|
اقتراحاتكم لبرنامج 11 يوم في ماليزيا بسرعة وللي مجرب السلام عليكم ورحمة الله وبركاته، يسعد مساكم وابارك لكم عيد الاضحى المبارك اعاده الله علينا وعليكم وعلى الامة الإسلامية بالخير والبركات انا مسافر ماليزيا يوم 15 سبتمبر يعني بعد اربع ايام واحتاج مساعدتكم بترتيب برنامج على كيفكم مع العلم انه اول مرة ازور فيها ماليزيا واللغة لكم عليها شوي وعدد الاشخاص انا وزوجتي( متزوجين حديثا). خطتي الحالية هي: 2 يومين في بوتراجايا فندق ذا ايفرلي (16-18) سبتمبر 4 ايام في بينانغ منتجع غولدن ساندز باي شانغريلا (18-22) سبتمبر 5 ايام في كوالالمبور فندق اسكوت كوالالمبور (22-27) سبتمبر هذه خطتي: ولكن محتار ايش الاماكن اللي ازورها وكيف ترتيبها بالايام ووش الافضل مع العلم انه ما ابي اماكن فيها لخبطة وتعري وما إلى ذلك احتاج إلى اماكن فيها هدوء ورومانسية وتصلح للمتزوجين المحافظين. المطاعم اللي تنصحوني فيها يا ليت بعد اللي يعرف يكتبها لي. وجزى الله خير كل من مر على الموضوع واضاف له اي اضافة وبارك الله بالجميع. بانتظار ردودكم وكل عام وانتم بخير |
عليكم السلام اول شي الف مبروووووووك الزواج والله يوفقكم ويسعدكم انت عريس وحذفت من جدولك اهم شي في ماليزيا لنكاوي لازم تزورها اقترح عليك تعدل في جدول ويصير 2 سيلانجور 3 لنكاوي 3 بينانج 3 كوالا اذا اعتمدة الجدول راح يعطوك الخبراء الفعلايات بالتفصيل اتمنى لك سفرة سعيدة |
اقتباس:
بينك وبينك كان ودي اروح لها بس ما احب التنقلات الكثيرة عشان كدا خليت برنامج المعتمد بعدين ما اقدر اعدل الحجوزات لأن كلها عن طريق البوكينغ وجميعها غير مسترجعة في حال الحجز. يعني خلاص هذا برنامج والتعديل عليها بيلزم مصاريف اكثر عشان كدا صعب. برنامج مثل ما قلت لك 2سلانجور، 4 بينانغ، 5 كوالالمبور. |
اتمنى من المشرفين نقل الموضوع لقسم استفسارات ماليزيا للتفاعل مع الموضوع. |
رحلة سعيدة اقتباس:
اتمنالك كل التوفيق برحلتك ان شاء الله لكن لنكاوي تستحق الزيارة و 7 ايام لسلنجور وكوالا ...كان خليت يومين للنكاوي ....يالله بالتوفيق اخي الكريم |
اولاً مبروك الزواج، ثانياً اذا تقدر تغير اول فندق لان الموقع لك عليه الافضل السكن في سيلانجور في فندق الصنواي او البيراميد. اذا ما تقدر فجدولك يكون كالاتي: ٢ بوتراجايا اول يوم جوله في المدينه مع جوله بالكروز مع التوجه لاقرب مول و العشاء هناك، اليوم الثاني الذهاب الى العاب الصنواي لاقون المائيه و بعدها ممكن زياره اي ستي بعد المغرب، ممكن استبدال الالعاب المائيه بمجمع الماينز و جوله في البحيره من داخل المجمع. ٤ بينانج: اهم المعالم هناك هضبه بينانج، حديقه القرود، مصنع الشوكولاته و القهوه، البيت المقلوب، حديقة الفراشات، حديقه التوابل، حديقة الفواكه، فعاليات على شاطئ باتو فرينجي، مجمع قورني بلازا، مجمع كوينسبي. المطاعم متوفره بكثره على شاطئ باتو فرينجي و لكن النظافه متدنيه نوعاً ما، أنصح بمطعم عمر الخيام و لبنان و ماكدونالدز. سعر الجوله بالتاكسي من ٢٥ الى ٣٠ رنجت بالساعه. ٥ كوالا: اهم المعالم البرجين التوأم، حديقه البرجين، مجمع سورايا، شارع العرب، مول البافليون، حدائق بردانا من ضمنها حديقة الطيور جميله جداً، زياره جنتنج للاستمتاع بالتلفريك و الاجواء المنعشه، زياره القريه الفرنسيه على طريق جنتنج، مناره كوالا، المطعم الدوار في المناره، مجمع التايمز سكوير و يعتبر افضل مجمع للتسوق، مجمع ميد فالي مجمع ضخم و جميل، حديقه نياقرا للحيوانات، بحيره تيتي وانجسا، شلالات تمبلر بارك، الباص السياحي جميل و يلف على جميع معالم كوالا. المطاعم متوفره بكثره و أنصح بمطعم قصر حضرموت، مطعم طاجن في شارع العرب و مطعم الطربوش، مطعم القمر في البافليون و هو افخم و أنظف مطعم تقريباً. بالأضافه للمطاعم الاخرى من الوجبات السريعه و المطاعم الأجنبيه. |
شكراً لك اخوي تركي Turki1407 مشكلتي الوحيدة هي التنقلات بين هذه الفعاليات انا اخذت بعض ارقام السواقين السؤال هل يغنوني عن شركات السياحية، لأن ما ودي اسافر واقعد بالفنادق اريد جولات سياحية وعند اللغة تعبانة شوي، عشان كدا فكرت بالشركات السياحية تعملي برنامج وتخصصي سواق خاص مع سيارة فهل تنصحوني اتنقل مع السواقين او اعتمد على احدى الشركات السياحية لعمل البرنامج التنقلات شكراً لك وللجميع وسفرتي اليوم امل اعطائي بعض النصائح، اخوكم اول مرة يسافر ماليزيا وساكون متابع الموضوع عن طريق الجوال. بالتوفيق للجميع |
التنقلات اخوي الامر سهل بين كوالا وبينانج ممكن تروح بالطيارة او الباص وممكن حجزهم من الانترنت والتنقلات الداخلية عندك تطبيق اوبر وجراب فقط تحدد مكانك والوجهه والسائق يجي لين عندك وياخذك للمكان الي حددته وبارخص الاسعار تحياتي |
ما انصحك بصراحة بالشركات فالغالب يكون سعرها مرتفع مقارنه بالتكاسي. الافضل اخذ تاكسي من الموجودين في المنتدى و تتفق معه بحيث الساعه ما تتعدى ٣٠ رنجت هذا بالنسبه لبينانج. انا كوالا فتطبيق اوبر او جراب يحل لك كل المشاكل، و لا تشيل هم اللغه فالامور سهله بإذن الله و رحلة سعيده ان شاء الله. اي سؤال حاضرين. |
| الساعة الآن 05:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO