|
موضوع تفاعلي اسعد الله اوقاتكم بكل خير حبايبنا الاعزاء في منتدانا الغالي اليوم حبيت نشارك بعض اسواء الموقف الي مرت عليك و انت مسافر وراح ابداء انا في يوليو 2012 كنت في لنكاوي المهم قريت انو فيه سوق ليلي في لنكاوي نفس الي في بينانق بس متنقل كل يوم في مكان فالمهم استفسرنا وعرفنا المكان واخذنا تكسي ورحنا الغلطه الفادحه اني طالع اخر الليل في لنكاوي اخر الليل يعني الساعه 9 المساء ههههههههههه المهم ما تفقت مع التكسي انه ينتظرني نزلني وراح اتسوقنا اتمشينا جاء وقت العوده كل التكاسي الي واقفه يقولون انهم محجوزين المهم الى هنا ومافي اي مشكله ساعدوني ما قصرو وحصلنا تكسي قلي ب 15 رنقت نطيت جوة التكسي :6: ما يدري انه لو قال ب100 بعطيه :17: المهم مشينا من هنا يبداء الفلم بعد ما مشينا شوي انعطف التكسي يسار ودخل في طريق فرعي زراعي مظلم موحش مليء بالاشجار مافي احد يمشي في هذا الطريق غيرنا مسكت نفسي عشان لا تخاف زوجتي بعد شوي ما قدرت الرجال صار يتوغل و الظلام يزيد وكل مالنا نبعد عن الطريق المهم والله صرت احس ان الثانيه ساعه كل هذا الوقت تقريبا 10 دقايق كأنه سنه هههههههههه وانا ولا كلمه والمدام نفس الموضوع المهم شوية بداء يبين الكبري الي امام الفندق اما فندق لنكاوي لاجون وبداء الفرح يدب الى قلبي وتختفي اعراض ام الركب هههههههههههههههههههههههههههه وصلنا الفندق بسلام بس صراحه حلظات كانت جدا مرعبه يلا نبي المواقف المشابهه تحياتي |
تسلم يا عسل على الموضوع الجميل بالنسبة لي في 2011 كنت متفق مع سائق هندي (انا ما اتعامل معهم بس هذا اللي كان موجود ورضي بالسعر ) ينتظرني في اي سيتي وكنت ساكن في منتجع الماينز سلانجور ولما رجعنا حاول يغير في السعر ويرفعه وبدأ يرفع صوته يحسبني خايف وانا بكل برود لما نزلت اعطيته المتفق عليه وقلت بكل ادب هذا رقم غرفتي وهذا المنتجع قدامك وروح نادي الشرطة تحكم بيننا ودخلت الفندق وهو يصرخ وانا معطيه ظهري وموظف الامن شايف كل شي وقال هم كدا يحاولوا يرفعوا اصواتهم عشان تخاف وتزيد 20 او 30 رينجت لان البعض يقول ادفعها واتق شرهم الخلاصة : اتفق على المبلغ وتأكد منه ولاتناقش ولاتجادل .. بس اطلب منه الشرطة تحكم بيننا والان مع التطبيقات اوبر وقراب تاكسي كل شي صار سهل |
الله يسعدك حبيبنا ومشكور على الاضافه الرائعه تحياتي |
موضوع حلو ... انا حصل معايا موقف انا وزوجتي في ولاية جوهر باهرو المهم الأود يبغوا يناموا فسبناهم في الفندق ورحنا انا وزجتي عشان نقضي شوية ملابس من لوت اوت اللي جنب المطار وكان سكنا في جنب ليغو لاند فندق اسمه سومرست بوتري هاربر نوساجايا ذهبنا على الساعة 6 وخلصنا على بعد المغرب نريد ان نرجع الى الى الفندق وقفت تاكسي من لوت اوت وحسبلي سعر 25 رينجت المهم ركبنا معاه كان ماليزي مسلم وفجاءة زوجتي تقول لي جوعانة شوف اي مطعم بالطريق المهم وقفنا عند ماكدونلز والتكسي جالس يستني والعداد يحسب المهم طلعت من الماكدونلز زوجتي تقول نفسها بشباتي هندي روحت اطلب يقلي ربع ساعة الطلب والعداد جالس يحسب مع التاكسي قلت للتاكسي خذ حسابك وامشي انا شكلي مطول المهم حاسبته 35 رينجت مع الأنتظار وراح طبعا رحنا اكلنا في المطعم الهندي وحان وقت الرجوع الى الفندق المفجاءة :14: جلسنا فوف 10 دقائق ننتظر تاكسي ومافي اي مجال نحصل المهم جاء تاكسي هندي ووقف وريتوا كرت الدخول حق الفندق قال والله ماعرفه قلت له توكل على الله وجالس انتظر انتظر والا يرجع نفسه الهندي قال سالت واحد صاحبي وعرفت العنوان تفضل اركب اكيد قلت له قال اكيد ركبنا اول مادخلت السيارة كان في صوت اذان في السيارة في الراديو فاسترحت والا شويا حط اغاني هنا جالي مغص المهم الرحال كل ماهو ماشي يتكلم واتس ويتكلم بالجوال وانا جالس اقول مع نفسي ايش شكلو ا مو عارف ولا ايش المهم الرجال ما شي ماشي الين وصلنا خط السريع وكاني لمحت الفندق في المفرق االي قبل مايودي للخط السريع قلت ممكن هوا ادرى مني واللي جالس يمشي وظلام انا هنا نظ الفار في عبي stooooop pls stoooop pls الرجال انفجع قال ايش في مشكلة قلت خلاص لو سمحت وقف انت فين رايح وصار يزعق عليا بكل وقاحة ويسب ويقولي جيب فلوس 100 ريجنت حق المشوار قلت له ولا تشم اي رينجت وراح فحط ومشي بسرعة وماخذ ولا هلله مني انقلع المهم شوفت ناس تشوي برجر على الطريق ماليزييين مسلمين وشافوا الموقف فقالو لي هادا حيخطفكم يشلحكم الفلوس ويرميكم في الشارع قال زين انك تصرفت ووقفتوا المهم جلسنا حوالي 3 ساعات ننتظر تاكسي ومافي احد لأنه خط سريع وجوالي وجوال زوجتي شاحن مافي والباور بانك خلص يعني جوالات مافي عشان اطلب ايزي تاكسي ولا سبحان الله يجي تاكسي هندي هوا وززوجته ووريته الكرت حق الفندق وركبنا معاه ووصلنا بكل سلامة الحمدالله اهم شي عندي الأولاد كنت جدا خايف عليهم وطلعوا نايمين الحمدالله ماحسوا بشي ابد ..... توبه اذهب الي هذه المدينة النحس بالنسبة لي لأته كام قبل بيوم انسرقت المحفظة وأسف على ألأطالة ... |
اقتباس:
صراحه قصه حلوه نعرفها منك بس شكل الناس بتكرهني ههههههههههههه الهدف انه محد يغلط نفس الغلطه تحياتي |
موضوع جميل اخوي الله المستعان المواقف كثيرة لكن الي اذكره اني اول ما وصلت اسطنبول في سفرة ماضية ويوم ركبت مع التاكسي كان متهور وكل شوي اقوله هدي السرعة لكنه مجنون بدرجة امتياز المهم انتهى الامر بحادث اليم :26: والحمدلله سلمنا وسيارته الظاهر تشليح ومباشرة نزلت ووقفت تاكسي ثاني والحمدلله كان هادي وافضل من المجنون الاول فكان الحادث افتتاحية تركيا اقتباس:
مع احترامي الشديد لك اخي مادري كم اعمارهم الاولاد ولكن تركهم لوحدهم خطأ فادح !! لو صار لكم اي ظرف كيف بيتصرفوا هم انا عن نفسي لا يمكن اترك الاولاد بدون شخص كبير معهم الاطفال امانه ومهما كان الخروج ولو للحظات تركهم لوحدهم قد يحدث مشكلة او شيء تندم عليها حفظ الله الجميع |
الحمدلله على السلامه الله يستر الحوادث خطيره والله وخاصةً لما تكون في غير بلدك و اصعب شي ان الي معاك معتمدين عليك في كل شي يعني بالعربي لو صارلك شي لا سمح الله يضيعو فعشان كذا مهم جدا تخلي غيرك له المام بمواعيد الرحلات و الفنادق والمبالغ للاحتياط والله يحفظنا ويحفظكم تحياتي |
| الساعة الآن 10:59 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO