|
طالب مساعدتكم شهر العسل السلام عليكم ورحمة الله وبركاته ... اولا اشكر جهودكم في هذا المنتدى اللي جميعنا نستفيد منه وهو مرجعنا الاول اذا جا على بالنا السفر ... بدخل فالموضوع انا زواجي ان شاء الله اخر يناير يعني في الشتا .. وقَعَدت ابحث عن وجهه لشهر العسل وللاسف كل الاماكن بررررد وووو .. ف شكلياً مالي الا ماليزيا >>>> متعقد عنده عقده من شرق اسيا :12: وصراحه ودي اعرف هل الدولة حلوه ؟ هل هي نظيفه ولا لا ؟ شلون الجو عندهم في فبراير ؟ ابي سفره تكون فخمه لانها سفرة العمرررر >>> الأخ رومانسي هههه :3: ارجووووووكم ساعدوني في سفرت شهر عسل لاتنسى علماً بان الميزانية المخصصة للسفره ( 80 الف ريال ) ومدة السفره لاتزيد عن ١٥ يوم |
وعليكم السلام و رحمة الله و بركاته الف مبروك والله يتمملك امورك على خير اختيارك لمالزيا ممتاز جداً في هذا الوقت وما شاء الله الميزانيه ممتازة وراح تكفيك و زيادة و تختار الفنادق اللي تبرد القلب ....... الجو استوائي طوال العام وماهو موسم امطار في اهم المناطق عشان تتأكد شوف هذا الموضوع http://www.arabtrvl.com/vb/t777.html --------- اقتراح مبدئي لتوزيع الايام 2 ليلتين سيلانجور فندق ذا فيلاز صنواي مع مسبح خاص 5 ليالي لنكاوي فندق ويستن لنكاوي فيلا بمسبح خاص 4 ليالي بينانج شانغريلا راسا سيانغ 4 ليالي كوالالمبور فندق مندارين هذا تقرير طازة عنه http://www.arabtrvl.com/vb/t18275.html ---------- وانشاء الله الخبراء و الاعضاء يفيدونا اكثر |
ما قصر اخونا محمد عندي اضافه اذا تحب في كوالا فندق جميل و هادئ و فيه نوع من الغرف تكون بمسبح خاص. http://www.arabtrvl.com/vb/t2870.html |
ماليزيا الحمد لله بلد مسلم امن وامان وطبعا كل ماكان سكنك 5 نجوم كل ماكان افخم باذن الله راح تكون سفره ممتازه ولا ازيد كلمه واحده على كلام اخوي محمد عطاق افضل فنادق في ماليزيا دلعك اخر دلع |
وعليكم السلام ورحمة الله وبركاته حياك الله أخي الكريم وألف مبروك مقدما والله يجمع بينكم في خير فعلا أخونا المميز محمد ما قصر وأعطاك جدول وفنادق من الآاااخر ما شاء الله وأقترح تعديل بسيط جدا عالجدول أما الفنادق لم أجد أجمل من اختيارات مبدعنا محمد لشهر العسل خصوصا ان ميزانيتك تسمح ما شاء الله 2 سيلانجور , 4 لنكاوي , 4 بينانغ , 5 كوالا لمبور وتخصص يوم لجنتنغ هايلاند لازم تزور مرتفعات ماليزيا لأنها راااائعة وأجواء تسحر وفي مدتك ننصحك بجنتنغ وأجمل مافيها تجربة التلفريك لا يفوتك في كوالا .. خيارات الفنادق كثيرة ورائعة وأفخمها عن تجربة جراند حياة والماندرين اورينتال شيئ خرافي ورومانسية لأبعد حد وإذا حاب خيارات أخرى في باقي المناطق ( لكن بدون مسبح خاص ) بينانغ .. قولدن ساندس رائع لنكاوي .. ذا دانا قمة في الفخامة والراحة النفسية وموقع جباااار اندمان موقعه وإطلالته تسحر لكن يعيبه عند البعض بعده عن وسط البلد ومن تجربة شخصية لجميع الفنادق المذكورة أرشح لك خيار أخوي محمد فيلا الوستن لكن حبيت أعطيك أكثر من خيار للمفاضلة بينهم حسب ذوقك بالتوفيق أخوي وشهر عسل سعيد يارب وأي استفسار حاضرين تحياتي .. |
الف مبروك ياعريس وربي يوفقكم ماشاء الله الميزانية ماتحتاج هالمبلغ اتوقع ماراح تتعدى 35 الف هذا لو دلعت نفسك عالاخر طبعا من غير تسوق عندك اس تي ريجيسst regis في لنكاوي جديد وبجانب الويستن وعندهم فلل بمسبح خاص واذا تبغى العزلة عندك فورسيزون في لنكاوي او فلل داتاي بمسبح خاص وخيارات الاخوان والاخوات ايضا جميلة رحلة سعيدة هاي مزمز |
اقتباس:
مشكووووور اخوي محمد والله يبارك بعمرك ..،. فعلا اثريتني وحاليا قاعد اسوي دراسه على الفنادق اللي ذكرتها انت والاخوان ولي عوده باذن الله للمزيد من الاستفسارات |
اقتباس:
مشكور اخي تركي على الاضافه وما قصرتوا ما ننحرم منكم |
اقتباس:
مشكوره اختي على التشجيع وفعلاً ما قصروا الاخوان والله لا يحرمنا منكم |
اقتباس:
مشكوره اختي على الاضافه وفعلا اخوي محمد ما قصر وراح أخذ جميع ملاحظاتكم وآراءكم بعين الاعتبار والله لا يحرمنا منكم |
| الساعة الآن 05:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO