|
استفسارات متعدده ..مختصره.. مهمه جداً لي السلام عليكم عذراً ع الازعاج.. لكن بقي 5 ايام ع السفر وتعبت وانا ادور بين المواضيع وادون وقبل لا اجزم الامر لااازم استشيركم.. 1-بروح احول فلوسي في البطحاء. بعضهم نصحني بالتحويل للدولار؟؟ رأيكم احول للدولار ولا على طول رينقت؟ 2- جوالاتنا السعوديه بتشتغل في ماليزيا؟ باخذ بس شريحة نت مابي شريحة اتصال ماراح اكلم احد . 3- من سيلانقور الى بينانج كم ساعه؟ ابي باص كيف اعرف احسن شركة ومن وين احجز؟؟ 4- ابي اشتري هديه لامي وابوي شي مميز من فضلكم. 5-شي تنصحوني اخذه من السعوديه ادويه معينه او اكل معين او اوراق مهمه شي تنصحوني اسويه بما ان في حياتي ماقد سافرت وممكن يغيب عن بالي شااااكره لكم فزعتكم معاي في رحلتي صدق صدق اشغلتكم كل يوم موضوع بس الله لايحرمكم اجر المساعده |
وعليكم السلام ورحمة الله وبركاته بالنسبة للتحويل على طول حولي رنجت أو المبلغ بالريال السعودي خذيه معك هناك مافي داعي للتحويل للدولار الجوالات نعم تشتغل ولكن عليك بالاتصال بالشركة للتأكد من تفعيل التجوال الدولي من سلانجور إلى بينانج تقريباً حدود الأربع ساعات تنقص أو تزيد قليلاً وأفضل شركة باصات إيرو لاين والأفضل حجزها من موقعهم على النت تفادي لعدم وجود مقعد وموقف الباصات أمام البرايميد من جهة بوابة العاب الصن واي بالنسبة للهدايا هذا ما أقدر أحدد وهذا يعتمد على أهتمامهم بشي معين وميولهم له أو خليها من خلال التسوق راح تشوفين أشياء ممكن تعجبك وتاخذيها لهم بالنسبة للأشياء المهمة طبعاً الأوراق حجوزاتكم مافيه من الاوراق شي مهم غيرها وبالنسبة للأدوية إذا معكم أطفال مضاد وخافض حرارة للأحتياط وبالنسبة أيضاً للكبار حسب الحالة الصحية ويفضل البنادول وبعض المسكنات أيضاً كريمات واقية من الشمس وكريمات للبعوض وموجودة هناك أيضاً أما بالنسبة للأكل فما أشوف فيه لزوم سوى القهوة العربية وأدواتها إذا انتوا من عشاقها أيضاً يفضل الاحتفاظ بصور من الجوازات على ملف في ايميلك الشخصي ومعه نسخة من الحجوزات رحلة سعيدة بإذن الله |
موقع باصات إيرو لاين https://www.aeroline.com.sg/وللعلم يوجد باصات غيرها ولكن ايرو لاين من أفضلها ويوجد أيضاً سيارات خاصة تاكسي مثلاً لكن الباص أوفر طبعاً معدل المسافة من 4.5 إلى 5 ساعات بالنسبة للباص |
احسن الله اليك ماقصرت ( أحب الناس إلى الله أنفعهم للناس، وأحب الأعمال إلى الله سرور تدخله على مسلم تكشف عنه كربة أو تقضي له دينا أو تطرد عنه جوعا، ولأن أمشي مع أخ في حاجة أحب إلي من أن أعتكف في هذا المسجد، يعني مسجد المدينة شهرا، ومن كظم غيظه ولو شاء أن يمضيه أمضاه ملأ الله قلبه يوم القيامة رضى، ومن مشى مع أخيه في حاجة حتى يقضيها له ثبت الله قدميه يوم تزل الأقدام.) |
اقتباس:
الله ييسر أمركم |
الجوازات يتم تسجيلها من خلال تطبيق وزارة الخارجية وهذي خدمه ممتازه والفلوس اصرفوا من السعوديه حق المصاريف حسب العائله لان الطيران والفنادق اكيد حاجزينهم قبل عني انا صرفت ٦٠٠٠ ريال من السعوديه والتنقلات افضل شي التطبيقات واسعارهم ارخص بكثير من التكاسي انا استخدمت اوبر والله يسهل دربكم ويسعدكم |
الصرف أفضل رنقت ماله داعي الدولار أنا صرفت مبلغ الرحلة كامل والهدايا بالبطاقة أريح الأذوية خذت شنطة الاسعافات الأولية وأضف المضاد وكريمات واقيه للشمس وبندول ومقياس الحرارة وفيتامين سي وخذت القهوة العربية لاني مااستغني عنها وبطارية شحن متنقلة كبيره ومظلات للمطر صغيره ومعمول وخبز توست وجبن شيدر مانستغني عنه بالفطورر ولاول يوم وصلنا كنا دايخين وناموا أخواني ونفعني والله النت اشوف أفضل تطلعين شريحه من هناك وخذي معك هواوي أرخص من التجوال الدولي وبالنسبة للمكالمات اذا شريحتك stc فيه عندهم اشتراك ب 100 ريال لدول شرق اسيا 30 دقيقة مكالمات استقبال 30 دقيقة مكالمات اتصال 30 رسالة نصية ..استقبال وارسال أنا اشتركت علشان البنك ماراح تجي رسائل لك وانتي بالخارج وموبايلي عندهم عرض بس ماأعرض كيف |
الفلوس زي ماقالوا حوليها لرنجت كامل الميزانيه افضل وخلي بالفيزا مبلغ هدايا امك وابوك الله يخليهم لك ع حسب ممكن الوالده شنطه والوالد عود وشوكليت وممكن تضيفي ع حسب مايحبوا للاحتياط حطي بشنطة يدك صور للجوازات تفادي لمشكلة ضياع الشنط او وحده منها وزعي الملابس بين الشنط كل شنطه فيها كم غيار لكل شخص الادويه خذي مضاد للكبار واذا فيه اطفال وهستوب للحساسيه وخافض حراره وبندول وحبوب للدوار وحبوب للمعده اشوفها جدددا ضروريه لان ممكن احد ينمغص من اكل او شي واشوف انك تاخذي الادويه معاك بالطياره افضل للطوارئ معلبات سناكات بخاخ طارد للبعوض عبايه احتياط شنطه خفيفه عشان التسوق هذا اللي يحضرني الان وممكن تطلعي ع موضوعي شنطة سفرك ممكن يفيدك تروحي وترجعيلنا بتقرير دسسسسسسم:(3): :(3): |
لا انصح ب الدولار ابدا في ماليزيا تحويل على طول الى رينجت او يتم التحويل من عملة بلدك الى رينجت عند وصولك الى ماليزيا سعر المطار يكون اغلى من خرج المطار يفضل من البلد اللى انت فيه و الباقي حوله عندما تحتاج :e303: |
الأفضل التحويل من السعودية |
| الساعة الآن 01:37 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO