|
وش السواااةة اول مره اسافر!! صباح الخير وكل عام الجميع بالف خيير.. من دون مقدمات حجزت احدى الرحلات وعلى ماليزيااااا ي طياره وديني طبعاا اول مره اسافر ماليزيا ولااعرف عنها الاانها بلد جميل واسلامي حجزت 13 ليله الوصول راح يكون الساعه 2 الظهر ( موقت لدخول الفندق) ع طول سلنجور يومين ثم الى لنكاوي 4 ايام ثم بياننغ 3 ايام واخيرا العاصمه 4 ايام طبعاا خلال هالفتره ابي اقتراحتكم وين اروح ووين اجيي وهل التقسيمه حلوه او اعدل عليها الفنادق في لنكاوي ميريتيوس بيلانغي و في بينانغ شانغريلا وفي العاصمه جراند ملينيوم وكلها سويت في البوكنج شرايكم فيها ؟ الاهم كيف راح يكون الجو حر برد مطر وش افضل وقت للخروج يعني من زقزقة العصافير او من الساعه 7 الصباح اخيرا كيف الامان هنااااك يعني بالليل نطلع ولا نقضب ارضنا .. |
صباح النور و كل عام وانت بصحة و سلامة ..... التقسيم ممتاز و الفنادق حلوة بالنسبه للخروج مافي شي من 7 صباحاً تخرج الا مرافق الفندق لو لنكاوي و بينانج تروح المسبح و الشاطئ غالبا الاماكن تفتح من 10 و السواق يكون عندك من 9 الا لو المكان بعيد يكون بينكم اتفاق من قبلها ....... الامان ممتاز حتى في الليل بس برضه الانتباه و الحرص واجب سواء في الليل او النهار |
صباح الخير التوزيع ممتاز الفنادق : بلانجي بيتش جيد جدا وموقعه ممتاز قريب من الخدمات ..طبعا يوجد افضل منه بس غالي اوالمواقع منعزلة ... لو ميزانيتك تسمح بالويستن او ذا دانا توكل على الله وخذ واحد منهم شانغريلا في بينانج ممتاز جراند ملينيوم في كوالا جيدجدا وموقعه ممتاز للمطاعم والتسوق .. يوجد افضل منه مثل جراند حياة .. تريدرز .. ويستن .. ماريوت الطقس استوائي حار رطب ممطر طول العام مع اختلاف كمية المطر حسب الشهور اللبلد اسلامي والامن ممتاز بعد الله والحافظ الله.. اهم شي تجنب المشي في الشوارع الضيقة وحاول ترجع على 12 او 1 في الفندق .. تجنب الهنود والصينين في التكاسي .. واجعل ابتسامتك في كل تعاملاتك هي من تجعلهم يخدمونك ويحترمونك ... الشعب الماليزي لطيف جدا وطيب طبعا مزاراتهم من 10 صباحا الى 6 مساء وانت بعد الفطور تستمتع بالفندق شويتين وتخرج من 10 الى 2 ثم راحة في الفندق او تناول وجبة في مطعم ثم اكمال التماشي حاول تقرأ تقارير الاعضاء والعضوات وراح تستفيد كثير رحلة ممتعة هاي مزمز |
اذا مأتم حجز الفنادق غير توزيعك |
يعطيكم العافيهطيب ابغا برنامج مقترح للفعاليات سلنجور يومين، لنكاوي 4 ايام،بينانغ 3 ايام، كوالالمبور4 ايام |
سلانجور يوم الوصول راحة والتعرف على مرافق الفندق وجولة في مجمع البراميد ثاني يوم ملاهي الصن وي لاقون الى 6 مساء ثم اذا فيك شدة توجه الى اي سيتي وهذي تفتح المغرب الى 12 منتصف الليل لنكاوي : يوم الوصول على الشاطي والعاب بحرية ثاني يوم رحلة المانغروف وحديقة الفواكه وشلال دوريان وميدان النسر ثالث يوم التلفريك والقرية الشرقية وملحقاتها وسباق الفورمولا ودبابات الدفع الرباعي في مزارع الارز بينانج اول يوم العاب بحرية .. السوق الليلي .. لعبة الهروب من الغرفة ثاني يوم هضبة بينانج وسداير ايتام دام ثالث يوم باص الهوب اون هوب اوف الباص السياحي .. مول قورني بلازا كوالا يوم الوصول راحة والتعرف على مرافق الفندق ثم التوجه لملاهي ومجمع التايمز كوير+تسوق ثاني يوم اكواريوم الاسماك .. صعود البرجين .. مول سوريا .. حديقة البرجين .. النافورة الراقصة + تسوق ثالث يوم حديقة الطيور .. الزهور .. الفراشات .. منارة كوالا هذا الجدول بناء على توزيعك للمدن وقابل للتعديل رحلة ممتعة هاي مزمز |
| الساعة الآن 02:24 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO