وش هالحظ؟؟!!
 

السلام عليكم ورحمة الله وبركاته
صباح الخيرات جميعا
يا اخواني ابي مساعدتكم و إعطائي الرأي الصحيح :yolks00720:
قبل أمس كنت أجمع جوازات الاهل لأن ما بقى ع السفره شي كثير
و قلت مره وحده الحق ع عروض الخطوط السعوديه
كل جوازات أفراد العائله حصلتها إلا جوازي. ..:yolks00710:

و رحت للجوازات عشان اشوف وش الوضع
خصوصا أن جميع القطاعات تبدأ إجازتهم بنهاية دوام اليوم
قال لي الموظف لازم ترفع لقسم الشرطه عندكم و تبلغ عنه
و يسوون معك تحقيق و يترتب عليه يا غرامه و الا منع من السفر
الغرامه بحدود 500 و انت طالع و عقوبة منع السفر من 3 إلى 5 سنوات
مع العلم أن إجازتي السنويه تمت الموافقه عليها و استلمتها
و الأدهى و الأمر اني بقطاع عسكري :yolks00220:
و خايف الامور تطول لأنهم قالوا بمجرد انك تبلغ
تأخذ وقت من شهر إلى 3 شهور:yolks00430:

استعين بالله و حاول تدور الجواز اكثر
لان اذا بلغت عنه حتى لو لقيته بعدين بتتعطل امورك
خصوصا حسب ما سمعت عندكم في السعودية فيه غرامات و منع سفر مدة طويلة

ان شاء الله تلقاه و تتسهل اموركم
واذا ما لقيته فبإذن الله خيره

يمكن انها خيره لك ولاسرتك .

ولكني سبق ان مررت بمثل هذه التجربة وفقدت اوراق خاصة بي وبحثت في كل مكان ولم اجدها ولازلت ابحث حتى عثرت عليها حول مكان الحفظ اي الادراج حقت الغرفة ووجدتها ساقطة خلف الدرج . لذا عليك اخراج الادراج والبحث خلفها وان شاء الله تلقاه . ولاتضيع عليكم السفرة .

وان لم تجده فان الله ردّ عنكم شرّ والله اعلم



تحياتي .

عفواً ولاتستعجل بالتبليغ لانك تقع في مشكلة كبيرة انت في غنى عنها حتى وان بلغت لن تسافر في الوقت الذي ترغبه .

وعليك بالدعاء والاستغفار فانها مفتاح كل شيء .

الله يعينك اخوي ان شاء الله تلقاه وتتسهل امورك

الله يجزاكم خير الجزاء يارب
البحث جاري إلى أن تفتح الدوائر الحكوميه بعد الإجازة
راح ادوره بمنقاش إلى أن اجده بإذن الله :yolks00800:

ابشركم حصلت الجواز:(6):
الله يعطيكم جميعا الف الف عافيه :(127):

الله مير يسلمك و يسعدك
بس تراي غيرت الوجهه
ابي فزعتك يالاجودي تكفى

هههههههههههههههههههه
ما راح تصدق ...
تخيل مستأجر سياره قبل 3 شهور
و ما جاء في بالي أتركه فيها وقت التسليم
و نسيت مع الأيام و الشهور و مشاغل الحياة
و اليوم قلت ليه ما اروح للمكتب و استفسر عنه
قال أخونا في الله انهم حصلوه وقت التسليم و من بعدي استأجرها زبون
و من يومها يدقدقون علي و طلع الرقم غلط
و تركوه عندهم ما سلموه للجوازات أوالشرطه
روحتي لهم اليوم مريت بنفس الحي و تذكرت المكتب
ما جاء في بالي 1 % احصله عندهم
أهم شي البيت سوو حفله اليوم عشان هالجواز :(127):

Have a nice trip:)

الله يسلمك و يعافيك
شكرا لك

Thank's

الحمد لله انك حصلتة

ودايما يا اخوان الجوازات والمستندات والاوراق المهمه

تكون فى شنطه خاصة وترجعها مكانها بعد كل استخدام

لان ضياع مثل هذه المستندات والله بهدله

أي و الله الحمد لله
كلامك سليم 100%
راح أتعلم من هالغلطه مليون شغله مهمه