|
ارجو من اهل الخير والخبره الدخول ابي رايكم ضروري السلام عليكم اخواني الاعزا هذا اول مشاركه لي في المنتدى وحبيت اخذ رايكم انا زواجي في 26/12 ان شاء الله وحبيت اقضي شهر العسل في ماليزيا وعلما انا اول مره اطلع برا المملكه ودلني واحد من الشباب على شركه سياحيه ومدحها لي وكلمتهم حصلت عندهم 15 يوم ليله مقسمه على النحو الاتي سلنقور 2 يوم لنكاوي 3 ايام بنق 3 ايام الكاميرون3 ايام كولا3 ايام فنادق 4 نجوم سعره 10000 مع وجبه افطار فنادق 5 نجوم سعره 12000 مع وجبه افطار قالي واحد من الشباب ترا 4 نجوم في ماليزيا احسن من 5 نجوم عندنا وش رايكم في العرض وفي عدد الايام وقلت يمكن اكلمهم يضيفون لي وجبات غدا وعشاء ولا اخذ من المطاعم تكفون يا جماعه الخير اول مره اطلع و خايف اتوهق والميزانيه كم يبغا لي اكل وشرب وسياحه وهدايا تكفون ردو علي |
ارجو من اهل الخير والخبره الدخول ابي رايكم ضروري لام عليكم اخواني الاعزا هذا اول مشاركه لي في المنتدى وحبيت اخذ رايكم انا زواجي في 26/12 ان شاء الله وحبيت اقضي شهر العسل في ماليزيا وعلما انا اول مره اطلع برا المملكه ودلني واحد من الشباب على شركه سياحيه ومدحها لي وكلمتهم حصلت عندهم 15 يوم ليله مقسمه على النحو الاتي سلنقور 2 يوم لنكاوي 3 ايام بنق 3 ايام الكاميرون3 ايام كولا3 ايام فنادق 4 نجوم سعره 10000 مع وجبه افطار فنادق 5 نجوم سعره 12000 مع وجبه افطار قالي واحد من الشباب ترا 4 نجوم في ماليزيا احسن من 5 نجوم عندنا وش رايكم في العرض وفي عدد الايام وقلت يمكن اكلمهم يضيفون لي وجبات غدا وعشاء ولا اخذ من المطاعم تكفون يا جماعه الخير اول مره اطلع و خايف اتوهق والميزانيه كم يبغا لي اكل وشرب وسياحه وهدايا تكفون ردو علي |
اهلين وسهلين فيك والف الف مبروك ياعريس بالتوفيق لك بالنسبة لي ضد الشركات نهائياً في بلد مثل تركيا وماليزيا كل شي واضح ما يحتاج شركة ولا شي الفنادق تحجز من بوكنق والمواقع الأخرى الأنتقال اما الطائره او الباصات الجولات داخل المدن التكاسي موجوده انت ترتب الأماكن اللي تبي تزورها وتحددها من خلال التقارير وتتفق مع التكاسي الموجوده خارج الفنادق الرأي لكـ |
حياك الله اخي العزيز .. الجدول جيد لكن برأيي 3 أيام على الكاميرون كثيرة .. وأيضاً لاتكثر الانتقال وزد يوم في بينانج ويوم في لنكاوي أفضل إن اردت إلغاء الكاميرون من الرحلة .. 2 سيلانجور 4 بينانج 4لنكاوي 4 كوالا متوسط سعر الفنادق الممتازة في ماليزيا 400 ريال لليلة إلى 500 .. 500 * 14 = 7000 ريال ولو تضع اسماء الفنادق اللي ترغبها عشان الشباب يعطونك أرائهم وتشوف تجارب الجميع وتختار الأنسب لك بالتوفيق |
عليكم السلام ورحمة الله وبركاته أول شي ألف مبروك والله يبارك لكم ويجمع بينكم على خير ثاني شيء ما أنصحك أبدا بالشركات يعني 15 ليلة وفنادق 4 نجوم قرابة 10 الالاف اشوف انها كثير انا حاجز 13 ليلة بأقل من المبلغ بكثير والأمور كلها ميسرة ومسهلة شوف تقارير الاخوان وراح تعرف الفنادق المناسبة بالنسبة لكاميرون فعلا 3 أيام كثير ألغ يوم وخله في لنكاوي إن احتجت مساعدة كلنا موجودين والإخوان فيهم الخير والبركة |
لو تحجز كل شي بنفسك راح توفر كثير 500 ريال تكفي لشخصين في اليوم مطاعم ومزارات ومواصلات |
وعليكم السلام ورحمة الله وبركاته أول شي أسأل الله تعالى أن يتمم لكم على خير ومبروك مقدماً ياليت لو عطيتنا الفنادق اللي بيحجزونها لك بغض النظر عن مستواها أربع نجوم أو خمس نجوم لأن الفنادق الخمس نجوم واسعارها مختلفة وكذلك الأربع نجوم أيضاً مختلفة في الأسعار وفي الموقع ومستوى الخدمة مبدئياً أنا احس السعر غالي نوعاً ماء ولا أتوقع أن الشركة السياحية ستختار لك الأفضل وعند التعامل مع الشركات السياحية يجب علينا نحن من نختار الفنادق وليس الشركة من وجهة نظري أولاً أبدأ بالتصفح في مواقع الحجوزات مثل أجودا وبوكنج واختار الفنادق في فترة سفرك وهذه بعض الفنادق التي نوصي بها سلانجور صن واي روزوريت أو البرايميد لنكاوي وستن أو بلانجي بيتش وفيه خيارات كثيرة اقتصادية بينانج جولدن ساندس أو بارك رويال وأيضاً يوجد خيارات اقتصادية الكاميرون كاميرون هايلاند ويوجد أيضاً خيارات أقل كوالالمبور جراند حياة أو ترايزدر أو ماريوت وفيه امبيانا اقتصادي وجيد أو رويال شولان شيك على الآسعار وخذ فكره عن السعر وخذ ايضاً عرض الشركة وقارن بالنسبة للوجبات احرص فقط على وجبة الفطور ولا ترتبط بموضوع الغداء والعشاء في الفندق سيكون لك برامج زيارات وسياحة وفي النهاية ممكن تدفع المبلغ ولا تستطيع أن تتناول الوجبة لوجودك في الخارج والمطاعم متوفرة وأوفر لك من ناحية المصاريف بالنسبة للمصاريف تختلف من شخص إلى آخر ممكن تصرف مبالغ كبيرة وممكن أن تضبط موضوع الصرف لكن غالباً ما يكون للشخصين 500 ريال يومياً وممكن أن تكون أقل في بعض الأيام وممكن تزيد قليلاً ولكن في النهاية أنت من يتحكم بهذا الموضوع أخيراً ثق تماماً بأن الجميع هنا في خدمتك وسيقدمون كل ما تحتاجه من معلومة وكما ذكرت سابقاً خذ أسماء الفنادق من المكتب وأنواع الغرف علماً بأن السعر هذا اراه مرتفع وإذا أردت خيارات جيدة واقتصادية سيكون السعر أقل من هذا والجميع هنا سيقدم لك ما يستطيع تحياتي لك والف مبروك |
الله يبارك فيكم جميع والله يالربع انا مثل ما قلت لكم اول مره اطلع من السعوديه ولا اعرف اي حاجه عن ماليزيا الا اسمها فقط وابغا اروح 15 يوم تقريبا من تاريخ 29 سبتمبر الى 14 اكتوبر والله يجزاكم خير |
ممكن تراجع المكاتب السياحية فقط لإجراء حجوزات الطيران علشان ما تقوم انت بالحجز ويصير فيه غلط بكتابة الاسم شوف لك المكاتب السياحية المتعارف عليها وخذ جوازك انت وزوجتك وشوف الرحلة المناسبة من ناحية السعر , بعد كذا تبدأ على الفنادق حسب الميزانية |
اقتباس:
لا أخوي مافي داعي يحجز تذاكر الطيران عن طريق أي مكتب لأن المكتب لازم بياخذ فايدته الحجوزات أون لاين صارت سهلة وتوفر على المسافر مبلغ محترم بس المهم تحري الدقة في إدخال البيانات وكل شي سهالات من رب العالمين وإنتو ماقصرتو في الردود الوافية ومابتقصرون بعد وأنا أتفق معاك إن المبلغ اللي طلبه المكتب للفنادق وايد على شخصين 14 ليلة ومن وجهة نظري كثر التنقلات مايسوى وطريق الكاميرون متعب ومافيها شي غير الجو ومزارع الشاي يعني لو تلغي الكاميرون وتضيف ليلة على لنكاوي وليلة على بينانغ وليلة على كوالالمبور أفضل |
| الساعة الآن 02:23 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO