|
فندق تريدز قريبتي حاجزة فندق تريدز مع اني جربته ومارتحت فيه بس الناس اذواق المهم ماعلينا اخواني هي تستفسر حجزت غرفة كلوب ومعاها اولادها 4 و5 سنين هل الفطور شامل لهم وهل مسموح دخولهم لانو في فنادق تمنع دخول الاطفال اقل من 12 سنة نادي الكلوب اللي عنده فكرة يفيدها لو ممنوع حتكنسل الحجز وتحجز غرفة عادية ومشكورين |
مرحبا فيكم.. اول شي تريدرز فندق يفوق الوصف. واعتقد لايختلف عليه اثنين. ثانيا بخصوص موضوع الاطفال وعددهم. ترى الوضع يختلف فبعض الاحيان الاطفال اجسامهم كبيرة ماشاءالله ويمشي الوضع وبعض الاحيان وقت مو موسم فلايدققون. ودخوول الاطفال وعددهم يختلف من فندق لاخر ومن غرفة لاخرى ومن وقت لاخر. فاقترح عليك اذا تبين الجواب الاكيد تتواصلين معهم بالايميل. وتقرين سياسة الفندق والغرفة من نفس موقعهم. وبكذا تلاقين ماتريدين. ارجو لكم التوفيق |
اقتباس:
مشكور اخوي هيا مو قصدها الغرفة قصدها نادي الكلوب زي الكوكتيلات اللي في المساءوغيره في فنادق مايسمحو للاطفال وكاتبين في سياستهم اقل من 12 سنة ممنوع زي بارك رويال اما تريدز وامبيانا مو موضحين وهيا خايفة تدفع ويكون ممنوع |
الافضل زي ما تفضل اخوي كازمي ايميل او اتصال بالفندق يقطع الشك باليقين |
ماشاءالله تبارك الله الاخوان ماقصروا جزاهم الله خير انا شيكت على موقع الفندق مايقبل الا طفل واحد تحت 12 الافضل الاتصال بهم... انا مثلك ماعجبني الفندق مره رغم انه نظيف وراقي واطلالته جميلة |
بالعاده الفنادق المعروفة لا تمنع الأطفال من دخول نادي الكلوب..ومثل ماقالوا الاخوان للتأكد الاتصال بالفندق.. غرف الكلوب بالعاده نحجزها ولا نذهب للنادي لان بالعاده وقت الكوكتيلات يصادف أوقات خروجنا من الفندق وهذا حصل معي كثير..واتفق معكم في فندق تردز فيه أفضل منه بمراحل .. |
الحمدلله طلعت طبيعية وفي ناس ماعجبهم الفندق ههه عاد انا عجبني امبيانا كموقع وسعر ونظافة وجسر بس هي مصممة على تريدز مشكورين اخواني ماقصرتو يعطيكم العافية |
انا مثلك امبيانا عجبني اكثر من تريدرز الغرف اشرح واكبر. والنظافة ممتازة والافطار متنوع يوجد مطعمين للافطار شرقي وغربي |
تو تواصلت مع قريب لي حجزت له الصيف الماضي بتريدرز. وقال النادي ماشفنا فيه اطفال ولايصلج للاطقال يقول يوم دخلت النادي ولقيت واحد فاصل وشرب الين اقلع ويسب ويخرب وجو الامن وشالوه |
اقتباس:
|
| الساعة الآن 09:13 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO