد التحقيقات والقلق اللي صار انسدت النفسية عن الاكل رحنا صلينا الظهر والعصر في أحد المساجد بس عناد لهم رحنا وتغدينا في فرع ثاني لفايف قايز:(127):
وتمشينى بعدها على البحر ماسكة معنا لازم بعد فايف قايز نمشي على البحر :200:
وعلى المسيان خويي اصابه التعب والنوم لاني خذته من المعهد مباشرة ولا ارتاح فخذنا لنا مشروب حارة من ستاربكس تنشطنا للطريق وبعد ما حطيت خويي في بيته توجهت للفندق


هنا صورة السفينة البحرية والكثير يمدحها لكن ما كتبه الله لنا

http://www.upimage.us/server/php/files/384.jpg

http://www.upimage.us/server/php/files/385.jpg

http://www.upimage.us/server/php/files/386.jpg

http://www.upimage.us/server/php/files/387.jpg

هذي سكة قطار قابلنها وحنا متوجهين للقاعدة :(123):

http://www.upimage.us/server/php/files/393.jpg

هذا مطعم فايف قايز لا بارك الله فيه :(123):

http://www.upimage.us/server/php/files/388.jpg

http://www.upimage.us/server/php/files/389.jpg

http://www.upimage.us/server/php/files/390.jpg

هذي الضيافة حقتهم شي شي لذيذة :essen:

http://www.upimage.us/server/php/files/391.jpg

حشى هذي برقر ولا سيارة مصدومة :yolks0080::(127):

http://www.upimage.us/server/php/files/392.jpg

هذا المسجد اللي صلينا فيه وكانوا يرممونه

http://www.upimage.us/server/php/files/394.jpg

البحر العجيب الجميل الخطير :(60):

http://www.upimage.us/server/php/files/395.jpg

http://www.upimage.us/server/php/files/396.jpg

http://www.upimage.us/server/php/files/397.jpg

http://www.upimage.us/server/php/files/398.jpg

http://www.upimage.us/server/php/files/399.jpg

أنا وحبيبتي جولي :(60)::(6):

http://www.upimage.us/server/php/files/400.jpg

طلعنا من الشاطئ وتمشينا في الشارع اللي جنبه وكان جداً رايق وهادي

http://www.upimage.us/server/php/files/401.jpg

http://www.upimage.us/server/php/files/402.jpg

http://www.upimage.us/server/php/files/403.jpg

http://www.upimage.us/server/php/files/404.jpg

هذا المطعم شكله ممتاز بس المشكلة أنه بحري :(7):

http://www.upimage.us/server/php/files/405.jpg

http://www.upimage.us/server/php/files/406.jpg

وبعدها رجعنا

ونشوفكم في الحلقة القادمة إن شاء الله