|
فنادقي اقتصاديه ورخيييصه..رأيكم فيها ياخبراء.. السلام عليكم بعد ماعرضت عليكم جدول المكتب السياحي وبالاجماااع قلتوا ان الفنادق سيئه. حاولت اعتمد ع نفسي وابحث في المنتدى هنا وفي بوكينغ المهمه كانت صعبه نوعاً ما .. لان شروطي قاسيه 1-احنا 2 كبار و3 اطفال ابي اطفالي في غرفة مستقله لكن اغلب الفنادق ماتضمن الكونكتد رومز لين توصل ذاك اليوم ويشوفون التوفر وهذي مغامره .فأنا ابحث عن غرفتين وصاله اضمن لي واريح نفسي ان عيالي معاي. 2- ميزانيتي الليله ب 650 ريال للشقه ! 3- نظافه ومرتبه وموقع زين 4- افطار 5- الغاء مجاني ( ما احد يعرف عن الظروف) صارت خياراتي نوعاً ما محدوده في ظل الشروط السابقه وحمدلله حجزت لكن لازم اشاوركم لو كان واحد منهم مره سيء اكنسل عادي اولاً: سيلانقور ذا رويال بينتانغ ذا كورف الليله ب 456 ريال متوفره فيها جميع الشروط من الغاء مجاني افطار مجاني غرفتين نوم مستقله ثانياً: بينانغ فندق ذا لايت سيبيرانغ جايا الليله 484 ريال الغاء مجاني افطار مجاني لكن غرفتين كونكتد لاني لما اخترت 4 اشخاص طلعت كل ال4 اسره في غرفه وحده ثالثاً: كوالالمبور أجنحة امباسادور راو الفندقيه من لانسون بليس الليله 603 ريال الغاء مجاني واغطار مجاني وشقة بغرفتين مستقله معليش ماعرفت احط روابطهم بس كتبت الاسم بالضبط مثل ماهو في بوكينغ للي يبي يشوف موقعه كويس ولا لا ويخدمني ماعرف الاحياء ولا الاماكن الزينه... السؤال الثاني: رأيكم في استخدام أوبر للتنقل اليومي السؤال الثالث: هل تنصحوني اخذ شريحة للاتصال ولاتكفي شريحة النت الي بحطها في الهواوي؟ ماراح اكلم احد هناك بس زوجي لو طلع او شي.. وشكرا لكم مقدما |
فندق سيلانجور جيد و موقعه جيد. فندق بينانغ بعيد و خارج جزيرة بينانغ فالافضل تغييره و افضل منطقه في بينانغ هي باتو فرينجي. فندق كوالا جيد لكن موقعه بعيد عن المناطق الحيويه، فالافضل البحث عن غيره و في كوالا الخيارات كثيره، فمثلاً شقق E&O ، او شقق بارك رويال، شقق اسكوت، موندو... و غيرها الكثير و انصح اما منطقه شارع العرب او منطقة البرجين يلي هي المثلث الذهبي. بالنسبه للشريحه فالافضل استخراج واحده تكفي للضروره. |
وعليكم السلام اخوي تركي ماقصر جزاه الله خير ثمة ملاحظة بسيطة فندق بينانغ فخم وجميل وسعره رائع وجديد ماكمل سنتين بس مشكلته بعيد كل البعد عن أفضل منطقتين للسكن 1- باتو فرينجي 2- تانجونغ بونغاه اذا ماعندك مشكله في البعد فالفدق جميل http://www.arabtrvl.com/up/uploads/a...1124376611.png شاهدي المسافة من الفندق الى باتو فرينجي |
اقتباس:
زوجي مايبي الصخب والازدحام فأحتمال اغير فندق بينانج فقط اما كوالا راح اخليه للاسباب التاليه بالنسبة لأي اند او شقه بغرفتين نوم وفطور والغاء مجاني917 ريال اما اسكوت ماعندهم الغاء مجاني بارك رويال 1005 ريال وبدون الغاء مجاني موندو سعرهم جميل بس تعليقات النزلاء مرعبه جدا من ناحية النظافه |
اقتباس:
طيب ممكن ترشحون لي واحد من هالفنادق منتجع فندق وسكن ذا غارني منتجع شاطيء ذا باي ڤيو |
باي فيو بيتش خيار جيد و في هوليدي ان جيد ايضاً. |
اقتباس:
|
باي فيو جيد من كل النواحي كل شي قريب منه صح الفندق مو جديد لكن نظيف وشراشف السرير نظيفة والغرف واسعة لو ناسبك السعر توكلي على الله |
بالنسبه لكوالا شوفي فندق THE FACE SUITS هو بجنب فريدزر الفندق جديد وخيارات الغرف موجوده واسعاره جميله وانصحك تحجزيه عن طريق المسافر مش بوكينق بس مشكلته بدون افطار وراح اكون في الفندق يوم ٢٨ اوغست والله يقدم الي فيه الخير انا محد نصحني فيه بس قراءتي المبدائيه للموقع والقرب من المراكز الحيويه يعني يمكن ٣ دقايق بالتكسي الى البرجين وتقيمه في بوكينق ٩.١ يعني ان شاء الله بيكون كويس والله يوفقك بس تنويه مشكلة تطبيق المسافر حاجه وحده انو تحجزي عن طريق التطبيق بس الالغاء لازم تتصلي على رقمهم المجاني وتلغي من عندهم تحياتي |
اقتباس:
المسبح خرافي يذكرني بفندق مارينا باي،ساندس |
| الساعة الآن 04:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO