|
صدمة العالم المفقود الحمدلله قضيت ثلاث ليال جميلة في ايبوه وكانت استجمام بالمنتجع وزرت خلالها الالعاب المائية اللوست وورلد العالم المفقود انصدمت جدا منها .. زرتها في 2013 و 2014 وكانت ممتازة الان تطورت في اشياء طفيفة لكن ما صدمني هو قذارة وعدم نظافة المسابح ما قدرنا نجلس في مسابح الاطفال او المسبح الكبير من وساخة الموية لدرجة ان ولدي يقول لي خلينا نسبح بالفندق ما عكرنا على انفسنا واستمتعنا بالزحاليق المائية والانشطة الاخرى |
الله يعطيك العافيه على التنبيه تحياتي |
خبر مؤسف حقيقه ألي هالدرجه لا يوجد إهتمام |
معوضين خير ان شاء الله. |
اقتباس:
|
رحله ممتعه أخوي هاي مزمز بسئلك عن الدخول للكبار كم والصغار كم وهل العين الحاره لها رسوم خاصه أو نفس قيمة الدخول للعالم المفقود وسؤال ثاني هل نفس الألعاب في الصن واي أو تختلف عنها وهل يوجد تاكسي ومطاعم قريبه من فندق بيست ويستيرن بريمير وكيف المسبح والافطار وجزاك الله خير |
اقتباس:
من النت طبعا ارخص بالنسبة للينابيع الحارة اذا دخلت بتذكرة الالعاب عادي تقدري تتستخدمي الينابيع 35 رينجت هذا اللي يجي بعد المغرب اكيد اللي في سلانجور اكبر وامتع .. بس من ناحية الزحمة .. في ايبوه الواحد يتزحلق كل خمس دقائق بينما في سلانجور يمكن نص ساعة تنتظر عشان تلعب بيست ويسترن روعة كمنتجع ... يعني لو الواحد يجلس عالمسبح روعة وسباحة الليل مناسبة للمتحجبات اكثر لان المسبح خالي تماما والاضاءة خافتة لايوجد تكاسي .. تطلبي تاكسي من الفندق وبعد كدا احتفظي برقم السائق واتفقوا معاه .. ويوجد شتل خاص بالفندق بس وقته الى 8 مساء.. تطبيق اوبر شغال هناك وتستخدميه وانت جايا الى الفندق فقط لانه غير مسموح بالدخول من البوابات ماكدونالدز .. هايبر جيان فيه كل شي مثل هايبر بندة .. وفي بداخله بتزا هت وماري براون قريبة بالسيارة من الفندق 5 دقائق |
تذكرت الينابيع ايضا صارت مويتها مقززة في الخلف في ينابيع جديدة وكانت نظيفة نوعا ما |
الله يعطيك العافية أخوي هاي على المعلومة طيب رأيك أحذف أيبوه من الجدول حجزي فيها ثلاث ليالي في بيست ويسترن |
اقتباس:
هلا يا عسل لا مو معناه تلغي ايبوه .. ايبوه حلوة مع الاجواء الممطرة المنتجع جميل وراح تستمتع بالمسبح والاجواء لو كانت ممطرة روعة اما بالنسبة للعالم المفقود زورها .. ممكن تستمتع بالزحاليق وبعض الانشطة الاخرى اما مسابح الاطفال والمسبح الكبير والينابيع صراحة مو نظيفة ابدا |
الله يعطيك العافيه أخوي هاي مزمز ويجزاك الجنة والديك تطبيق أوبر بالعربي أو فقط انقلش |
اقتباس:
عادي عربي او انجلش بس على فكرة التطبيق شغال بس سيارات اوبر قليلة في تلك المنطقة انا استخدمته من هايبر جيان الى الفندق وكان فقط واحد اللي حولي |
الله يعطيك العافيه على التبيهه |
والله هذي مشكلة اذا كنت قاصد مكان معين وبعدين يتبين لك عكس ما توقعت شكرا لك على التنبيه |
شكرًا لك على التنبيه لازم تبلغ الادارة للاهتمام سلمت يمينك |
اشكرك أخوي على التنبيه وكنت حاطها في الحسبان ولكن سوف أكنسلها واغير الوجهه |
الحمد لله على سلامتكم اخوي مزمز حساااااااااافه كانت بجدول الرحلة لهذه العام ولضيق الوقت كنسلناها يالله خيرة وشكرا لك على تدوين تجربتك ،،،،،،، |
شكرا للمعلومة |
السلام عليكم ورحمة الله وبركاته أنا اليوم كنت في العاب العالم المفقود في أيبوه ووجدت الوضع تغير والحمد لله للأفضل ويبدوا أنهم تداركوا سوء النظافة وقد شاهدتها اليوم مميزة واستمتعنا فيها ولله الحمد وقد كانت لي تغطية فيها على السناب وبعض أخواني هنا في المنتدى شاهدوها من خلال التغطية لذلك ماقصر أخونا هاي مزمز على التنبية وحبيت أذكر لكم تجربتي فيها لهذا اليوم بعد أن تحسن الوضع فيها وللتذكير هي مغلقة كل يوم ثلاثاء للصيانة دمتم بود ورحلة سعيدة لمن أراد زيارتها |
أيضاً بخصوص تطبيق اوبر مثل ماذكر أخونا هاي مزمز التطبيق شغال وبالعربي نفس التطبيق اللي استخدمة بجدة والسيارات ليست بالكثرة ولكن موجودة اليوم اخذت سيارة عن طريق التطبيق وكانت صغيرة لأربع أشخاص واخذتنا صاحبة السيارة على دفعتين والمسافة ليست بالبعيدة عن منتجع ذي هافين لذا التذكير للجميع استخدام التطبيق ووجودة في جهازك ضروري تحياتي للجميع |
مشكور اخوي عبدالله وحمدلله على سلامة الوصول طيب كويس انهم تداركوا الوضع وانا ارسلت لهم ايميل وكان الرد انه كان موسم العيد والصيف وكان ضغط عليهم القذارة كانت اكثر شي في منطقة الاطفال |
اقتباس:
الله يسلم عمرك الله يجزاك خير والله زين سويت معهم وفقك الله ويسر الله أمرك |
| الساعة الآن 11:28 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO