|
نصائح من مجرب في ماليزيا الان السلام عليكم ورحمة الله وبركاته نصيحه مني من قلب كوالالمبور الآن. 1. السواقين المسجلين بالمنتدى أي واحد يتكلم عربي غالي جدا .بسبب كثرة السياح العرب. حصل معي موقف صلاح الدين اتفقت معه من كوالا إلى بينانغ بالسيارة 350 رنجت ومسجل كلامه بالوتس آب وأول ماوصلت مارد على الوتس كلامته من جوال ماليزي وقلت له اسمي وتذكر ورفع السعر إلى 600 معي اني والله متفق معه وإرسالت له مقطع صوته مجرد استقلال بلا ذمة هم مال فقط . 2. المطاعم العربيه غاليه جدا خاصه بالجزر ومنها مطعم بآب الحاره بلنكاوي 3. الأماكن السياحية غاليه جدا صن وأي 150 الجو حار جدا من وجهتي نظري اندونسيا هي الخيار الافضل في الوقت الحالي تقبلووووووو تحياتي ونصيحة من مجرب |
اندونيسيا مليانه بسبب الرخص وماليزيا خياراتها افضل بكثير واجمل وبلد متطور جداا عكس اندونيسيا للاسف استغلاليين ولايوجد فيها ما يحتاجه السايح |
اهلين اخوي وشكرا لذكر تجربتك والله اشوف ما في داعي للتنسيق مع السواقين والله التطبيقات الذكية توفير كبير من البرجين الى المطار 65 رينجت وبعض الاحيان 80 رينجت الى الان لي شهر في ماليزيا ما دخلت مطعم عربي ومستمتع بالمطاعم الهندية والماليزية والعالمية ومطاعم الفندق الاماكن السياحية بالفعل الاسعار مرتفعة بالنسبة للطقس .. طبيعي انو حار لانها بلد استوائي بس على فكرة الحرارة ما تتجاوز 33 الحمدلله المدينة المنورة امس 48 لطفك يا رب |
اهلين وسهلين فيك غريب اللي احصله يبحث عن احد يتكلم عربي الأغلبيه تحصلهم يستغلونكـ لا ترتبط مع احد اطلاقاً التكاسي كثيره امام الفنادق وتقدر تتعامل مع اي شخص بالنسبة للمطاعم في ماليزيا وخاصه العربيه الأكل الحمد لله والشكر والسعر 400% دبل بالنسبة لي اعتزلت شرق اسيا نهائياً اجواء متعبة اكل متعب جدا جداً انا رايح انبسط مو اتعذب |
لا زيزا وبس:24: اولا الجو معروف ماليزيا حر وخصوصا الاشهر ذي مع نهاية سبتمبر وبداية اكتوبر يتحسن الجو وتزيد الامطار اما السواقين طبعا غاليين لازم تكاسر خصوصا وقت الصيف كله مدبل ومطعم باب الحارة في لنكاوي ماقد مر علي افضل المطاعم العربية فيها والمجربة من اعضاء المنتدى مطعم السلطان قريب من ذا دانا ومطعم الفيشاوي في مجمع الفيري السن واي لاقون غالية لو اخدتها مع الفندق باقة المرح توفر كثييييير انا ماكان عندي نية لها لكن شفت زيادة على سعر الغرفة 150 ريال وبيعطونا تذاكر لي ولزوجي ولاولادي الاثنين قلت يابلاش واخدتها تخيل لو اخدت تذاكر من الملاهي نفسها تطلع540 ريال وانا اخدتها ب150 توفير كبير ماشاء الله ورحلة سعيدة للجميع يارب:e306: |
ان شاء الله جاينك ي هاي مزمز السبت ✈ |
اقتباس:
ماشاء الله عليك كم مره رحت لماليزيا الله يمتعك فيها بس ممكن سؤال وش حببك فيها لهدرجه |
شكرا لك على ذكر ملاحظاتك كل شيء مفيد للمسافر سواء كانت نقاط ايجابية او سلبية. |
اقتباس:
فعلا نفس الشيء ولقيت سائقين أتفقت معهم أرخص والي بعد يغث يفرض عليك جدول من رأسه والأماكن الي يبيها |
وعليكم السلام ورحمة الله وبركاااااااااتة شُكراً لذكر تجربتك , اتفق معاك في الاماكن السياحية صارت غالية بعض الشي ولكن مقارنة بدولنا فاعتبرها ممتازة جداً ... الجو معروف الجو حار نسبياً , وماليزيا واندونيسيا نفس الشي في الجو باستثناء المرتفعات باردة ------------------------------------ لماذا مملكة ماليزيا رائعة http://2.bp.blogspot.com/-3jtGAUyRvx...aysiaFinal.jpg 1- الشعب الماليزي طيب جداً 2- الطبيعه الخلابه نهر موجود شلال موجود خضار موجود مطر موجود بحر موجود 3- الاماكن السياحية الرائعه 4-المولات الجميله وفيها 3 مولات من اكبر المولات في العالم 5- الراحه النفسيه العجيبه سبحان الله 6- الجزر الجميله الرائعه مثل ريدانج ,ولنكاوي واحده من افضل عشر جزر في العالم , جزيرة بينانج , جزيرة بانكور الجميله ,جزيرة برهنتيان , جزر ولاية صباح وغيرها من الجزر التي لاتعد وتحصى 7- المرتفعات الرائعه مثل جنتغ هايلاند وهولندا الشرق كاميرون هايلاند , بوكيت تينجي ,فريزر هيل , 8- المساجد الجميله وفيها افضل المساجد في العالم من حيث التصميم الهندسي الرائع. 9 الفنادق الرائعه بإسعار منافسة جداً 10 تمتلك شبكة طرق رائعه جداً 11 الامن والامان 12-بلد اسلامي 13-بلد يناسب العوائل والشباب 14-توفر مطاعم الحلال والحمدلله |
ماليزيا جميلة ورائعة وتناسب العائلة والأطفال يتمتعوا كثير بالفعاليات الموجودة فيها أرى أن ماليزيا اختيار ممتاز خصوصاً في هذه الأوقات والظروف التي نراها ونسمعها في كثير من البلدان ...بالنسبة لموضوع التكاسي نعم هناك استغلال لكن تطبيقات جراب واوبر ممتازة ومريحة جداً ولا فيها استغلال ...بالنسبة للأجواء أيضاً كما ذكروا الشباب هي استوائية وهذا اللي محليها كيف نتخيل يكون جو فيه برودة ونبغى استمتاع بالبحر والشاطئ والجزر ودرجة الحرارة في ماليزيا مناسبة جداً بالنسبة للمطاعم العربية العام الماضي ما دخلت ولا مطعم عربي والسفر ان شاء الله الأسبوع القادم وأيضاً ماعندي نيه إني ازور أي مطعم عربي وأغلب الردود في الاستفسارات من الشباب وأنا شخصياً كنا ننصح بعدم زيارتها للاستغلال الموجود فيها وجودة الطعام ليست عالية الأماكن السياحية فيها زيادة ولكن تضل أفضل من عندنا بكثير وشوف مثلاً كدزانيا في كوالا وفي الخليج قارن رسوم الدخول أما بالنسبة للصن واي فتقريباً من العام الماضي بنفس السعر والشخص اللي متأكد من جدوله وبرنامجه ممكن يأخذها بسعر أقل من موقع اسيا ترفل في النهاية يظل السفر متعه ومكان يجد الإنسان فيه راحته وقد يختلف هذا الأمر من شخص لآخر |
اقتباس:
|
اقتباس:
الغريبة اني من كم يوم سكنت فندق الصن واي ريزورت وكان عندهم مكتب للالعاب المائية للصن واي واخذتها لي وزوجتي وثلاث اولاد حوالي 700 وزيادة وماسمعت عن باقة المرح ولاحتى قالوا لي والله ذبحونا بهالتذاكر كل مكان له تذاكر حتى الحمام الله يكرمك بعض الاحيان بفلوس |
اقتباس:
عالعموم اهم شي انبسطو الاولاد وكل شي يهون عند فرحتهم الله يحفظهم :e304: |
اقتباس:
واعتقد المطعم الماليزي اللي تبحث عنه يقولوا انه قفل على كلام موظف في الفندق بعد ما بحث في قوقل اقتباس:
زيزا ادمان وجوابي تجدينه في ردود الاخوة والاخوات الكرام ابو عمر .. عبدالله .. عاشقة لنكاوي |
اقتباس:
اهاااااا تصدقين على كثر ماقريت توي اشوفها او اقصد توي اعرف بالمعلومة :7: |
| الساعة الآن 04:03 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO