|
المساعده في رحلتي إلى ماليزيا (شهر عسل) السلام عليكم ورحمه الله وبركاته أشكر هذا المنتدى الرائع والمرجع المهم للمسافرين العرب على المعلومات والإفاده للزوار والقراء أنا الحمد لله حجزت إلى ماليزيا ورتبت الرحلة الدولية والرحلات الداخلية والفنادق ودفعت كل شيء باقي بس ترتيب الأماكن والأنشطة اللي ازورها إن شاء الله رحلتي إلى ماليزيا يوم 1 نوفمبر اكون في ماليزيا الساعة 10 ص والعودة 11 نوفمبر جدول المدن ليلة في كوالالمبور للراحة (1-2 نوفمبر) (اوصلها 10 ص وقت الرحلة الداخلية إلى لنكاوي 6:25 م ) 3 ليالي لنكاوي (2-5 نوفمبر) (أوصلها 7:25 م وقت الرحلة الداخلية إلى بينانغ 9:55 ص ) 4 ليالي بينانغ (5-9 نوفمبر) ( أوصلها 10:00 ص وقت الرحلة الداخلية إلى كوالالمبور 8:10 م) ليلتين في كوالالمبور (9-11 نوفمبر ) (أوصلها 9:10 م وقت مغادرة ماليزيا 7:20 م ) * أقصد بوقت الرحلة الداخلية هو مغادرتي من المدينة الحالية إلى المدينة التالية ومن الترتيب يظهر لي لنكاوي مظلومه حيث اني اوصلها متأخر في المساء وبيوم المغادرة أغادرها الصباح بدري حسب ماهو واضح لديكم من المده وحسب كل مدينة وش تنصحوني فيه من ناحيه زيارة الأماكن السياحية في كل مدينة أنا جمعت أماكن كثيره وطبعت اوراق وجداول رحلات لماليزيا لكن بالنهاية اندوش راسي ماني عارف ارتب شي ولاني عارف انه المكان هذا يستحق أو لا وكم المده اللي تستحق لكل مكان وهل أقدر ازور اكثر من مكان بنفس اليوم ؟؟ يعني من قرأتي عرفت انه رحلة المانقروف راح تاخذ 3 ساعات على أقل تقدير ولاتنسوني من اقتراحات المطاعم لكل مدينة نقطة ثانية : ناوي استخدم تطبيق أوبر وقراب للتنقل داخل كوالالمبور وبينانغ لنكاوي أتوقع مافيها ؟ واذا في ارقام سائقين ارخص مانستغني آآآآآخر نقطة : بالنسبة للمصروف ناوي أخذ كاش معي تقريباً 4000 رينقت (هل يعتبر كافي) والإحتياط يكون في بطاقة الصراف و الفيزا نستخدمها عند الحاجة في الأماكن الموثوقه آخر نقطة :17: في حال طلب الفندق مبلغ تأمين هل ادفع كاش او استخدم الفيزا ؟؟؟ وعطوني نصائح عامة ملاحظة : ممكن تشوفون اسئلتي عادية ولاتستحق السؤال لكن انا لا أملك أي معلومة ولم يسبق لي السفر . وشاكر لكم وأعتذر عن الإطاله |
اهلا اخوي ببدا من حيث النهاية 4000 ماتكفي خد زيادة حتى لو سعودي وحول هناك بس تجنب التحويل في لنكاوي والمطارات غالي التامين كاش وانت طالع من عندهم تاخده معاك او فيزا ممكن يتاخر كثير الكاش افضل في كوالالمبور وبينانج البرامج تغني عن السواقين في اغلب الاحيان ماعدا المشاوير البعيدة ممكن تاخد سواق بالساعة اما لنكاوي اليوم كنت مع سواق اسمه مراد ماليزي طيب جدا وخلوق وكبير في السن من افضل السواقين اللي شفتهم والساعة ب20 رنجنت ارخص سعر شفته ويستاهل اكثر مااعرف عادي احط رقمه في المنتدى او لا 0125167485 ورحله سعيدة يارب:e032: |
اقتباس:
تحياتي |
تروح وترجع بالسلامة أخوي ماليزيا هاذي أعتبرها ديرتي :7: |
اقتباس:
لا تنسون تجربون البارشوت الامان ...وضعته في احد ردودي في المنتدى جرب حديقة الحيوانات ... و التماسيح ...الفواكة ... اذا تقدر تزيد يوم على لنكاوي زيد ...بنظري هي الاجمل...و الاكثر رومنسية ... |
اقتباس:
ماشاء الله الأخت عاشقة لنكاوي عطتك المفيد والله قالت كل اللي فكرت أقوله |
| الساعة الآن 08:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO