|
ماهي افضل المطاعم العربية في بيننانج ولنكاوي وكوالا ؟؟ ماهي افضل المطاعم العربية في بيننانج ولنكاوي وكوالا ؟؟ وكيف اسعارها هل هي غالية ام مناسبة ؟؟؟ |
اهلين وسهلين فيك اذكر في بينانغ وصلني السائق لمطعم لبناني واسعارهم كالعاده غاليه بس العوض والأ القطيعه اسأل سائق التاكسي اللي تتعامل معاه بالتأكيد عنده خبر عن موضوع المطاعم العربيه |
في بينانج المطاعم العربيه والمؤكولات البحريه على نفس الطريق الي فيه السوق الليلي واذا انت ساكن في هوليدي ان او بارك رويال تروح مشي جنبك لنكاوي اذكر مطعم اسمه ليالي الشام داخل لنكاوي لاجون كان كويس وكل المطاعم العربيه في ماليزيا مشي حالك تحياتي |
لنكاوي عندك مطعم الفيشاوي في مجمع لنكاوي فير، و مطعم السلطان بالقرب من فندق الدانا. بينانج عندك مطعم الخيام و مطعم لبنان، الطربوش ما انصحك فيه. كوالا عندك مطعم قصر حضرموت و مطعم الباشا و شاورما حلب بجانب البقاله العربيه، مطعم الروشه خلف تايمز سكوير و مطعم طاجن، مطعم القمر في سوق البافليون مطعم رائع و نظيف. |
بينانق مطعم اللبناني اتعب وانا اقول اكلهم لذيذ افضل مطعم عربي جربته في ماليزيا كلها |
في كوالالمبور انا من عشاق طربوش وفي سيلانجور طربوش وياريت في جدة طربوش:1: في لنكاوي الفيشاوي في لنكاوي فير ومطعم السلطان جنب فندق ذا دانا |
ابعد عن المطاعم العربية غالية واغلبها مستواها عادي خليك على المطاعم الهندية ممتازة ادفع الغالي في الفندق ولا ادفعه في المطاعم العربية (وجهة نظر قد يختلف معي البعض فيها ) |
انا مستغرب اغلب الناس اذا راح دول جنوب شرق اسيا ما يجرب الاكل الاسيوي ويمكن على بالهم انه غير متقبل انا والله من عشاق الاكل الجاوي الي يشبه كثير الاكل الماليزي في ٢٠١٢ اتذكر اني طلبت من السواق يوديني على مطعم ماليزي ووداني لمطعم فخم جدا بس والله ما يحضرني اسمه وانا نازل من جينتنج ومان نظامه بوفيه مفتوح ويبداء بعد المغرب بس انا جيتهم الظهر وقلي الان مافي بوفيه بالاوردر قلتله اوكي طلبت دجاج وطلبت لحم وطلبت قمبري ورز واثنين بيبسي كلها على بعضه ٩٠ رينقت والله الى الان الطعم لا ينسى وان شاء الله لو قدرت اوصله المره هذي اوعدكم بتقرير عنه قريت عن مطعم قريب جدا من البرجين اسمه سرى ملايو بس ما جربته ومحد فادني عنه على العموم انا فالسفر اروح للمطاعم العالميه لان اسعارها طيبه واكلها ذو جوده عاليه المطاعم العربيه اكلها مقبول بس السعر مبالغ فيه جدا تحياتي |
مطعم القمر تقريبا وهو الوحيد اللي اتفق الأعضاء على جوده اكله ..طربوش كوالا شارع العرب جيد وأفضل بكثير من طربوش بينانغ أرسلت بواسطة iPhone بإستخدام Tapatalk |
بالنسبة للاكل الجاوي فعلا لذيذ لكن في سفرتي قبل سنوات طلبت ساتي وطلع مايشبه الساتي الجاوي طعمه بعيد والحمدلله نعمة المشكله احنا مو من محبين الاكل غير العربي ولا الفاست فود ممكن مرة مرتين كسر روتين اما يوميا صعب اما اللي ماعنده مشكله في تجربة الاكل بالعكس شي جدا ممتاز وتغيير عن اللي موجود في بلدك الاكل العربي مو بالغلا اللي اسمعه معقولة خصوصا لو كانت وجبة غدا متاخر مثل حالتنا وفي الليل خفايف وفواكه في النهاية اللي يحكم رغبات وميول الاخرين ورحلة سعيدة للجميع |
| الساعة الآن 10:36 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO