|
ايجار سيارة في لنكاوي السلام عليكم ورحمة الله في يوليو القادم ان شاء الله لدي رحلة الى ماليزيا ومخطط استأجر سيارة في لنكاوي الان انا اخطط للرحلة بس ما ادري احجز السيارة من النت او من المطار افضل بحيث انك تشوف السيارة قدامك و ربما ارخص في السعر أجريت بحث بشكل سريع وجدت ان أسعار السيارات تتراوح بين 130 -250 ريال للسيارات المتوسطة العام الماضي سافرت الى تركيا واستأجرت سيارة هناك حاوله احجز من النت لكن عدم الثقة في الاتراك جعلني اصرف النظر عن الحجز من النت وفضلت الايجار من المطار وكانت المفاجئة فرق السعر الكبير كان متوسط سعر السيارة المتوسطة من النت 300 ريال بينما حصلت على نفس السيارة من المطار 180 ريال الان حاب استشريكم هل احجز من النت او من المطار ؟ مع خالص الشكر لكل من مر على الموضوع |
اهلا اخوي الردادي احجز من المطار افضل لك تشوف السيارة امامك وتكاسر في السعر وغيره انا كانت ايامي مقسمة على جزئين .. الجزء اﻻول استأجرت دباب وكان قمة المتعة .. الجزء الثاني استأجرت سيارة بس كنت متفق معهم من المطار يجيبون السيارة الى الفندق واسلمها بالمطار فوافقوا |
اكيد وجهاً لوجه افضل و تقدر تكاسر بالسعر. |
انا معكم ان المطار ارخص والميزة انك تشوف السيارة بس المشكلة ممكن يحدث تلاعب في الضمان و التأمين اما من النت ما فيه مجال للتلاعب وانتم عارفين صاحبكم اول مره يسوق على الطاره يمين خايف اجيب العيد :32::32: لذلك التأمين مهم بالنسبة لي هاي مزمز و Turki1407 بيض الله وجيهكم ما قصرتوا |
اخوي الردادي لما تستلم السيارة صورها من كل النواحي وقت الاستلام من الداخل والخارج اذا خايف من التلاعب بس مرتين استأجر والحمدلله اﻻمور طيبة وسكان لنكاوي طيبين جدا |
الله يعطيك العافية كيف الأسعار فيها فرق كبير عن الانترنت |
أهلاً أخوي الردادي .. أولاً أهنيك على التجربة .. أنا مثلك أشوف لنكاوي حلوة بدون قيود ( السائق ) وماشاء الله أكثر من عضو عرض في تقريره تجربة القيادة في لنكاوي وأظهروا تجربتهم بشكل إيجابي جداً ( أبو عبده ،، طارق عنايات ) ملاحظتي الوحيدة فقط هي شهر السفر ( يوليو ) ما تعتقد إنه موسم سياحي مزدحم .. أما فرق السعر فعلاً يختلف مابين الحجزين ( النت ،، مباشر ) .. عموماً أنا أشجعك كثيراً على التجربة خصوصاً وأنّ لنكاوي صغيرة وغير معقده .. بالتوفيق .. |
كتكات 783 نورت الموضوع بمرورك العطر على الموضوع المشكلة ان اجازتنا مربوطة بالمدارس ما هي على كيفنا ما عندنا الا يوليو و اغسطس |
عادة افضل الحجز من النت بس ماليزيا انصحك من المطار بالتوفيق |
الله يوفقك في سرفتك اخي الغالي افضل شي من المطار اضمن لك و احسن |
| الساعة الآن 12:16 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO