|
احتاج الى خبرتكم السلام عليكم ورحمة الله وبركاته كيف حالكم يااعضاء المنتدى هاذي اول مشاركه لي في هاذا المنتدى الجميل احتاج الى خبرتكم في ماليزيا طبعن ابي اروح لها بس مو الحين بعد 6 شهور والتخطيط من بدري كويس بس محتار بين ماليزيا وسريلإنكار حنا 6 شباب ودنا بسفره تكون حلوه واقتصادية ميزانيتنا 26 الف تقريبا ايش أكثر تناسب الميزانيه سريلانكا ولا ماليزيا مع اننا نفضل ماليزيا لأنها تجمع العالم الحديث باجواء حلوه ايش رايكم ياخبراء ماليزيا تكفي 26 الف 6 شباب مع طياران ومصروف وكل شي لمدة 10 ايام |
عليكم السلام سيريلانكا أرخص من ماليزيا بكثير ... ولكن ماليزيا متطوره سياحيا بشكل كبير .. بهذا المبلغ انا اشوف اندونيسيا افضل من ماليزيا .. رغبتكم وماراح يقصرون معك الخبراء :72: |
والله ياخوي ماليزيا هي الأفضل بينهم بلا منازع لكن الميزانية المطروحة لايمكن تكفي 10 أيام لماليزيا حتى في سريلانكا ماعتقد هالمبلغ يكفيكم أكثر من إسبوع تذاكر وفنادق وسكن ومواصلات وأكل وطلعات لستة شباب بهالمبلغ مستحيل!! |
اقتباس:
|
اقتباس:
|
اقتباس:
وشيك على أغودا غالباً يكون أرخص ويحسب لك شامل كل الضرايب وأنا ماتعامل إلا معاه ماقدر أحدد لك ميزانية ثابتة لأن كل واحد وسعر تذكرته وإختياراته في الفنادق ورغبته وإنتو ماشاء الله ستة شباب حنا عايلة من 3 كبار و3 صغار وبنحجز غرفتين كونتكتد أو شقة مثلاً بنصرف حوالي 55 ألف تقريباً ممكن تزيد أو تنقص لمدة 14 ليلة شاملة كل شي لكن في ناس تروح وتصرف أقل وفيه ناس تصرف أكثر حسب سعر التذكرة ومستوى الفنادق المختارة والأكل إذا كان فاست فود أو غيره يعني حسب توقعاتي كل شخص فيكم يحتاج مالايقل عن 8 آلاف ريال شاملة كل شي وبعد ممكن تزيد أو تنقص والله يكتب لكم رحلة موفقة سعيدة بإذن الله |
احتاج الى خبرتكم ماليزيا و لا غيرها و الميزانية تكفيك ان شاء الله بس يبي لك تكتيك معين مثل تدور من الان ارخص طيران و تحجز عليه و السكن تستعين بخبير جرب الشقق المفروشة و تبتعد عن الفنادق قدر الامكان و التنقلات تستأجر سيارة اليوم ب 150 رنجت تكفيكم و أي استفسارات حاضرين Sent from my iPhone using Tapatalk |
الله يسهلك امرك |
انا شايفة ان المبلغ ممكن يكون كافي لماليزيا لو اعتمدتو خيارات اقتصادية للفنادق وبعدتو عن المطاعم العربية :) واكيد من غير تسوق في اول زيارة لماليزيا كنا 5 أشخاص وكلفتنا حوالي 26 ألف ريال كوالالمبور مع لنكاوي رغم انه الفندق في كوالالمبور ما كان اقتصادي. وكل تحركاتنا بالتاكسي او سيارة مع سائق .. والوجبات في مطاعم مع تسوق كمان لمدة 11 يوم انت ابحث عن التاريخ الأنسب لسعر التذاكر، اختار الطيران الأرخص والفنادق المعقولة وممكن تتجه لموقع Airbnb لتلاقي سكن يكفيكم جميعا بسعر أقل من غرفتين أو تلاتة في الفنادق . وبنفس الوقت قارنها مع سريلانكا وشوف. انا برأيي ماليزيا خيار |
اقتباس:
|
من الآن شف اسعار تذاكر الطيران وبعدها تقدر تخطط على السكن وابتعد عن المطاعم العربية قدر الامكان البيوت الشبابية ممكن تكون خيار اقتصادي ولكن لا أدري عن مواقعها في ماليزيا واذا متوفرة هل هي قريبة من المناطق الحيوية تذكر دائما التخطيط المبكر يوفر عليك مبالغ كبيرة أتمنى لكم التوفيق |
اقتباس:
اقتباس:
لو قلنا مخطط مبدئي كما ذكرت 10 ايام اي لديك 9 ليالي 1 ليلة كوالا 3 ليالي لنكاوي 2 كاميرون 3 ليالي كوالا اذا جينا للتذاكر انتم 6 في اوقات العروض تستطيع الحصول على التذكرة بحدود 2000 ريال تزيد او تنقص قليلا يعني 2000 * 6 = 12000 فنادق اقتصادية او شقق تحتاج غرفتين وتكون المساحة كبيرة او متوسطة لو قلنا بحدود 400 ريال 400 * 2 * 9 = 7200 ريال ذهاب وعودة كاميرون بالباص بحدود 70 للشخص 70 * 6 = ريال420 ذهاب وعودة لنكاوي طيران الشخص بحدود 200 ريال 200 * 6 = 1200 ريال المجموع الان 20820 ريال المتبقي 12180 ريال من 33000 كما ذكرت بقي لك التنقل داخل لنكاوي وكاميرون وهذه ليست مكلفة تاخذون تاكسي بالساعة للاماكن الي تحبون تزورونها الساعة بحدود 25 رنجت في كوالا تستخدمون المونوريل والاكل والشرب يكون مطاعم باسعار معقولة لانه ممكن تتعشون كلكم ب 100 رنجت وومكن تتعشون ب 1000 رنجت ماذا بقي ؟ بقي تذاكر الدخول للاماكن التي ستزورونها وهذا يعتمد عليكم انتم حابين تزوروا كم مكان وتجنب الاماكن المكلفة فاشوف المبلغ كافي وممكن يبقى منه لكن يحتاج حسن ادارة وحزم من قبل مدير الميزانية:1: فلا يستجيب لكل الطلبات طبعا ما ذكرته انا هذا مثال بسيط وانت ممكن تلقى طيران ارخص وفنادق ممكن تختار ارخص فتوفر اكثر وتوازن الامور تحياتي |
| الساعة الآن 12:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO