|
حجوزات الفنادق؟؟ انا حجزت في هادي الفنادق في ماليزيا فهل هي مناسبه ام لا لثلاث اشخاص من غير اطفال سيلانجور ...صنواي لاجون بينانج ...شانغريلا لنكاوي ....الدانا كوالا ...برجايا تايم سكوير |
الفنادق ممتازه جدا عند في كوالمبور توجد خيارات كثيره وسعرها ممتاز شوف فنادق مطله على البرجين مثل ترايديز او جراند الحياه أرسلت من GT-I9300 بإستخدام تاباتلك |
الله يعطيكي العافيه أختي عشقي السفر على الرد على سؤالي .:e304:.بس انا اخترت تايم سكوير في كوالا علشان بناتي يعملوا شوبنج من نفس المول لانه المحطه الاخيره ...بس متخوفه من هادا الفندق ...هل هو نظيف ؟؟؟ هل الخدمه جيده ....ولا أغيره أحسن وأفضل ؟؟ |
انا انصحك تغيري فندق كوالا فيه خيارات كثير مثل ما تفضلت اختنا عشقي السفر وعلى حسب ميزانيتك توجد فنادق اما التسوق انا انصحك بهذا السوق افضل من التايم سكوير بكثير Mid Valley Megamal |
تسلم اخي الردادي على ردك وساحاول باذن الله أغيره . |
هذي من افضل فنادق كوالالمبور فنادق قريبه من شارع العرب من 5 الى 10 دقائق فندق استانا ..فندق امبيانا ،، فندق وشقق ايه اند او ....فندق بارك رويال فنادق على شارع العرب الماريوت ...فندق قراند ملينيوم ..فندق ويستن ...فندق رويال شولان . فنادق قريبه من البرجين فندق قراند الحياه ...فندق سكوت وشقق ... فندق مندرين غالي شوي ...فندق ترايديز |
الله يعطيكي العافيه ويسعدك اختي عشقي السفر |
الفنادق ممتازة .. عدا تايمز كوير يعتبر جيد ويوجد لديهم برج مجدد والاخر لسه اعتقد مستهلك نوعا ما لكنه ممتاز كخيار للتسوق من التايمز كوير فقط فندق ويستن او ماريوت او جراند ملينيوم او بارك رويال هذي الفنادق تخرجون من الفندق والاسواق والمولات قدامكم مشي .. البافليون .. ستار هيل .. فهرنهايت .. لوت تن .. سوانجي ونج وتايمز كوير راح يكون مشي حدود 10 دقائق او بالمونورول رحلة ممتعة |
تسلم اخي himzmz على هادي النصائح ...وان شاء الله اغير التايم سكوير واشوف حاجه تانيه ...الله يسعدك يارب وويوفقك . |
سكنت في تايمز سكوير قبل سنه كان عادي العفش تقريباً مستهلك الممرات و المسبح في الفندق ممتازة بعض الشقق ممتازة و مجددة كان عادي جداً و مناسب للي يبغى يتسوق من نفس تايمز سكوير |
تسلمي أخي محمد ابو سيلين ...اناشفت الفندق في نفس المول وعجبتني الفكره ( اول مره اسويها ) ...بس اتخوفت منه دحين ...كيف مستوى النظافه والخدمه أخي محمد...وكيف مساحه الغرف واسعه ؟؟؟ أنا شفت المساحه عندهم 57 م مربع وجراند ملينيوم 40 م مربع ( يعني صغيره ) . |
أنا مع ما تفضلوا به الشباب الفنادق ممتازة عدا كوالا جيد ويفضل تغييره لوجود العديد من الخيارات الممتازة رحلة موفقه إن شاء الله |
خيارات الغرف كثيرة في تايمز سكوير خصوصا انه كل مجموعه غرف ماسكينها شركة و سماسرة و بوكينج و الموقع الرسمي ههههههههه انا فاكر قبل كم سنه كانو ينصحون في السكن في غرف بروكلين في تايمز سكوير سويت بحث خفيف مالقيتها هذا موقعهم الرسمي Hotel in Kuala Lumpur | Berjaya Times Square Hotel Official Site وهذا ايميلهم bth.rsvn@berjayahotel.com |
تسلم أخي abdullah h على هذه النصيحه ...الله يعطيك العافيه ويسعدك ولكن عندي العصابه :(157):ا للي مسافره معايا ( بناتي ) مصرين على السكن في تايم سكوير مع اني فهمتم ان هناك اختيارت افضل وانه يوجد امكانيه للتغيير .:e12f:..بس هم يبغوا تايم سكوير علشان المول . كل سنه وانت طيب اخي abdullah h. |
الله يكتب لكم الخير ومايمنع ترى فيه ناس كثير لهم تجربة في التايم السكوير وارتاحوا الله ييسر أمركم يارب وكل عام وانتوا بخير ورمضان مبارك |
كل عام وانت بخير أخي محمد ابو سيلين بمناسبه شهر رمضان المبارك ...ومثل ما قلت للاخ عبدالله بناتي ( العصابه ) مصرين على السكن في سكوير تايم ...والخيره فيما يختاره الله ...بالرغم من وجود اختيارات أفضل وتوجد الامكانيه للتغيير ....قالوا يسكونوا في الغرفه حتى اذا كان عفشها واثاثها قديم ..اهم شي يكون المول جنبهم للتسوق في اي وقت يبغوه ...على العموم اعطيكم الخبر اليقين عن سكوير تايم بعد عودتي من السفر ....عندي العصابه فرحانه انه يوجد تغيير في هادي السفره ولكن انا المتخوفه من تايم سكوير.:28:..وانهم راح يكونوا ساكنين في نفس المول ...الله المستعان على كل كل حال |
بصراحة اكثر الناس تذمر من تجاربهم السياحية هم اللي يختارون فنادق فخمة :4: هههههه -------- انا سكنت في الفندق 3 ليالي للامانه ما خرجت منه الا الى شارع العرب عشان اتعشى هناك في الليل غدا و تسوق و العاب كلها في تايمز سكوير حتى الغرفة ما نعرفها الى وقت النوم |
شجعتني ورفعت معنوياتي أخي محمد ابو سيلين..:yolks00260:..وان شاء الله أعطيكم الخبر اليقين بعد عودتي من السفر ان شاء الله . |
كل عام وانتم بخير هذا مش معناه انه التيمز كوير سيئ .. هو خيار جيد كأقامة في الغرفة وخيار ممتاز كموقع تسوق ...كنا نبغى لكم الافضل لان الخيارات الثانية للفنادق الافضل كثيرة ... لكن طالما العصابة تبغى التايمز كوير فلازم تلبي طلبهم رحلة ممتعة |
وانت بخير اخي himzmz...ان شاء الله تكون الاقامه مريحه:e119: وأعتقد لازم اوافق على طلب العصابه لانهم هم اللي اختاروا هادا الفندق في هادي السفره ومصرين عليه بشده ( شكلهم متفقين مع صاحبتهم ههههههههه :53: يفلوا المول فله ) ...وتسلم على التشجيع وان شاء الله اعطيكم الخبر الاكيد بعد الرجوع من السفر ...الله يعطيك العافيه ويسعدك يارب . |
| الساعة الآن 08:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO