|
رد: انواع تذاكر ديزني لاند باريس كافي ميكي الريوق بوفيه وقيمته 22 يورو للشخص الغدا او العشا ست منيو تختارين منه وقيمته 40 يورو للكبير و 21 للصغير سندريلون أغلى ونظامهم ست منيو تختارين منه ووجبة الغدا بس السعر 67 يورو للكبار و 37 يورو للأطفال الأسعار تقريبه تزين او تنقص شوي |
رد: انواع تذاكر ديزني لاند باريس اقتباس:
مشكووورة ماقصرتي ربي يفرج همك ويسهل امرك لو عندك اضافة تعطيني معلومات اكثر عن الاشياء اللي اقدر اسويها او احضر ها في ديزني لاند غير العروض المجانية مثل المسيرات وعرض ديزني دريمز.. مثلا مسرحية للشخصيات او شي مهم ....لاني بصراحه اساس السفرة هي ديزني لاتد وبنروح باريس يوم واحد فقط اطلع بالباص السياحي ألفلف عليها ونتصور عند برج ايفيل وارجع لفندقي في ديزني..ف ان شاء الله ماابغى شي يفوتني في ديزني ولا يفوت على عيالي ..عشان كذا طولنا الليالي في ديزني. كمان بغيت اسأل لو ماحجزت في هذه المطاعم كيف راح اصور عيالي مع الشخصيات ؟؟ كيف الطريقه وفين الاماكن؟؟ هل مطعم سندريللون يستاهل العنوة والقيمه ولا لأ؟؟ يعطيك العافيه ويجعله بميزان حسناتك يارب. |
رد: انواع تذاكر ديزني لاند باريس ولجمييييييييييييييع اعضاء العرب المسافرون مااستغنى عن ارائكم واقتراحاتكم عن اهم الاشياء في ديزني لاند واللي ماتتفوت ...لان انجليزيتي نص ونص وهذا اللي متعبني في ترجمة موقع ديزني الرسمي ولما استخدم ترجمة قوقل تطلع ترجمة حرفيه بعيدة عن المضمون وايضا بسأل عن تذاكر الباص الاحمر من فين اشتريها؟؟؟ العام الماضي ماعرفت من فين اشتريها ونفس الفندق اللي سكنت فيه مايوفر احمر كان يوفر اخضر واشتريتها منهم وطلعنا....ان شاء الله هذه السنه ناوية انزل باريس بالرير من سكني في فندقي في ديزني واركب باص سياحي احمر ومعايا عيالي 4 اطفال ...انزل بالرير على أي محطة اوقف فيها؟؟؟؟ ومن فين اشتري تذاكر الباص؟؟ |
رد: انواع تذاكر ديزني لاند باريس انه قاعده اجهز تقرير عن ديزني ان شاء الله أخلصه قبل سفرك :yolks00570: بخصوص المطاعم احنا جربنا كافي ميكي كانت تجربه حلوه جدا للأطفال وحتى الكبار بس السعر شوي مكلف خصوصا انه الخيارات محدوده للاكل اذا ما تأكلون لحوم الشخصيات تقدرون تشوفونهم وتتصورون معاهم في أماكن مخصصه في البارك و الاستوديو يوقفون فيها تقدرون تروحون توقفون في الصف بس شوي يكون زحمه و ميكي و الأميرات لهم مكان ثابت تروحون لهم ونفس الشي توقفون في طابور طويل الأميرات مثلا حوالي الساعتين بس شي جديد السنه مسوينه خصوصا للاميرات لازم تاخذون التذاكر اول ما تفتح البارك ومحدد الوقت الي ترجعون له وطبعا التذاكر محدوده جدا لليوم الواحد شي ثاني في الاستوديو بعد المسيرات تنزل الشخصيات حوالي نص ساعه للي يبي يصور وياخذ توقيع ....نفس الشي كان قبل في البارك بس السنه مسيرات البارك ما ينزلون الشخصيات برجع لك بتفاصيل اكثر |
رد: انواع تذاكر ديزني لاند باريس http://images.tapatalk-cdn.com/15/06...9461948c08.jpg http://images.tapatalk-cdn.com/15/06...366fe0f5be.jpg http://images.tapatalk-cdn.com/15/06...6b00845a13.jpg شوفي هذي المسيرات في الاستوديو يجون الشخصيات في عربات بعدين ينزلون للاستعراض ولما يخلصون يدورون عالموجودين عشان التصوير والتوقيع fanda@arabtrvl |
رد: انواع تذاكر ديزني لاند باريس اقتباس:
ياليت تعطيني تفاصيل التذاكر اللي ناخذها اول ماتفتح البارك عشان تصوير الاميرات واش اسماء الاميرات المتواجدات؟ خصوصا عندي بنتين الله يحفظهم متحمسين يتصورو مع الاميرات ويبغو اشتريلهم نفس فستان الاميرة اللي يتصورو معاها.. اكيد مكلف كافي ميكي لكن مومشكلة هي مرة بالعمر ان ربي احيانا وعشان خاطر عيالي كل شي يهون. انتظرك حبيبتي ..خصوصا مومرة بالانجليزي واخاف يفوتني شي واندم. |
رد: انواع تذاكر ديزني لاند باريس اقتباس:
انا فتحت بموقعهم ابغى اشوف البروشور ..طلع انه الموجود حق شهر 5 ومافي حق اغسطس..وبعدين فهمت انه الجدول متغيير كل شهر غير. انتظرك |
رد: انواع تذاكر ديزني لاند باريس اقتباس:
العروض اكثرها في الاستوديو مثل شلون يسوون خدع سينمائيه تفجير سيارات وهالشغلات طبعا الاولاد راح يحبونها ويستمتعون فيها في عرض احنا حبينا كثير اسمه Animagique ممتع جدا بعد في الاستوديو وله اوقات محدده |
رد: انواع تذاكر ديزني لاند باريس اقتباس:
من محطة Marne la Vallee في ديزني مباشر الى الشانز تنزلون في محطة Charles de Gaulle -Etoil عند قوس النصر اول ما تطلعون من المحطة قبالكم القوس والسفاره القطريه موقف الباص الاحمر عند السفاره بالضبط |
رد: انواع تذاكر ديزني لاند باريس اقتباس:
بقول لك شلون كان النظام في اخر زياره لي والي كانت في شهر مارس الي فات في ديزني بارك في مكان خاص للاميرات اسمه Princess Pavilion يصير في منطقة Fantasy Land اول ما تدخلين البارك تروحين مباشره هناك وبكون في شخص يوزع بطاقات على اساس انها بطاقات دعوه لقصر الاميرات وطبعا العدد محدود من الاميرات الموجودات ؟! انتوا وحظكم كل اميره لها وقت معين ومو شرط كل الاميرات يكونون موجودين قريب منهم كان في مكان صغير محوطينه وكل ساعه تجي وحده من الاميرات للي يبي يتصور وتوقع له ديزني مثل ما قلتي هي مره وما تدرين اذا راح تتكر خلهم يستانسون وصدقيني تربه حلوه حتى لكم بس ان شاء الله ما يصر لكم مثلنا رحنا متاخر بعد ما صكت البارك وبدون موعد نطرنا 45 دقيقه ولما دخلنا ولدي مسكين ما قدر يقاوم ورقد حاولنا نقعده مافي فايده حتى ميكي وربعه لما يوصلون لطاولتنا يحاولون معاه بس بدون فايده :(47)::(47): |
| الساعة الآن 07:52 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO