|
عاجل اخواني السلام عليكم ورحمة الله وبركاتو اخواني اعضاء المسافرون انا ان شاء الله راح تكون رحلتي علي ماليزيا في شهر عشره بعد رمضان حجزت على الخطوط الاماراتيه 5700 شخصين شهر عسل لمده 12 يوم ابغ ايش تنصحوني فيه وفي الاسعار والمدن راح تكون الرحله علي كوالالمبور و سلنجور ولنكاوي و بينانج الرجوع الى العاصمه اسعار التذاكر الدخليه ولارخص وسعار الفنادق والتوصيل من المطار الى الفندق والاسعر كم وفضل الفنادق وكم تكون التكلفه والمطاعم والاماكن السياحيه اتمنى منكم الرد عضو جديد |
هلا وغلا اخوي اولا الف مبروك والله يتمم لك على خير راح يكون جدولك بالتتالي ليلتين سلانجور ثم الانتقال بالطائرة الى لنكاوي 3ليالي ثم 3ليالي بينانج اما عن طريق الطائرة او العباره وانا افظل الطائرة لانها اريح وأسرع ومن بينانج الى كوالا اربع ليالي اما تاكسي او باص او طائره أنا أفضل يكون الانتقال بر لان المسافة اربع ساعات تقريبا والمناظر رائعة لا تفوت بخصوص الطيران عندك الماليزي واير اسيا والثانيه هي الأرخص وكل ما حجزت بدري كان السعر أرخص بخصوص التوصيل من المطار للفنادق فيه مكاتب تاكسي بالمطارات قبل بوابة الخروج والتسعيره محدده تقريبا وهذي المكاتب منتشره في كولا كمان وبخصوص الفنادق فيه فئة خمس نجوم او اربع وهذي تعتمد على ميزانيتك ورغبتك ولو حددت اي فائة تبي ممكن ارشح ألك فنادق وتقدر تحدد اسعارها من البوكنق او القواد والي انصحك تحجز منه فنادقك لانه موقع ثقه وأسعاره أفضل من المكاتب في اغلب الأحوال المطاعم فيه مطاعم عربيه ولكن غاليه وفيه مطاعم وجبات سريعة مثل ماكدو وكنتاكي وبيدزاهت وما شابه وممكن تطلب من الفندق نفسه بس اعتمد تحجز الفنادق شامل الفطور أسعار الأماكن السياحية تختلف مثل حديقة الطيور بكوالالمبور 50رينقنت لشخص بينما حديقة الزهور وحديقة بردانة بجانبها الدخول مجاني وهذي تعتمد عليك انت حاول تقرا تقارير بشكل مكثف راح تستفيد أشياء كثيره صعب نكتبها لك كلها هنا وبخصوص الجولات السياحية فيه هنا بالمنتدى موضوع خاص بالسواقين المجربين خذ القائمه معاك تختصر عليك البحث عن سائق وأي استفسار أنا جاهز وموفق يا غالي |
وعليكم السلام سلانجور + كوالا تعتبر مدينه واحده كبيره ومتصله فيها بالترتيب كوالا البرجين النافوره الراقصه عالم ماتحت البحار الاكواريوم منارة الاتصالات يوجد بها مطعم دوار يتطلب حجز الحدايق المتنوعه المولات الكبيره والمكيفه السوق الصيني السوق الهندي مصانع الشوكولاته والقهوة حديقه الحيوان جبل وتلفريك جنتنج هايلاند القريه الفرنسيه واليابانيه مزارع الفراوله شلالات كوالا الينابيع الكبريتيه الحاره كهف باتو مصنع الفضه سلانجور المدينه المائيه سن واي لاقون بياننج شاطي الباتو فرنجي الشارع الصيني الشواطي القطار القديم + الهضبه البارده حديقه الفاكهه ملاهي ايكواسكيب مجمعاتها ومولاتها المكيفه الطيران الداخلي اير اسياء اسعاره جميله الفنادق موقع بوكينج مريح وسياسة واضحه المطاعم فيه كل ماتتخيل عربيه وصينيه وهنديه ووجبات سريعه وبحريه وبيتزهات وفاكهه وكل ماتتخيل فعلا البقالات متواجده في كل مكان اسعار اليوميه حسب فئت السكن والمطاعم اسعار دخول الاماكن العامه مو غاليه اسعارهم رمزيه لاكن شهر 10 تجنب الاماكن المفتوحه بسبب ارتفاع الحراره واختار المرتفعات والشواطي رحله سعيده |
| الساعة الآن 10:39 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO