|
هل أبدأ حجز الفنادق؟؟؟ صبحكم الله بالخير وكل عام وإنتو بخير وصحة وسلامة الحمد لله اللي وفقني وحجزت تذاكر الطيران أخيراً الخطوط المختارة هي الإتحاد اللي باجربها لأول مرة وبصراحة سمعت إن تخصصهم تضييع الشنط وخفت :20: اللي عنده تجربة مع الإتحاد يفيدني بالنسبة لهالنقطة وشلون أتعامل معاها وبعد ودي أعرف هل السفر معاهم مريح من ناحية الخدمة والمقاعد و و و ؟؟؟ والسؤال الرئيسي كالتالي: السفر بيكون بمشيئة الله في 20 يناير يعني بعد أربع شهور هل أبدأ بحجز الفنادق من الحين أم أنتظر شهر أو شهرين يمكن تنزل الأسعار؟؟؟ مع العلم إن المدة بتكون إسبوعين 13 ليلة وجيكت أسعار الفنادق المختارة طلعت بحدود 1150 دينار بحريني لعدد غرفتين في كل فندق عدا كوالا شقة بغرفتين هل يعتبر السعر مناسب مقارنة بالمدة؟؟؟ أو أنتظر بس الخوف إن الأسعار ترتفع ماتنزل :e419: |
اقتباس:
عليكم السلام ورحمه الله وبركاته وكل عام وانت بخير عيد مبارك بخصوص طيران الاتحاد طيران جيد يمدحه كثير ويذمه قليل لم اجربه ولكن سمعته طيبه اما تضيع شنط ربما حاله شاده اغلب طيران يضيع شنط ولكن بمستويات و سافر وانت مطمن وتوكل على الله دام حاجز كنت سانصحك بالقطرية او امارتية بالنسبه لسوالك ثاني يفضل حجز فنادق مبكر لانه اسعار ترتفع بالتدريج مع قر ب موعد سفرك وايضا تحجز حجز الغاء مجاني تحسبا لظروف لاسمح الله وايضا تقدر تلغي الحجز باي وقت وتحجز بسعر افضل من موقع ثاني او نفسه مع الايام . وكذلك انصحك بمقارنة اسعار فنادق في عده مواقع بخصوص مبلغ الحجز اراه مناسبا لكن تقدر تحصل فنادق ارخص احجز الان احتياطيا لكن اقرا شروط الحجز افضل يكون الغاء مجاني اتمنى اكون قد اجبتك على استفسارتك |
الافضل الحجز من الأن مع خاصيه الالغاء المجاني. لأن بعض الفنادق تعمل خصومات مفاجئه فممكن تلغوا القديم و تحجزوا من جديد. و وقت سفركم يصادف الاجازات الصينيه فممكن الاسعار ما تنزل كثير. بالنسبه للطيران فسمعة الخطوط ممتازه من ناحية الراحة اما الشنط فإن شاء الله الامور تتيسر. |
كل عام وانتم بخير السعر مناسب ... بس تابعي مواقع الحجز .. انا كنت حاجز بسعر 2500 في ايبوه ونزل 1800 وقدرت اعدل لان الالغاء مجاني حالات ضياع الشنط واردة وقليلة ودائما تصير في رحلات الترانزيت اللي لم اجربها طيلة حياتي .. (انصحك بحمل شنطة صغيرة في الطيارة فيها ملابس لاول يومين لكل افراد عائلتك وخاصة الاطفال في حال حصل شي وانشاء الله مايصير شي) |
طيران الإتحاد أبوظبي من أجمل الخطوط حول العالم.. أنا طلعت معاهم في 2013 رحلة هونق كونق بصراحة ولا غلطة طيران فخم خدمة و تعامل شي راقي جدآ أفضل من الاماراتية بكثير.. حتا مطار أبوظبي فخم في كل شي.. بس العيب الوحيد في طيران الإتحاد هو الترانزايت من 4 ساعات وفوق .؟؟ أهنيك ع الأختيار ورحلة سعيدة |
طيران الاتحاد ممتاز جدا وموضوع الشناط لا تخاف ما فيه ضياع للشنط حالات نادرة الضياع وممكن تحط لك لاصق فيه اسمك ورقم جوالك والوجهه زيادة احتياط اذا تحب الاسعار احجز من الان مسترد وقبلها بشهر ممكن تراجع الاسعار واذا لقيت شي ارخص ممكن تغير الحجز او ممكن تلقى عروض افضل غير مسترد |
طيران الاتحاد ممتاز جدا وموضوع الشناط لا تخاف ما فيه ضياع للشنط حالات نادرة الضياع وممكن تحط لك لاصق فيه اسمك ورقم جوالك والوجهه زيادة احتياط اذا تحب الاسعار احجز من الان مسترد وقبلها بشهر ممكن تراجع الاسعار واذا لقيت شي ارخص ممكن تغير الحجز او ممكن تلقى عروض افضل غير مسترد |
بيبي فيس ماليزيا كمان مرة :) ؟ الله يتممها بخير وتستمتعوا أكتر من كل مرة يا رب طيران الاتحاد ما جربته لكنه من أفضل خطوط الطيران في المنطقة - و توكلي على الله بخصوص الشنط بتكون صارت مع شخص وحب يهوّل الأمور .. يعني انا سافرت مع خطوط سيئة بمعنى الكلمة وما ضيعوا الشنط - طالما فترة الترانزيت معقولة فما تخافي.. حجز الفنادق طبعا احجزي free cancellation وتابعي الأسعار .. ولو انه متل ما قالوا لك شهر يناير صعب تنزل الأسعار عشان راس السنة الصينية (الله أعلم أي حيوان هالمرة هههههه ) |
اقتباس:
أشكرك على الإفادة أخوي القطرية ممتازة وماعليها كلام لكن الأسعار :e11d: الإماراتية كطيران وأناقة وراحة وترفيه ممتاااااازة لكن لي عليها تحفظ وبصراحة كرهني فيها السنة اللي طافت رحت ماليزيا عالإماراتية وكانت معاي بنتي الصغيرة الله يحفظها وكان عمرها تسع شهور ماااااااااتت من الصياح وكنت أبي أعطيها مصاصتها من شنطتي فوق وبدون مبالغة تمت تصيح نص ساعة والطيارة واقفة ولا وحدة من المضيفات خلتني آخذ هالمصاصة ووقتها ركبنا أربع رحلات ولا مضيفة إبتسمت لنا وتعاملهم كان بنفس خايسة عكس تعاملهم مع الأجانب اللي مثلهم ترى هذي راي كل اللي معاي مب أنا بروحي كان معاي زوجي وعيالي وأختي وزوجها وعيالها وأمي الله يحفظها والكل طلع من هالرحلة مستاء منهم أما بالنسبة للحجز أنا دايماً أحجز غير مسترد لأنه يطلع أرخص بوايد مب فرق قليل |
اقتباس:
مشكور أخوي ماقصرت مثل ماذكرت أنا دايماً أحجز غير مسترد صحيح تكون مغامرة لأن ممكن تتكنسل السفرة تحت أي ظرف لكني أتركها لله وأحجز غير مسترد لأن فرق السعر يكون كبير ويسوى |
اقتباس:
أنا حجوزاتي دايماً غير مستردة بسبب فرق السعر فأغامر وأحجز غير مسترد وبالنسبة لموضوع ضياع الشنط والله صرت فعلاً أحاتي وأخاف أتعرض لهالموقف معاي يهال صغار يعني مادري شباسوي إذا حطوني بهالموقف وأنا صبري قليل ماعتقد باطلع من المطار قبل ماشرشحهم وأبرد قلبي بس إن شاء الله ماحتاج |
اقتباس:
الله يطمنك ويفرح قلبك مثل مافرحتني إن شاء الله تكون تجربتي معاهم سعيدة فعلاً الترانزيت في الذهاب 3 ساعات والعودة 4 ساعات يلا إن شاء الله تمر على خير ومايعذبوني اليهال الله يحفظهم |
اقتباس:
فكرت في هالشي إني أحط لاصق لكني أحتاج الشنط وقت السفر تحديداً معاي يهال ومابي أتغربل معاهم وبالنسبة للحجز فأنا وحدة ما أحجز إلا غير مسترد بسبب فرق السعر وأخليها على الله مشكووووور أخوي على الإفادة |
اقتباس:
حبيبتي يادينا نورتيني أختي وكالعادة سباقة ماليزيا هالمرة بتكون السادسة بإذن الله :18: عارفة إن الحجز المسترد أضمن بس ياختي أنا أغامر وأحجز دايماً غير مسترد أقارن الأسعار وألاقي االفرق كبير ويستحق المغامرة أنا أغلب سفراتي لماليزيا بنفس التوقيت راس السنة الصينية |
الافضل الحجز من الأن مع خاصيه الالغاء المجاني الله يوفقكم ويحفطكم بس اهم شي بين فتره و فتره تشوفي الحجوزات يمكن فيها تعديل للسعار :3: |
هلا وغلا انا جربت الاتحاد مرتين مرة لتايلند 2009 ومرة لماليزيا 2013 الطيران حلو والطيارات حديثة والكراسي وسيعة اهم شي والحمد لله شنطنا وصلت معانا انا عادة لما نسلم الشنط اتأكد واشوف بعيني لما يحط كل الليبل على الشنط وتمشي على السير يالله ارتاح وامشي احجزي فنادق الحين وفيها الغاء مجاني وان حصلتي ارخص احجزي الجديد والغي القديم هذه لعبتي المفضلة كل سفرة متابعة الأسعار وصدقتي فيه فرق كبير بالحجوزات الغير مستردة فيها توفير والاسعار تكون حلوة وايد بس ما عمري جازفت فيها مع ان كل سفراتي مؤكدة توكلي على الله وان شاء الله سفرة سعيدة اختك / قصة |
| الساعة الآن 10:10 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO