|
ارجو المساعده السلام عليكم ورحمه الله وبركاته أسعد الله مساكم بكل خير بعد المفاوضات والتحريات والدقه تم الاتفاق بعون الله السفر الى ماليزيا ارجو من رواد السفر الى ماليزيا ترشيح جدول ولكم الدعاء سفره عائليه انا والمدام وطفل مده الرحله من غير ايام السفر 10 ايام الميزانيه من غير التذاكر 15000 ريال سعودي اتمنى وضع جدول مناسب من ذوي الخبره جزاكم الله خير الجزاء |
اهلا وسهلا اخي العزيز لوتقدر تخليها 12 ليلة يكون افضل على العموم 10 ليال انصحك بالاقتصار على ثلاث مناطق بسبب قصر المدة ووجود طفل الله يحفظه ويخليه لكم الميزانية ممتازة جدا وكافية وزيادة 2 سلانجور منتجع صن وي ريزورت 4 لنكاوي : ويستن .. او ذا دانا .. ولو كنت من محبي الشواطي ذات الالعاب البحرية من براشوت وغيره فأنصحك ب كاسا دلمار ثم بلانجي بيتش يوجد منتجغات فخمة ورائعة لكنها معزولة وبعيدة عن الخدمات مثل فورسيزون وتانجونج رهو واندامان وداتاي 4 كوالا والخيارات كثيرة ومن ابرزها جراند حياة .. تريدرز .. ماندرين اورينتال وهذي كلها جهة البرجين وان اردت بجانب شارع العرب والقرب من الاسواق مشيا فعليك بالويستن او الماريوت يوجد فنادق فخمة وممتازة لكن موقعها ليس بميزة الفنادق اللي ذكرتها رحلة ممتعة هاي مزمز |
لا أعتقد بعد حضور الخبير ( هاي مزمز ) هنا .. ستحتاج أحد .. كل ماذكره رااااااائع وأنصحك به .. أما البرامج والفعاليات .. أبْحِر أخي في تقارير الأحبة لتستمتع وتستفيد .. دعواتي لك بالتوفيق .. |
اقتباس:
أسعد الله مساك بكل خير وجزاك الله خير الجزاء وماقصرت وااافي بس سؤال طال عمرك أولا /المدن اللي ذكرتها التنقل بينها بواسطه سياره او طيران ؟ ثانيا /اي مدينه احط بها رحالي اولا ؟ ثالثا /اشكـــــــــرك جزيل الشكــــر وكل من افادني بأي معلومه . |
عزيزي الله يسعدك الترتيب زي ما ذكرته لك اما التنقل من مطار كوالا الى لنكاوي طيران بحدود 55 دقيقة تقريبا والعودة مثلها طيران بنفس المدة سلانجور اقرب للمطار المسافة بين سلانجور وكوالا مشوار تاكسي مدته 25 دقيقة حسب الزحمة المسافة من كوالا الى المطار حدود 45 دقيقة ومن سلانجور للمطار حدود نصف ساعة |
بالنسبه للتنقل طيران داخلي وخذ الماليزي بالنسبه للمدن طبعا اول ماتوصل على مطار كوالا هناك مكتب للتكاسي تعطيه عنوان سكنك في سلانجور واطلع مباشره لسلانجور ملاحظة أي واحد يعرض خدمات عليك لاتلتفت له ويكثرهم في المطار سلانجور اتفق على الأماكن السياحية الي تروح لها وخذ لك تكسي ذات اللون الأحمر وكل يوم غير التكسي ولاتاخذ من تاكسي الفندق بعدها خذ تكسي يوصلك الي المطار واطلع على لانكاوي لانكاوي تحصل مكاتب كثيره اتفق مع احداهم وعندهم جدوال للأماكن السياحيه يجيك السواق من الصباح للمساء طبعا اتفق التوصيل من المطار للفندق والعكس أيضا. .. كوالا نفس طريقة سلانجور اشوف الاماكن السياحيه اللي بتروح لها وكل يوم اتفق مع تكسي نصيحه شارع العرب حاول انك لاتجيه أو في النهار فقط خذ لك تمشيه بسيطه عليه. .. تذكر ماليزيا بلد سياحي وجميل جدا لاتشيل هم كثير فيه صدقني راح تنبسطوا وفقك الله |
جزاكم الله كل خير ماقصرتو جعله الله في موازين حسناتكم يعني : 1/ اول ما اوصل مطار كوالا اتجه الى سلانجور 2/ بعدين من سلانجور اتجه لمطار كوالا الى لنكاوي 3/ من لنكاوي اتجه الى كوالا وبعده العوده لارض الوطن طيب ياحلوين كل مطار اصل اليه فيه مكاتب سياحيه وتكاسي كويسه وامان ؟ ثانيا المطار الداخلي هو نفسه المطار الدولي ؟ واشكركم جزيل الشكر |
المطارات فيها مكاتب تكاسي ﻻتخاف تعطيهم اسم الفندق وراح يعطيك التسعيرة وانتبه ﻻ يعطونك سيارة مرسيدس والسعر يطلع غالي .. غالبا السيارة حسب عدد الاشخاص والشنط وممكن تنزل الدور اﻻرضي وتاخذ تاكسي بالعداد وراح يكون ارخص بشوية طبعا مكتب التكاسي شركة والسيارات نظيفة وجديدة غالبا .. اما تاكسي العداد انت وحظك يوجد مطارين لكوالا Klia 1 وهو للطيران الدولي ويكون داخلي فقط للخطوط الماليزية Klia2 وهو قريب من المطار الدولي وجديد ويكون للرحلات الداخلية لجميع الخطوط عدا الماليزية |
اقتباس:
|
| الساعة الآن 06:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO