سياسة فنادق ماليزيا ؟؟!!
 

السلام عليكم اخواني اعضاء وزوار المندى العظيم
عندي استفسار عن سياسة فنادق ماليزيا سوء في كولا او بيننانج او لانكاوي
انا حاجز في الصن وياي وفي لانكاوي وفي بيننانج غرفتين وفي كوالا شقه
لان عددنا 6 انا والزوجه والاطفال (13-10-7-3) سنوات .

الحين جانا ضيف جديد معانا في الرحله خال العيال هل يقدر يسكن معانا ولا بيطلبون سعر اضافي او حجز ثاني
ياليت تفيدونا والي عنده تجربه يذكرها لنا

ههههههههه النسيب ما تقدر عليه

وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ


بالنسبة للشقة في كوالا ما هي فارقه معكم
اما بخصوص الغرفتين

شف بقول لك شيء


استلموا الغرف بدون ما تذكر ان معك ضيف اضافي لانهم ما يسالون ولا يدققون بهالشيء
الا اذا انت ذكرته


بس هل الغرف تكفي عددكم ؟؟



اجازه سعيدة يا كابتن انت والعائلة ( والنسيب ) [emoji81]






تحياتي


أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

الأفضل انك تراجع سياسة كل فندق على موقع الحجز كبداية. ولا تنسى ان الإفطار في الفنادق بيشمل عدد معين.. يعني لو الغرفة لشخصين كبار وطفل واحد فهم فقط المشمولين بالإفطار..

الشقة عموما ما فيها فرق لكن لو كانت تابعة لإدارة فندقية ممكن يدققوا، وحصلت معنا في أحد شقق كوالالمبور.. فبرأيي أول خطوة تتأكد من قيود العدد لتجنب المشاكل ..

عليكم السلام ورحمه الله

عند الحجز لا تذكر الاطفال ابدا
لان اعمارهم صغيرة والغرفه لشخصين مع طفل وحسب حجزك اذا مع افطار او بدونه



لكن المشكلة عند الافطار ،،،
الكبار الله يحفظههم 13 - 10 سنه
اكيد ياخذون عليهم رسوم عند الدخول للافطار
لكن بالغرفه ما عليهم من العدد ما يدققون من واقع تجربه في فنادق ماليزيا و الحمد لله

ولما تسوي الجك ان ( الدخول) خليهم يقعدون بعيد عنك افضل

عددكم 6 انت وعائلتك الله يحفظكم تكفيكم الغرفتين
لكن مع انضمام الخال يفضل تكون غرفه زيادة حتى تاخذون راحتكم حسب ميزانيتكم طبعا

والقرار لك
والله يسهل عليكم سفركم :e310:

مشكورين اخواني وخواتي على رددودكم بالنسبه الاريح لنا يكون الخال مع الاولاد احسن لان الغرف المشتركة مو مضمونه وبخصوص الفطور يدبر نفسه والظاهر عند التشك ان اسويه لحالي وهم بعيد احسن :14::3:

عندك غرفتين وراح تصيرون 2 كبار و 2 اطفال في غرفه و 1 كبير و 2 اطفال في غرفه وهم يحسبون اللي 13 سانه بالغ و احيانا يمشوها واحيانا لا
اتوقع ماعندهم مشكله الا في الفطور يا انك تدفع حق شخص او انه يدبر نفسه
يا رجال انا سكنت 6 اشخاص 3 كبار و 3 اطفال ولا احد قال شي الا في الافطار